Thursday, April 12, 2012

ဒီလိုသင်္ကြန်များ ဝေးပါစေ …

ဒီလိုသင်္ကြန်များ ဝေးပါစေ …


မဟုတ်မဟတ် သင်္ကြန် ...
သရုပ်ပျက် သင်္ကြန်၊

မူးယစ်နေတဲ့ သင်္ကြန် ...
အရူးဖြစ်စေတဲ့ သင်္ကြန်၊

ရေမစိုရတဲ့ သင်္ကြန် ...
မေအလိုမကျတဲ့ သင်္ကြန်၊

အထီးကျန်တဲ့ သင်္ကြန် ...
အကျည်းတန်တဲ့ သင်္ကြန်၊

အပျော်နည်းတဲ့ သင်္ကြန် ...
အဖော်ကွဲတဲ့ သင်္ကြန်၊

ဒဏ်ရာရတဲ့ သင်္ကြန် ...
ကြံရာမရတဲ့ သင်္ကြန်၊

ပိတောက်လဲဝေးတဲ့ သင်္ကြန် ...
တယောက်ထဲဆွေးတဲ့ သင်္ကြန်၊

တေးသံမချိုတဲ့ သင်္ကြန် ...
ဘေးရန်ပိုတဲ့ သင်္ကြန်၊

ယဉ်ကျေးမှုပျောက်တဲ့ သင်္ကြန် ...
အထင်သေးမှုရောက်တဲ့ သင်္ကြန်၊

အစဉ်အလာမသိတဲ့ သင်္ကြန် ...
မင်္ဂလာမရှိတဲ့ သင်္ကြန်၊

ဒီလို ဒီလို သင်္ကြန်များတော့ …
သွားပါကွယ့် သင်္ကြန်
အနားမလာနဲ့ သင်္ကြန်
သင်္ကြန်ရဲ့အဝေးက
ပျိုနှမ အလိုမကျလို့
ငိုရရင်တောင်
မလွမ်း မတမ်း မနွမ်းဘဲ
စခန်းပဲ ၀င်တော့မယ် သင်္ကြန်ရယ် … ။
***
မေဓာဝီ
၁၂၊ ဧပြီ၊ ၂၀၁၂
မဟာသင်္ကြန်အကြိုနေ့

(မှတ်ချက်။ ။ မနှစ်က ရေးခဲ့ပြီး မတင်ဖြစ်ခဲ့တဲ့ ကဗျာလေးပါ၊ ဖိုင်အဟောင်းတွေထဲက ရှာတွေ့လို့ တင်လိုက်ပါတယ်။ ဓာတ်ပုံကတော့ မနက်စောစော သိကြားမင်းကို ထကြိုတဲ့ တာအိုးကလေးကို ရိုက်ထားတာ။)

Read More...

Tuesday, April 10, 2012

မွေးရပ်မြေမှ ပေးစာ (၂)

ရောက်ရောက်ချင်း ဘုရားခန်းထဲဝင်တော့ ဘုရားခန်းက အရင်နဲ့မတူဘဲ ပိုပြီး သပ္ပါယ်အောင် အမကြီးက ပြင်ဆင်ထားတာမို့ ကြည်ညို ညွတ်နူးဖွယ်ရာ မြင်တွေ့ရတယ်။ ဘုရားကန်တော့ရင်း ရတနသုတ်ထဲက …
“၀နပ္ပဂုမ္ဗေ ယထ ဖုဿိတဂ္ဂေ၊ ဂိမှာန မာသေ ပဌမသ္မိံ ဂိမှေ”
“နွေဥတု၏အစဖြစ်သော တန်ခူးလ၏ ပင်လုံးကျွတ်ပွင့်သော တောအုပ်သည် ကျက်သရေရှိ၍ တင့်တယ်သကဲ့သို့ …”
ဆိုတဲ့ စာသားလေး စိတ်ထဲက ရေရွတ်ပူဇော်မိပါသေးတယ်။


မြတ်စွာဘုရား ရုပ်ပွါးတော်နောက်ခံ မှန်ပြတင်းကနေ မြင်နေရတဲ့ ကံ့ကော်ရွက်တွေကလည်း နောင်ပွင့်တော်မူမယ့် အရိမေတ္တယျဘုရား ကံ့ကော်ပင်အောက်မှာ သီတင်းသုံးနေသယောင် … ။
***
ဥသြသံ …

ပြန်ရောက်ပြီး နောက်တရက်မနက်မှာ ကျမအိပ်ခန်းခေါင်းရင်း ကံ့ကော်ပင်ကြီးဆီက ဥသြတွန်သံနဲ့ အိပ်ရာ နိုးထလာခဲ့တယ်။ နာရီကြည့်လိုက်တော့ မနက် ၉ နာရီတောင် ကျော်နေပေါ့။ ကြည်နူးစရာ သာယာလွန်းတဲ့ ဥသြတွန်သံကို အိပ်ရာက မထသေးဘဲ နားထောင်ရတာ အရသာရှိလွန်းလှတယ်။ နွေရာသီမှာ ဘယ်လောက် ပူပြင်းတယ်ပြောပြော ဥသြသံ ချိုချိုလေး ကြားရတာနဲ့တွင် နွေမနက်ခင်းက အဓိပ္ပါယ် ပြည့်စုံသွားပြီလေ။

မနက်စာ စားသောက်ပြီး ခဏအကြာ ခြံထဲဆင်းတော့ အိမ်ရှေ့ လမ်းမကြီးပေါ်က ဥသြသံ ထပ်ကြားရတယ်။ အဆက်မပြတ် … ဆက်တိုက် … ဆူညံ … ကျယ်လောင်တဲ့ ဥသြသံ … ။ ကျမလန့်သွားပြီး လက်နှစ်ဘက်နဲ့ နားကို ပိတ်လိုက်မိသလား မသိဘူး။ အဲဒီအသံကို ကျမ မုန်းတယ် … ကြောက်တယ် … ။ ဟုတ်တယ် … အဲဒီဥသြသံက နွေရာသီဆိုရင် ကျမတို့ကို ခြောက်လှန့်တတ်တဲ့ မီးသတ်ကား ဥသြသံပါပဲ။ ဘယ်နေရာမှာ မီးလောင်နေသလဲလို့ မီးသတ်ကား သွားရာဘက်ကို လှမ်းမျှော်ကြည့်ရင်း သတ္တ၀ါတွေ ဘေးရန်ကင်းဝေးဖို့သာ စိတ်ညွှတ် ဆုတောင်းလိုက်မိတယ်။

အဲဒီနေ့ကစလို့ ရောက်ခါစ တပတ်မှာ မီးသတ်ကားဥသြသံ မကြားရတဲ့ နေ့ရယ်လို့ မရှိသလောက်ပဲ။ ခုချိန်ထိ အနည်းဆုံး တပတ်တခါလောက် ကြားနေရသေးတယ်။ တခါဆိုရင် အိမ်ရှေ့က လမ်းမကြီး တဘက်ခြမ်းမှာ ကားတွေပိတ်နေတဲ့အချိန် မီးသတ်ကားကြီး နှစ်စီးက ဆူဆူညံညံ ဥသြဆွဲပြီး ရောက်လာတယ်။ ကားတွေက မီးသတ်ကားကို လမ်းဖယ်ပေးဖို့ မဆိုထားနဲ့ တုတ်တုတ် လှုပ်လို့တောင် မရဘူး။ ဒါနဲ့ပဲ နောက်ပြန်ဆုတ်ပြီး တဘက်လမ်းကနေ လမ်းပြောင်းပြန် မောင်းသွားလိုက်ရတယ်။ အဲဒီ လမ်းတဘက်ခြမ်းမှာ ကားရှင်းနေလို့သာ တော်ပါသေးရဲ့။

ငှက်ဥသြက သာတောင့်သာယာ နာပျော်ဖွယ် နွေဦးရဲ့ ဂီတသံ …
စက်ဥသြကတော့ ထိတ်လန့် ရင်တုန်စရာ အမင်္ဂလာသံ …
ဒါတွေကို တပြိုင်နက် ခံစားစေနိုင်တဲ့ … ကျမတို့ရဲ့ နိုင်ငံ … ။
***
ရွာရိုးကိုးပေါက် …

.

အဲဒီနေ့ ညနေခင်း ကျမ ပျင်းပျင်းရှိတာနဲ့ ခြေညောင်းလက်ဆန့် ရွာရိုးကိုးပေါက် လျှောက်ခဲ့တယ်။ ကျမကို ငယ်ငယ်က ထိမ်းပေးခဲ့တဲ့ ကရင်အမကြီးနဲ့ အတူပေါ့။ လမ်းတဖက်မှာ ဂျာနယ်သည်၊ ထီသည်တွေကိုတွေ့ရတယ်။ ဂျာနယ်တွေ အားလုံးထဲမှာတော့ အားကစား ဂျာနယ်က ထိပ်ဆုံးက ပြေးနေတုန်းလို့ ထင်တာပဲ။ သတင်းလွတ်လပ်ခွင့် နည်းနည်းပို ရလာတာနဲ့အမျှ ဂျာနယ်တွေကို လူတွေ ပိုစိတ်ဝင်စားလာကြသလို ပိုလဲရောင်းရလာတယ်လို့ ဆိုကြတယ်။

.

သွားရင်းနဲ့ တနေရာအရောက် လမ်းဘေး ဓာတ်တိုင်အောက်မှာ ထိုင်ရောင်းနေတဲ့ ပြောင်းဖူးဖုတ်သည်ကို တွေ့တော့ ပြောင်းဖူး မီးသင်းနံ့ကလေးက စားချင်စိတ်ကို မြှူဆွယ်လာပါရော … ။ ကိုယ့်ရှေ့မှာ ၀ယ်နေတဲ့ ကောင်မလေးကို ပြောင်းဖူးဖုတ်သည်ကြီးက သူ့ကိုယ်မှာ လွှမ်းထားတဲ့ ညစ်နွမ်းနွမ်း ပုဆိုးစုတ်ပိုင်းနဲ့ ပြောင်းဖူးဖုတ် တဖူးကို သုတ်ပြီး လှမ်းပေးလိုက်တာ မြင်တော့ စိတ်ထဲ နည်းနည်း သရိုးသရီဖြစ်မိသား။ ဒါပေမဲ့ အဲဒီအချိန်မှာ ဟိုင်ဂျီးနစ်ခ် တွေဘာတွေ ကျမ မတွေးတော့ဘူး။ တဖူး ၃၀၀ ဆိုတော့ နှစ်ဖူး ဖုတ်ထားပေးပါ အပြန်ဝင်ယူမယ်လို့ မှာခဲ့လိုက်တယ်။ ဆက်သွားတော့ ကောက်ညှင်းပေါင်းသည် အဘွားကြီး တယောက်ကို တွေ့တယ်။ အသက်အတော်ကြီးနေရှာပြီ၊ ကောက်ညှင်းပေါင်း တောင်းကြီး ခေါင်းရွက်လို့ လမ်းတကာလှည့် ရောင်းနေရတုန်း။ သြော် ...သက်ကြီးရွယ်အိုများရဲ့ မသေချာတဲ့ ဘ၀တွေ … ။
***
အမှိုက်ပြဿနာ …

တခါတုန်းက ရေးဖူးတဲ့ ဈေးကလေးကို သွားဖို့ ဘေးလှေခါးကနေ တက်ပြီးသွားတယ်။ လှေခါးထိပ် ရောက်တော့ အမှိုက်ပုံက ဆီးကြိုနေလေရဲ့။ ကြည့်လေ အမှိုက်မပစ်ရဆိုတဲ့ သတိပေးစာသားလေးတောင် အမှိုက်တွေကြားထဲမှာ။ အခု ဖြစ်နေတဲ့ အမှိုက်ပြဿနာက အတော်ခက်တယ်။ အရင်တုန်းက အရပ်ထဲမှာ နေ့လည်ခင်းဆို ကလောင် ကလောင်နဲ့ ခေါင်းလောင်းခေါက်ပြီး အမှိုက်တွေလာသိမ်းတဲ့ အမှိုက်ကား ရှိတယ်။ ပိုက်ဆံလဲ ပေးစရာမလိုဘူး။ ဒါမှမဟုတ်ရင်လဲ တွန်းလှည်းနဲ့ အမှိုက် အမှိုက်လို့ အော်ပြီး လာသိမ်းတဲ့ အမှိုက်လှည်းတွေ ရှိတယ်။ ၁၅ ကျပ် ၂၀ ပေးရတာပဲ။ သူတို့က အမှိုက်ပေးသူကို ကျေးဇူးတောင် တင်သေး။ အမှိုက်ထဲက ရတဲ့ ပုလင်းခွံ ဗူးခွံတွေ ပြန်ရောင်းစားကြသေးတာကိုး။ ခုတော့ အမှိုက်ကားလဲ မလာ၊ အမှိုက်လှည်းလဲ မလာဘူး။ ... ဆိုတော့ လူတွေကလဲ အမှိုက်တွေ တွေ့ကရာနေရာ ပစ်ကြ ပုံကြတယ်။

.

လမ်းမတန်း တလျှောက် လိမ္မော်ရောင် ၀တ်ထားတဲ့ မြူနီစပယ် ၀န်ထမ်းတွေ လက်အိတ်တွေစွပ် mask တွေအုပ်ပြီး တံမြက်စည်းလှည်းနေတာတော့ နေရာတကာ မြင်ရပါရဲ့။ သူတို့လှည်းထဲ အမှိုက်ထည့်ချင်ရင် ၁၅၀ - ၂၀၀ လောက် တောင်းသတဲ့။ တနေ့ ၂၀၀ ဆို တလ ၆၀၀၀ ကျပ်။ လူတွေက မပေးချင်/နိုင်တော့ အဆင်ပြေသလို ပစ်ကြတော့တာပဲ။ ခုတော့ အမှိုက်အိတ် ဆိုတာလေးတွေ မိတ်ဆက်တယ်။ အစိုနဲ့ အခြောက်တဲ့။ မီးဖိုချောင်ထွက် အမှိုက်က အစိုပေါ့ … အိတ်အပြာနဲ့ ထည့်ရတယ်။ တခြားခြောက်သွေ့တဲ့ အမှိုက်တွေကိုတော့ အိတ်အစိမ်းနဲ့ ထည့်ရတယ်။ အိတ် ၅၀ ပါတဲ့ တထုတ်ကို ၁၃၀၀ ကျပ်ပေးရတယ်။ bin bag အိတ်မဲကြီးတွေလောက် မကြီးဘူး။ ခပ်သေးသေးပဲ။ ကြိုးကလေးနဲ့ စည်းရသေးတယ်။ အဲဒါကို အမှိုက်ကား ရပ်ထားတဲ့ဆီ သွားပစ်ရတယ်တဲ့။ အဲဒီလိုကရိကထ မခံနိုင်သူကတော့ ဒုံရင်း ဒုံရင်း ပစ်ချင်သလို ပစ်နေကြဆဲပါပဲ။
***
ဈေးထဲမှာ …

.

အမှိုက်ပုံကို ဖြတ်ကျော်ပြီး ဈေးကလေးဆီ ရောက်တယ်။ အုန်းသီး ငှက်ပျောသီး ရောင်းတဲ့ဆိုင်မှာ ဖီးကြမ်း ငှက်ပျောသီးတဖီး ၁၅၀၀ ကျပ်ဆိုလို့ များလှချည်လား လို့ထင်မိသေးတယ်။ နှစ်ဖီးယူမယ် ၂၄၀၀ ထားဆိုပြီး ဈေးဆစ်တော့လဲ ရတာပါပဲ။ တဖီး ၁၂၀၀ ဆိုတော့ စတာလင်ပေါင်နဲ့ဆို တပေါင်ပဲမို့ တန်တယ်လို့ ဆိုရမယ်။ လက်ဖက်က တဆယ်သား ၈၀၀ ကျပ်၊ အကြော်ဆံလဲ ၁၀၀၀ ကျပ်အောက် မရှိဘူး။ တောင်ကြီးပဲကြော် စားချင်တာနဲ့ ၀ယ်တော့ ၁၀၀၀ ကျပ်ပါပဲ။ ကတ္တီပါဖိနပ်တရံ ၀ယ်တော့ ၃၅၀၀ ကျပ်တဲ့။ ဟိုနားဒီနား သွားတာမို့ တသောင်းလောက်ပဲ အိတ်ထဲ ထည့်လာတာ ကျပျောက်သလိုပဲ ဘယ်ရောက်သွားမှန်း မသိဘူး။ ကျမ အမလတ် မြန်မာပြည် ခဏပြန်ပြီး ပြန်ရောက်တုန်းက ပြောခဲ့ဖူးတာ အမှတ်ရမိတယ်။ မြန်မာပြည်မှာ အစစအရာရာ ဈေးတွေကြီးလွန်းလို့ အင်္ဂလန်မှာ ငါ တနှစ်ရှာတာ မြန်မာပြည် ပြန်သုံးရင် တလတောင် ခံမှာ မဟုတ်ဖူးတဲ့။ သေချာတာပေါ့ ... အဲဒါ ကျမတို့ တိုင်းပြည်ပါ။
***
ပေးစာ အပိုင်း (၂) ကို ဒီမှာ ခဏနားပါအုံးမယ်။ ဒီကနေ့ ပိတောက်ပန်းတွေပွင့်လို့ ဈေးက၀ယ်ပြီး ဘုရားတင်ဖြစ်တဲ့ ဓာတ်ပုံလေးတွေ လက်ဆောင်အဖြစ် တင်ပေးလိုက်ပါတယ်။ ဒီနေ့အဖို့တော့ အိမ်က ဘုရားခန်းမှာ ပိတောက်ရနံ့တွေ လွှမ်းနေခဲ့တယ်။ ပိတောက်ဆိုတာ သင်္ကြန်ရဲ့ သင်္ကေတ ဖြစ်သလို မြန်မာရဲ့ သင်္ကေတပဲမို့ မြန်မာပြည် ပြန်ရခြင်းမှာ အနှစ်သာရတွေ ပြည့်ဝသလို ခံစားမိပါတယ်။

.

.

မကြာခင် ကျရောက်တော့မယ့် သင်္ကြန်နှစ်သစ်ကူး အခါသမယမှာ ကျမ သိသောသူ မသိသောသူ ... ကျမကို သိသောသူ မသိသောသူ ... အားလုံး ဘေးရန်ကင်းကွာ အေးချမ်းသာယာ ရှိပါစေကြောင်း ဆုတောင်းလိုက်ပါတယ်။
***
မေတ္တာဖြင့် ...

မေဓာဝီ
၁၀၊ ဧပြီ၊ ၂၀၁၂
မြန်မာစံတော်ချိန် ည ၁၀ နာရီ

Read More...

Friday, April 06, 2012

မွေးရပ်မြေမှ ပေးစာ (၁)

အားလုံးပဲ … ကျမကို မေ့နေကြလောက်ပြီ ထင်ပါရဲ့။

ဘလော့တွေလဲ မလည်ဖြစ်၊ စာတွေလဲ မဖတ်ဖြစ်ဘဲ ဝေးကွာနေခြင်း အကြောင်းရင်းကတော့ ဒက်ဖိုဒေးလ် daffodils တို့ရဲ့ နယ်မြေကို ခေတ္တကျောခိုင်းပြီး ပိတောက်, ငုနဲ့ ကံ့ကော်တွေလွှမ်းတဲ့ ကိုယ့်မြေစခန်းကို ပြန်ဖြစ်ခဲ့လို့ပါပဲ။ အ၀ါရောင်ချင်း တူပေမယ့် ကျမနှလုံးသားထဲမှာ အမြဲငြိတွယ် တည်ရှိနေတာက ကိုယ့်မြေက ပန်းတွေသာလေ … ။
...
(၁) မပြန်ခင် နောက်ဆုံးရိုက်ယူလာခဲ့တဲ့ daffodils ပန်းတွေ ... (၂) အိမ်ပြန်အရောက် အိမ်အပင်က ပွင့်တဲ့ ကံ့ကော်ပန်း

ဘာလိုလိုနဲ့ ကိုယ့်ပြည် ကိုယ့်မြေကို ပြန်ရောက်တာ တလနီးပါး ကြာခဲ့ပြီ။ ဒီခရီးစဉ်ဟာ ကြိုတင် မစီစဉ်ထားဘဲ … မမျှော်လင့်ဘဲ … ပြန်ဖြစ်ခဲ့တဲ့ ခရီးစဉ်တခုပါ။ ခွဲခွါခဲ့စဉ်ကလဲ ကြိုတင်မစီစဉ်ဘဲ ခွဲခွါခဲ့ရသလို ပြန်ရတော့လဲ ကသုတ်ကရက်နဲ့ ရုတ်တရက် စီစဉ်ခဲ့ရတာပါပဲ။ ဒါပေမဲ့ ဒီခရီးဟာ ကျမအတွက် အလည်သက်သက် မဟုတ်သလို အပျော်ခရီးလဲ မဟုတ်ခဲ့ဘူး၊ လုပ်ဆောင်ရမယ့် တာဝန်နဲ့ ၀တ္တရားတွေကို ရင်ထဲအပြည့် ထည့်ရင်း ကျမ အိမ်ပြန်ခဲ့တယ် … ။
ထိုင်ခုံရှေ့က စခရင်မှာ လေယာဉ်ပျံသန်းရာ မြေပုံကိုကြည့်ပြီး ပြန်ရောက်ချိန်ကို လက်ချိုးရေနေခဲ့ရ

အိမ်ပြန်ခဲ့တယ် … ဆိုတော့ … အမေမရှိတဲ့ နေရာကို အိမ်လို့ မခေါ်ဘူးဆိုရင် ကျမရဲ့ ဒီခရီးစဉ်ဟာ အိမ်ကိုပြန်တယ်လို့ ပြောလို့ဖြစ်ပါ့မလား … ကျမ စဉ်းစားနေမိတယ်။ အမေနဲ့ အဖေက မွေးရပ်မြေနဲ့ မိုင်ပေါင်းများစွာဝေးတဲ့ နေရာမှာ … ။

ငါးနှစ်နီးပါး ခွဲခွါခဲ့ရတဲ့ မွေးရပ်မြေကို ပြန်တဲ့ အပြန်လမ်းမှာ ကျမ စိတ်လှုပ်ရှားနေခဲ့တယ်။ ဘာတွေပြောင်းလဲ နေပြီလဲ … ဘာတွေထူးခြားနေပြီလဲ … သတင်းတွေထဲမှာ ကြားရ သိရ ဖတ်ရပေမဲ့ ကိုယ်တိုင်ကိုယ်ကျ တွေ့ရ မြင်ရ ခံစားရတော့မယ် မဟုတ်လား။ တရိပ်ရိပ် ပျံသန်းနေတဲ့ လေယာဉ်ကြီးပေါ်မှာထိုင်ပြီး တလိပ်လိပ် လွင့်မျောနေတဲ့ တိမ်စိုင်တွေကို ငေးမောရင်း ကျမစိတ်တွေက လေယာဉ်ကြီးထက် အရင် ရှေ့ကိုစောပြီး ရောက်နေမိတယ်။
...
***
လေဆိပ်အ၀င် …

ရန်ကုန် မင်္ဂလာဒုံလေဆိပ်ကို ရောက်တော့ အင်မီဂရေးရှင်းမှာ တန်းစီနေတဲ့ လူတန်းရှည်ကြီးထဲ ကျမလဲ ၀င်စီလိုက်တယ်။ ကျမစီးလာတဲ့ စင်္ကာပူလေကြောင်း silk air က တစီးလုံးလိုလို မြန်မာတွေချည်းပဲမို့ လူတန်းကြီးက အရှည်ကြီး။ လန်ဒန်မှာရှိတဲ့ မြန်မာသံရုံးကနေ အခွန်ကင်းရှင်းကြောင်း စာရွက် ယူမလာခဲ့ တာမို့ ရစ်ခံရမလားလို့ စိတ်ထဲ တွေးမိပေမဲ့ သိပ်တော့ စိတ်မပူမိပါဘူး၊ ကိုယ့်တိုင်းကိုယ့်ပြည်ကို ပြန်တာပဲလေ၊ သံရုံးက စာရွက်မပါပေမဲ့ တခြားလိုအပ်တဲ့ စာရွက်စာတမ်း အပြည့်အစုံ ကျမမှာ ပါတာပဲ။ အဝေးက မိဘနှစ်ပါးကတော့ စိုးရိမ်စိတ်နဲ့ ပြည်အ၀င် အဆင်ပြေအောင် အသိအကျွမ်း ဟိုလူဒီလူလွှတ်ပြီး လာကြိုဖို့ စီစဉ်ခိုင်းပေမဲ့ ကျမက ဘယ်သူ့ကိုမှ ကိုယ့်အတွက် တာဝန်မပိုစေချင်လို့ ဘာမှ စီစဉ်စရာ မလိုဘူးလို့သာ ပြောခဲ့တယ်။ လူတန်းရှည်ကြီးနောက်မှာ တန်းစီနေတုန်း ကျောင်းသားဆိုရင် ဒီဘက်ကိုလာ ဆိုတာနဲ့ ကျမလဲ ရှေ့ဘက်ရောက်သွားတယ်၊ သိပ်အကြာကြီး တန်းမစီလိုက်ရတော့ဘူး။

ကျမအလှည့်မှာ ကောင်တာက အရာရှိက သံရုံးစာကို မေးတော့ … “မပါဘူး ဒါတွေပဲပါတယ်” လို့ ကိုယ်ပါတဲ့ စာရွက်စာတမ်းတွေကိုပဲ ပြလိုက်တယ်၊ အေးအေးဆေးဆေးပါပဲ၊ ဖတ်တောင် ဖတ်ရဲ့လား မသိဘူး၊ တချက် ယူကြည့်ပြီးတော့ ပြန်ပေးရင်း … ပြန်ရင် D-Form လုပ်ရမယ်လို့ ပြောပြီး ၀င်ခွင့်ပေးလိုက်တယ်။ ပါလာတဲ့ အိတ်တွေသွားရွေးပြီး စက်မှာဖြတ်တော့ ဖွင့်ပြပြီး အစစ်ခံရအုံးမလား … ဟိုဟာဒီဟာ တောင်းကြ ယူကြအုံးမလားရယ်လို့ ရှေးရှေးက သူများပြောတာ ကြားဖူးနားဝနဲ့ တွေးမိပေမဲ့ တကယ်တမ်း အိတ်လဲ ဖွင့်မပြရသလို ဘာမှလဲ မတောင်းကြပါဘူး။ အိတ်တွေ မနိုင်မနင်း သယ်နေတဲ့ ကျမကိုတောင် ကူပြီး မ-ပေးကြပါတယ်။
***
အမ-အချ …

ဘယ်သူမှ လာမကြိုနဲ့ ကိုယ့်ဘာသာ အငှားကားနဲ့ လာခဲ့မယ်လို့ အိမ်ကို ပြောထားပေမဲ့ အလုပ်က ကလေးမလေး နှစ်ယောက် လာကြိုကြတယ်။ ကျမက အိတ်တွေတင်ထားတဲ့ ထရော်လီတွန်းလာတော့ လေဆိပ်ဝန်ထမ်းနှစ်ယောက် အပြေးအလွှားနဲ့ ရောက်လာပြီး ကျမတွန်းလာတဲ့ ထရော်လီကို ကူတွန်းပေး၊ အိတ်တွေ ကူသယ်ပေးကြတယ်။ သေချာပါတယ်၊ ဒါ ကျမရဲ့ တိုင်းပြည် … ။ ဘိလပ်ကို အသွားတုန်းက မန်ချက်စတာ လေဆိပ်မှာ conveyor belt ပေါ်ကနေ ကိုယ့်အိတ်ကို မနိုင့်တနိုင်ချ၊ ထရော်လီပေါ် မ-တင်၊ ယိုင်ထိုး ယိုင်ထိုးနဲ့ ထရော်လီတွန်းလာတဲ့ ကျမကို ဘယ်သူမှ အဖက်လုပ်ပြီး မကူကြပါဘူး။ အဲဒီလို ကိုယ့်အားကိုယ်ကိုးရတဲ့ တိုင်းပြည်မှာ ၅ နှစ်တာ နေလာခဲ့တော့ ခုလို အတင်းကာရော လုပ်ပေးကြတာ ကျမမှာ အားနာသလိုလို အနေခက်မိသေးတယ်။

ကူသယ်ပေးတဲ့ သူတို့ နှစ်ယောက်ကို တယောက် တထောင်စီ ပေးရတယ်။ ကျမမှာ မြန်မာပိုက်ဆံမပါလို့ လာကြိုသူ ကလေးမလေးကပဲ ထုတ်ပေးလိုက်တော့ သူတို့က …
“အမ စင်္ကာပူလေး နှစ်ရွက်လောက်” တဲ့ ကျမဆီက ထပ်တောင်းပါရော။ ကျမလဲ ခပ်နောက်နောက်နဲ့
“ငါ့မှာ စင်္ကာပူတော့ မပါဘူး ပေါင်ပဲပါတယ်” လို့ ပြောလိုက်အုံးမလို့ဘဲ … ဒါပေမဲ့ မပြောဖြစ်ပါဘူး။ စင်္ကာပူက လာတာ မဟုတ်ဖူး … လို့ပဲ ပြန်ပြောခဲ့ဖြစ်တယ်။
***
အငှားကားနဲ့ …

သူတို့က ကားငှားမလား မေးကြတယ်၊ အငှားကားနဲ့ သူတို့နဲ့က ချိတ်ထားပြီးသားထင်တာပဲ။ အငှားကားက လေအေးစက်ပါတယ်လို့လဲ စီးချင်အောင် ဆွယ်ကြတယ်။ အိမ်အထိကို ခုနစ်ထောင်လို့ ပြောတာ ငါးထောင်နဲ့ ဈေးဆစ်ပြီး စီးခဲ့တယ်။ ကားပေါ်မှာ လာကြိုတဲ့ ကလေးမလေး နှစ်ယောက် မေးသမျှတွေ ပြန်ဖြေရင်း လမ်းတလျှောက် မြင်ကွင်းတွေကို ကျမ အငမ်းမရ ကြည့်နေခဲ့မိတယ်။ မြင်ကွင်းတွေက တရိပ်ရိပ်နဲ့ ပြောင်းလဲ နေတယ်။ တရိပ်ရိပ်နဲ့ ပြောင်းလဲနေတဲ့ မြင်ကွင်းတွေ … ၊ ပြောင်းလဲနေတဲ့ မြင်ကွင်းတွေက တရိပ်ရိပ်နဲ့ … ။ အိမ်ခြေပိုစိပ် လာတယ်၊ ကားတွေ ပိုပိတ်လာတယ်၊ ကြော်ငြာဆိုင်းဘုတ်တွေ ပိုများလာတယ်၊ လမ်းမတန်း တလျှောက်မှာလဲ ဆိုင်တွေ ပိုများလာတယ်။ မှတ်မှတ်သားသား သတိထားမိတာက အရင်က မတွေ့ခဲ့ရတဲ့ မိုဘိုင်းဖုန်း ဆိုင်တွေ … ။

ကားပေါ်မှာ လေအေးစက်ဖွင့်ထားပေမဲ့ အပြင်က အပူကို နိုင်အောင် မကာကွယ်နိုင်ရှာဘူး။ အအေးဓာတ် ခပ်ယဲ့ယဲ့ ကားအင်ဂျင်သံ ခပ်သဲ့သဲ့ … ညက်ညောမှု မရှိတဲ့ လမ်းတွေကတော့ အရင်လိုပါပဲ။ ကိုယ့်ယာဉ်ကြောနဲ့ ကိုယ်မမောင်းဘဲ အတင်းဖြတ်ဝင် မောင်းနှင်နေတဲ့ ကားတွေ၊ တတီတီ ကြားရတဲ့ ဟွန်းသံတွေ၊ လူကူးမျဉ်းကြား ရောက်ခါမှ အရှိန်မြှင့် မောင်းကြတဲ့ ကားတွေ … အဲဒါတွေလဲ … အင်း … အရင်လိုပါပဲ။

ကားပေါ်ကဆင်းတော့ လေပူပူက မျက်နှာကို ဖြတ်တိုက်တယ်။ အသက်ကို ၀အောင် ရှူလိုက်တယ်။ ဖုန်ရယ် ကားအိတ်ဇောနံ့ရယ် ရောနှောနေတဲ့ လေပူနွေးနွေးက ကျမအဆုတ်ထဲ အလုံးအရင်းနဲ့ ၀င်ရောက်သွားတယ်။ ကျမ နှာခေါင်း မပိတ်မိဘူး၊ နှာခေါင်း မရှုံ့မိဘူး၊ လိုမှ မလိုအပ်ဘဲလေ … ။ ဒီဂန္ဓာရုံနဲ့ ယဉ်ပါးခဲ့တာ နေသားကျခဲ့တာ နှစ်ပေါင်းများစွာ မဟုတ်လား … ။ ငါးနှစ်လောက်ကလေး ခွဲခွါခဲ့ရတာနဲ့ ဒီအနံ့တွေကို ကျမ လက်သင့်မခံနိုင်စရာ အကြောင်း မရှိပါဘူး။ ဒါနဲ့ပဲ … မရှူရတာ ကြာပြီဖြစ်တဲ့ ခပ်ညစ်ညစ် ဒီလေထုကို အားပါးတရ ရှူရှိုက်ရင်း ဒီမြေကြီးပေါ်မှာ အားပါးတရ နင်းလျှောက်ခဲ့မိပါတော့တယ်။
***
မေဓာဝီ
၆ ဧပြီ၊ ၂၀၁၂
တန်ခူးလပြည့်
မြန်မာစံတော်ချိန် ၂၀း၁၂ နာရီ

မှတ်ချက်။ ။ များမြောင်လှတဲ့ ကိစ္စတွေအပြင် မြန်မာပြည်က အင်တာနက် ကွန်နက်ရှင်ရယ်၊ လျှပ်စစ်မီးရယ်ကြောင့် ဘလော့တွေ မလည်ပတ် မဖတ်ဖြစ် မမန့်ဖြစ်တဲ့အတွက် အားလုံးကို အားနာစွာ တောင်းပန်ပါတယ်။ အချိန်ရရင် စာဆက်ရေးပါအုံးမယ်။

Read More...