Monday, August 30, 2010

၎ နှစ် နှင့် ၅၂၈ + ၁

လွန်ခဲ့တဲ့ ၄-နှစ် ...
၂၀၀၆ ခုနှစ် သြဂုတ် ၃၀ ရက်နေ့မှာ ဘလော့ကို ကြောင်ဆိုးလေး ဂါးဖီးနဲ့ စဖွင့်ဖြစ်ခဲ့တယ်။

ဘာရယ်မဟုတ်ပါဘူး၊ ကိုယ့်ရှေ့က ဘလော့လုပ်သူတွေကို ကြည့်ပြီး အားကျလို့ … ပြီးတော့ ကိုယ်ရေးချင်တဲ့ စာတွေကို လွတ်လွတ်လပ်လပ် ရေးချင်လို့ … မလုပ်တတ်ဘဲ စမ်းလုပ်ကြည့်ရင်း ဘလော့ကို စွဲသွားပြီး ဘလော့ထဲမှာ ပျော်ဝင် … ဘလော့ကမ္ဘာမှာ ကျင်လည် … ဒီလိုနဲ့ ၄ နှစ်တောင် ကြာသွားပါပကော … ။ အချိန်တွေကုန်တာ မြန်လွန်းတယ်၊ တကယ်ကို ဘာမှ မကြာလိုက်သလိုပဲ။ အဖြစ်အပျက်တွေက ခုထိ လတ်ဆတ်နေတုန်း နွေးထွေးနေတုန်း ပြန်တွေးရင် သွေးပူတုန်း ... ။
ဒီကနေ့ ... ၄-နှစ်ပြည့်ပြီဆိုတော့ လျှောက်ခဲ့တဲ့ လမ်းမှာ မှတ်မှတ်ရရ ဖြစ်ခဲ့တာလေးတွေကို လည်ပြန် လှည့်ကြည့်မိတယ်။

ဒီပို့စ်က ဘလော့တွေ ပိတ်ခံရရင် … လို့ တွေးမိပြီး ရေးဖြစ်ခဲ့တဲ့ ပို့စ်လေးပါ။ အဲဒီတုန်းကတော့ ကိုယ့်ဘလော့ရဲ့ အနာဂတ် တနည်းအားဖြင့် ကိုယ့်ရဲ့ အနာဂတ်ကို ကိုယ်တိုင် မသိခဲ့မိဘူး။

လွတ်လပ်မှုကို မြတ်နိုးနှစ်သက်တဲ့ ကျမက လွတ်လပ်ရေးနေ့ အမှတ်တရအဖြစ် ဒီပို့စ် ရေးခဲ့ဖူးတယ်။

မေဓာဝီ ဆိုတဲ့ကလောင်နာမည် ယူဖြစ်ပုံကို ဒီပို့စ်မှာ ရေးထားခဲ့တယ်။

မေဓာဝီ မဖြစ်ခင် တခြားကလောင်အမည်နဲ့ မဂ္ဂဇင်းမှာ ရေးခဲ့စဉ်တုန်းက … ဒီဝတ္ထုလေးကို ကိုယ်တိုင် သဘောကျ နှစ်သက်ခဲ့ဖူးတယ်။ (စာမူခ ၃၀၀ ကျပ် ကြီးများတောင် ရခဲ့တာ။)

အဲဒီတုန်းက နေရာတကာ ဆရာသိပ်လုပ်မိတာပဲ။ ပြောခံရလဲ အမှတ်မရှိ။ ခုတော့ လက်ကို ပြန် ဘရိတ်အုပ်ထားပါတယ်။ (ဒါပေမဲ့ နည်းနည်းပါ၊)

လူတွေကို ငြီးငွေ့... အင်တာနက်ကို ငြီးငွေ့ပြီး တနေရာရာကို သွားချင်တုန်းက ဒီပို့စ်လေး ရေးဖြစ်ခဲ့တယ်။ ကြာတော့သည်လဲ ... ကြာခဲ့ပြီဆိုပါတော့လေ။

ဒီလိုနဲ့ မေဓာဝီတယောက် ဘလော့နာလဲ ကျခဲ့ဖူးရဲ့။

ကွန်မန့်အများဆုံးရတဲ့ ပို့စ်။ မင်းသားနဲ့ လုပ်စားတယ် ပြောလဲ ပြောချင်စရာပေါ့လေ။ ခုထိလဲ ဂူဂဲလ် search engine မှာ ဒီပို့စ်ကတဆင့် ရောက်လာနေကြတုန်း။

ဒီပို့စ်နဲ့ ကျမဘ၀ တစိတ်တဒေသ ပြောင်းလဲခဲ့တယ်လို့ ဆိုရမလား မသိ။

ဒါကတော့ နောက်ဆက်တွဲ အဆဲခံဖို့ ဖြစ်လာစေတဲ့ ပို့စ်ပါ။ အဲဒီတုန်းက ဆဲတဲ့ ကွန်မန့်တွေကို မဖျက်ခဲ့ပေမဲ့ ဆဲတဲ့စကားလုံးကြီးနဲ့ ရှာပြီး ရောက်ရောက်လာတတ်လို့ နောက်တော့ ဖျက်လိုက်တယ်။ ဒါလဲ ရောက်လာကြတုန်းပဲ။

ဒီလိုနဲ့ မေဓာဝီတယောက် မွေးဌာနေကို ခွဲခွါပြီး ဘိလပ်မြေကြီးမှာ ပညာတွေ အိုးနင်းခွက်နင်း သင်ယူရင်း မိသားစုရဲ့ တားမြစ်ချက်နဲ့ ဘလော့ကို ၆-လလောက် ရပ်နားခဲ့ရပြန်တယ်။ ဒါက မနားခင် နှုတ်ဆက်တဲ့ ပို့စ်လေး ဆိုပါတော့။

နောက်တော့လဲ ဟိုလိုလို ဒီလိုလိုနဲ့ ပြန်ရေးဖြစ်ခဲ့တယ်။ ပြန်ရေးဖြစ်အောင် စေ့ဆော်တာက ဒီကိစ္စကြောင့်ပါ။

အဲဒီပို့စ်တင်လိုက်တော့ အကိုတယောက်ကပြောတယ်။ မေဓာဝီ စာတွေက လမ်းဘေးက ကျောက်ခဲတွေပဲ၊ စိန်ရွှေရတနာတွေမှ မဟုတ်တာ၊ ဘယ်သူခိုးမှာလဲတဲ့။ ဟုတ်တယ် ... ကျမကလဲ ကျောက်ခဲလေးပဲ ဖြစ်ချင်သူပါ။ ဖိတ်ဖိတ်လက် မှန်ခန်းထဲမှာ ၀ယ်သူကို ငံ့လင့်နေတဲ့ တန်ဖိုးကြီး စိန်တပွင့်ထက် ကမ်းခြေရေမတိုက်စားအောင် ချထားတဲ့ ပင်လယ်ကမ်းစပ်က ကျောက်ခဲလေးဖြစ်ဖြစ် လူတကာနင်းဖို့ ခင်းထားတဲ့ လမ်းပေါ်က ကျောက်ခဲလေးဖြစ်ဖြစ် ... အဲဒီလို အသုံးဝင်တဲ့ ကျောက်တခဲသာ ဖြစ်ချင်ခဲ့တာပါ။

ကျောက်ခဲတလုံးလို လိမ့်နေရင်း ၃-နှစ် ပြည့်ခဲ့ပြန်တယ်။ အဲဒီတုန်းက ရှေ့ဆက်ရမလား ရပ်လိုက်ရမလား တွေဝေခဲ့မိသေးတယ်။ စာမေးပွဲနီးရင် ရပ်လိုက်၊ စာမေးပွဲပြီးတော့ ဆက်လိုက် ဒီလိုပဲ ကြိုကြားကြိုကြား ဆက်သွားဖို့ ဆုံးဖြတ်ခဲ့တယ်။ ယတိပြတ် သံယောဇဉ်မှ မဖြတ်နိုင်သေးဘဲ။

ခု ... ဒီနေ့ဆို ၄-နှစ်ပေါ့။ လှည့်ကြည့်ရတာလဲ လည်ပင်းတွေ ညောင်းသွားပြီ။ ရေးခဲ့ တင်ခဲ့တဲ့ ပို့စ် စုစုပေါင်း ၅၂၈၊ ဒီပို့စ်နဲ့ပါဆို ၅၂၈ + ၁ ပေါ့။ ၄ နှစ်အတွင်း ပို့စ် ၅၀၀ ကျော် တင်ခဲ့တယ်၊ ကိုယ်တိုင်ရေးရော နှစ်သက်ရာရာတွေရော ဆိုပါတော့။ ဒီပို့စ်တွေကို အမြဲလာရောက် ဖတ်ရှုသူတွေ၊ တခါတလေ လာရောက် ဖတ်ရှုသူတွေ၊ မတော်တဆ လာရောက် လည်ပတ်သူတွေ၊ မှတ်ချက်ချီးမြှင့်ပေးသူတွေ အားလုံးအားလုံးကို ကျေးဇူး အများကြီးတင်ပါတယ်။ စာရေးတာကို အသွေးအသားထဲက ၀ါသနာပါတဲ့အလျောက် ဘာပဲဖြစ်နေနေ ရေးနေအုံးမှာပါပဲ။

ကျမစာတွေဟာ အဖိုးတန် စိန်တပွင့်မဖြစ်သလို စိန်တပွင့်အဖြစ်ကိုလဲ မမျှော်လင့်ပါဘူး၊ လမ်းပေါ်က အသုံးဝင်တဲ့ ကျောက်ခဲလေးတလုံး အဖြစ်ကိုသာ ပိုမိုနှစ်သက် မြတ်နိုးစွာနဲ့ မေဓာဝီ စာတွေရေးနေပါဦးမယ်။
***
မေတ္တာဖြင့် ...
မေဓာဝီ
၃၀၊ သြဂုတ်၊ ၂၀၁၀
၂၃း၅၀ နာရီ

Read More...

Friday, August 27, 2010

အပြောင်း vs. အလဲ

အကြောင်းရှိလို့
ပြောင်းကြည့်တယ်။
မြဲမြံအောင်
လဲပြန်တယ်။
မပြောင်းရင် မလဲ
ပြောင်းမှ လဲတော့
လဲရင်း ပြောင်း
လောင်းရင်း ပြဲ
အလဲလဲ အပြိုပြို
အလိုလို ပြုတ်ပြီး
အလုပ်တွေ ပြို
နေညိုချိန် တိမ်တောက်
နောက်ဆုံးအချိန်ရောက်မှ
ခပ်ကြောက်ကြောက်နဲ့
အောက်ကိုငုံ့ကြည့်
အ၀ီစိပါလား
ဘုရား … ဘုရား … ။
***
ရေးသူ - အမည်မသိ
၂၇၊ သြဂုတ်၊ ၂၀၁၀
၂၀း၃၅ နာရီ

Read More...

Thursday, August 26, 2010

ဒဏ်ရာရ ၀လုံး

လမ်းခုလတ်မှာ
မကြာခဏ
ဒဏ်ရာတွေရခဲ့ပေမဲ့ …

ဝမ်းနည်းဖို့လည်း
အသည်းမရှိတော့ …

ငိုကြွေးဖို့အတွက်
မျက်ရည်မရှိတော့ …

နာကြည်းဖို့ရာ
ဝေဒနာမရှိတော့ …

ဒဏ်၏ အရာ
အချိန်ကြာလို့
အသားမာတက်တာလား …

မျှော်လင့်ချက် ပျက်သုဉ်း
အရှုံးများစွာ ကြုံရလို့
ထုံအ သွားတာလား …

အမှားတွေ အမျိုးမျိုး
အဆိုးတွေ အများများ
အားလုံးကို မေ့ပစ်
နေ့အသစ်က ပြန်စ
ဝလုံးလေး ဘ၀ကို
တဖန်ပြန် ရချင်ရဲ့
ဒါပေမဲ့ …

ဒဏ်ရာရ ၀လုံး
အရှုံးနဲ့ ညစ်ပေ
အပြစ်တွေ တလှေကြီးနဲ့
ရှေ့ခရီးကို ဆက်လှမ်းဖို့
မျက်ကန်းတယောက်ပမာ
တွေဝေစွာနဲ့ … ။ … ။
***
မေဓာဝီ
၂၆၊ သြဂုတ်၊ ၂၀၁၀
၁၀း၁၀ နာရီ

Read More...

Wednesday, August 25, 2010

မေတ္တာ …

ဒီကနေ့ဟာ ၀ါခေါင်လပြည့် မေတ္တာအခါတော်နေ့ ဖြစ်ပါတယ်။ မေတ္တာအခါတော်နေ့ကို ရည်ရွယ်ပြီး မေတ္တာနဲ့ ပတ်သက်တဲ့ ပို့စ်လေးတွေ ရှေ့ရှေ့နှစ်တွေတုန်းက တင်ခဲ့ဖူးပါတယ်၊ ဒီတခါတော့ ဆရာတော် အရှင်ဇနကာဘိဝံသရဲ့ ကိုယ်ကျင့်အဘိဓမ္မာထဲမှာပါတဲ့ မေတ္တာအကြောင်းလေးကို ကောက်နုတ်ပြီး မေတ္တာအခါတော်နေ့ အထိမ်းအမှတ်အဖြစ် ဘလော့မှာ ဖော်ပြလိုက်ပါတယ်။
***
မေတ္တာအကြောင်း

မေတ္တာဟူသော အမည်နာမဖြင့် စေတသိက် သီးခြား မရှိချေ။ အဒေါသ စေတသိက်ကိုပင် သတ္တ၀ါများ၏ စီးပွါးချမ်းသာ လိုလားချစ်ခင်ရာ၌ မေတ္တာဟု ခေါ်ဝေါ်ရပေသည်။ ထို့ကြောင့် “မှတ်ယူချစ်ငြား - မေတ္တာပွါး၍” ဟု ဆိုခဲ့သည်။ သို့ဖြစ်၍ တယောက်ယောက်အပေါ်ဝယ် သူ၏ အကျိုးစီးပွါးကို လိုလားသော (ကြီးပွါးအောင် စောင့်ရှောက် ကူညီလိုသော) ချစ်ခင်မှုကို မေတ္တာဟု မှတ်ပါ။

မေတ္တာအတု
ဆွေချစ် မျိုးချစ် သမီးခင်ပွန်းချစ် စသော အချစ်များလည်း တယောက်အကျိုး တယောက်လိုလားကြ၊ ကူညီစောင့်ရှောက်လို ထောက်ပံ့လိုကြ၏။ ထိုကဲ့သို့ ချစ်နေသူအပေါ်၌ “မေတ္တာရှိသည်” ဟုလည်း ပြောဆိုကြသည်။ သို့သော် ထိုအချစ်မျိုးမှာ မေတ္တာအစစ် မဟုတ်၊ လောဘခန်း၌ ပြခဲ့သော “ဂေဟဿိတ ပေမ = အိမ်၌မှီသော အချစ်” တည်း။

နွားမကြီး၏ မေတ္တာ
ထိုတဏှာပေမမျိုးဖြင့် ချစ်ခင်နေသူ၏ အပေါ်မှာ “မည်သည့်အခါမျှ မေတ္တာအစစ် ကုသိုလ်စိတ် မဖြစ်နိုင်” ဟု မဆိုထိုက်ပါ။ မကြာမကြာ မေတ္တာအစစ် ကုသိုလ်ဖြစ်သောအခါလည်း ရှိနိုင်ပါသည်။ ရှေးသောအခါ မိခင်နွားမကြီးသည် မေတ္တာအစစ်ဖြင့် သားငယ် နွားကလေးကို နို့ချိုတိုက်ကျွေးနေစဉ် မုဆိုးက လှံဖြင့် ထိုးသတ်လေရာ မေတ္တာတန်ခိုးကြောင့် လှံမစူးဘဲ ထန်းရွက်ကဲ့သို့ ပျော့ကျသွားလေသတဲ့။ ဤသို့လျှင် ဆွေမျိုးဉာတိ သားအမိ ဇနီးမောင်နှံတို့၏ အတွင်းမှာလည်း အချင်းချင်း မေတ္တာအစစ်များ ဖြစ်နိုင်ကြပေသည်။

သာမာဝတီ၏ မေတ္တာ
ကောသမ္ဗီပြည် ဥတေနမင်းဝယ် သာမာဝတီ၊ မာဂဏ္ဍီ၊ ၀ါသုလဒတ္တဒေ၀ီ ဟု မိဖုရား ၃ ယောက်ရှိသည်။ သာမာဝတီသည် ရတနာသုံးပါးကို ကြည်ညို၏။ မာဂဏ္ဍီကား မိဖုရားမဖြစ်ခင် အပျိုစင်ဘ၀ကပင် ဘုရားရှင်အပေါ်မှာ ရန်ငြိုးထားခဲ့သော ပုဏ္ဏေးမကလေးတည်း။ ထို့ကြောင့် မာဂဏ္ဍီသည် သာမာဝတီအပေါ် အမြဲအပြစ်ရှာ၏။ သာမာဝတီကား မေတ္တာတရား အထူးပွါးများနေသူ ဖြစ်သည်။ ဥတေနမင်းသည် မိဖုရား သုံးယောက်တို့၏ အဆောင်ဝယ် တလှည့်စီ စံစားကာ စောင်းတီးဝါသနာပါသော ဘုရင်တဦးတည်း။

အခါတပါး၌ သာမာဝတီအထံ အဆောင်တော်ကူးရန်နီးလေသော် မဂဏ္ဍီသည် သူ၏ ဘထွေးထံ အဆိပ်ပြင်းသော မြွေကိုမှာ၍ အဆိပ်ကိုဖြေစေလျက် စောင်းခွက်အတွင်းသို့ သွင်းထားလေသည်။ ထို့နောက် အပေါက်ကို ပန်းကုံးဖြင့် ပိတ်ဆို့ထားပြီးမှ ဘုရင့်ထံသွား၍ အိပ်မက်ရာမက် မကောင်းသောကြောင့် သာမာဝတီအဆောင် မကူးဖို့ရန် မိန်းမတို့ ပင်ကိုယ်ဉာဏ်ဖြင့် သံတော်ဦးတင်လေသော် ဘုရင်က ဂရုမစိုက်ဘဲ သာမာဝတီ၏ အဆောင်သို့ ကူးသွားလေရာ စိတ်မချသည့်ဟန်ဖြင့် နောက်က အတင်းလိုက်သွားလေသည်။

အဆောင်တော်ရောက်၍ ဆက်သသော ပွဲတော်ကို တည်ပြီးနောက် သလွန်ပေါ်၍ လျောင်းသည့်အခါ မယောင်မလည်နှင့် သူပိတ်ဆို့ထားသော ပန်းကုံးကို နုတ်လိုက်လေသည်။ ထိုအခါ ထည့်ထားသော မြွေသည် အလွန်စိတ်ဆိုးနေရကား ရှူးခနဲ ထွက်ခါ ဘုရင့်ဦးခေါင်း အနီးသို့ ရောက်လာလေသော် အလွန်ထိတ်လန့် စိုးရိမ်ဟန်ဖြင့် ရှင်ဘုရင်ကိုပြ၍ သာမာဝတီနှင့် မောင်းမတစုကို ကြိမ်းမောင်းပြီးလျှင် ရှင်ဘုရင်ကိုလည်း သူ့စကားကို နားမထောင်သဖြင့် ယခုလိုဖြစ်ရသည်ဟု အပြစ်တင်လေသည်။

ဥတေနမင်းကား မာဂဏ္ဍီစီစဉ်သမျှကို လုံးဝနားမလည်ခြင်းကြောင့် လွန်စွာထိတ်လန့်၍ ရာဇမာန်ရှလေရကား “မင်းတို့ မျက်စောင်း အကြောင်းမရွေး” တော့ဘဲ ကိုင်နေကျ လေးကိုတင်ကာ သာမာဝတီတို့ အစုကို စီတန်းစေလျက် ပစ်ဖို့ရန် ကြိမ်းဝါးနေတုန်းမှာပင် သူတော်စင် ထိပ်ထားလေးက သူ၏ မောင်းမမိဿံများကို သြ၀ါဒပေးသည်မှာ
“အမိတို့ … မောင်တော်မင်းမြတ်နှင့် မာဂဏ္ဍီတို့ အပေါ်မှာ အနည်းငယ်မျှ စိတ်မကွက်ကြနဲ့နော်၊ ယခုလို အခါမျိုးမှာ မေတ္တာမှတပါး အားကိုးစရာ မရှိပေဘူး၊ အမိတို့ ပွါးများနေကျဖြစ်သော မေတ္တာကိုသာ မောင်တော်နှင့် မာဂဏ္ဍီတို့အပေါ်မှာ ကြိုးစား၍ ပွါးများကြပါ”

ဤသို့ တိုက်တွန်းလေလျှင် ပင်ကို ယဉ်ကျေးပြီးသော မောင်းမများဖြစ်သည့်အတွက် နီးကပ်သော အသက်ဘေးကို အရေးတကြီး မစဉ်းစားဘဲ မေတ္တာကိုသာ ပွါးကြလေသည်။ ဥတေနမင်းကား အမျက်မပြေနိုင်သေးသဖြင့် ချိန်ရွယ်ထားသော မြားကို တအားကုန် လွှတ်လိုက်လေရာ မေတ္တာတန်ခိုးကြောင့် မြားအရှိန်ရှေ့မတိုးဘဲ ပစ်သူ့အထံ မြားပြန်၍ ခ,လေသော် ဥတေနမင်း သတိရ၍ မိဖုရားခြေရင်း၌ထိုင်ကာ သည်းခံဖို့ရန် တောင်းပန်ရှာလေသည်။

ဝတ္ထုမှတ်ချက်
မာဂဏ္ဍီမှာ သာမာဝတီ၏အပေါ်၌ ကိုယ့်ထက်သာ၍ မနာလိုသော ဣဿာစိတ်၊ ပရိယာယ်ဉာဏ်ဆင်ရသော မာယာစိတ်၊ သေစေလိုသော ဒေါသစိတ်များဖြစ်၏။ ဥတေနမင်း၌ မြွေကို မြင်သည်ကစ၍ ဒေါသစိတ်မွှန်ကာ မြားပြန်လာသောအခါကျမှ လွန်စွာကြောက်ရွံ့သော ဒေါသ ဒေါမနဿစိတ်များ ဖြစ်ရပြန်သည်။ မောင်းမအများနှင့်တကွ သာမာဝတီထိပ်ထားကား ရန်သူ့အပေါ်၌ပင် မေတ္တာစိတ် ထားနိုင်ပေသည်။

နည်းယူဖွယ်
ယခုကာလ သူတော်ကောင်းအမြင့်တန်းကို မှန်းထားရင်း ရှိသူများမှာလည်း သာမာဝတီထိပ်ထား၏ ထုံးကို နှလုံးသွင်းလျက် မိမိအပေါ်မှာ မတော်မတရား ဣဿာ မစ္ဆရိယ များသူများကိုပင် အတုံ့ပြန်၍ ရန်မမူမိစေဘဲ မိမိစိတ်ကိုသာ ကောင်းသည်ထက် ကောင်းအောင် ပြုပြင်ကြပါ။ အကျိုးဆောင်ခွင့်ကြုံလာလျှင် မိမိကို မလိုလားသူ၏ အကျိုးကိုပင် စိတ်ပါလက်ပါဆောင်လျက် အဖိုးတန်လှစွာသော မေတ္တာလက်နက်ကို အချက်ကျကျ သုံးစွဲသင့်ပါသည်။ ထိုသို့ သုံးစွဲနိုင်မှသာလျှင် ပါရမီရှင်ဟု ထင်မြင်နိုင်ပါသည်။

မေတ္တာသည် ရေနှင့်တူ၏၊ ဒေါသသည် မီးနှင့်တူ၏၊ ရေများလေ မီးငြိမ်းလေ။ ထို့ကြောင့် ဒေါသနည်းအောင် မေတ္တာတိုးပွါးဖို့ ကြိုးစားသင့်ကြပါသည်။
(အရှင်ဇနကာဘိဝံသ - ကိုယ်ကျင့်အဘိဓမ္မာ)
***
ငယ်ငယ်က ဆရာဦးမြသောင်းရဲ့ မေတ္တာဗြူဟာ အသင်းမှာ ရာသက်ပန် အသင်းဝင်ထားပြီး တနင်္ဂနွေနေ့တိုင်း စုပေါင်းမေတ္တာပွါးပွဲကို သွားလိုက် မေတ္တာအခါတော်နေ့ ကျင်းပတဲ့အခါ အသံမစဲ မေတ္တာပွါးလိုက်နဲ့ မေတ္တာတွေ များစွာ ပွါးခဲ့ပေမဲ့ ခုထိလည်း ဒေါသက ကြီးနေမိတုန်းပါပဲ။ ကြုံရင် ကြုံသလို ဥပုသ်သီတင်း စောင့်တဲ့အခါတိုင်း မေတ္တာသဟဂတေန ဆိုပြီး မေတ္တာခြံရံတဲ့ ကိုးပါးသီလ ဥပုသ် စောင့်ခဲ့ပေမဲ့လည်း ဒေါသကို မပယ်သတ်နိုင်သေးပါဘူး။ ဘာပဲဖြစ်ဖြစ် ရေများရေနိုင် မီးများမီးနိုင် ဆိုတာကြောင့် မီးအပူ နည်းလိုနည်းငြား ဒီနှစ် မေတ္တာအခါတော်နေ့မှာလည်း ကိုးပါးသီလ ဥပုသ်စောင့်ဖို့ ဆုံးဖြတ်ပြီး ဒေါသတွေ တဖြည်းဖြည်း လျော့နည်းစေဖို့ သတ္တ၀ါအားလုံးအပေါ် တပြေးညီ မေတ္တာထားနိုင်ဖို့ ကြိုးစားနေပါကြောင်း … ။

မေတ္တာဖြင့် ...

မေဓာဝီ
၂၅၊ သြဂုတ်၊ ၂၀၁၀
ဝါခေါင်လပြည့်
မေတ္တာအခါတော်နေ့
နံနက် ၅ နာရီ ၁၀ မိနစ်

မေတ္တာနှင့် ပတ်သက်၍ ရေးခဲ့သမျှ ...

Read More...

Sunday, August 22, 2010

မွေးနေ့ အလှူ ...

၂၁၊ သြဂုတ်၊ ၂၀၁၀ စနေနေ့။

ဘာမင်ဂန် ဘုန်းကြီးကျောင်းမှာ မွေးနေ့ အထိမ်းအမှတ်အနေနဲ့ လုပ်ဖြစ်ခဲ့တဲ့ အလှူ မှတ်တမ်း။

မွေးနေ့ မွေးရက် တိုက်ဆိုင်တဲ့နှစ်မှာ တိုက်တိုက်ဆိုင်ဆိုင် အလှူပြုဖြစ်ခဲ့တယ်။

ဆွမ်းဟင်းစုံလင် မစားခင်

ချိုချဉ်ရသာ စားစရာ ...

သံဃာတော်မြတ် ဆွမ်းဆက်ကပ်

ပရိတ်တရား ချီးမြှင့်ပွါး


ဧည့်ပရိသတ် စုံလင်လျက်

စားမည် သောက်မည် တန်းလို့စီ

ထ ထမင်းပွဲ လက်ဆုံနွှဲ

ဘိုးဘိုး ဘွားဘွား ဖြည်းဖြည်းစား

သားသား မီးမီး တအားတီး

တရားရေအေး အမြိုက်ဆေး
အလှူပွဲအတွက် တပတ်လောက်ကြိုတင် အလုပ်များခဲ့တယ်။ တယောက်ထဲ ဖြည်းဖြည်းချင်း ချက်ပြုတ် လုပ်ကိုင်ခဲ့ရပေမဲ့ တကယ့်အလှူနေ့မှာတော့ တယောက်တလက် ကူညီလုပ်ကိုင်ပေးကြတဲ့အပြင် လှူဖွယ်စားဖွယ် အမျိုးမျိုး ယူလာကြတာကြောင့် အလှူပွဲကလေး ပိုပြီးမြိုင်ဆိုင်စည်ကားခဲ့ပါတယ်။

ဘာမင်ဂန် ဆရာတော် ဦးဥတ္တရဉာဏက ဗုဒ္ဓဘာသာဝင်တိုင်း သိသင့်တဲ့ "အနှစ်လေးပါး တရားတော်" နဲ့ ဓမ္မစကြာထဲက သစ္စဉာဏ် ကိစ္စဉာဏ် ကတဉာဏ်တို့ကို ဟောကြားခဲ့ပါတယ်။

အားလုံးဝိုင်းဝန်းကူညီကြလို့ အဆင်ပြေပြေ ပြုလုပ်နိုင်ခဲ့တဲ့ မနေ့က အလှူပွဲရဲ့ ကုသိုလ်ကောင်းမှု အဖို့ဘာဂကို ဘလော့ဖတ်သူများအား အမျှပေးဝေငှပါတယ်။

အမေနဲ့ အဖေကို အဝေးကနေ ရည်မှန်းကန်တော့ရင်း ... အလှူပွဲဖြစ်မြောက်အောင် စီစဉ်ပေးတဲ့ ဦးရီးတော်၊ အလုပ်က ခွင့်ယူပြီး လာကူလုပ်ပေးတဲ့ ချစ်လှစွာသော အမ၊ ဘာမင်ဂန်ကျောင်းမှာ သီတင်းသုံးနေကြတဲ့ သံဃာတော်များ၊ ဆွေမျိုးမိတ်သင်္ဂဟများ၊ ကြွရောက်လာတဲ့ ဧည့်သည်များ အားလုံးနဲ့ မွေးနေ့အတွက် ဆုတောင်းပေးကြသူများ အားလုံးကို ကျေးဇူးတင်ပါကြောင်း မှတ်တမ်းတင်လိုက်ပါတယ်။
***
မေဓာဝီ
၂၂၊ သြဂုတ်၊ ၂၀၁၀
နံနက် ၅း၅၅ နာရီ

Read More...

Saturday, August 21, 2010

ဆက်လက် ရွေ့ ...

အဲဒီနေ့က
လက်ထဲမှာဗလာ
ခေါင်းထဲမှာဗလာ
ရင်ထဲမှာဗလာ
မျက်ရည်များစွာနဲ့ ငိုကြွေးရင်း
ဟင်းလင်းပြင် ချောက်ထဲ
တယောက်ထဲ ရောက်လာခဲ့တယ်။

နွေးထွေးတဲ့ လက်
အကြင်နာ မျက်လုံး
နှစ်လိုဖွယ် အပြုံးတွေက
ဆီးကြိုကြပါရဲ့
ဒီလိုနဲ့ … ။

လိုရင်ငို မြှူရင်ရယ်
လောကကြီးအလယ်မှာ
ဒေါသတခါ… သဘောကျတလှည့်
သူ… ကြီးပြင်းခဲ့ရ
အဲဒီနေ့က စလို့ပေါ့ … ။

တနေ့ပြီး တနေ့
တရွေ့ရွေ့ကျန်ရစ်
တနှစ်ပြီး တနှစ်ပြောင်း
အသစ်မှ အဟောင်းဖြစ်
ပြန်ဆန်းစစ်ကြည့်ချိန်မှာတော့
စိတ်ခန္ဓာနှစ်ခုလုံးလည်း
အပြစ်တွေဖုံးလို့ပါလား … ။

အောင်မြင်ခြင်း … ကျရှုံးခြင်းများ
ပျော်ရွှင်ခြင်း … ၀မ်းနည်းခြင်းများ
မြင့်မားခြင်း … နိမ့်ပါးခြင်းများ
အဖန်ဖန်ခံစားလျက်
အပွေးတက်နေတဲ့ နှလုံးသားမှာ
ခါးသီးမှုများစွာနဲ့ … ။

ဒါဟာ …
လောကရဲ့ ဒဏ်ရာလား
လောကရဲ့ ဓမ္မလား
မခွဲခြားတတ်သော်လည်း
ပျော်ရင်ပြုံး ရှုံးရင်မဲ့
ဒဏ်ရာတွေနဲ့ ငိုကြွေး
ကလေးလေးတယောက်အလား
တရားလက်လွတ်မိပြန်တယ် … ။

တခါတခါ
အသိခေါက်ခက် အ၀င်နက်သလို
အပြစ်တွေကို ပြုပြင်
ပြောင်းလဲခွင့်ရရင်များ
အဲဒီနေ့ကို ပြန်သွားလိုက်ချင်သားလို့
စဉ်းစားခဲ့မိသေးရဲ့ … ။

ဒါပေမဲ့ …
ခြေဗလာ … လက်ဗလာ
နှလုံးသားမှာ ဗလာနဲ့
စင်ကြယ်တဲ့ သူငယ်မ
ဒီဘ၀မှာ ဖြစ်ခွင့်က မရှိတော့ …
သင့်ခဲ့မိတဲ့အမှား
ပြုခဲ့ဖူးတဲ့ အပြစ်များစွာအတွက်
မနက်ဖြန်တိုင်းမှာ
ကောင်းမှုများစွာပွါး
အရာရာကို သတိထားလျက်
တရားလက်မလွတ်စေဖို့
ကိုယ့်ကိုယ်ကို လက်တို့ရင်း …
… … … … …
… … … … …
… … … … …
သူ … ဆက်လက် ကြီးပြင်းရဦးမယ် … ။
***
မေဓာဝီ
၁၉ သြဂုတ် ၂၀၀၈

၂၀၀၈ ခုနှစ်က ရေးခဲ့တဲ့ ကဗျာလေးပါ။
အဲဒီတုန်းက ကိုယ့်ဘလော့မှာ ကိုယ် တင်ဖို့ အခွင့်အရေးမရှိခဲ့လို့ ကျမမိတ်ဆွေကြီးက သူ့ဘလော့မှာ တင်ပေးခဲ့တယ်။ ဒီနှစ်တော့ အသစ်လဲ မရေးဖြစ်တာနဲ့ မတင်ရသေးတဲ့ အဲဒီကဗျာလေးကိုပဲ … … အမှတ်တရ တင်လိုက်ပါတယ်။

Read More...

Thursday, August 19, 2010

အခိုး ...

တိမ်ခိုး မြူခိုး
ကောင်းကင်မိုး၌
ကြီးစိုးခိုက်တွင်
မင်းလွင်အုံ့ဆိုင်း
မှုန်ရီမှိုင်းကာ
မြင်မြင်ရာရာ
လွမ်းဘွယ်သာတည့်။

ခေါင်းတိုင် မီးခိုး
ခေါင်အမိုးထက်
တလူလူထွက်လျှင်
လည်ပတ်ယန္တယား
စက်များခုတ်မောင်း
ဂျောင်းဂျောင်းမြည်သံ
နားဝယ်ညံ၏။

နောက်ဆုံး တမျိုး
ကြက်သွန်ခိုးကား
ဆိုးဝါးလွန်းစွာ
မွှန်ကာမျက်စိ
ဖွင့်ကြည့်မရ
မျက်ရည်ကျယို
မလွမ်းပါဘဲ ငိုမိ၏။
***
မေဓာဝီ
၁၉၊ သြဂုတ်၊ ၂၀၁၀
၁၆း၄၃ နာရီ

(မှတ်ချက်။ ။ အလှူအတွက် ဟင်းချက်ဖို့ ကြက်သွန်လှီးရင်း မျက်ရည်များစွာဖြင့် ရေးသည့်ကဗျာ။)

Read More...

Tuesday, August 17, 2010

ကွန်မန့်ထဲက ကဗျာများ

မနေ့ကမနက် ဘလော့လည်ထွက်တော့ ကိုမင်းထက်ဘလော့မှာ ပြုံးချင့်စဖွယ် လေးဆစ်ကဗျာလေး နှစ်ပုဒ်ကို ဖတ်လိုက်ရတယ်။ ခေါင်းစဉ်တခုထဲကို သူက ဗားရှင်း နှစ်မျိုးနဲ့ ဒီလိုရေးထားတယ်။
"တောင်သမန်ရဲ့ ဆည်းဆာယံ"

ဝင်နေချည် ရေကိုညွှန်း
ရွန်းလုလု အပြန်
ခက်မယ်ဇယ် အင်းရေပေါက်
ဆင်းသောက်တဲ့ဟန်
ဆည်းဆာယံ
တောင်သမန် အင်းဘေး
နှစ်ကိုယ်တူ လေအဝှေ့မှာ
ထွေးဖက်လို့ နွေး။
(ချစ်သူအတွက်)
-------------
ဝင်နေချည် ရွန်းလုလု
ရေနုမှာ တောက်လာ
ခက်မယ်ဇယ် အင်းရေဆင်း
ငုတ်သောက်ထဲ့အခါ
မင်းနဲ့ ငါ
ဘီယာခွက်ကိုင်ရင်း
တောင်သမန် အင်းရေစပ်ကို
ရှူးပေါက်ဖို့ဆင်း။
(သူငယ်ချင်းအတွက်)
------------------
သူ့ကဗျာလေးတွေဖတ်ပြီး ကျမပြန်ရေးချင်လို့ စိတ်ထဲက ကလိကလိ ဖြစ်လာတာနဲ့ ကော်ဖီသောက်ရင်း စဉ်းစားပြီး ခုလို ရေးလိုက်တယ်။

ဝင်နေခြည် ရွှေရည်လောင်း
လေပြည်ပြောင်း သွဲ့ပြန်၊
ခက်မယ်ဇယ် နွဲ့ကာတိမ်း
ယိမ်းကတဲ့ဟန်။
အဖန်ဖန်
တောင်သမန် စခန်း၊
ဖန်သင်းပိုင် စိတ်ပုတီးနဲ့
ဆီးပေါ့ သင်္ကန်း။
(ကိုမင်းထက်သို့)
***
ကျမ အကျင့်က အဲဒီလိုပါပဲ၊ ဘလော့တွေလိုက်ဖတ်ပြီး ကိုယ်နဲ့ ခင်ရာခင်ကြောင်း ဘလော့တွေမှာ သူတို့ ကဗျာလေးတွေကို တုန့်ပြန်တဲ့ ကဗျာတွေ ကွန်မန့်ထဲ ရေးမိတတ်တယ်။ တခါတလေလဲ မေဓာဝီ နာမည်နဲ့၊ တခါတလေတော့လဲ နာမည်မတပ်မိဘူး။ ကိုမင်းထက် ဘလော့မှာ အပေါ်က ကဗျာလေး ရေးဖြစ်တော့မှ အရင်က ရေးခဲ့ဖူးတဲ့ ကွန်မန့်တွေထဲက ကဗျာလေးတွေကို အမှတ်တရ ဘလော့မှာ ပြန်တင်ရင် ကောင်းမယ်လို့ တွေးမိပြီး တင်လိုက်ပါတယ်။ တချို့လည်း ဖတ်ဖူးကြပါလိမ့်မယ်။ အခု တင်မယ့် ကဗျာတွေကတော့ ရယ်စရာသက်သက်ပါပဲ။ အတည်အတံ့ ရေးတာတွေလဲ နောက်တော့ တင်ပါမယ်။ ကာယကံရှင်တွေကို ခွင့်တောင်းပြီး တင်လိုက်ပါတယ်၊ ဖတ်ကြည့်ကြပါအုံး။
***
“အပေးအယူ”
သူကြင်မှ ကိုယ်ကြင်
ဘလောဂ်ရွာလည်သည့်ပွဲ
ကောင်းတဲ့ဖြစ်အင်
ကိုယ်နားလျှင် သူမလာ
သူနားလျှင် ကိုယ်ကဝေး
ဘလောဂ်ရွာ လည်သည့်ထုံး
ပြုံးမိချည်သေး။
(ကိုမင်းထက်)
--------------
အပေးအယူ
တွေးပူကာ အယူမလွဲပါနဲ့
လူပဲလေ တခါတလေတော့
ဘလော့ရွာ မလည်ပတ်နိုင်လို့
တကယ်ဖတ်ကာ မှတ်ချက်ရေးချင်ငြား
အချိန်အား ရှားနည်းလှတာမို့
အားခဲကာ အမြန်ဖတ်ရတယ်
မန့်ဖို့ ခက်သေး။
(မေဓာဝီ)
***
ဒါကတော့ ခုတလော ဘလော့မရေးဘဲ အိပ်ပျော်နေတဲ့ ဦးလူထွေးကြီး တခါတုန်းက ရေးခဲ့ဖူးတဲ့ ကဗျာလေး။

“အမေး ကိုလူထွေး”
တခါတခါ
ငါဟာ...
စကြဝဠာအမိုးကို လှန်ဆွဲဖွင့်
ဟိုးးးး ခပ်မြင့်မြင့်ကို လွင့်သွားချင်တာ...
အဆင်းမှာ ခွေးကျ ကျကာမှ
မင်းငါ့ကို ထွေးလို့ မမှာလား...
(ကိုလူထွေး)
-------------
“အဖြေ မေဓာဝီ”
ထွေး’မ-မချင်ပါ …
ခွေးကျလျှင် အတော်နာမှာမို့
ဖော်သဟာ ဘော်ဒါတထောင်နဲ့
တော်ရာချောင် ရှောင်ကာနေပါ့မယ်
ကျပေါ့ မြေကြီး။
(မေဓာဝီ)
***
“ကိုလူထွေးဖိတ်တဲ့ နံနက်စာ”
အကိုလူထွေး၊ နံနက်တေးဆို
Tea ချိုချိုနဲ့၊ အိုကွယ်စုံရာ
ဒီမှာပေါင်မုန့်၊ ယိုသုတ်လို့ထား
ဒါကားကြက်ဥ၊ salad နုနဲ့
ခရမ်းချဉ်သီး၊ ပါးပါးလှီး၍
ကောင်းပေ့ဒိန်ခဲ၊ မုန့်ပေါ်ကျဲကာ
လာစားပါလေ၊ စေတနာဖြင့်
သဒ္ဓါရွှင်မြူး၊ ကြည်ညွတ်နူးသည်
ဘီလူးသွားကို လ,ဖြဲတည်း။
(ကိုလူထွေး)

(ဝန်ခံချက်။ ။ "မေဒါဝီ" ရဲ့ ဘလော့မှာ တင်ထားတဲ့ ရှင်ဥတ္တမကျော်ရဲ့ "ဆယ့်နှစ်ရာသီ တောလားရတု" ကိုဖတ်ပြီး ရေးမိရေးရာ ရေးမိတာပါ။ အောက်ဆုံးက နှစ်ကြောင်းကိုလဲ အဆိုပါ ရတုကနေ ကူးယူပါတယ်။ အကျိုးအကြောင်း ဆက်စပ်၍ကားတော့ မဟုတ်...)
--------------
နံနက်စာကို ဘိုလိုမစားချင်တဲ့ ကျမက ခုလို ပြန်ရေးခဲ့တယ်။

ပဲပြုတ်ပူပူ၊ ထမင်းဖြူဆီဆမ်း
ရေနွေးကြမ်းသောက်၊ ငါးခြောက်ဖုတ်လေး၊
မွမွလေးကင်၊ ကျွေးပါလျှင်သော်
ခေါင်းမဖော်တမ်း၊ အငမ်းမရ
စားချင်လှသည် ...
ဘီလူးသွားကို မဖြဲကြေး။
(မေဓာဝီ)
***
ဒီကဗျာရှင်ကတော့ တုံးဖလား ရွာသူကြီး ကိုကိုမောင် (ပန်းရနံ့) ဖြစ်ပါတယ်။

တိုက်ပိ မြေပိ၊
ဤနှစ်ပိထက်၊
စာပိ ကျောင်းသား၊
ပို ပိပြား၏။ ။
(ကိုကိုမောင်)
-------------
စာပိကျောင်းသား
ပိုပိပြားလည်း
သူကားအစဉ်
ဘလော့တခွင်ပတ်
အလည်ထွက်၏။
(မေဓာဝီ)
***
ဒီကဗျာက ကိုကိုမောင်ရေးတဲ့ ၀ဲရိုက်ဝဲသွင်း အမျိုးအစား ကဗျာလေးပါ။

တစ်ရေးနိုး
မိုးကအေး
ကွေးနေမိ
ကြည့်စာအုပ်
ပြုတ်လို့ကျ။
ထကာကောက်
ကြောက်လို့သွား
များ အိမ်စာ
ချာချာလည်။
လည်တဲ့စိတ်
အိပ်ချင်ခြင်း
တင်းကာဖြေ
နေအရုဏ်
မှုန်ဝါးဝါး
ကားသံဆူ
ပူနေလျက်။
ရက်တွေကြာ
စာက များ
စားချင်စိတ်
ဆိတ်သုဉ်းနေ။
သွေဖယ်ခြင်း
ရှင်းကာဖျောက်
နောက်မနက်
တက်ကြွစိတ်
ဟိတ်မာန်ချီ
ဝီရိယ
ဆထက်တိုး
ကြိုးစားမည်။ ။
(ကိုကိုမောင်)
***
ကျမက ခုလို ပြန်ရေးလိုက်တယ်။

ကြိုးစားမည်
ရည်ရွယ်ငြား
အားပါလျှင်
အင်တာနက်
ဆက်ချိတ်လို့
ပို့စ်အသစ်
ဖြစ်ဖို့တွေး
ငေးမောလျက်
စက်မပျော်
ခေါ်မကြား
စားမ၀င်
ကြင်သူမဲ့
ဖွဲ့ကဗျာ
ကာရန်ပျောက်
နောက်သည့်စိတ်
ကြိတ်မှိတ်ငို
ကိုကိုမောင်
သျှောင်ကိုပယ်
နယ်ကိုခွါ
ကြာသင်္ကန်း
လွှမ်းကာခြုံ
ဘုံသုံးတစ်
မေတ္တာဝေ
ထေရ်အလား
တရားဖြင့်
မြင့်မြတ်ရာ
ရှာကာကိုး
ကြိုးစားမည်
ဤဓိဋ္ဌာန်
မှန်စေကြောင်း
ကောင်းကောင်းကျင့်။
(မေဓာဝီ)
***
ဒီတပုဒ်ကလဲ သူကြီး ကိုကိုမောင်ကို ရေးထားတာပါပဲ။ ဒါပေမဲ့ သူ့ကဗျာကို မဟုတ်ဘူး၊ သူ့ပို့စ်တခုကိုပါ။ အဲဒီပို့စ်မှာ သူက အင်္ဂလန်ရဲ့ ဆောင်းရာသီဒဏ်ကို ဘယ်လိုခံရပုံ၊ အသားတွေပတ်လို့ ယားနေရပုံ စသဖြင့် စီကာပတ်ကုံး ရေးထားတယ်။ အဲဒါဖတ်ပြီး ကျမက ခုလို ပြန်ရေးလိုက်မိပါတယ်။

ပန်းရနံ့
လွှမ်းပျံ့ပါတဲ့ မြို့လန်ဒန်။
ရာသီပြောင်း … လာပြီဆောင်းဟာမို့
ကြာချည်မှာ ဗျာသီကွေးကာ
ဆွေးရလေဟန်။
အရေပြားရယ်လန်
ပတ်ပြန်ပေါ့အသား။
ဟိုအကို ပိန်ကြောင်ကျားအိုက
ဝဲပေါက်သလိုယား … ။ … ။
(မေဓာဝီ)
***
နောက်များမှ တခြားကဗျာတွေ ပြန်တင်ပါအုံးမယ်။ များနေရင် ဖတ်ရတာ ပျင်းမှာစိုးလို့ ခုတော့ ဒီလောက်ပါပဲ။
စာရေးဖို့ လောလောဆယ် အာရုံမရသေးတာမို့ ရှိတာလေးတွေနဲ့ ဆားချက်တယ် သဘောထားလဲ ရပါတယ်။ ကျမရဲ့ ပေါက်ကရ ကဗျာလေးတွေဖတ်ပြီး တချက်လောက် ပြုံးဖြစ်ရင်ပဲ ၀မ်းသာပါတယ်ရှင် ...။
မေတ္တာဖြင့် ...
မေဓာဝီ
၁၇၊ သြဂုတ်၊ ၂၀၁၀
၇း၀၅ နာရီ

Read More...

Sunday, August 15, 2010

မကြွေနွမ်းသည့် … ပန်း

ပန်းဟုဆိုသော်ငြား ပန်းတော့ဖြင့် မဟုတ်ပါချေ။

ထိုပန်းက ဖူးလည်းမဖူး၊ ပွင့်လည်းမပွင့်၊ ရနံ့လည်း မမွှေး။
သို့သော် … ထိုပန်းသည် … မဖူးပေမဲ့ ထူးပါသည်၊ မပွင့်ပေမဲ့ ၀င့်ထည်သည်၊ မမွှေးပေမဲ့ အေးမြသည်။
ထို့ကြောင့်ပင် အများက ပန်းမဟုတ်သော ထိုပန်းကို “ပန်း” ဟု တညီတညွတ်တည်း လက်ခံထားကြ၏။
ထိုပန်းသည် … မြန်မာဆန်လွန်းသည့်ပန်း၊ မြန်မာမှန်သမျှ မြတ်နိုးကြသည့်ပန်း၊ ဗုဒ္ဓရှေ့မှောက်တွင် တင့်တယ်သည့်ပန်း၊ အောင်မြင်ခြင်းနိမိတ်ကို ထင်ဟပ်စေသည့် ပန်း … ။
ထိုသည့်ပန်းကား ...
“မကြွေနွမ်းသည့် သပြေပန်း” ပေတည့်။
***
သပြေ …
ဘာရယ် ညာရယ် အသိမကြွယ်သေးသည့်အရွယ် ခပ်ငယ်ငယ်လောက်ကပင် ထိုဝေါဟာရကို စတင် ကြားဖူးခဲ့သည်။

“၀ါဆို ၀ါခေါင် ရေတွေကြီးလို့ … သပြေသီးမှည့် ကောက်စို့ကွယ်”

ဆိုလို့ကောင်းကောင်းနှင့် အော်ဆိုရင်း သပြေနှင့် ရင်းနှီးခဲ့သည်။ ဒီကဗျာလေးကို မိဘ မောင်နှမတွေ ရွတ်ပြသင်ပေး၍ အလွတ်ဆိုတတ်သွားသောအခါ နှုတ်ဖျားမှာ တေးတပုဒ်လို အမြဲလိုလို သီဆိုနေမိသည်။ အထူးသဖြင့် မိုးဦးကျစ မိုးတွေလေတွေ လာသည့်အခါမျိုးမှာ ဒီကဗျာကို ဆိုရတာ ပို၍ နှုတ်တွေ့သယောင်။ ဒီလိုနှင့် တစစ သပြေကို ကျွမ်းဝင် လာလေ၏။ သို့သော် ထိုသပြေက ပန်းသပြေမဟုတ်သေး၊ အသီးသပြေ။

အိမ်ခြံဝင်း၏ အရှေ့တောင်ဘက် စည်းရိုးထောင့်မှာ သပြေပင်ကြီး တပင်ရှိသည်။ မိုးတွင်းအခါဆို သပြေသီးတွေ ပြွတ်ခဲနေအောင် သီးပြီး လေတိုက်တိုင်း တဖြုတ်ဖြုတ် ကြွေကျတတ်သည်။ မကြွေရင်လဲ အိမ်သားတွေက တံချူဖြင့် ချူချလေ့ရှိကြသည်။ ထိုသို့ ကြွေကျ ချူချသည့် သပြေသီးတွေကို ကောက်ယူရေဆေးပြီး ဆန်ကာကုံးထဲထည့်ကာ တလုံးပြီးတလုံး မမုန်းတမ်း စားခဲ့ကြသည်။ တခါတလေ ရေခဲသေတ္တာ အခဲခန်းထဲထည့်ပြီး အေးခဲနေသည့် သပြေသီးမှည့်တွေကို နှုတ်ခမ်းတွေ ပြာနှမ်းသည်ထိ တမက်တမော စားခဲ့ကြသည်။ သပြေသီးအရသာက ချဉ်သလို ချိုသလို ဖန်သလို အနံ့ကလေး မွှေးတေးတေးနှင့် စားလို့ဖြင့် အကောင်းသား။

ဤသို့ဖြင့် မိုးရာသီ၏ နေ့ရက်များမှာ သပြေသီးကောက် ကဗျာလေးကို ရွတ်ဆိုရင်း၊ သပြေသီးမှည့်တွေ တပျော်တပါး ကောက်ကြ ခူးကြရင်း တမိုးပြီး တမိုး ပြောင်းလဲကာ အသက်အရွယ်တွေ တဖြည်းဖြည်း ကြီးပြင်းလာသလို မိုးလေသည်းထန်သည့် ညတညမှာတော့ သက်တမ်းရင့်အိုနေသည့် ထိုသပြေပင်ကြီး အမြစ်မှစ လဲပြိုကျခဲ့လေ၏။

သည့်နောက်ပိုင်း သပြေသီးမှည့် မကောက်ရတော့ … သပြေသီးလဲ မစားရတော့။ သို့ပေမဲ့ “သပြေသီးကောက်” ကဗျာလေးကိုတော့ဖြင့် သတိတရ ရွတ်ဆိုမိနေဆဲ၊ နောက် မျိုးဆက်လေးတွေ ဖြစ်သည့် တူ တူမလေးတွေ, နီးစပ်ရာ ကလေးငယ်တွေကို ထိုကဗျာလေးအား လက်ဆင့်ကမ်း သင်ပေးနေမိဆဲ။
***
အမေဈေးကပြန်လာတိုင်း အညွန့်ရဲရဲလေးတွေ ထိုးထိုးထောင်ထောင် ထွက်နေသည့် သပြေငုတ်ကလေးတွေ ၀ယ်ဝယ်လာတတ်သည်။ တခါတလေတော့လဲ နီညိုညို အညွန့်များနှင့် စိမ်းဖန့်ဖန့် အရွက်ဖားဖားများပါသော သပြေခက်များ ၀ယ်လာလေ့ရှိသည်။ ထိုသပြေပန်းတွေကို ညောင်ရေအိုးထဲ ထည့်ထိုးပြီး ဘုရားရှေ့၌ ကပ်လှူပူဇော်ထားသည်ကို ကြည့်ရသည်မှာ ကြည်ညိုစရာ။

အဖိုးအခအနေဖြင့် ဈေးမကြီးလှသော သပြေပန်းက တော်တော်နှင့် မနွမ်း၊ တာရှည်ခံသည်။ နှင်းဆီ စပယ်လို မွှေးရနံ့ ထုံပျံ့ခြင်းမရှိသော်လည်း သူ့မှာ ရနံ့တမျိုးရှိသည်။ မမွှေးမအီသော ခပ်သင်းသင်း သပြေရနံ့က ရင်ကိုအေးမြစေသည်။ ဘုရားခန်းထဲဝင်လိုက်လျှင် ဘုရားကိုပူဇော်ထားသည့် ဖယောင်းတိုင်နံ့နှင့် သပြေရနံ့တို့ ရောပြွမ်းထုံသင်း နေတတ်သည်။ အဖိုးများစွာ မထိုက်တန်ပေမဲ့ လူတကာက သပြေကို အမြတ်တနိုးရှိကြပေသည်။ ရှေးက သပြေခက်ဖြင့် ရေပက်ကြသည်၊ အောင်စစ်သည်များအား သပြေပန်းဖြင့် ကြိုဆိုကြသည်၊ ဘုရားပွဲ အုန်းပွဲ ငှက်ပျောပွဲမှာ သပြေခက်ကို ထိုးလေ့ရှိကြသည်၊ သပြေပန်းကို အောင်ပန်းအဖြစ် သတ်မှတ်ကာ မြတ်စွာဘုရားကို အောင်သပြေ ကပ်လှူပြီး အောင်ရာ အောင်ကြောင်း အောင်ဆုတွေ တောင်းကြသည်၊ သပြေပန်းကား မြန်မာတွေအဖို့ နေရာတကာ အရေးပါသည့် ပန်းတမျိုးပါပေ။

သူ့ခေါင်းမှာတဲ့ သပြေညို
ငါ့ခေါင်းမှာတဲ့ သပြေညို …

အစချီသည့် ကဗျာလေးကို ဖတ်ရချိန်မှာတော့ ကဗျာတွေ စာတွေကို စိတ်ဝင်စားတတ်သည့် အရွယ်ရောက်နေပြီ။ အဖိုးထိုက် ပန်းမဟုတ်ပေမင့် သပြေပန်း၏ တန်ဖိုးနှင့် အနှစ်သာရကို စာဆို၏ ထိုကဗျာကြောင့် နားလည်ခံစား တတ်နေပြီ။ ဒီ့ထက်ပိုကာ ထိုကဗျာကို ရွတ်ဆိုတိုင်း ရင်ထဲမှာ အားအင်တမျိုး တိုးပွါးခံစားတတ်နေပြီ။ ဒီ့နောက်မှာတော့ စာဆို၏ ကဗျာတွေ စာတွေကို လက်လှမ်းမီရာ ရှာဖွေ ဖတ်ရှုရင်း စာဆိုကိုလည်း လေးစားကြည်ညို မိနေပြီ။

“သပြေညို” ဆိုင်းဘုတ်တပ်ထားသော ခြံဝင်းထဲက အိမ်လေးကို အဖေနှင့်အတူ အခေါက်ခေါက် ရောက်ခဲ့ဖူးသည်။ စာဆို၏ စာပေ ဗဟုသုတ စကားများ၊ ဆုံးမသြ၀ါဒများကို နာကြားခဲ့ဖူးသည်။ လေးစားကြည်ညိုစွာ ဂါရ၀ပြု ကန်တော့ခဲ့ဖူးသည်။ စာဆိုသည် သပြေညို ကဗျာကို အင်္ဂလန်နိုင်ငံတွင် ရေးဖွဲ့ခဲ့သည်ဟု ဖတ်ခဲ့ဖူး၏။ ထိုစဉ်က မြန်မာပြည် လွတ်လပ်ရေး မရသေး။ အတိအကျဆိုရလျှင် မြန်မာပြည်လွတ်လပ်ရေးရရန် ၁၀ နှစ်တိတိ လိုသေးသည့် အချိန်၊ ၁၉၃၈ ဇန်န၀ါရီ ၄ ရက်နေ့။ စာဆိုသည် အင်္ဂလန်တွင် နေထိုင်ရင်း ဗြိတိသျှအင်ပါယာအောက်မှ မလွတ်လပ်သေးသည့် မြန်မာပြည်ကြီးကို လွတ်လပ်စေချင်လိမ့်မည်၊ ထိုအခါ အောင်အတိတ် အောင်နိမိတ်လွှမ်းကာ အမြဲလန်းဆန်းသည့် ပန်းမြတ် သပြေညိုကို သတိရမိပေလိမ့်မည်၊ ထိုသပြေညိုဖြင့် စာဆိုသည် မြန်မာတို့၏ ဇာတိသွေး ဇာတိမာန်ကို လှုံ့ဆော်ခဲ့သည်။ သပြေညို၏ တေးသံသည် ထိုစဉ်က မြန်မာပြည်တ၀ှမ်း ပျံ့နှံ့ခဲ့လေ၏။
***
သပြေညိုကို ချစ်ခင်မြတ်နိုး တန်ဖိုးထားတတ်လာသည့် အချိန်ကျမှ သပြေတို့ဝေရာမြေက ခွဲခွါဖို့ ဖန်လာလေတော့သည်။ သပြေညိုတို့၏ အဝေးမှာနေရင်း ယုံကြည်ချက်တွေ ပျောက်တဲ့အခါပျောက် … မျှော်လင့်ခြင်းတွေ ကင်းတဲ့အခါကင်း … ခံယူချက်တွေ ပျက်ယွင်းပြီး ရှုံးနိမ့်ခြင်းတွေကို ခါးသီးစွာ ရင်ဆိုင်ရင်း အလင်းမဲ့ နေ့ရက်များကို တိတ်ဆိတ်စွာ ကျော်ဖြတ်ခဲ့ရသည်။ သို့ဖြင့် ရင်ထဲမှာ သပြေတေးသံတို့ တဖြည်းဖြည်း ဆိတ်သုဉ်းစ ပြုလာသည်၊ အမြဲလန်းဆန်းမည် ထင်ခဲ့သည့် နှလုံးသားထဲမှ ပန်းသပြေတို့ နွမ်းကြေစ ပြုလာသည်။ ပူနွေးစိုစွတ်သည့် ရာသီတွင် ပေါက်ရောက်တတ်သည့် သပြေပင်က အလွန်အေးစက်ကာ ရာသီဥတု ဆိုးဝါးလှသည့် အင်္ဂလန်မြေတွင် ရှင်သန်နိုင်ပါ့မလား … ။

တနေ့မှာတော့ ပန်းအိုးသေးသေးလေးဖြင့် ထည့်ထားသော အပင်လေးတပင် လက်ဆောင်ရလာသည်။ ကြည့်လိုက်တော့ သပြေပင်ကလေး။ လှိုက်ခနဲ ရင်ခုန်ဝမ်းသာသွားပြီး မီးဖိုခန်း ပြတင်းဘောင်တွင် တင်ကာ စိုက်ထားခဲ့သည်။ သေသွားမှာစိုးသဖြင့် ဂရုတစိုက် မြေဆွေးထည့်ရင်း ရေလောင်းရင်းဖြင့် သပြေပင်ကလေးက အညွန့်များ နုသစ်ဝေဖြာလာလေသည်။ ဒီနှစ်နွေမှာတော့ အပူချိန်တက်လို့ပဲလားမသိ သပြေပင်လေးက လျင်မြန်စွာပင် အညွန့်များ တက်လာသည်၊ အကိုင်းများ ဖြာလာသည်။ သပြေညိုသည် အင်္ဂလန်မြေမှာ ရှင်သန်လန်းဆန်းနေလေပြီ။
***
ရှည်လျားဖြာထွက်နေသော အခက်တချို့ကို ဖြတ်ပြီး ဘုရားကပ်စဉ် သပြေရနံ့ သင်းပျံ့ပျံ့ကို ရှူရှိုက်ရ၏။ လန်းဆန်းခက်ဖြာနေသော သပြေညိုတို့နှင့်အတူ ယုံကြည်ခြင်း မျှော်လင့်ခြင်းတွေက ရင်တွင်း၌ ပြန်ခိုဝင်လာ၏၊ အားအင်တွေ ပြန်လည် တိုးပွါးလာ၏။ တကယ်တော့ ယုံကြည်ချက် မျှော်လင့်ချက် ခံယူချက်ဆိုသည်က ဘယ်နေရာ ဘယ်ဒေသရောက်ရောက် မကြွေမနွမ်း အမြဲလန်းဆန်းနေသည့် သပြေညိုလို နှလုံးသားထဲ၌ ခိုင်မာစွာ အမြစ်တွယ်ခို နေမည်မှာ အမှန်ပင် ဖြစ်ပေတော့သတည်း။
***
မေတ္တာဖြင့် …

မေဓာဝီ
၁၅၊ သြဂုတ်၊ ၂၀၁၀
၀၀း၃၃ နာရီ
***
၂၀၀၄ ခုနှစ် သြဂုတ်လ ၁၅ ရက်နေ့တွင် ကွယ်လွန်သွားသော သပြေညို၏ စာဆို ဆရာကြီးမင်းသုဝဏ်အား ဤစာစုဖြင့် ရိုသေလေးမြတ်စွာ ဦးညွှတ်ဂါရ၀ ပြုလိုက်ပါသည်။
***
အမြဲလန်းဆန်းသည့် ပန်းမြတ်သပြေညို

Read More...

Saturday, August 14, 2010

မိုး ... သို့ ...

ရီပြာအုံ့မှိုင်း ရှစ်ခွင်တိုင်းတို့
ညို့ဆိုင်းမိုးမည်း မစဲစွေရွာ
ဤကမ္ဘာကို
အေးမြစိုပြေ ပါစေလော့ … ။

မြစ်ချောင်းအိုင်အင်း စမ်းရေတွင်းသို့
ခုန်ဆင်းမိုးစက် ဆင်းသက်ကြွေကာ
ဤရေပြာကို
ဝေဆာစီးဆင်း ပါစေလော့ … ။

စိမ်းမြစိုဝင်း စပါးခင်းနှင့်
လယ်ခင်းနန်းထက် ဖြန်းပက်ညင်သာ
ဤမြေယာကို
သာယာတင့်ဆန်း ပါစေလော့ … ။

သောကလောင်မီး စိတ်ဖိစီးလျက်
အိမ်ပြန်ခက်သူ ရင်ခွင်ပူမှာ
မေတ္တာမိုးရေ ရွာသွန်းခြွေချ
ဤနှမအား
အပူများ ငြိမ်းအေးပါစေလော့ … ။
***
မေဓာဝီ
၁၄၊ သြဂုတ်၊ ၂၀၁၀
၈း၃၀ နာရီ

Read More...

Thursday, August 12, 2010

ဗောဓိဉာဏ်၏ အင်္ဂါများကို တိုင်တည်၍ …

ဗောဇ္ဈင်ဆိုတာ ဗောဓိဉာဏ်ရဲ့ အင်္ဂါအစိတ်အပိုင်းလို့ အဓိပ္ပါယ်ရပါတယ်။
ဗောဇ္ဈင်တရားခုနစ်ပါးကို အကြောင်းပြုပြီး မြတ်စွာဘုရား ဟောကြားခဲ့တဲ့ သုတ္တန်ကို ဗောဇ္ဈင်သုတ်လို့ ခေါ်ပါတယ်။ နာမကျန်းဖြစ်ရာမှာ ဟောကြား ရွတ်ဆိုခဲ့တာကြောင့် ဗောဇ္ဈင်သုတ်ကို ဂိလာနသုတ်လို့လည်း ခေါ်ပါတယ်။ မြတ်စွာဘုရားဟာ ရှင်မဟာကဿပနဲ့ ရှင်မဟာမောဂ္ဂလ္လာန်တို့ မကျန်းမမာ ဖြစ်တော်မူစဉ် ဗောဇ္ဈင်သုတ်ကို ဟောကြားတော်မူခဲ့ပါတယ်။ ရှင်မဟာကဿပနဲ့ ရှင်မဟာ မောဂ္ဂလ္လာန်တို့ဟာ မြတ်စွာဘုရား ဟောကြားတဲ့ ဗောဇ္ဈင်ခုနစ်ပါးတရားတော်ကို အစဉ်အတိုင်း နာကြားရာက စိတ် စေတသိက်တွေ ကြည်လင်လာပြီး စိတ်စေတသိက်တို့ မှီရာ ဟဒယ၀တ္ထုမှာရှိတဲ့ သွေးတို့လည်း ကြည်လင် သန့်ရှင်းလာတာကြောင့် ရောဂါပျောက်ကင်းကာ ပြန်လည် ကျန်းမာလာခဲ့ကြပါတယ်။

မြတ်စွာဘုရား ကိုယ်တော်တိုင် နာမကျန်းဖြစ်ရာမှာလည်း အရှင်စုန္ဒမထေရ်ကို ဗောဇ္ဈင်သုတ်တော် ဟောကြားစေပြီး ရိုသေစွာ နာယူတော်မူပါတယ်။ ဒီလိုနာယူပြီးတဲ့နောက် ရောဂါပျောက်ကင်းပြီး ချမ်းသာခြင်း ဖြစ်ခဲ့ပါတယ်။ ဒါကြောင့် ဗောဇ္ဈင်သုတ်တော်ဟာ နာမကျန်းသူကိုယ်တိုင် ရွတ်ဖတ်လို့ပဲဖြစ်ဖြစ် နာမကျန်းသူကို နာယူစေကာ ကိုယ်က ရွတ်ဖတ်ပေးလို့ပဲဖြစ်ဖြစ် တရိုတသေ ရွတ်ဖတ်ပူဇော်ရင် ဝေဒနာ သက်သာ ပျောက်ကင်းနိုင်တယ်လို့ သိရပါတယ်။ လောကတခွင်တွင် ရှိကြကုန်သော ဂိလာနသတ္တ၀ါအားလုံးအတွက် ဗောဇ္ဈင်သုတ်တော်ကို ရွတ်ဖတ်ပူဇော်လိုက်ပါတယ်။
(မှတ်ချက်။ … ။ ဗောဇ္ဈင်၏ အသံထွက်အမှန်မှာ ဗွတ်ဇင်ဖြစ်ပါတယ်။)
***
ဗောဇ္ဈင်သုတ် မြန်မာပြန်

အို … သူတော်ကောင်းတို့ …
သံသရာ၌ ကျင်လည်ကြကုန်သော သတ္တ၀ါတို့၏ ဒုက္ခခပ်သိမ်းတို့ကို ပျောက်ငြိမ်းစေတတ်ကုန်သော၊ မာရ်စစ်သည် အသင်းအပင်းတို့ကို နှိပ်နင်း ဖျက်ဆီးတတ်ကုန်သော ဗောဇ္ဈင်မည်ကုန်သော ခုနစ်ပါးကုန်သော အကြင်တရားတို့ကို သိကြကုန်သောကြောင့် မြတ်ကုန်သော ဤပုဂ္ဂိုလ်တို့သည် ဘ၀သုံးပါးမှ လွတ်မြောက်ရကုန်သည် ဖြစ်၍ ပဋိသန္ဓေနေခြင်းမရှိသော၊ အိုခြင်းမရှိသော၊ နာခြင်းမရှိသော၊ ဘေးမရှိသော နိဗ္ဗာန်သို့ ရောက်ကြရကုန်ပြီ။ ဤသို့ အစရှိသော အကျိုးဂုဏ်အင် အာနိသင်တို့နှင့် ပြည့်စုံသော၊ ဂုဏ်ပေါင်းများစွာ သိမ်းယူရာဖြစ်သော၊ ရောဂါပျောက်ရေးဝယ် ဆေးသဖွယ်လည်းဖြစ်သော ဤ ဗောဇ္ဈင် ပရိတ်တော်ကို ငါတို့သည် ရွတ်ကြကုန်စို့။

သတိဟုဆိုအပ်သော ဗောဇ္ဈင်လည်းကောင်း၊ ဓမ္မ၀ိစယဗောဇ္ဈင်လည်းကောင်း၊ ထိုမှတပါး ၀ီရိယ ဗောဇ္ဈင်လည်းကောင်း၊ ပီတိဗောဇ္ဈင်, ပဿဒ္ဓိဗောဇ္ဈင်တို့လည်းကောင်း၊ ထို့ပြင်တပါးကုန်သော သမာဓိဗောဇ္ဈင်, ဥပေက္ခာဗောဇ္ဈင်တို့လည်းကောင်း၊ ဤသို့ တရားအလုံးစုံ အကုန်သိတော်မူသော မြတ်စွာဘုရားသည် ကောင်းစွာ ဟောကြားတော်မူအပ်ကုန်သည် ရှိသော် သစ္စာလေးပါးကို သိခြင်းငှာလည်းကောင်း၊ နိဗ္ဗာန်အလို့ငှာလည်းကောင်း၊ မဂ်ဉာဏ်အလို့ငှာ လည်းကောင်း ဖြစ်ကုန်၏။ ဤ သစ္စာစကားကြောင့် သင့်အား အခါခပ်သိမ်း ချမ်းသာခြင်းသည် ဖြစ်ပါစေသတည်း။

အခါတပါး၌ မြတ်စွာဘုရားသည် မောဂ္ဂလ္လာန်မထေရ်ကိုလည်းကောင်း၊ ကဿပမထေရ်ကို လည်းကောင်း မကျန်းမာသည်တို့ကို, ဆင်းရဲခြင်းသို့ ရောက်သည်တို့ကို မြင်တော်မူ၍ ဗောဇ္ဈင်ခုနစ်ပါးတို့ကို ဟောတော်မူပြီ။ ထိုမထေရ်မြတ်တို့သည်လည်း ထိုဗောဇ္ဈင်ခုနစ်ပါး တရားတော်ကို နှစ်သက်အားရ ခံယူကြကုန်၍ ထိုခဏ၌ ရောဂါမှ ပျောက်ကင်း လွတ်မြောက်ကြရကုန်ပြီ။ ဤသစ္စာစကားကြောင့် သင့်အား အခါခပ်သိမ်း ချမ်းသာခြင်းသည် ဖြစ်ပါစေသတည်း။

အခါတပါး၌ တရားဘုရင် ဘုရားရှင်သည်လည်း ရောဂါဝေဒနာ ပြင်းထန်စွာ နှိပ်စက်အပ်သည်ဖြစ်၍ စုန္ဒမထေရ်ကို ထိုဗောဇ္ဈင်တရားတော်ကိုပင် ရိုသေလေးစားစွာ ရွတ်ဆိုစေ၍ ၀မ်းမြောက်တော်မူသောကြောင့် တခဏချင်း ထိုရောဂါမှ ထမြောက် ပျောက်ကင်းတော်မူလေပြီ။ ဤသစ္စာစကားကြောင့် သင့်အား အခါခပ်သိမ်း ချမ်းသာခြင်းသည် ဖြစ်ပါစေသတည်း။

မဂ်ဖြင့် ပယ်အပ်သော ကိလေသာတို့သည် တဖန်ထပ်ကာ ပေါ်မလာသကဲ့သို့၊ မဟေသီ သုံးပါး (ဘုရား, အရှင်မဟာကဿပ, အရှင်မဟာမောဂ္ဂလ္လာန်) တို့၏ ဗောဇ္ဈင်တရားဖြင့် ပယ်ရှားအပ်သော ဝေဒနာ များမှာလည်း နောင်ပေါ်လာခြင်း အလျဉ်းမရှိတော့သည်၏ အဖြစ်သို့ ရောက်ရသည်။ ဤသစ္စာစကားကြောင့် သင့်အား ထာဝစဉ် ချမ်းသာခြင်းသည် ဖြစ်ပါစေသတည်း။
***
ဤသစ္စာစကားကြောင့် ကျွန်ုပ်၏ ကျေးဇူးရှင်ဖခင်ကြီး ခံစားနေရသော ဝေဒနာများမှ အခါခပ်သိမ်း ပျောက်ငြိမ်း ချမ်းသာခြင်းသည် ဖြစ်ပါစေသတည်း။
***
မေဓာဝီ
၁၂၊ သြဂုတ်၊ ၂၀၁၀
၂၀း၁၁ နာရီ
(ဆေးရုံပေါ်တွင် ခွဲစိတ်ကုသ ခံထားရသော အဖေ ... သို့)
ရည်ညွှန်း ။ … ။ ပရိတ်ကြီး ၁၁-သုတ် အသံထွက်ရွတ်ဖတ်နည်း (ဦးမောင်မောင် - ဟံသာဝတီ)

Read More...

Wednesday, August 11, 2010

သာစွလေ ...

နေ့စဉ်နဲ့အမျှ အင်တာနက် စာမျက်နှာတွေပေါ်က သတင်းတွေပဲ ဖတ်ဖတ်၊ ရုပ်မြင်သံကြား သတင်း အစီအစဉ်တွေပဲ ကြည့်ကြည့် ဣဋ္ဌာရုံသတင်းထက် အနိဋ္ဌာရုံက ပိုများနေတတ်တယ်။ စီးပွါးရေး ပြဿနာတွေ၊ လူမှုရေး အငြင်းပွါးမှုတွေ၊ လူသေမှု လူသတ်မှု စတဲ့ ရာဇ၀တ်မှုတွေ၊ စစ်ပွဲတွေ၊ အစွန်းရောက်သူတို့၏ အဓိပ္ပါယ်မဲ့လုပ်ရပ်တွေ စတဲ့သတင်းတွေကို အမြဲလိုလို မြင်နေ ကြားနေရတယ်။ မြန်မာ့သတင်း ဖတ်ပြန်တော့လဲ အလိုမကျစရာ၊ အားမရစရာတွေနဲ့ ဒေါသမနဿတွေ ပွါးရပြန်တယ်။ အဲဒီလို သတင်းတွေဖတ်ပြီး ကြည့်ပြီးတိုင်း လူကညစ်ညူး ထိုင်းမှိုင်းပြီး စိတ်တွေ မကြည်လင်တော့ဘူး။

ဟိုအရင်တုန်းကတော့ … အပြင်လက်တွေ့ဘ၀မှာ လူတွေနဲ့ ဆက်ဆံရတာ ငြီးငွေ့ခဲ့ဖူးတယ်။ စိတ်ရှုပ်စရာ ပစ္စက္ခက ခေတ္တပုန်းရှောင်ချင်တဲ့အခါ အင်တာနက်ကမ္ဘာလေးထဲမှာ စီးမျောရင်း သာယာခဲ့ဖူးတယ်။ ကိုယ့်ပတ်ဝန်းကျင်ကို လစ်လျူရှုပြီး ကမ္ဘာကြီးမှာ ဘာတွေဖြစ်နေလဲ သိချင် စူးစမ်းချင်တယ်၊ ရပ်ကွက်ထဲက အဒေါ်ကြီး နေမကောင်းလို့ ဆေးရုံတင်ရတာ သွားမမေးအားဘူး၊ ဟိုကမ္ဘာတခြမ်းမှာ ဘယ်သူတွေဘာဖြစ်နေလဲဆိုတာ စိတ်ဝင်စားခဲ့မိတယ်။ ဒီလိုနဲ့ သိချင်လို့ စူးစမ်းရင်း အတော်အသင့် သိလာတဲ့အခါ မသိချင်တော့ပြန်ဘူး။ လူ့စိတ်ဆိုတာ အဆန်းသားလား။

ခုဒီကိုရောက်နေချိန်မှာ နေ့တိုင်း မြင်ရကြားရတဲ့ သတင်းတွေက ပိုပြီး စိတ်မသက်သာစရာ။ တီဗီက သတင်းတွေနဲ့ လွတ်အောင် အင်တာနက်ထဲဝင်ပြန်တော့လဲ ထူးမခြားနား သတင်းတွေနဲ့ တိုးပြန်တယ်။ ဘယ်လိုလုပ်ရမလဲ … ။
***
ဒီလိုနဲ့ နေသာတဲ့ နေ့တနေ့မှာ တီဗီပိတ် ကွန်ပျူတာပိတ်ပြီး အိတ်ကလေးတလုံးနဲ့ ဂါးဒင်းစန်တာကို ရောက်သွားတယ်။ သစ်ပင် ပန်းပင်လေးတွေ တိရစ္ဆာန်လေးတွေ တွေ့ရမြင်ရတာ စိတ်ချမ်းသာစရာ … ။ နေရောင်ခြည်ရဲ့ နွေးထွေးမှု၊ လေပြေရဲ့ လတ်ဆတ်မှုတွေကြောင့် ညစ်ညူးနေတဲ့ စိတ်တွေ ပြန်ပြီး လန်းဆန်းလာတယ်။

နောက်ရက် ဘာမင်ဂမ်ကျောင်းကို သွားတော့လဲ ကျောင်းပရ၀ုဏ်ထဲ ၀င်လိုက်တာနဲ့ စေတီထက်က ဆည်းလည်းသံ တလွင်လွင်က စိတ်ကို ကြည်နူးစေတယ်၊ သဒ္ဓါတရားပွါးများစေတယ်။ ဘုရားရိပ် တရားရိပ်ကို ခိုလှုံရတော့ စိတ်တွေငြိမ်းချမ်း အေးမြ ကြည်လင်လို့ပေါ့။ ဒီလိုကျတော့လဲ လောကကြီးက သာယာလွန်းလိုက်တာလို့ တွေးမိပြီး ပီတိတွေ ဖြစ်လို့ … ။

ဒါနဲ့ပဲ ကဗျာတပုဒ်ရေးဖြစ်တယ်။ အနိဋ္ဌာရုံတွေကနေ ဝေးကွာနေတဲ့ အခိုက်အတန့်လေးမှာ သာယာတဲ့ လောကကြီးက အနားမှာ ရှိနေတယ်လေ။ ဒီသာယာမှုလေးကိုပဲ ဖက်တွယ်ပြီး စိတ်ချမ်းမြေ့စရာ လောကကြီးအဖြစ် ခဏတဖြုတ် စိတ်ကူးယဉ်မိတဲ့ ကဗျာဆိုပါတော့၊ ဖတ်ကြည့်ကြပါအုံး ... ။
***
“သာစွလေ”

သာစွလေ …
ဤမြေမှာကြီး
ဤအသီးနှင့်
ထိန်ညီးပွင့်ဆန်း
ဤသည့်ပန်းနှင့်
စိမ်းလန်းစိုဝင်း
မြမြက်ခင်းနှင့်
တေးချင်းသံသာ
သာရကာနှင့်
ဝေဆာသာမော
ဤသည့်တောဝယ်
သောကမြူဝေး
ငြိမ်းအေးပေစွ

သာစွလေ … ။

သာစွလေ …
ဤမြေစခန်း
စေတီနန်းနှင့်

သင်္ကန်းရောင်ဝါ
မြတ်သံဃာနှင့်
မေတ္တာဖြန့်ကျက်
ဓမ္မစက်နှင့်
မိန့်မြွက်သံလွင်
ဓမ္မသဘင်နှင့်
များဖြင်စည်ဝေ
ဤသည့်မြေမှာ
သာသနာလွှမ်း
ငြိမ်းချမ်းပေစွ
သာစွလေ … ။
***
မေဓာဝီ
၆၊ သြဂုတ်၊ ၂၀၁၀
၁၀း၃၁ နာရီ

Read More...

Monday, August 09, 2010

စကားကြီး ဆယ်မျိုး

ဇူလိုင် ၁၂ ရက်နေ့က တင်ခဲ့တဲ့ ပို့စ်ရဲ့ ကွန်မန့်မှာ ကိုဧရာက စကားကြီးဆယ်မျိုး အကြောင်းကို ပြန်ဖတ်ကြည့်ချင်တယ်လို့ ပြောထားတာကတကြောင်း၊ ကျမကိုယ်တိုင်လည်း ဒီစကားကြီး ဆယ်မျိုးကို ဘလော့မှာ သိမ်းထားချင်တာက တကြောင်းတို့ကြောင့် ဆယ်စောင်တွဲထဲကနေ ပြန်ရိုက်ပြီး လင်္ကာနဲ့တကွ တင်ပြလိုက်ပါတယ်။ ပြန်ဖတ်ချင်သူ ကိုဧရာနှင့်တကွ မှတ်သားလေ့လာလိုသူ အားလုံးအတွက်ပါ … ။
***
စကားကြီး ဆယ်မျိုး

စကားပြောဆိုရာ၌ ကျွမ်းကျင်လိမ္မာစေရန် စကားပြောနည်း ၁၀-မျိုးကို ခွဲခြား သတ်မှတ်ထားသည်။ မြန်မာလူမျိုးတို့က စကားကြီး ၁၀-မျိုးဟု ခေါ်ဆိုကြသည်။ ယင်းစကားကြီး ၁၀-မျိုး၏ အမည်ကို မုန်တိုင်ပင်ဆရာတော်က မှတ်သားရလွယ်ကူစေရန် သုံးပုံတံချူကျမ်း၌ အောက်ပါအတိုင်း လင်္ကာစီထားပါသည်။

ရေကူးညာတင်၊
ကောက်ပင်ရိတ်လှီး၊
ရေစီးဖောင်ဆန်၊
အိုးတန်ဆန်ခပ်၊
ဆီပွတ်ကျည်ပွေ့၊
ဆင်ဝှေ့ရန်ရှောင်၊
တောင်သူယာခုတ်၊
ကြက်ဆုတ်ခွပ်ပစ်၊
ရေစစ်သည့်အင်၊
ခက်တင်မောင်းနင်း၊
အခြင်းဆယ်ပါး ဤစကားကို
မှတ်သားဝမ်းတွင်း လေ့စေမင်း။
***
၁။ ရေကူးညာတင် ပြောနည်း
မြစ်တဘက်မှ လိုရာဆိပ်ကမ်းသို့ ကူးလိုလျှင် မြစ်ညာကတင်၍ကူးမှ လိုရာသို့ ရောက်သကဲ့သို့ မိမိအလိုရှိရာသို့ ရောက်အောင် အထက်က တင်ကူး၍ ပြောခြင်းသည် “ရေကူးညာတင်ပြောနည်း” မည်၏။ အူထုံးရောဂါသည်ကို ကုရာ၌ ဇီဝက ပြောသောစကားကို သာဓက ထုတ်အပ်၏။

လင်္ကာ
ရေကူးညာတင်၊ ထုံးပုံပြင်ကို၊ လင်္ကာကျဉ်းရုံး၊ ဓိပ္ပါယ်ကုံးသော်၊ အူထုံးလေငြား၊ သူဌေးသားကို၊ သမားဇီဝက၊ ရက်သတ္တ၀ယ်၊ ကုမည်ရွယ်လည်း၊ မလွယ်လေဟန်၊ အကျယ်ဉာဏ်ဖြင့်၊ ကယ်မှန်ခုနစ်လ၊ အိပ်သော်မှလျှင်၊ ကုမနိုင်မည်၊ သို့ဆိုသည်ကို၊ အလီနှိမ့်ချ၊ လေးငါးလနှင့်၊ သုံးလနှစ်လ၊ တစ်လတိုင်အောင်၊ မစွမ်းဆောင်မှ၊ ရက်သတ္တတွင်၊ မုချမလွဲ၊ အိပ်ပျော်ဆဲဝယ်၊ ၀မ်းခွဲပြီးခါ၊ အူထုံးရာကို၊ လွယ်ကာဖြေရှင်း၊ သွင်းမြဲသွင်း၍၊ နေရင်းတိုင်းသာ၊ ပြီးစေရာသည်၊ ရေကူးညာတင် စကားတည်း။
***
၂။ ကောက်ပင်ရိတ်လှီး ပြောနည်း
စပါးရိတ်လျှင် ကောက်ပင်ကို လက်တဖက်ဖြင့် ဆုပ်သိမ်းကာ တံစဉ်ဖြင့် အရင်းမှဖြတ်၍ ရိတ်ယူသကဲ့သို့ တဘက်လူ၏ စကားကို သိမ်းကျုံးဖမ်းယူပြီးမှ အရင်းကဖြတ်၍ ပိုင်လောက်အောင် ပြောဆိုခြင်းသည် “ကောက်ပင်ရိတ်လှီး ပြောနည်း” မည်၏။ သူဌေးသားနှစ်ယောက်နှင့် ဗျိုင်းပုံဝတ္ထုကို သာဓက ထုတ်အပ်၏။

လင်္ကာ
ကောက်ပင်ရိတ်လှီး၊ ပုံတနည်းမှာ၊ ရှေးအခါဝယ်၊ ဥစ္စာကြွယ်ငြား၊ သူဌေးသားသည်၊ မြှားပစ်ရာဝယ်၊ ဗျိုင်းသူငယ်ကို၊ အလွယ်ဖြင့်သာ၊ ရခဲ့ပါသော်၊ အာသာရှိငြား၊ တဦးသားက၊ ငါ့ဗျိုင်းမှန်လျက်၊ သင့်လက်နက်ကြောင့်၊ အသက်ခန္ဓာ၊ ဆုံးရရှာပြီ၊ သာမညဗျိုင်း၊ ဘောမပိုင်းနှင့်၊ နေ့တိုင်းရက်စဉ်၊ ရွှေစင်တကျပ်၊ ချီလာလတ်၍၊ မပြတ်ငါ့အား၊ ပေးလာငြား၏၊ စကားထိုသို့၊ ဆိုတုံမြို့သော်၊ မချို့ဧကန်၊ အကယ်မှန်မူ၊ ယမန်လူက၊ ထို့တူပေးငြား၊ နှစ်,လ များကို၊ မိန့်ကြားစမ်းပါ၊ ဆိုသောခါလျှင်၊ ကြာရှည်လှပြီ၊ အခါလည်ဟု၊ ပြောသည်ခဏ၊ ရေတွက်ဆသော်၊ သုံးရာ့ခြောက်ဆယ်၊ ထိုရက်ဝယ်တွင်၊ ရွှေစင်သုံးရာ၊ ခြောက်ဆယ်သာပြီ၊ ငါ့အိမ်ရှေ့တွင်၊ ထားသည့်အင်ကို၊ နေ့စဉ်ခိုးယူ၊ သင်မူလက်ခံ၊ သို့ဖြစ်ဟန်ကြောင့်၊ အမြန်ပေးလေ၊ ဆိုတုံလေသော်၊ မနေရွံ့ကြောက်၊ ပေးရမြောက်သည်၊ ကောက်ပင်ရိတ်လှီး စကားတည်း။
***
၃။ ရေစီးဖောင်ဆန်ပြောနည်း
ဖောင်ကြီးသည် အညာသို့ဆန်သောကာလ လိုရာဆန္ဒရှိသမျှကို တင်ယူ၍ ဖြည်းညင်းသာယာစွာ ဆန်လျှင် လိုရာအရပ်သို့ ရောက်နိုင်သကဲ့သို့ စကားအရာတွင်လည်း ဥပမာ ဥပမေယျတို့ဖြင့် ဖြည်းညင်းသာယာစွာ လိုရာရောက်အောင် ပြောဆိုခြင်းသည် “ရေစီးဖောင်ဆန်ပြောနည်း” မည်၏။ ဟံသာဝတီဘုရင် ရာဇဓိရာဇ်က “အဆွေတော်” ဟု ရေးသားသည်ကို ဒွါရ၀တီမင်းက မကျေနပ်၍ ဟံသာဝတီသားတို့က ပြေလည်အောင် ဖြေရှင်းပုံကို သာဓကထုတ်အပ်၏။

လင်္ကာ
ရေစီးဖောင်ဆန်၊ ပြောဆိုဟန်မှာ၊ ဒွါရာဝတီ၊ ရွှေပြည်သနင်း၊ ဘုရင်မင်းသည်၊ တနင်းသာရီ၊ စစ်မက်ချီ၍၊ နေသည်ခဏ၊ တပ်ကြီးချလျှင်၊ ရာဇာ့ဓိရာဇ်၊ သိတုံလစ်သော်၊ တားမြစ်အံ့ငှာ၊ တောင်းပန်စာဖြင့်၊ ပညာရှိမတ်၊ စေလွှတ်လတ်လျှင်၊ ထိုစာတွင်၌၊ အဆွေတော်ဟု၊ ရေးဖော်လေချက်၊ မနှစ်သက်၍၊ အမျက်ပြင်းစွာ၊ ထွက်သောခါဝယ်၊ ရာဇာဓိရာဇ်၊ သံတော်စစ်က၊ အနှစ်ရသာ၊ အထူးပါအောင်၊ မြတ်စွာဗုဒ္ဓ၊ ပမာပြ၍၊ ဘုရာ့နောင်တော်၊ ဤသို့ခေါ်ဟု၊ ဆွေတော်လည်းစစ်၊ မင်းမဖြစ်မီ၊ အကြည်တော်ဟု၊ မခေါ်ထိုက်ပေ၊ မင်းဧကရာဇ်၊ ထီးဆောင်းဖြစ်မှ၊ ဧကရာဇ်ချင်း၊ ဆက်စာသွင်းသော်၊ အဆွေတော်ဟု၊ ရေးဖော်မြဲပေ၊ လျှောက်တင်လေသော်၊ ရွှေပြည်ဘုရင်၊ သဘောဝင်၍၊ ပြောအင်ဆိုနည်း၊ လွန်မြှောက်ချီးသည်၊ ရေစီးဖောင်ဆန် စကားတည်း။
***
၎။ အိုးတန်ဆန်ခပ်ပြောနည်း
အိုးနှင့်ဆန်သည် တန်အောင်ချက်လျှင် နူးနပ်စွာ သုံးဆောင်ရသကဲ့သို့ စကားအရာတွင်လည်း မယုတ်မလွန်နှင့် လိုရင်းရောက်အောင် ပြောဆိုခြင်းသည် “အိုးတန်ဆန်ခပ်” ပြောနည်းမည်၏။ သားရွှေအိုးထမ်းလာသည်ကို မြင်လိုပါသည်ဟု ပြောဆိုသော သုဝဏ္ဏသာမ၏ မိဘနှစ်ပါး ပြောဆိုပုံကို သာဓက ထုတ်အပ်၏။

လင်္ကာ
အိုးတန်ဆန်ခပ်၊ စကားရပ်ကို၊ မှတ်စိမ့်သောငှာ၊ အလင်္ကာဖြင့်၊ မယ်ပါရိက၊ ဒုကူလတို့၊ ဖြစ်ကြပျက်အင်၊ မျက်မမြင်ကို၊ သက်ငင်ဆွဲကာ၊ သုဝဏ္ဏာလျှင်၊ တောမှာတစေ၊ လုပ်ကျွေးနေ၍၊ ရှည်ကြာကာလ၊ တိုင်ရောက်မှလျှင်၊ ဗာရာ့ပြည့်ရှင်၊ မုဆိုးသွင်က၊ တောခွင်လည်ရာ၊ သုဝဏ္ဏာကို၊ မြင်ပါသော်ငြား၊ ထိုသူ့အားကို၊ သားကောင်အသွင်၊ စိတ်ဝယ်ထင်၍၊ မဆင်ခြင်လစ်၊ လေးနှင့်ပစ်သော်၊ ဆိုးညစ်ကြမ္မာ၊ ကံကြောင့်သာဟု၊ ပြစ်ဆာမတင်၊ မွေးမိခင်နှင့်၊ ဖခင်ကိုသာ၊ လုပ်ကျွေးပါဟု၊ သာယာသံချို၊ လျှောက်ပန်ဆို၍၊ ထိုခဏတွင်၊ ဇီဝိန်ပြတ်ကြွေ၊ သားမောင်သေမှ၊ မိနှင့်ဖတို့၊ ရောက်လာကြလျှင်၊ သိကြားမြင်သော်၊ ပူပင်သောက၊ မရှိကြလင့်၊ သားလှသက်ရှင်၊ မျက်စိမြင်နှင့်၊ ရွှေစင်သပြာ၊ အိုးရတနာကို၊ လိုရာတခု၊ လျှောက်တင်ပြုလော့၊ ယခုအလို၊ ပြည့်အံ့ဆိုလျှင်၊ လိုရာမတ၊ ရွှေအိုးရ၍၊ သားလှမျက်နှာ၊ မြင်လိုပါဟု၊ သုံးဖြာလုံးကို၊ သိမ်းပိုက်ဆိုသည်၊ ဉာဏ်ကို အားကိုး၊ စကားမျိုးသည်၊ အိုးတန်ဆန်ခပ် ပြောနည်းတည်း။
***
၅။ ဆီပွတ်ကျည်ပွေ့ ပြောနည်း
ဆီကိုရအောင် ပွတ်သည့်အခါတွင် အထပ်ထပ်အခါခါ ပွတ်ရသကဲ့သို့ အလိုရှိသော စကားကို အထပ်ထပ် ပြောဆိုခြင်းသည် “ဆီပွတ်ကျည်ပွေ့ပြောနည်း” မည်၏။ ဘုရားပိန္နဲတိုင်ကိစ္စ ဆွေးနွေးရာ၌ မန်ကျည်းနှစ် လည်းကောင်း၊ ကျွန်းလည်းကောင်း။ ရှားနှစ်လည်းကောင်း၊ ကျွန်းလည်းကောင်းဟု ပြောဆိုပုံကို သာဓက ထုတ်အပ်၏။

လင်္ကာ
ဆီပွတ်ကျည်ပွေ့၊ ပြောဆိုလေ့မှာ၊ မင်းရာဇာသည်၊ မဟာစေတီ၊ တည်ရာကြံ့ခိုင်၊ ပိန္နဲတိုင်ကို၊ အလိုရှိလစ်၊ မန်ကျည်းနှစ်လျှင်၊ ကျစ်လစ်အသား၊ မာ၏လားဟု၊ မေးငြားသောခါ၊ မန်ကျည်းလည်းမာ၊ ကျွန်းလည်းမာဟု၊ ပညာအလျောက်၊ ဆိုတုံမြောက်၍၊ နောက်ထပ်တခါ၊ ရှားနှစ်သာလျှင်၊ မာပါလိမ့်သား၊ မေးပြန်ငြားသော်၊ ရှားနှစ်ကားမာ၊ ကျွန်းလည်းမာဟု၊ ထပ်ကာမနေ၊ လျှောက်တင်လေ၍၊ မင်းဧကရာဇ်၊ ကျွန်းသားစစ်ကို၊ နှစ်သက်ချမ်းမြေ့၊ ဘောဝယ်တွေ့သည်၊ ဆီပွတ်ကျည်ပွေ့ ပြောနည်းတည်း။
***
၆။ ဆင်ဝှေ့ရန်ရှောင်ပြောနည်း
ဆင်ဝှေ့မည်ဟု လိုက်လျှင် လွတ်ရာလွတ်ကြောင်း တိမ်းရှောင်က ချမ်းသာသကဲ့သို့ စကားအရာတွင်လည်း မိမိအဖို့ ဘေးရောက်မည့်စကားကို ရှောင်လွှဲ၍ ပြောဆိုခြင်းသည် “ဆင်ဝှေ့ရန်ရှောင်ပြောနည်း” မည်၏။
ရက်မအောက် မြေကြီးထိ ရွှေချထားသော အိမ်ရှေ့မင်း၏ ကျောင်းမှ ရွှေများကို မြို့ဝန်မင်းက အဖျက်ခိုင်းရာ အိမ်ရှေ့မင်းစိတ်ဆိုးသည်ကို ပြေလည်အောင် လျှောက်ထားသော မြို့ဝန်၏ စကားကို သာဓကထုတ်အပ်၏။

လင်္ကာ
ဆင်ဝှေ့ရန်ရှောင်၊ ပမာဆောင်သော်၊ ဘုန်းခေါင်ညီရင်း၊ အိမ်ရှေ့မင်းသည်၊ ကြည်ခြင်းသဒ္ဓါ၊ ကျောင်းဆောက်ရာတွင်၊ တွင်းပြင်ထက်အောက်၊ မြေသို့ရောက်အောင်၊ တပြောင်ပြောင်ပင်၊ အရောင်ဓီးဓီး၊ ယိုစီးမတတ်၊ ရွှေချလတ်လျှင်၊ မြို့ဝန်မြင်သော်၊ မလျော်လေချက်၊ တိုက်ပွတ်ဖျက်၍၊ ရက်မအောက်က၊ မြေသို့ကျမှ၊ သိရသောခါ၊ ဒါယကာလျှင်၊ ပြင်းစွာအမျက်၊ ဒေါသထွက်၍၊ ချက်ချင်းသတ်မည်၊ ခေါ်စေသည်တွင်၊ ရှိဦးတင်လျက်၊ အရှင်ဘုရား၊ သတို့သားလျှင်၊ မင်းဖျားဧကရာဇ်၊ ဖြစ်မည်ဧကန်၊ မုချမှန်၍၊ ထိုယံကာလ၊ ကျောင်းဆောက်မှလျှင်၊ ရွှေချဖို့ရာ၊ ချွင်းသည်သာဟု၊ ပညာရှေ့ဆောင်၊ ရန်ဝှေ့ရှောင်သည်၊ နောက်နောင်မှတ်ရန် စကားတည်း။
***
၇။ တောင်သူယာခုတ်ပြောနည်း
တောင်သူတို့သည် ယာခုတ်လျှင် ခြုံငယ်သစ်ပင်ငယ်တို့ကို ဦးစွာရှင်းလင်း ခုတ်ထွင်ပြီးမှ သစ်ပင်ကြီးများကို လှဲသကဲ့သို့ စကားအရာတွင်လည်း ဦးစွာ စကားငယ်ကိုပြော၍ နောက်မှ စကားကြီးများကို ပြောခြင်းဖြင့် အနိုင်ယူခြင်းသည် “တောင်သူယာခုတ်ပြောနည်း” မည်၏။ အမတ်ကြီးလေးဦးနှင့် မဟောသဓာသုခမိန်တို့ ဥစ္စာနှင့် ပညာ ဘယ်ဟာက မြတ်သည်ဟူသော အငြင်းပွါးပုံကို သာဓက ထုတ်အပ်၏။

လင်္ကာ
တောင်သူယာခုတ်၊ မိန့်ထုတ်ဝစန၊ ပုံဆိုပြသော်၊ ရဋ္ဌ၀ိဒေ၊ ၀ိဓိပြည်၌၊ ၀ိဒေဟရာဇ်၊ မင်းစစ်နရိန်၊ ဘုန်းရာဇိန်၏၊ သုခမိန်ကျော်၊ မဟော်ပညတ်၊ သိန်းအမတ်တ်ို့၊ ဆိုလတ်များစွာ၊ စကားမှာ၌၊ ပညာဓန၊ ထိုနှစ်ဝတွင်၊ ဓနအမြတ်၊ သိန်းအမတ်က၊ ဆိုလတ်သောခါ၊ ပညာသာမြတ်၊ မဟော်မတ်က၊ ထပ်၍တဖန်၊ ဆိုလေပြန်သော်၊ မဟော်သဓာ၊ ငယ်နုစွာမို့၊ မှန်ရာမသိ၊ ဥစ္စာရှိမှ၊ ခယ၀ပ်တွား၊ လူအများတို့၊ စကားနာခံ၊ သိန်းဆိုပြန်သော်၊ မဟော်ဝိဒူ၊ သိတတ်သူက၊ ဓနဥစ္စာ၊ ရှိပေရှာလည်း၊ ရောဂါဥပဒ်၊ ကပ်ငြိသောခါ၊ မသိပါလျှင်၊ ပညာရှိရှေ့၊ ဆည်းကပ်၍သာ၊ မှီခိုလာ၏၊ ပြောပြန်ဘိက၊ ၀ိဒေဟရာဇ်၊ ရှင်မင်းစစ်သည်၊ အနှစ်ဥစ္စာ၊ ရတနာနှင့်၊ ပြည်ရွာရဋ္ဌ၊ အစိုးရ၍၊ များစွာ့လူပေါင်း၊ ခ၀ပ်ညောင်းသည်၊ စကားချီသော်၊ မဟော်သေနက၊ ပဏ္ဍိတက၊ ဗုဒ္ဓမြတ်စွာ၊ စိန္တေယျာမှာ၊ ဥစ္စာမရှိ၊ သို့ဖြစ်ဘိလည်း၊ ဉာဏ်ကြီးမြုတေ၊ ထွန်းတောက်ဝေ၍၊ ဒေ၀,ဗြဟ္မာ၊ မနုဿာတို့၊ ပူဇာမြို့ဟု၊ ဗဟုဝစနာ၊ ပြောကြရာတွင်၊ ရှေးလျှင်အစ၊ သိမ်ငယ်ပဟု၊ နောက်မှကြီးလျှက်၊ သီးသီးတက်၍၊ မိန့်မြွက်ထူထောင်၊ ဉာဏ်စွမ်းပြောင်သည်၊ တောင်သူယာခုတ် စကားတည်း။
***
၈။ ကြက်ဆုတ်ခွပ်ပစ်ပြောနည်း
ကြက်တို့၏ သဘောသည် ခွပ်မည်ပြုသောအခါ နောက်သို့ ဆုတ်ဟန်ပြု၍ တကယ်ခွပ်သော အခါမှသာ စီး၍ ခွပ်သကဲ့သို့ စကားအရာတွင်လည်း သူ့အလိုကို လိုက်တန်သရွေ့ လိုက်ပြီးလျှင် စီးသာသောအခါမှ စီးလျက် ပြောသောစကားမျိုးသည် “ကြက်ဆုတ်ခွပ်ပစ်ပြောနည်း” မည်၏။ က၀ိသေတ္တုမဉ္ဇူသာကျမ်း၌ ဖော်ပြပါရှိသော တရုတ်ငရွှေကြည်၏ မီးလောင်ခြင်းကိစ္စအတွက် တရုတ်သံများနှင့် အမတ်ကြီး ဦးပေါ်ဦးတို့ အပြန်အလှန်ပြောဆိုပုံကို သာဓက ထုတ်အပ်၏။

လင်္ကာ
ကြက်ဆုတ်ခွပ်ပစ်၊ ပြောလစ်ဝစန၊ ရက္ခပုရံ၊ တိုင်းနိုင်ငံက၊ ဉာဏ်ပညာရှိ၊ မတ်က၀ိနှင့် ပြည်ကြီးအင်းဝ၊ နဂရတွင်၊ မတ်လုလင်တို့၊ နိုင်ဖို့စကား၊ စစ်ထိုးငြားသော်၊ နှစ်ပါးပြည်ရွာ၊ စည်ပင်သာဟု၊ နှစ်ဖြာနှစ်ဝ၊ ပြောကြလေရာ၊ ရာသီဆယ့်နှစ်လ၊ လူထိုမျှတို့၊ ပွဲမှမချဉ်း၊ အင်းဝက၀ိ၊ ဆိုလတ်ဘိက၊ ဓည၀တီ၊ တိုင်းရွှေပြည်မှ၊ မတ်ကျော်လှလည်း၊ များစွာ့လူပေါင်း၊ သောင်းသောင်းအုတ်အုတ်၊ ကျွန်ုပ်တို့ကို၊ ကြည့်သည်ဆိုသော်၊ ထိုအင်းဝမတ်၊ ပညာတတ်လည်း၊ ကြီး, လတ်, ငယ်စု၊ ကြည့်ရှုဆိုရာ၊ ဟုတ်ပါလိမ့်မည်၊ နောက်ဆုတ်လည်ရွေ့၊ အချက်တွေ့ကို၊ ကြိုး၍တခါ၊ တို့ပြည်ရွာမှာ၊ ဂဇာပြောင်ဆင်၊ ကကြိုးပြင်၍၊ တနေ့သုံးခါ၊ ရေချပါလည်း၊ ကြည့်လာမရောက်၊ တောဆင်ပေါက်တို့၊ ရောက်လတ်သောခါ၊ ကြည့်တို့ပါ၏၊ ပမာပုံသွင်၊ အမတ်သင်လည်း၊ တောဆင်အလား၊ မယဉ်ပါး၍၊ အများအားထုတ်၊ ကြည့်လိမ့်ဟုတ်သည်၊ ကြက်ဆုတ်ခွပ်ပစ်စကားတည်း။
***
၉။ ရေစစ်ပမာ စကားပြောနည်း
ဓမ္မကရိုဏ်ခေါ်သော ရေစစ်ကို ရေတွင်နှစ်၍ ရေပြည့်လျှင် အပေါက်ကို လက်ဖြင့်ပိတ်ယူပါက ရေမထွက်နိုင်သကဲ့သို့ တဘက်လူ၏စကားကို ပိတ်မိအောင် ပြောဆိုခြင်းသည် “ရေစစ်ပမာ ပြောနည်း” မည်၏။ သူငယ်လေးယောက်နှင့် သူအိုကြီးတို့ ယုံတမ်းစကားပြောကြားပုံကို သာဓက ထုတ်အပ်၏။

လင်္ကာ
ရေစစ်ကရား၊ စကားရုဠီ၊ ပြောကြမည်ဟု၊ ကြံစည်ပြုငြား၊ လေးယောက်သားနှင့်၊ တပါးသူအို၊ သစ္စာဆို၍၊ အလိုမတူ၊ မယုံသူကို၊ ကျွန်မူမသွေ၊ စေစားလေဟု၊ အပြိုင်ပြုက၊ လေးဝယောက်ျား၊ လူငယ်များတို့၊ စကားပေါ့သွပ်၊ မပြောတတ်လျှင်၊ ထပ်၍တဖန်၊ မြွက်ပြန်လေတုံ၊ စကားပုံမှာ၊ ၀ါပင်ကပေါက်၊ လေးယောက်သင်တို့၊ ဆိုလေမြို့သော်၊ မယုံတို့ပါ၊ ပြန်ပြောခါလည်း၊ ကျွန်သာအစစ်၊ ဆိုသည်ဖြစ်လည်း၊ နစ်အံ့ကျွန်တွင်း၊ အရင်းအဖျား၊ ဘိုးသက်ကြားလျှင်၊ ဆီးတားပတ်ရစ်၊ စကားမြစ်သည်၊ ရေစစ်ကရား ပြောနည်းတည်း။
***
၁၀။ ခက်တင်မောင်းနင်း ပြောနည်း
သူ့စကားကို ဟုတ်၏လည်းမဆို၊ မဟုတ်ဟုလည်းမဆိုဘဲ မတင်မကျ ပြောဆိုခြင်းသည် “ခက်တင်မောင်းနင်းပြောနည်း” မည်၏။ “ဤသူ ငါ့တူမဟုတ်ဟု မည်သူပြောသနည်း” ဟု တောင်ဖီလာဆရာတော် ပြောကြားပုံကို သာဓက ထုတ်အပ်၏။

လင်္ကာ
ခက်တင်မောင်းနင်း၊ ပြောဆိုရင်းမှန်၊ ယမန်ရှေးခါ၊ မတ်ဗိုလ်ပါတို့၊ ယုတ်မာဆိုးညစ်၊ သူခိုးစစ်ကို၊ သတ်ပစ်အံ့ငှာ၊ ဖမ်းယူရာတွင်၊ သာမညသူ၊ မဟုတ်မူ၍၊ တောင်ဖီလာဆရာ၊ တူရင်းချာဟု၊ ဆိုရှာအတွင်း၊ မတ်ခပင်းလည်း၊ ကပ်ချဉ်းဆရာ၊ လျှောက်တုံပါသော်၊ ဆရာတော်လည်း၊ မြွက်ဖော်ငါ့တူ၊ ပြောလိုက်မူက၊ ငါ့မှာမုသား၊ မလွတ်ငြားချေ၊ မပြောနေလည်း၊ သေအံ့လုလင်၊ ဉာဏ်ဆင်ခြင်၍၊ လုလင်တူရင်း၊ မဟုတ်ခြင်းကို၊ ဘယ်သူဆိုဟု၊ မြွက်ဆိုမိန့်ဟ၊ မျက်မှောင်ချ၍၊ မကျမတင်၊ ပြောသောသွင်သည်၊ ခက်တင်မောင်းနင်း ပြောနည်းတည်း။
***
ရည်ညွှန်း။ ... ။ ဗုဒ္ဓဘာသာ အခြေခံလက်စွဲ ဆယ်စောင်တွဲ

Read More...

Sunday, August 08, 2010

စောင့်ရတဲ့ ညနေ ...

တည်ထားတဲ့ ဟင်းရည်အိုးလေး …
နွှေးရင်းနဲ့ ခမ်းခမ်းလာတယ်။

ထိုးထားတဲ့ ပန်းအိုးလေး …
မမွှေးတော့ဘဲ နွမ်းနွမ်းလာတယ်။

အိပ်တန်းတက်မယ့် ငှက်တအုပ်လဲ
ခပ်သုတ်သုတ် ပျံသန်းနေကြပြီ။

လက်တံရှည်ရှည် ပင့်ကူတွေကတော့ …
မျက်နှာကြက်ထောင့်မှာ
ယက်ဖောက်ရက်လို့ ကောင်းတုန်း။

ကြည့်ရတာများလွန်းလို့
နာရီလက်တံ ပြောင်းပြန်သွားနေသလား
ေ၀၀ါးဝါး ဖြစ်လာတယ်။

မွတ်သိပ်မှုတွေ ပြည့်နေတဲ့
ညနေရဲ့ နေရောင်ဟာ
တစတစ ပါးပါးလျလျ။

မြက်ခင်းတွေကတော့ …
အရင်လို စိမ်းနေတုန်းပါပဲ ... ။
***
မေဓာဝီ
၈၊ သြဂုတ်၊ ၂၀၁၀
၀၀း၀၁ နာရီ
(စောင့်ရတဲ့ ညနေများစွာသို့ ....)

တခါတုန်းက

Read More...

Thursday, August 05, 2010

သုံးပတ်စာ ဒိုင်ယာရီ

ဇူလိုင် ၁၆ ရက်နေ့ကတည်းက ငုတ်တုတ်ပဲ ထိုင်နေတော့မယ်ဆိုပြီး ကဗျာရေးလိုက်မိတာ မေဓာဝီတယောက် အဟုတ်ပဲ ငုတ်တုတ်မေ့သွားပါတော့တယ်။ ဖြစ်ပုံကတော့ အင်တာနက်ဒုက္ခကြောင့်ပါပဲ။ စကားနောက် တရားပါပြီး တကယ်ကို အခြေအနေမကောင်း ဖြစ်သွားတယ်။ ကဗျာထဲမှာသာ ငုတ်တုတ်ထိုင်နေမယ်ဆိုပေမဲ့ တကယ်တမ်း ငုတ်တုတ် မနေရပါဘူး။ အဲဒီရက်ပိုင်းအတွင်း လှုပ်ရှားသွားလာ လုပ်ကိုင်ဆောင်ရွက်နေရတာတွေ အများကြီး။ ပျော်လဲ ပျော် မောလဲမော … အင်တာနက် တက်ချင်တာလဲ တပိုင်းရော နှစ်ပိုင်းရော အကုန်ကို သေလို့။ ဘလော့လဲ မလည်ရ၊ ဖတ်ချင်တဲ့ စာတွေလဲ မဖတ်ရ၊ တင်ချင်တဲ့ ပို့စ်တွေလဲ မတင်ရ။ ခုမှတင်ရင်လဲ အိပ်စပိုင်ယာဖြစ်သွားပြီဆိုတော့ … အားလုံး စုပေါင်းစပ်ပေါင်း အကုန်ရောပြီး သုံးပတ်စာ ဒိုင်ယာရီ လုပ်လိုက်ပါတယ်။
***
၁၇၊ ၇၊ ၂၀၁၀ (စနေနေ့)

အဘိုးပုံ
အဲဒီနေ့က အဘိုးကွယ်လွန် (ပျံလွန်တော်မူ) တာ ၁၉ နှစ် ပြည့်ပါတယ်။ အဘွားက ဇူလိုင်လ ၁၉ ရက်နေ့ မှာ (အဘိုးနဲ့ ရက်အားဖြင့် တရက်ပဲခြားပေမဲ့ နှစ်အများကြီးစောပြီး) ကွယ်လွန်ခဲ့တယ်။ ကျမ မမွေးခင်ကမို့ အတိအကျတော့ မမှတ်မိတော့ဘူး။ ဒါကြောင့် ကွယ်လွန်သွားတဲ့ အဘိုးနဲ့အဘွားကို ရည်စူးပြီး ဘာမင်ဂမ်ဘုန်းကြီးကျောင်းကို ဆွမ်းဟင်းသွားပို့ပါတယ်။ ထုံးစံအတိုင်း ချက်နေကျဟင်းတွေနဲ့ပါပဲ။ အဲဒီနေ့မှာ အဘိုးအတွက် သီးသန့်စာတပုဒ်ရေးပြီး တင်မလို့ပါပဲ။ အဘိုးအကြောင်းက ရေးစရာတွေ အများကြီး၊ တပိုင်းတစရေးထားပြီး အင်တာနက် အဆင်မပြေလို့ မတင်ဖြစ်ခဲ့ဘူး၊ နောက်ကြုံမှပဲ ဆက်ရေးပြီး တင်ပါတော့မယ်။
***
၂၅၊ ၇၊ ၂၀၁၀ (တနင်္ဂနွေနေ့)

“အမေဆိုဆဲ ၀ါဆိုပွဲ လှည်းကလေးနဲ့ သွားရအောင် …
ကုက္ကိုပင် မြန်မြန်ခုတ်ပါ့ လှည်းလုပ်ရအောင် …
လှည်းလုပ်ရင် ကြာရော့ ကြာရော့
မဘုတ်ဆုံ တင်ဆုံကြီး လှည်းလုပ်လို့စီး … ”

ဆိုတဲ့ ကဗျာလေးက အဲဒီရက်ပိုင်း ကျမနှုတ်ထဲ ရောက်ပြီး တချိန်လုံး ဆိုနေမိတယ်။ တနင်္လာနေ့ ၂၆ ဇူလိုင်က ၀ါဆိုလပြည့်နေ့မဟုတ်လား။ အဖိတ်နေ့ဖြစ်တဲ့ ၂၅ ရက်နေ့က ဘာမင်ဂမ်ကျောင်းမှာ ၀ါဆိုပွဲလုပ်ပါတယ်။ ၀ါဆိုပွဲကို လှည်းကလေးနဲ့ မဟုတ်ဘဲ ဦးရီးတော်မောင်းတဲ့ ကားကလေးနဲ့ တူဝရီးနှစ်ယောက် သွားကြပါတယ်။ ၀ါဆိုပွဲကိုလည်း ထုံးစံအတိုင်း ဆွမ်းဟင်းတွေ ချက်ယူသွားတဲ့အပြင် မေဓာဝီရဲ့ နာမည်ကြီး ခေါက်ဆွဲကြော် ကြော်ယူသွားပါတယ်။

ဓာတ်ပုံထဲမှာ ဓာတ်ပုံဆရာ (မေဓာဝီ) မပါပါဘူး

ဘာမင်ဂမ်ကျောင်းရဲ့ ၀ါဆိုပွဲက အတော်လေး စည်ကားတယ်။ အောက်စ်ဖို့ဒ်ဝိဟာရကျောင်းမှာ သီတင်းသုံးတဲ့ တိပိဋကဆရာတော် ဦးဂန္ဓမာလာလဲ ကြွလာပြီး တရားချီးမြှင့်ပေးပါတယ်။

သံဃာတော်များ ဆွမ်းဘုဉ်းပေးနေကြစဉ်
ကြုံလို့ တိပိဋကဆရာတော်ရဲ့ တရားကို နည်းနည်းလောက် ပြောပါရစေအုံး။ တရားနာရင်း သဘောကျလို့ ဘုတ်အုပ်ထဲ ကူးရေးပြီး မှတ်လာတာပါ။ ဆရာတော်ရဲ့ တရားက ခပ်တိုတိုနဲ့ ခပ်ရှင်းရှင်းလေးပါပဲ။
“တရားဖြင့် နေထိုင်ခြင်း” တဲ့။ တောရဆရာတော်တပါးရဲ့ အဆုံးအမ စကားလို့ ဆိုပါတယ်။

၁) ကိုယ်မကြိုက်တာ သူများကို လုံးဝမပေးပါနဲ့။
၂) ကိုယ်ကြိုက်တာအကုန်လုံး သူများကိုပေးပါ။
၃) ကိုယ်ပေးတဲ့အတိုင်း ကိုယ်ပြန်ရမယ်။

တိုတိုလေးနဲ့ အလွန်မှတ်သားဖို့ကောင်းပါတယ်။
ကိုယ်မကြိုက်တာ သူများကို မပေးနဲ့ဆိုတဲ့နေရာမှာ ကာယကံ၊ ၀စီကံ၊ မနောကံ အားလုံးနဲ့ ကိုယ်မကြိုက်တာတွေကို သူများကို မလုပ်ဖို့ကို ဆိုလိုတာပါ။ နောက်ပြီး ဗမာစကားပုံတခုဖြစ်တဲ့ “မကောင်းကျောင်းပို့” ဆိုတာကို ဆရာတော်က ထည့်ပြောသွားပါသေးတယ်။ တချို့က ကိုယ်မသုံးတော့တဲ့ ကွန်ပျူတာအဟောင်း၊ ကားအဟောင်း စသဖြင့် ဘုန်းကြီးကျောင်းတွေကို သွားလှူကြတယ် … လှူတာက ကောင်းပေမဲ့ ဘုန်းကြီးတွေ ခမျာမှာ ပစ္စည်းဟောင်းတွေနဲ့ ဒုက္ခရောက်ရကြောင်း ဆရာတော်က တကယ့်ဖြစ်ရပ်မှန်ကို ဟာသလေးနှောပြီး ဟောသွားပါတယ်။ ဆရာတော်ပြောတာက ကျမတို့အားလုံးကို တိုက်ရိုက်ထိနေတာမို့ ခပ်ရှက်ရှက်နဲ့ ရယ်နေကြပါတယ်။ ဗမာပြည်မှာတုန်းက ကျမလည်းပဲ ကွန်ပျူတာ အဟောင်းကို သီလရှင်ကျောင်း လှူဖူးတာကိုး။

ဝါဆိုသင်္ကန်းများ ဆက်ကပ်လှူဒါန်းနေကြ
တိပိဋကဆရာတော် ဦးဂန္ဓမာ ဟောအပြီးမှာ ဘာမင်ဂမ်ဆရာတော် ဦးဥတ္တရဉာဏက အင်္ဂလိပ်လို တရားချီးမြှင့်ပါတယ်။ ဘာတရားချီးမြှင့်သလဲဆိုတာ မမေးပါနဲ့။ အင်္ဂလိပ်လိုဟောတာဆိုတော့ ဘုတ်အုပ်ထဲလဲ မှတ်မထားလိုက်မိတော့ မသိဘူး။ :D
***
၂၆၊ ၇၊ ၂၀၁၀ (တနင်္လာနေ့)

ဝါဆိုလပြည့်နေ့ပါ။ မနေ့က အလှူမှာ စားတာများသွားလို့လားမသိဘူး၊ မနက် ၉ နာရီကစပြီး တနေ့လုံး ၀မ်းသွားပါလေရော။ ဦးရီးတော်ကလဲ အလုပ်သွားလို့ အိမ်မှာမရှိ၊ တယောက်ထဲ ဆေးက အလွယ်တကူ ရှာမတွေ့။ ဗိုက်တွေနာပြီး ဘာမှစားလို့မရတော့ လပြည့်နေ့ ဥပုသ်စောင့်မယ့် အစီအစဉ်ကို ၀မ်းနည်းစွာ ဖျက်လိုက်ရတယ်။ အကုသိုလ် တော်တော်ကြီးနေလို့လားတော့ မသိပါဘူး။ ဦးရီးတော်ပြန်လာမှ ဆေးတောင်းသောက်လို့ ၉-ခါနဲ့ ရပ်သွားပါတယ်။ ညနေဘက် ဓမ္မစကြာ အနတ္တလက္ခဏသုတ် ဦးရီးတော်နဲ့အတူ ကာရာအိုကေကြည့်ပြီး ရွတ်ကြတယ်။ ကျမက အလွတ် (နီးပါး) ရတော့ မကြည့်ပါဘူး၊ ဦးရီးတော်က အလွတ်မရတော့ ကာရာအိုကေကြည့်ဆိုရတာ။ ဒီနေရာတခုပဲ ဦးရီးတော်ထက် ကျမက သာတာရှိတယ်။ (ဟဲဟဲ) တခုလောက်သာလဲ မနည်းဘူး မဟုတ်လား။
***
၂၇၊ ၇၊ ၂၀၁၀ (အင်္ဂါနေ့)

ဝါဆိုလပြည့်ကျော် တရက်နေ့က အဖေ့မွေးနေ့ပါ။ အဖေ့ အသက် ၆၅ နှစ်ပြည့်တယ်။ အဖေ့မွေးနေ့အတွက် အမှတ်တရ ပို့စ်တင်ဖို့ စိတ်ကူးပြီး ရေးထားပြီးသား၊ နက်ဒုက္ခကြောင့် မတင်ဖြစ်ဘူး။ မနက်ဘုရားရှိခိုးတိုင်း မိဘနှစ်ပါးကို ကန်တော့နေကျမို့ အဖေ့မွေးနေ့ အထိမ်းအမှတ်အနေနဲ့ ထွေထွေထူးထူး သတ်မှတ်ပြီး မကန်တော့ဖြစ်ပါဘူး။ စိတ်ထဲက သတိရနေရင် ပြီးတာပဲမဟုတ်လား။ နောက်တနေ့ အိမ်မှာ ဦးရီးတော် မိတ်ဆွေတွေ ညစာဖိတ်ကျွေးမှာမို့ အဲဒီနေ့က တအိမ်လုံး ရှင်းလင်းရေး လုပ်နေရပါတယ်။ တနေကုန် ဖတ်ဖတ်မောလို့။ ကိုယ့်ကိုယ်ကိုယ်တောင် အတော်လေး သနားနေမိတယ်။
***
၂၈၊ ၇၊ ၂၀၁၀ (ဗုဒ္ဓဟူးနေ့)

ညဘက် ဧည့်သည်တွေဖိတ်ထားတာမို့ မနက်မိုးလင်း မျက်စိနှစ်လုံးပွင့်ကတည်းက စပြီးချက်ရတယ်။ ချက်ပြုတ် ဆေးကြော လှီးချွတ် … စက်ရုပ်လိုပဲ တလှုပ်လှုပ်နဲ့ လုပ်လိုက်ရတာ တနေ့လုံးထိုင်ကို မထိုင်လိုက်ရဘူး။ ကိုယ်တိုင်ချက်ပြုတ်ထားပြီး စားလဲမစားနိုင်ဘူး။ ကိုယ်ချက်ထားတာလေးတွေ ဖွယ်ဖွယ်ရာရာမို့ ဓာတ်ပုံရိုက်ပြီး မှတ်တမ်းတင်ချင်ပေမဲ့ အဲဒီလောက် အချိန်မရပါဘူး။ ည ၁၁ နာရီ သိမ်းဆည်းပြီး အိပ်ရာထဲရောက်မှ နားရတယ်။ ပင်ပန်းတယ်ဆိုတာ ပြောမပြတတ်အောင်ပဲ၊ အဲဒီနေ့ကို ခုပြန်တွေးရင် ဖျားချင်လာတယ်။ ဒါပေမဲ့ … အင်း … ပျော်ပါတယ် … ။
***
၃၁၊ ၇၊ ၂၀၁၀ (စနေနေ့)

အဲဒီနေ့ကတော့ အောက်စ်ဖို့ဒ်ဓမ္မ၀ိဟာရကို သွားကြပါတယ်။ ဦးရီးတော်မိတ်ဆွေရဲ့ ဆွမ်းကျွေးအလှူပါ။ အောက်စ်ဖို့ဒ်က ဆရာတော် ဦးဓမ္မသာမိက သက်သတ်လွတ် ဘုဉ်းပေးတာမို့ ဆရာတော်ကြိုက်တယ်လို့ ပြောဖူးတဲ့ ပဲကြော် ကြော်သွားပါတယ်။ အများအတွက်က ခေါက်ဆွဲကြော်။

ဦးဓမ္မသာမိက အင်္ဂလိပ်လို တရားချီးမြှင့်ပြီး တိပိဋကဆရာတော်က “အကာနဲ့ အနှစ်”ဆိုတဲ့ တရားကို ဟောပါတယ်။

ဒါန သီလ ဘာဝနာ ပြုရာမှာ အကာက ဘယ်လို အနှစ်က ဘယ်လိုဆိုတာ ခွဲခြားပြီး ဟောပြသွားပါတယ်။ ဆရာတော်ရဲ့ ထုံးစံအတိုင်း ရယ်စရာလေးနဲ့ မပျင်းရအောင် ပြောတာမို့ တရားနာပရိသတ်လဲ သဘောကျကြပြီး အိပ်မငိုက်ကြပါဘူး။ အောက်စ်ဖို့ဒ်ကျောင်းမှာတော့ ၇-ရက် တရားစခန်းဝင်သူ လူငယ်လေးတွေနဲ့ စည်ကားနေတာကို အားရစဖွယ် တွေ့မြင်ခဲ့ရတယ်။
***
၁၊ သြဂုတ်၊ ၂၀၁၀ (တနင်္ဂနွေနေ့)

တူဝရီးနှစ်ယောက် မြက်ရိတ်၊ ခြံရှင်း၊ ရေလောင်း၊ ပေါင်းသင်၊ အပင်တွေ မြေဆွေးထည့် … လက်ဆောင်ရထားတဲ့ ပန်းသီးပင်လေး မြေပေါ်ချစိုက် … အလုပ်မရှိ ရှာကြံလုပ်ရင်း ခြံထဲမှာ အချိန်ကုန်သွားတယ်။
***
၂၊ သြဂုတ်၊ ၂၀၁၀ (တနင်္လာနေ့)

ဘုရားရှိခိုး မနက်စာစားပြီးတာနဲ့ လန်ဒန်ကိုသွားကြတယ်။ ဦးရီးတော် ကိစ္စနဲ့ပါ။ မနက် ၈ နာရီခွဲ အိမ်ကထွက်၊ ၁၁နာရီ ခွဲ လန်ဒန်က အမျိုးတွေအိမ်ကိုရောက်တယ်။ အလွန်တရာ ရှုပ်ယှက်ခတ်လှစွာသော နာမည်ကြီး အောက်စ်ဖို့ဒ်လမ်းမှာ လမ်းသလားတယ်။



အမေရိကန် သံရုံးနား ဓာတ်ပုံသွားရိုက်တယ်။ အမျိုးတွေအိမ်က Wembley Stadium နားမှာဆိုတော့ အဲဒီအနီးတ၀ိုက် ခြေညောင်းလက်ဆန့် (ကားနဲ့) ပတ်ပြီး ဟိုဟိုဒီဒီကြည့်တယ်။
ည ၈ နာရီ သာသာမှာ လန်ဒန်ကပြန်လာပြီး အိမ်ကို ည ၁၁ နာရီမထိုးမီ ပြန်ရောက်ပါတယ်။ ပါလာတဲ့ လက်ဆောင်ပစ္စည်းတွေ သိမ်းဆည်းပြီးသကာလ အိပ်ရာထဲ ဒိုင်ဗင်ပစ်ပြီး ၀င်အိပ်လိုက်တယ်။ ပင်ပန်းလိုက်တာ … ဒါပေမဲ့ … ဟုတ်ကဲ့ … ပျော်ပါတယ်။
***
၅၊ သြဂုတ်၊ ၂၀၁၀ (ကြာသပတေးနေ့)

ဂါးဒင်းစန်တာသွားတယ်။ အပင်တွေ သွားငေးတယ်။ သီးပွင့် ဖူးငုံ ဝေဆာ လန်းဆန်းနေကြတဲ့ အပင်လေးတွေကိုမြင်ရ ကြည့်ရတာ စိတ်ချမ်းသာစရာပါပဲ။ ဘာဝယ်ခဲ့သလဲ … ဟုတ်လား … ဟင့်အင်း … မ၀ယ်ပါဘူး။ ပိုက်ဆံအကုန်ခံလို့။ အိမ်မှာ မြက်ပင်တွေ အများကြီးရှိတယ်။ ရိတ်လို့ကို မနိုင်ဘူး။ တော်ပြီလေ … အဲဒီလောက်ဆို လုံလောက်ပါပြီ။

***
သုံးပတ်စာ ဒိုင်ယာရီက အတော်ကို ရှည်သွားတယ်။ ငုတ်တုတ်ထိုင်မယ်ဆိုပြီး ဒီသုံးပတ်လုံး ကောင်းကောင်းကို မထိုင်လိုက်ရပါဘူး။ ကျောင်းပိတ်ပေမဲ့ မေဓာဝီ မအားဘူးဆိုတာ သိပြီး သနားမလားလို့ ရေးလိုက်ပါတယ်။ အလှူဒါနတွေ ပြုနေပေမဲ့ ကိုယ့်ပိုက်ဆံတော့ တပြားမှမပါပါဘူး။ ဒါပေမဲ့လဲ ဝေယျာဝစ္စ လုပ်အားဒါနတော့ အများကြီး တလုံးတခဲ ပါတာပေါ့လေ။ (ဒါ နည်းသလားနော်) အခုလက်ရှိမှာတော့ အင်တာနက် အခြေအနေ နည်းနည်းကောင်းပေမဲ့ ဖုတ်လှိုက်ဖုတ်လှိုက်မို့ အရင်လို ဘလော့ကို စိတ်ကြိုက်မဂင်းနိုင်တော့ပါဘူး။ ပျက်ကွက်မှုအပေါင်းအတွက် နားလည်ပေးကြပါလို့ … ။
***
မေဓာဝီ
၅၊ သြဂုတ်၊ ၂၀၁၀
၁၅း၁၀ နာရီ

Read More...