မဟုတ်မဟတ်တွေကို ပယ်
အရှုပ်အရှက်တွေကို ဖယ်
ကသုတ်ကယက်နဲ့ပဲ
နှုတ်ဆက်တယ် … သင်္ကြန်ရယ် … ။
အထီးကျန် … အကျည်းတန်လျက်
မျက်ရည်တွေစိုလူး
ဒီနှစ်ကို ကူးရတော့မယ် … ။
သမုဒယတဏှာ နှောင်ဖွဲ့တည်းလို့
အခုဘ၀မှာ လောင်တဲ့မီးတွေရယ်
ဘယ်ရေစင်နဲ့ ငြိမ်းရပါ့
ဒုက္ခဆိုတာ သစ္စာလား
တရားလဲ မကယ်နိုင်တော့ပြီ တကယ် … ။
ကွယ် … ဒီလိုနဲ့
အပြစ်တွေ အမျိုးမျိုး
အညစ်တွေ တိုးတိုးပြီး
အဖြစ်တွေ ဆိုးဆိုးလာ ..
တနှစ်တာ ခရီးအဆုံး
ကိုယ့်ကိုယ်ကိုယ် သုံးသပ်
ရှက်လဲ ရှက်ရွံ့မိတယ်။
ငြိတွယ်တဲ့ နွယ်ပင်
ကျွံဝင်တဲ့ နွံတွင်း
ရုန်းထွက်ရင်း ကြေကွဲ
ဝေခွဲမရပေမဲ့
နေမြဲဘ၀မှာသာ နေခဲ့ပါ့မယ်။
မလွမ်းချင် မတမ်းချင်ပေမဲ့
ကျွမ်းဝင်ခဲ့တဲ့ ခဏတာက
ဘ၀မှာ ဒဏ်ရာရခဲ့
သံသရာ အခြားမဲ့မှာလဲ
ထားသာ ထားခဲ့ပါစေကွယ် ... ။
တကယ်ပါ …
မင်္ဂလာနှစ်သစ်
အစဉ်သာ ဖြစ်မဖြစ်
ရင်မှာ ညစ်ညစ်နဲ့ပဲ
ဆုတွေလဲ မတောင်း
ကောင်းတာတွေလဲ မတမ်းတ
ဖြစ်သမျှ အကြောင်း
ကောင်းကောင်း ဆိုးဆိုး
အတိုးနဲ့ပဲလာလာ
အညှိုးဖွဲ့ပဲလာလာ
ရင်နာနာနဲ့
တမင်တကာပဲ နှုတ်ဆက်တယ် …
...........................................
...........................................
...........................................
နေခဲ့တော့ သင်္ကြန်ရယ် … ။
***
မေဓာဝီ
၁၆၊ ဧပြီ၊ ၂၀၁၁
မဟာသင်္ကြန် အတက်နေ့
၁၅း၁၈ နာရီ
***
အသိပေးစကား ...
အားလုံးကို နှုတ်ဆက်ပါတယ်။
ကျမဘလော့လေးကို မနက်ဖြန်ကစပြီး ခဏပိတ်ခဲ့ပါတော့မယ်။
စုစည်း ထိမ်းသိမ်းမရတဲ့ စိတ်တွေက ဘ၀အတွက် အနှောက်အယှက်တွေ ဖြစ်လာနိုင်တာမို့ ခုလို လုပ်ရတာပါပဲ။
စိတ်မကောင်းပါဘူး။ အင်မတန်ဝမ်းနည်းပါတယ်။ ဒါပေမဲ့ ... ဒီလိုပဲ ဆုံးဖြတ်ပါရစေ ... ။
အခြေအနေပေးရင် ပြန်လာခဲ့ပါမယ်။
ဘလော့ရေးသူ ဖတ်သူများအပေါ်မှာ ကျမ မှားခဲ့တာတွေ ရှိခဲ့ရင် နားလည်စွာ ခွင့်လွှတ်ပေးဖို့ တောင်းပန်ပါတယ်။
အားလုံးကို လေးစားချစ်ခင်စွာဖြင့် ...
မေဓာဝီ
Read More...
Summary only...
![](https://blogger.googleusercontent.com/img/b/R29vZ2xl/AVvXsEh6NnaUKBhbViaIm5SoHUtm-6SSKizAIJWGL-OQkeULfrbG-S4io9fenSmI-1Vu6EDV9Un3F702i_NGwJZXZ5I910anCxmPP0aXUcZokBKvnnA1-3lZbNY-d3umXNK6Nji5RTBw/s320/DSC04221.JPG)
ဧပြီလ ၁၀ ရက်၊ တနင်္ဂနွေနေ့။
အောက်စ်ဖို့ဒ် ဗုဒ္ဓ၀ိဟာရက ကြီးမှူးပြီး ကျင်းပပြုလုပ်တဲ့ မြန်မာနှစ်သစ်ကူးပွဲတော်ကို သွားဖြစ်ခဲ့တယ်။ ဘုန်းကြီးတွေကပ်ရအောင် မနေ့ကတည်းက လုပ်ထားတဲ့ ကြက်ဥရေညှိပေါင်းနဲ့ ဒီမနက်စောစောထပြီး သုပ်ထားတဲ့ ပဲကြာဆံသုပ် (သက်သတ်လွတ်) ယူသွားခဲ့တယ်။ နှစ်မျိုးလုံးက
ချော (အစိမ်းရောင်နယ်မြေ) ရဲ့ နည်းတွေပါပဲ။ ကြက်ဥပေါင်းနေရင်း မသိလို့ ချောကို လှမ်းလှမ်း မေးရသေးတယ်။ (အဲဒီအတွက် ချောကို ကျေးဇူးတင်ပါတယ်။)
မခဲမချင်း ဇွဲတင်းပြီးပေါင်းရလေသော ကြက်ဥရေညှိပေါင်း ...***
အောက်စ်ဖို့ဒ်ရောက်တော့ နေ့လည် ၁၁ နာရီ။ ဘုန်းကြီးဆွမ်းမစားခင် အချိန်မီ ရောက်သွားလို့ တော်ပါသေးရဲ့။
သံဃာတော် ၁၁-ပါးက ခန်းမထဲမှာ တန်းစီပြီး ဆွမ်းခံကြွကြတယ်။
![](https://blogger.googleusercontent.com/img/b/R29vZ2xl/AVvXsEiETUBN9bbUJZgEQga0trSnETWs0VVCGi-oB9NjWLKzzksyhpp_KTkn3s6CkmIh98sa2bCuqLQEVY-EeV0hOX1_BvnBfE9wtw_VMt3uQ1231xOz4QQsnNZYy2nNNY5JiOmb7Iiv/s320/DSC04200.JPG)
ရဟန်းသံဃာ ဆွမ်းခံလာစဉ်
သံဃာတော်အား ဆွမ်းများလောင်းရန် တန်းစီဟန် ...
သံဃာတော်က ၁၁ ပါး လူတွေက အများကြီးမို့ သံဃာတော်တွေက ခန်းမကို နှစ်ခါပြန်ပတ်ပြီး ဆွမ်းခံပေးရတယ်။
![](https://blogger.googleusercontent.com/img/b/R29vZ2xl/AVvXsEiuIVW-jH3dfJ7CNgrXXmn6SzhWHn_wU24z0HUqctYEqA2UaH6e5GAlPJK4bzJ5-Qvl2otwLwmv3LQAm-xdtiHc-DW9lhvVHwePWH-r-k6Vm24ybbwzvOVx0fX0HFhXFKHhQ7TU/s320/DSC04207.JPG)
..
ကုသိုလ်လဲရ ၀မ်းလဲဝ
သပိတ်ထဲ ပြည့်သွားရင် ဘေးကလိုက်တဲ့ ကပ္ပိယက ဆွမ်းတွေ လိုက်သိမ်းပေးပါတယ်။ လူငယ်လေးတွေ တက်တက်ကြွကြွ လုပ်ပေးနေကြတာ ကြည့်ပြီး အားရကျေနပ်မိပါရဲ့။
![](https://blogger.googleusercontent.com/img/b/R29vZ2xl/AVvXsEjJ8DA_OcIsmh6I9ZvmuF_z23eN1QBXhOFlocD3VvjeVNqiN-1fkjbmmA87vYYtxJ8r5Rb3LplxVjbUGagGkBMvp9Xv9k7Ab9YMjM59dEQ8i_Sm-R_pP4Abj7_ahLxZFTNgxgVX/s320/DSC04218.JPG)
ဟင်းပွဲအများ စီစဉ်ထား
ဆွမ်းဟင်းပွဲတွေကလဲ မနည်းမနောပါဘဲ။ များသောအားဖြင့်ကတော့ ထိုင်း အစားအစာတွေပါ။ (ထိုင်းစာတွေက အရမ်းစပ်တယ်၊ သေလောက်အောင် စပ်တယ်) ဆရာတော်တချို့က သက်သတ်လွတ် ဘုဉ်းပေးတာမို့ သက်သတ်လွတ် ဟင်းပွဲတွေလဲ အများကြီးပါပဲ။
![](https://blogger.googleusercontent.com/img/b/R29vZ2xl/AVvXsEh7e35OltgmV1xLmyiu1F7EC_I_I-DcfSkv9JXp8uBsiQ3TATV2Twczq1YaUqg8vFtlGxu4L-n87qcagG04ASXDVEek9wjyEg3COEfBvrEDVJ8cagQard08KkWqfacUkihOSxNq/s320/DSC04230.JPG)
ဆွမ်းမစားခင် ရွတ်ပွါးစဉ်
ဆွမ်းမစားခင် ရွတ်ဖတ် သရဇ္ဈယ်တော့ အောက်စ်ဖို့ကျောင်းထုံးစံအတိုင်း ပါဠိကို ထိုင်းပုံစံရွတ်ကြတယ်။ အဖြတ်အတောက် အဆွဲအငင်တွေက ကြားနေကျပုံစံမျိုး ရင်းနှီးမှုမရှိလို့ လိုက်မရွတ်ဖြစ်ဘူး။
ဆွမ်းဘုဉ်းပေးကာ မြတ်သံဃာ
ဆွမ်းဘုဉ်းပေးတော့လဲ အောက်စ်ဖို့ဒ် ကျောင်းရဲ့ ထုံးစံအတိုင်း သပိတ်နဲ့ပဲ ဆွမ်းဘုဉ်းပေးကြတယ်။ ညာဘက် အစွန်ဆုံးက ဘုန်းကြီးက တလောက ရေသိမ်မှာ သိမ်ဝင်ပြီး ရဟန်းခံခဲ့တဲ့ အင်္ဂလိပ်ဘုန်းကြီးပါ။ သူက လူဘ၀က ဒေါက်တာဘွဲ့ရခဲ့တဲ့ သူတယောက်။ ပရိုဖက်ရှင်နယ် ပုံပြောသူ (story teller) လဲ လုပ်ခဲ့ဖူးသတဲ့။ ဒီပွဲမှာလဲ ပုံပြင်တပုဒ် ပြောပြသွားခဲ့ပါတယ်။
![](https://blogger.googleusercontent.com/img/b/R29vZ2xl/AVvXsEgzUYdi9iJBzZCp8PnXMf_NB-byAMYVUI7twpSjRSPpOLXZnz7L81BQIKv1j99kfd2-UTAQKs4YVr98xG23NzBHf8S9_kVp_J_j-x2NtN8GWWH34KO4Ldq3jJQcjzI8_EESV0H3/s320/DSC04235.JPG)
ထိုင်းအကများ ဖျော်ဖြေသွား ...
ထိုင်းလှပျိုဖြူလေးတွေက သူတို့ရိုးရာ ထိုင်းအကနဲ့ ကပြဖျော်ဖြေသွားကြတယ်။ ဘယ်တော့များ တူးပို့သံနဲ့ မြနန္ဒာသီချင်းဆိုပြီး မြန်မာမလေးတွေ ကဦးမှာလဲလို့ မျှော်နေခဲ့မိပေမဲ့ ... ... ။
![](https://blogger.googleusercontent.com/img/b/R29vZ2xl/AVvXsEj29r-zNx7bFsZld4DQiQXToPF1dfLI7cINmfkhjijLa5uEP2R8Rm9W2po-cg-0Rp6Iwgg-jyaZDFGbvGHjUhKgTuKl5QLAXbOAZhDfAhHB20sSWJhNjpfMW0_-z6-0aKZD_KM9/s320/DSC04252.JPG)
လှပမြူးကြွ ကိန္နရီအက
ရှမ်းအမျိုးသမီးတယောက်ရဲ့ ကိန္နရီအကပါ။ ဟိုးဘက်မှာ ရှမ်းအိုးစည်ရှည်ကြီးနဲ့ မောင်းလေးတွေ တထုံထုံထုပြီး အကကို ပံ့ပိုးပေးကြတယ်။
စားသောက်ပြီးခါ တရားနာ
အောက်စ်ဖို့ဒ်ဗုဒ္ဓ၀ိဟာရ ဆရာတော် ဦးဓမ္မသာမိက တရားမဟောခင် အားလုံးကို ၃ မိနစ် အာနာပါန ရှုမှတ်စေပါတယ်။ ပြီးမှ အင်္ဂလိပ်၊ မြန်မာ၊ ထိုင်း သုံးဘာသာနဲ့ နှစ်သစ်ကူး တရားဟောသွားခဲ့ပါတယ်။ ဆရာတော်ပြောသွားတာလေးက မှတ်သားစရာပါ။ နှစ်သစ်ကူးမှာ အညစ်အကြေးတွေ စင်ကြယ်စေဖို့ ဆိုတဲ့ ရည်ရွယ်ချက်နဲ့ ရေလောင်းကြတယ်။ တကယ်တော့ ရေနဲ့ အညစ်အကြေးကို ဆေးကြောသန့်စင်တယ်ဆိုတာ အလွန်ဆုံး ၁၂-နာရီပဲ ခံပါသတဲ့။ ပြီးရင် ပြန်ညစ်ပတ်တာပဲ။ တကယ်တမ်းက တနှစ်ပတ်လုံး မဆေးမကြောလို့ ညစ်ထေးနေတဲ့ မိမိစိတ်ကို သန့်စင်အောင် ဆေးကြောရမယ်လို့ ဆိုတယ်။ စိတ်စင်ကြယ်စေဖို့က မြတ်စွာဘုရား ဟောကြားထားတဲ့ သမထ/ ၀ိပဿနာကမ္မဋ္ဌာန်းနဲ့ ဆေးကြောကြရမယ် ... အဲဒီလိုဆိုရင် နေ့တိုင်းဟာ နေ့အသစ် အရုဏ်ဦး၊ နေ့တိုင်းဟာ နှစ်သစ်ကူး၊ နေ့တိုင်းမှာ ပျော်ရွှင်ကြည်နူးနိုင်မယ် လို့ ဟောကြားသွားပါတယ်။
အဲဒီနောက်မှာ တခြား သံဃာတော်တွေ အနည်းအကျဉ်း ပြောဟောပြီးတဲ့နောက် သာဓုတွေ အကြိမ်ကြိမ်ခေါ်ပြီး ကျမတို့လဲ ပြန်လာခဲ့ကြတယ်၊ အခမ်းအနားကတော့ မပြီးသေးပါဘူး။ ဘုရားရေသပ္ပါယ်မယ့် အစီအစဉ်တွေ ကျန်သေးတယ်လို့တော့ သိရတယ်။ တခြားဘာတွေလုပ်အုံးမလဲ မသိပေမဲ့ အတူသွားတဲ့ အန်တီတွေ အန်ကယ်တွေက နောက်တနေရာ ဆက်ကြအုံးမှာမို့ ပြန်ခဲ့ကြပါတယ်။ တူးပို့သံ မညံ မြန်မာဟန်ကင်းဝေးတဲ့ ဒီပွဲတော်က ကိုယ့်ဒေသကို လွမ်းနေတဲ့ ကျမအတွက် စိတ်ကျေနပ်မှု မရနိုင်ခဲ့ပေမဲ့ ကုသိုလ်တွေတော့ ရလိုက်ပါတယ်လေ ... လို့ ကိုယ့်စိတ်ကိုယ် ဖြေသိမ့်ရင်း ... အောက်စ်ဖို့ဒ်ကို ကျောခိုင်းခဲ့ပါတယ်။
***
မေဓာဝီ
၁၁၊ ဧပြီ၊ ၂၀၁၁
၀၀း၄၅ နာရီ
Read More...
Summary only...
"တောင်းပန်ခြင်း"
မပွင့်ပါနဲ့ ပိတောက်
မရောက်ပါနဲ့သင်္ကြန်
အလွမ်းဒဏ်ကို မခံစားနိုင်လို့ပါ ... ။
***
မေဓာဝီ
၁၀၊ ဧပြီ၊ ၂၀၁၀
(မနှစ်ကရေးခဲ့တဲ့ ကဗျာလေး၊ ခံစားချက်ကတော့ ဒီနှစ်ထိ တူတူပဲမို့)
Read More...
Summary only...