Sunday, July 31, 2011

ဦးပုည၏ ၀တ္ထုများ ... အပိုင်း (၄)

ဆဒ္ဒန်ဆင်မင်း ၀တ္ထု
(ယခင်အပတ်မှ အဆက်)

ထိုအခါ၊ မူဆိုးပေတလူ၊ အခေါက်ထူသည်၊ သူနှင့်ဆင်မင်း၊ ရန်ဘက်ချင်းကဲ့သို့၊ ချက်ချင်းထကြွ၊ ကများ ကတည့်၍၊ လွှကြီးကိုင်လျက်၊ ဖြတ်မည်ဟု တက်သော်လည်း၊ မတက်နိုင်ချေ၊ ပန်းဟိုက်၍ နေသည်တွင်၊ (ပရမေလောင်းလျာ၊ ဆင်ရာဇာလည်း) မြေမှာဝပ်ကာ၊ ဦးခေါင်းတော်ညွတ်ရှာ၍၊ ဖြတ်သာအောင် ပြုတော်မူလေ၏။ မူဆိုးညစ်ထေး၊ ငမိုက်ခွေးလည်း၊ လေးစွန်တောင်နှင့်၊ အာခေါင်ကို လှန်၊ ဒိုင်းထောက်၍ ကန်ပြီးလျှင်၊ ထက်သန်မြမြ၊ ကြောက်မက်ဘွယ် လွှကြီးနှင့်၊ အာစကို ဖြတ်တိုက်၊ ဦးနှောက်ကို ခိုက်လုအောင်၊ အလျားလိုက် ထိုးသွတ်၊ စွယ်ရင်းကို ပွတ်သည်တွင်၊ ပေါက်လွှတ် ဘရဖွာ၊ ကန်ကျိုး၍ လာသကဲ့သို့၊ အာခံတွင်းမှ၊ သွေးချောင်းကျလျက်၊ ဒုက္ခဝေဒနာ၊ ကြီးစွာဖြစ်တော်မူလေ၏။ ။ စွယ်တော်မူကား၊ ပြတ်မည်ဝေးစွ၊ အရာမျှ မထင်၊ ပင်ပန်းဖုတ်လှိုက်၊ မူဆိုးဟိုက်လှပြီ၊ သုံးတိုက်လုံးနတ်၊ ဆင်မင်းမြတ်လည်း၊ ဥပဒ်ကြီးစွာ၊ ဝေဒနာကို၊ ပညာဖြင့် သိမ်းဆည်း၍၊ သည်းညည်းတော် အတန်တန် ခံရှာပြီးလျှင်။ -

အသင်မူဆိုး၊ ငါကိုယ်တော်လည်း၊ ညှိုးလျော်နာကျည်း၊ ခွန်အားနည်းပြီ။ သင်လည်း လုံ့လ၊ ဖြတ်တိုက်၍ မရပြီ။ ငါ့အစွယ်မြတ်၊ ရိုးတော်ဓာတ်ကို၊ ငါဖြတ်၍ လှူတော်မူမည်၊ ကျူငွေတုံးလား၊ နှာမောင်းဖျားကို၊ သင်ကားကိုင်ကြွ၊ ချီပင့်မ၍၊ လွှကို ငါ့အား၊ ဆက်နှင်းပေတော့ဟု ဆိုပြီးသော်၊ လွှသံစောင်းကို၊ နှာမောင်းနှင့် ရစ်ပတ်၊ ကိုယ်တော်တိုင် တိုက်ဖြတ်လျှင်၊ စွယ်တော်မြတ်အစုံသည်၊ နိတုံရောင်စို၊ ရွှေတောင်ကြီးပြိုသကဲ့သို့၊ ပြတ်တိုတုံး၍၊ ဖုန်းဖုန်း မြေသို့ကျလေ၏။ ။ ထို့နောက်မှ၊ စွယ်တော်နှစ်ချောင်းကို၊ နှာမောင်းနှင့် ပွေ့ယူ၊ ချီတော်မူပြီးလျှင်၊ ပေးလှူအံ့သောငှာ၊ သာယာနာပျော်၊ မူဆိုးကိုခေါ်၍၊ အမိန့်တော် ဤသို့ရှိ၏။ ။

သမ္မ လုဒ္ဒပုတ္တ အဟံ ဣမေ ဒန္တေ တုယှံ ဒဒမာနော နေ၀ မယှံ အပ္ပိယာတိ ဒမ္မိ၊
န သက္ကတ္တ မာရတ္တ ဗြဟ္မတ္တာဒီနံ သမ္ပတ္တိံ ပတ္ထေန္တော။
ဣမေဟိ ပန မေ ဒန္တေဟိ သတဂုဏေန သဟဿဂုဏေန သတသဟဿ ဂုဏေန
သဗ္ဗညုတညာဏဒန္တာဝ ပိယတရာ။
သဗ္ဗညုတညာဏပ္ပဋိဝေဓာယ ဣမံ ပုညံ ပစ္စယော ဟောတု။

၎င်းပါဌ်၏ အနက်အဓိပ္ပါယ်ကား -
သမ္မ လုဒ္ဒပုတ္တ၊ အဆွေမူဆိုးသား။ ဣမေ ဒန္တေ၊ ဤ ငါ၏အစွယ်စုံတို့ကို။ တုယှံ၊ သင့်အား။ ဒဒမာနော၊ ပေးလှူသော။ အဟံ၊ ငါသည်။ မယှံ၊ ငါ့အား။ အပ္ပိယာတိ၊ မချစ်အပ်သော ၀တ္ထုဟု၊ နှလုံးသွင်း၍။ နေ၀ဒမ္မိ၊ ငါမလှူ။ သက္ကတ္တ မာရတ္တ ဗြဟ္မတ္တာဒီနံ၊ သိကြားမင်း၏ အဖြစ်၊ မာရ်မင်း၏ အဖြစ်၊ ဗြဟ္မာမင်း၏ အဖြစ် - အစရှိသည်တို့၏။ သမ္ပတ္တိံ၊ စည်းစိမ်ကို။ ပတ္ထေန္တော၊ တောင့်တသည် ဖြစ်၍လည်း။ နဒမ္မိ၊ ငါမလှူ။ ပန၊ စင်စစ်သော်ကား။ မေ၊ ငါ၏။ ဣမေဟိ ဒန္တေဟိ၊ ဤအစွယ်တို့ထက်။ သတဂုဏေန၊ အဆအရာအားဖြင့်၎င်း။ သဟဿဂုဏေန၊ အဆအထောင် အားဖြင့်၎င်း။ သတသဟဿ ဂုဏေန၊ အဆအသိန်း အားဖြင့်၎င်း။ သဗ္ဗညုတညာဏ ဒန္တာဝ၊ သဗ္ဗညုတဉာဏ် တည်းဟူသော အစွယ်တို့ကိုသာလျှင်၊ ပိယတရာ၊ အလွန်တရာ သာ၍ ငါချစ်တော်မူအပ်ကုန်၏။ မေ၊ ငါ၏။ ဣဒံပုညံ၊ ဤအစွယ်ကို လှူရသော ကောင်းမှုသည်။ သဗ္ဗညုတညာဏပ္ပဋိဝေဓာယ၊ သဗ္ဗညုတဉာဏ်ကို ရခြင်း၏။ ပစ္စယော၊ အထောက်အပံ့သည်။ ဟောတု၊ ဖြစ်စေသတည်း။ ။

ဤသို့သော အမိန့်တော်ဖြင့်၊ သုံးဘော်ဝဋ်ဋ၊ ဘုံဘ၀ဟု၊ သင်္ခါရနယ်ဝင်၊ အပင်မဟုတ်၊ စည်းစိမ်စုတ်များကို၊ ရွှေနှုတ်မြွက်ဟ၊ မတောင့်တဘဲ၊ ဘ၀သင်္ခါရ၊ ဒုက္ခခပ်သိမ်း၊ ငြိမ်းရာ အမှန်၊ နိဗ္ဗာန်ခေမာ၊ စိုးချုပ်ချာသော၊ မဟာသဗ္ဗညုတ၊ အတုလဉာဏ်တော်၊ ဆုမြတ်ကျော်ကိုသာ၊ မြွက်ဖော်သံရှင်၊ ပန်ဆင် တောင့်တတော်မူပြီး၍၊ ညီးညီးလျှံဝါ၊ ခြောက်ရောင်ဖြာသော၊ ကိုယ်အင်္ဂါမြတ်၊ စွယ်တော်ဓာတ်ကို၊ န၀ရတ်ခြယ်စီ၊ ရွှေစေတီ ကဲ့သို့၊ ပိုက်ချီယုယ၊ နှာမောင်းဖြင့် မ-ပြီးလျှင်၊ ကြောက်စရာ့သဘက်၊ မူဆိုးကြီးလက်သို့၊ ရက်ရက်လွယ်ကူ၊ အပ်နှင်းတော်မူသဖြင့်၊ ဘူမဏ္ဍလာ၊ စက္က၀ါရေမြေ၊ လေအဆုံးရောက်၊ ဘ၀ဂ်ပေါက်မျှ၊ လှုပ်ချောက်ဝှန်ဆူ၊ နတ်လူကောင်းချီး၊ ဆော်ပဲ့တင်တီးလျက်၊ အလှူကြီးပေးတော်မူသတည်း။

ထို့နောက်မှ၊ မူဆိုးကိုခေါ်၍၊ အဆွေတော် သောနုတ္တိုရ်၊ မောင်မင့်သခင်၊ ပလ္လင်ညာရံ၊ ရွှေဘုံပျံမှာ၊ စံပေသည့်နတ်၊ မယ်သုဘဒ်ကို၊ ဆတ်ဆတ်သဘော၊ ငါမှာတိုင်း ပြောပါလေ၊ တောဟေမ၀န်ချောင်၊ အိုင်သာခေါင်တွင်၊ ငွေတောင်ကြီ့းသွင်၊ ခင်မ-လင်ကို၊ အရှင်လတ်လတ်၊ သင်စေ၍ သတ်ခဲ့ပြီ။ စွယ်တော်မြတ် နှစ်ချောင်း၊ ခြောက်ရောင်မောင်းကိုလည်း၊ ၎င်းဆင်ကြီး၊ မသေမီ ဖြတ်လှီး၍၊ သွေးစီးယိုထွက်၊ နာကျင်အောင် နှိပ်စက်ပြီးလျှင်၊ အသက်ဆုံးစေခဲ့ပါပြီ။ ဤစွယ်တော်စုံကို၊ ရွှေဘုံသူ့ မှန်ကူ၊ သုံးရက်တော်မူသေးလျှင်၊ ရန်သူကြီးအစွယ်ကို၊ ရွှေလက်ဝယ် ဆက်သပါမည်၊ အားရ စိတ်ရွှင်၊ ကျေနပ်အောင် စီရင်၍၊ ပြုချင်တိုင်း ပြုတော်မူပါတော့ဘုရား ဟု၊ မောင်မင့်သခင်၊ မုန်းပင်စိုက်ပျိုး၊ ပြေချိန်တိုင်ရွေ့မှ၊ မပြေနိုင် ငြိုးတတ်သည့်၊ မူဆိုးတပိုင်း၊ မိန်းမရိုင်းကြီးကို၊ ငါမှာတိုင်း ပြောပါလေ။ ။

ထိုမှတပါးလည်း၊ မိဘုရား သုဘဒ္ဒါသည်၊ အိုင်သာဆဒ္ဒန်၊ ဤရေကန်တွင်၊ သည်ရံ မဟာ၊ သုဘဒ္ဒါနှင့်၊ ၀ဲယာရွေရံ၊ စံသည့် ကာလ၊ ဒေါသအပြစ်၊ မဖြစ်မမြောက်၊ မမုန်းလောက် သည်ကို၊ အဆောက်အဦ၊ ပြစ်ကြီးယူပြီးလျှင်၊ ငြူစူမျက်ဝင်၊ ငါချစ်လင်ကို၊ သင်မိဘုရား၊ သတ်ဖြတ်နိုင်အား ပေငဲ့၊ စိမ်းကား မျက်ငြိုး၊ သစ်ယောင်းခက် ချိုးသကဲ့သို့၊ ချစ်ကြိုးဖြတ်ဖြေ၊ သင်သတ်ရက် လေသောကြောင့်၊ သင့်သက်ဝေလင်၊ ငါဆဒ္ဒန်ဆင်သည်၊ မြေတွင်တုံးလုံး၊ မြားချက်နှင့် ဆုံးခဲ့ပြီ၊ ရွေသုံးရံချယ်၊ ကြာရိပ်လယ်မှာ၊ ရယ်ကာမောကာ၊ မျက်နှာငွေလ၊ ရွှင်ပပနှင့်၊ ခင်မ၀မ်းမြောက်တော် မူပါလေတော့ … ဟူသော စကားကိုလည်း၊ မြားဆိပ်မူး၍၊ တောင်လူးမြောက်လည်း၊ နာကျည်းဝေဒနာ၊ မချိရာက၊ မှာတော်မူလိုက်ပါသည် ဘုရားဟု၊ ခြားနားအောင် တင်ပါလေ။ ။

သင်မူဆိုးသည်၊ ကြိုးစားအားသစ်၍၊ ခုနစ်နှစ်, ခုနစ်လ၊ လာခဲ့ရသော်လည်း၊ ငါ့စွယ်တော်မြတ်၊ ဣဒ္ဓိပါဒ်ကြောင့်၊ လတ်တလောခြင်း၊ ခုနစ်ရက် အတွင်း၌၊ မောင်မင်းပြည်သို့ ရောက်လိမ့်မည်။ ဘေးရန်ကာသန်း၊ ပရိတ်ပန်းတို့ကိုလည်း၊ ငါမန်း၍ ပေးတော်မူလိုက်မည်၊ ဆဗ္ဗဏ္ဏရသ္မိံ၊ ထိန်ထိန်ကျက်သရေ၊ စွယ်တော်စုံ အမြုတေကို၊ ရိုသေစွာ သင်ထမ်း၍၊ လာလမ်းကို ပြန်ပေတော့ဟု၊ စေ့ရေ ကြောင်းလျား၊ မှာတော်ပုံ ထားပြီးလျှင်၊ မုတ္တာမူးချိန်၊ စိန်စီမြခဲ၊ ရွှေလည်ရွဲကဲ့သို့၊ မခွဲကြချင်၊ လွန်ကဲစွာ ချစ်ခင်သည့်၊ ညာတင်မဟာ၊ သုဘဒ္ဒါကိုလည်း၊ မြင်ရှာတော် မူချင်သေး၍၊ တရေးရေး ရမ်းရော်၊ လာနိုးနိုး မြှော်ဆဲတွင်၊ ကြမ်းချော် ခက်ထန်၊ မြားဆိပ်မွှန်၍၊ ဆဒ္ဒန်ဆင်ကောင်း၊ ဘုရားလောင်းသည်၊ မယားဟောင်း လက်ချက်နှင့်၊ အသက်ဆုံးတော် မူရလေ၏။
***
ဒီတပတ် အပိုင်း (၄) ကိုတော့ ခပ်တိုတိုပဲ တင်လိုက်ပါတယ်။ အပိုင်း (၅) ဆိုရင် ဆဒ္ဒန်ဆင်မင်းဝတ္ထု အဆုံးသတ်ပါပြီ။ ဒီအပိုင်းကို ရိုက်ရတာတော့ စိတ်မကောင်းစရာပါပဲ။ ရက်စက်လိုက်တဲ့ မုဆိုး။ ဖတ်ရင်း ရိုက်ရင်း စိတ်မကောင်းတဲ့ ကြားက မှတ်မှတ်သားသား ဖြစ်ခဲ့ဖူးတဲ့ စကားလေးတွေ အထပ်ထပ် ပြန်ရေရွတ်လို့ ဦးပုညရဲ့ ထိမိတဲ့ စကားလုံး တွေရဲ့ ဖျားယောင်းမှုမှာ မျောပါသွားခဲ့တယ်။

မောင်မင့်သခင်၊ မုန်းပင်စိုက်ပျိုး၊ ပြေချိန်တိုင်ရွေ့မှ၊ မပြေနိုင် ငြိုးတတ်သည့်၊ မူဆိုးတပိုင်း၊ မိန်းမရိုင်းကြီးကို၊ ငါမှာတိုင်း ပြောပါလေ ... ဆိုတဲ့ စကားတွေ ...
ရွေသုံးရံချယ်၊ ကြာရိပ်လယ်မှာ၊ ရယ်ကာမောကာ၊ မျက်နှာငွေလ၊ ရွှင်ပပနှင့်၊ ခင်မ၀မ်းမြောက်တော် မူပါလေတော့ ... ဆိုတဲ့ စကားတွေဟာ ရသ ဂုဏ် အလင်္ကာတွေနဲ့ ပြည့်ဝလှတာကြောင့် ခေတ်အဆက်ဆက် မရိုးနိုင်အောင် သုံးစွဲခဲ့ကြရင်း ... ခုချိန်ထိ တွင်ကျန်နေဆဲပဲ ... ။ ရှေ့ဆက် တွင်ကျယ်ဖို့ အတွက်ကတော့ ဒီလိုစာတွေကို နောက်လူတွေ မြတ်နိုးတတ် တန်ဖိုးထားတတ်အောင် ကျမတို့ တတ်နိုင်သလောက် ကြိုးစားရပါအုံးမယ်။
***
မေဓာဝီ
၃၁၊ ဇူလိုင်၊ ၂၀၁၁
၂၂း၅၃ နာရီ

ရည်ညွှန်း။ ။ ဦးပုည၀တ္ထုပေါင်းချုပ် (ဟံသာဝတီ ပိဋကတ် စာပုံနှိပ်တိုက် - ၁၉၄၀)

Read More...

Friday, July 29, 2011

အချစ်များစွာဖြင့် ...

ဇူလိုင်လ ၂၃ ရက် နံနက် နေထန်းတဖျားခန့် မရှိတရှိ အချိန် ...
မေဓာဝီတယောက် နောက်ဖေးမီးဖိုခန်းထဲ၌ အားကြိုးမာန်တက် ချစ်၍နေ၏။ ချစ်စရာတွေကလဲ များလှသည်၊ တချစ်ပြီးတော့ နောက်တချစ် ... ချစ်လို့လဲ ကုန်ပဲ မကုန်နိုင်။ ကြာလာတော့ မချစ်ချင်တော့ ... ပျင်းလာသည်၊ ငြီးငွေ့လာသည်၊ ထိုအချစ်တွေကို အဆုံးသတ်ချင်ပြီ၊ ချစ်ရတာ ပင်ပန်းလှချေပြီ။
***
ဤဇာတ်လမ်း၏ အစသည် တလောက သွားခဲ့သော ဘာမင်ဂန် ၀ါဆိုဘုရားပွဲမှ အစပြုခဲ့ခြင်းဖြစ်သည်။ ထိုနေ့က ဘုရားပွဲသို့ ဧည့်ပရိသတ် အတော်များများ လာကြသည်။ ထိုအထဲတွင် နာမည်ကြီး စွယ်စုံရ ဗဟုဿုတ အိုးကွဲ ဘလော့ဂါတဦး ဖြစ်သော တုံးဖလားသူကြီးဟု အများသိသည့် ကိုကိုမောင် (ပန်းရနံ့) လည်း အထူးဧည့်သည်တော် အဖြစ် တက်ရောက်လာလေ၏။ တုံးဖလားသူကြီးက သက်ကြီးဝါကြီး (အကန်တော့ခံ အသက် ၈၀ အထက်) ပညာရှင် ဘလော့ဂါတဦးပေမင့် သူနဲ့ကိုယ်က ဘလော့ရေးဖော် ရေးဖက်ချင်းပေမို့ စိမ်းမနေ ရှိန်းမနေဘဲ တရင်းတနှီး ပြောဆိုဆက်ဆံ နေကျပင်ဖြစ်သည်။ ဘာမင်ဂန်ကျောင်းသို့ ကျမ ရောက်သွားစဉ်မှာ သူကြီးက ကျွတ်ကျွတ်အိတ်ကြီး တလုံးကို ကိုင်ဆွဲကာ အပေါ်ထပ်လှေခါးမှ မိန့်မိန့်ကြီး ဆင်းလာလေသည်။

"ဒီကနေ့ မေဓာလာမယ် ဆိုလို့ သူကြီးမင်း ခြံထွက် ပန်းသီးတွေ ခူးလာခဲ့တယ်"
ပြောပြောဆိုဆို သူလှမ်းပေးသည့် အိတ်ကြီးကို ကျမယူလိုက်တော့ အိတ်ကြီးက လက်ထဲတွင် နင့်ခနဲ ပါလာသည်။
"ပန်းသီးတွေက များလှချည်လား သူကြီးရယ်"
"တခါတုန်းက မေဓာ ဘလော့မှာ ပန်းသီးသုပ်စားတယ်လို့ ရေးဖူးတယ် မဟုတ်လား၊ အဲဒါကြောင့် သူကြီးမင်းလဲ မေဓာ ပန်းသီးသုပ်စားရအောင် အပင်ပန်းခံပြီး ပန်းသီးပင်ပေါ် ခါးတောင်းကျိုက် တက်ခူးလာခဲ့တာ၊ မြေမနင်းသားလေးတွေလေ ..."

သူ့ခြံထဲတွင် ဘယ်သူမှမစားသဖြင့် အလဟဿ ဖြစ်မည့်အတူတူ ကျမကိုပေးသော အနှီ ပန်းသီးများကို ကျမ တန်ဖိုးမထားမည် စိုးသဖြင့် ထိုသို့ ဇန်းတင်၍ ပြောကြားလေသည်။ ဘလော့တွင် ကျမ ပန်းသီးသုပ်အကြောင်း ရေးဖူးသည်မှာ တနှစ်ပင် ပြည့်လုပြီ။ အသက်ကြီးသော်လဲ အလွန် မှတ်ဉာဏ်ကောင်းသော သူကြီးမင်းပါတကား။

"ခုလို တကူးတက သယ်လာတာ အင်မတန် ကျေးဇူးတင်ပါတယ် သူကြီး"

ကျမစိတ်ထဲက ဒီပန်းသီးတွေ ကုန်အောင် ဘယ်လို သုပ်စားရပါ့မလဲဟု တွေးနေသော်ငြား နှုတ်ဖျားမှတော့ ကျေးဇူးတင်ကြောင်း ပြောလိုက်ရသေးသည်။ ဤကား ဘိလပ်၏ ယဉ်ကျေးမှုပင်တည်း။


တုံးဖလားသူကြီး၏ တော်ဝင် မဟာပန်းသီးပင်

ထိုနေ့ ၀ါဆိုပွဲမှ အပြန်တွင်တော့ သူကြီးခြံထွက် ပန်းသီးတအိတ်နှင့် ကျမ အလုပ်ရှုပ်ရချေတော့သည်။ အိမ်ရှိလူဦးရေက စုစုပေါင်းမှ ဦးရီးတော်နှင့် ကျမ နှစ်ယောက်ထဲ၊ ပေးလိုက်သည့် ပန်းသီးတွေက မနည်းမနော။ အသုပ်ကြိုက်သော ဦးရီးတော်ကို နေ့တိုင်း ပန်းသီးသုပ်ချည်း ကျွေးနေလို့ကလဲ မဖြစ်။ ကိုယ်တိုင်လဲ နေ့တိုင်း မစားချင်။ ၂ ရက် ဆက်တိုက်လောက်တော့ ပန်းသီးတွေ သုပ်ပြီး စားလိုက်သေး၏။ ၂ ရက်မှာ ၄ နပ် စားသည်မို့ ၄ နပ်ပြည့်တော့ ရိုးသွားပြီ။ အန်တီတယောက်၏ အကြံပေးချက်အရ တချို့ပန်းသီးတွေကို အ၀ကျယ်သည့် ပုလင်းကြီးကြီးဖြင့် ဆားရည်စိမ် ထားလိုက်သည်။ ဒါလဲ မကုန်သေး။

ရက်သတ္တ ၂ ပတ်ပြည့်လု ပြည့်ခင် ဖြစ်လာသည်အထိ ပန်းသီးတွေကား ကျန်သေးသည်။ အရွယ်မရောက်ခင် အပင်ပေါ်မှ ဆွတ်ခူးခြင်း ခံရရှာသော မြေမနင်းသီးတွေမို့လား မသိ။ ၂ ပတ်ပြည့်လုသည်ထိ လတ်ဆတ်နေတုန်း။ ထိုသို့ဖြင့် ဇူလိုင် ၂၃ရက်နေ့ ရောက်သောအခါ အကြံရပြီ။ နောက်တနေ့ ဆိုလျှင် ဘာမင်ဂန်သို့ အလှူပွဲသွားရမည်။ ထိုပန်းသီးများကို ပန်းသီးငပိချက် ချက်၍ ဘုန်းဘုန်းတွေကို ကပ်မည်။ ထိုအလှူပွဲကို သူကြီးလဲ လာအုံးမည်ဟု သတင်းရသဖြင့် သူ့အတွက်လဲ ချက်ပြီး ယူသွားမည်ဟု တွေးကာ မနက်ခင်းတွင် အထက်၌ ဖော်ပြခဲ့သလို မေဓာဝီတယောက် စိန်ခလုတ်ဖြင့် ပန်းသီးများကို တလုံးပြီးတလုံး ချစ် (အဲ ... ယောင်လို့) ခြစ်၍ နေရပေတော့၏။ (ဥပုသ်ကြီးနဲ့တောင် ခြစ်နေရတဲ့ဘ၀)

(အပေါ်ဆုံးက စာပိုဒ်တွင် -ျ (ယပင့်) နှင့်ြ- (ရရစ်) မှားယွင်းရေးသားမိခြင်းကို စာဖတ်သူများ မိမိဘာသာ ပြင်၍ ဖတ်ကြပါကုန်။ ဤကား စကားချပ်)


မခြစ်မီပုံ နှင့် ခြစ်ပြီးပုံ

ပန်းသီးတပုံးလုံး ခြစ်၍ ပြီးသွားသောအခါ လက်လဲ အတော်အံသေသွားပြီ။ သို့သော် မနားရသေး၊ မျက်ရည်တောက်တောက်ယိုအောင် ကြက်သွန်လှီးခြင်း၊ လက်တညောင်း ပုဇွန်ခြောက်ထောင်းခြင်း၊ ငရုတ် ကြက်သွန်ကို ငပိစိမ်းစားလေးထည့်ကာ မွှန်ထွန်နေအောင် ဆီသတ်ခြင်း စသည်စသည် အမှုကိစ္စများ စွမ်းစွမ်းတမံ ဆောင်ရွက်ကာ ပန်းသီးငပိချက်ကို ကြိုးစားပမ်းစား ချက်ရပြန်လေ၏။


ပန်းသီးငပိချက်ကို မကပ်သော အိုးကလေးဖြင့် ချက်သည်မို့ ခဏပစ်ထားပြီး တခြားကိစ္စလုပ်နေစဉ် တူးနံ့က နှာခေါင်းဝကို လာ၍ ကလူကျီစယ်သဖြင့် ကမန်းကတန်း ပြေးကြည့်တော့ အနည်းငယ် တူးနေပြီ။ မကပ်သောအိုးက အိုးမကပ်သော်လဲ တူးတတ်ပေသည်တကားဟု သင်ခန်းစာရကာ အတူးတွေ အသက်တွေကို ဖယ်ထုတ်ပစ်ရသေးသည်။ အတူးနှင့် အသက်က တွဲလျက် အမြဲရှိတတ်သည်၊ တူးလျှင် သက် (ခါး) တတ်သည် မဟုတ်ပါလား။ ပန်းသီးငပိချက် အိုးထဲမှ အတူးနှင့် အသက်ကို ဖယ်ထုတ်ပြီး အားလုံးကျက်သော် ငရုတ်သီးစိမ်းကလေး ခွဲထည့်ပြီးနောက် ပန်းသီးငပိချက် ချက်ပြုတ်ခြင်းကိစ္စ နိဋ္ဌိတံလေပြီ။ ချက်၍ ပြီးသောအခါ ဘာမင်ဂန်ကျောင်းအတွက် တဘူး၊ သူကြီးအတွက် တဘူးနှင့် အိမ်အတွက် တဘူးဟူ၍ ဘူး ၃ ခုနှင့်ခွဲထည့်ပြီးနောက် ပန်းသီးများ ကုန်သွားသည့်အတွက် စိတ်အေးလက်အေး ဖြစ်သွားလေတော့သည်။
***
နောက်တနေ့ အလှူပွဲမှာ သူကြီးနှင့်ဆုံတော့ ...
"သူကြီးပန်းသီးတွေကို ငပိချက် ချက်လာတယ်၊ ဒီမှာ သူကြီးအတွက် တဘူး ..."
"အိမ်း ... စားရသေးတာပ ... ခြံထဲက ပန်းသီးပင်လဲ အလုံးတွေ ပိုထွားလာလို့ မေဓာအတွက် ပန်းသီးတွေ ထပ်ခူးလာခဲ့သေးတယ်၊ ရော့ ... ဟောဒီမှာ ... "

ပြောပြောဆိုဆို သူကြီးက အရင်တခါထက် ပိုကြီးသော အိတ်ဖြင့် ထည့်လာသည့် ပန်းသီးအိတ်ကြီးကို ကျမလက်သို့ ပေးအပ်လိုက်လေသောအခါ ...

ဟိုက် ... ခြစ်ရပေအုံးမည် ဟု စိတ်ထဲမှ တိတ်တခိုး ရေရွတ်မိသော်လဲ နှုတ်ကမူ ...

"ကျေး ... ကျေး ဇူး တင် ပါ တယ် သူကြီး" ဟု အသံတိမ်တိမ်ဖြင့် ပြောရင်း ပန်းသီးအိတ်ကြီး မနိုင့်တနိုင်ဆွဲကာ သူကြီးရှေ့တော်မှောက်မှ အမြန်ဆုံး ခွါခဲ့ရလေတော့သတည်း။
***
မပြီးဆုံးသေးသော အခြစ်များစွာဖြင့် ...

မေဓာဝီ
၂၉ ဇူလိုင် ၂၀၁၁
၀၀း၁၃ နာရီ

(အဲ ... မေ့လို့ဗျို့ ... ခေါင်းစဉ် စာလုံးပေါင်းလဲ ပြင်ဖတ်ကြပါအုံး)

Read More...

Wednesday, July 27, 2011

ပြီးကားပြီး၏၊ သို့သော် … မပြီးသေး …


"ပြီးကားပြီး၏၊ သို့သော် … မပြီးသေး …" ဆိုတဲ့ စာသားလေးကို ဇူလိုင် ၂၃ ရက်နေ့ရဲ့ ဒိုင်ယာရီ စာမျက်နှာမှာ ကျမ ရေးထိုးထားခဲ့တယ်။ ပြီးကားပြီး၏ ဆိုတဲ့ အဓိပ္ပါယ်က ကျမရဲ့ ၉-ရက်တာ တရားထိုင်တဲ့ အစီအစဉ်ဟာ အဲဒီနေ့က နောက်ဆုံး ပြီးဆုံးသွားခဲ့လို့ပါပဲ။ မပြီးသေး … ဆိုတာက ကျမ ဒီလောက်နဲ့ ကျေနပ်ပြီး ရပ်တံ့နေလို့ မရသေးဘူး၊ လိုချင်တဲ့ ပန်းတိုင်တခုကို မရောက်ခဲ့ သေးဘူး၊ ဒါကြောင့် ကျမ ဆက်ပြီး လျှောက်လှမ်းနေရအုံးမယ် … ကျမ ပြုလုပ်ရမယ့် တာဝန်တွေ မပြီးသေးဘူး ဆိုတဲ့ သဘောနဲ့ ဒီစာသားလေး ရေးခဲ့တာပါ။

ကျမခုလို အိမ်မှာပဲ ဥပုသ်စောင့် တရားထိုင်တယ်ဆိုတော့ ခင်မင်ရာ ခင်မင်ကြောင်း မိတ်ဆွေတွေက စိတ်ဝင်တစား မေးမြန်းကြပါတယ်၊ ရိပ်သာဝင်သလို လုပ်မယ်ဆိုတာ ဘယ်လိုလုပ်တာလဲ … ထိရောက်မှု ရှိမရှိ၊ အကျိုးရှိမရှိ စသဖြင့် မေးကြတယ်။ ကျမကလဲ ဒီအတွေ့အကြုံကို ပြောပြချင်တာနဲ့ ဒီပို့စ်လေးကို ရေးလိုက်ရခြင်းပါပဲ။

၉-ပါးသီလ ဥပုသ်နဲ့ တရားထိုင်မယ်လို့ ဆုံးဖြတ်ပြီးတာနဲ့ ကျမက တနေ့တာ အချိန်ဇယား ဆွဲလိုက်ပါတယ်။ ကိုယ့်ဘာသာ ဆွဲတဲ့ အချိန်ဇယားဆိုတော့ ရိပ်သာလိုတော့ မတင်းကျပ်ဘူး၊ ခပ်လျော့လျော့ပဲ ဆိုပါတော့။ အချိန်ဇယားက မနက် ၆ နာရီက ည ၉ နာရီ ထိပါပဲ။ မနက် ၆ နာရီ မှာ ခါတိုင်းလုပ်နေကျ ၀တ်အတိုင်း ဘုရားသောက်တော်ရေကပ်၊ ဘုရားရှိခိုး၊ စတာတွေ လုပ်တယ်၊ တရားထိုင်ချိန်က ၇ နာရီက ၈ နာရီ က စပြီး တနာရီ ထိုင် တနာရီ စင်္ကြံလျှောက် မူကို ချထားလိုက်တယ်။ ဒီကြားထဲ မနက်စာစားချိန် နေ့လည်စာ စားချိန်ကို ဖယ်ရတာပေါ့၊ ပြီးတော့ ဦးရီးတော်အတွက် နေ့လည်စာ ညစာ ပြင်ပေးချိန်တွေကိုလဲ ထိုင်တဲ့ အချိန်နဲ့ မတိုက်အောင် လုပ်ထားရသေးတယ်။


ဝါဆိုလပြည့်နေ့ စစချင်း ထိုင်တဲ့ရက်မှာ တနာရီ ပြည့်အောင် မထိုင်နိုင်ပါဘူး။ ထိုင်ဖို့ အရှိန်ယူတဲ့ အနေနဲ့ စိတ်တည်ငြိမ်အောင် မထိုင်ခင် ပရိတ်တို့ ဓမ္မစကြာတို့ အရင် ရွတ်ဖတ် သရဇ္ဈာယ်ပါတယ်။ ပထမအကြိမ် မထိုင်ခင် ဓမ္မစကြာရွတ် ပြီးတော့ ၄၅ မိနစ်ထိုင်၊ နောက် ၄၅ မိနစ် စင်္ကြံလျှောက်၊ နောက်တကြိမ်မထိုင်ခင် ပဋ္ဌာန်းရွတ်၊ စသဖြင့်ပေါ့။ အရှိန်ယူတာ အတော်များသွားလားတော့ မသိဘူး။ အဲဒီနေ့က ကျမရွတ်ခဲ့တာတွေက ပရိတ်ကြီး ၁၁-သုတ် အကုန်၊ ဓမ္မစကြာ နဲ့ အနတ္တလက္ခဏသုတ်၊ ပဋ္ဌာန်း ပစ္စယနိဒ္ဒေသ၊ အဘိဏှသုတ်နဲ့ ဗောဇ္ဈင်သုံးမျိုး၊ မဟာသရဏဂုံတော်ကြီး … တို့ပါပဲ။ အဲဒီနေ့က ၅ ကြိမ် ထိုင်ဖြစ်ပေမဲ့ တချို့အကြိမ်တွေမှာ မိနစ် ၂၀ ပဲ ထိုင်နိုင်ခဲ့တယ်။ စိတ်တွေက ဟိုရောက် ဒီရောက်နဲ့ အရမ်းပျံ့လွင့်တဲ့ အပြင် အိပ်ကလဲ ငိုက်လိုက်တာ၊ စင်္ကြံလျှောက်တာ ဘယ်လှမ်းတယ် ညာလှမ်းတယ် ၂ ချက်ပဲ အရင်ဆုံး မှတ်တာတောင် ဘယ်နဲ့ ညာ မှားကုန်သေးတယ်။ အဲဒီလောက် အထိ။

အဲဒီည ၉ နာရီ တရားဖြုတ်ပြီး တရားနာနေတုန်း အိမ်ကို ဖုန်းဝင်လာတယ်။ ဘာမင်ဂန်ဆရာတော် ဦးဥတ္တရဉာဏ ဆီကပါ။ ဆရာတော်က ဦးရီးတော်နဲ့ ပြောပြီး ကျမနဲ့ ဆက်ပြောရင်း ကျမ တရားထိုင်တဲ့ အကြောင်း မေးတယ်။ ကျမ ဘလော့မှာ ရေးထားတဲ့ ပို့စ်ကို ဖတ်ရပြီး တရားပြဆရာ မရှိ တရားစစ်မယ့်သူ မရှိလို့ ရေးထားတာ တွေ့လို့ ကျမကို နေ့တိုင်း တရားစစ်ပေးမယ် ဆိုတဲ့အကြောင်း ပြောတော့ ကျမမှာ ၀မ်းမြောက်စွာနဲ့ ဆရာတော်ကို ကျေးဇူးတင်လို့ မဆုံးဘူး။ တကယ်တမ်းက ကျမမှာ အရင်က ထိုင်ဖူးတဲ့ အတွေ့အကြုံ နည်းနည်းနဲ့ ထိုင်ချင်တဲ့ စိတ်သာပြင်းပြနေတာ ကိုယ့်ကို တရားစစ်ပေး ပြပေးမယ့်သူ မရှိတော့ အားက ခပ်ငယ်ငယ်။ ကိုယ်မှားနေရင် မှားမှန်းလဲ သိမှာ မဟုတ်ဘူး။ ဒီလမ်း လျှောက်ရမယ် ဆိုတာ သိပေမဲ့ ဘယ်လို ဘယ်လိုသွား လို့ ကိုယ့်ကို လမ်းညွှန်ပြပေးမယ့်သူ မရှိရင် လမ်းမှန် ဖြောင့်ဖြောင့် မသွားနိုင်ဘဲ လမ်းခုလတ်မှာ ရွာလည်နေတတ်တာမျိုး မဟုတ်လား။ တရားဆိုတာ အလွန်သိမ်မွေ့တာကိုး။

ဒါကြောင့် ဆရာတော်က လိုလိုလားလားနဲ့ တရားစစ်ပေးမယ် ဆိုလာတော့ ကျမသိပ်ကို အားတက်သွားတယ်။ ဆရာတော်က ကျမကို အရွတ်အဖတ်တွေ နည်းနည်းလျှော့ဖို့၊ စင်္ကြံ လျှောက်ရင် ဘယ်လိုမှတ်ရမယ်၊ ခြေဗလာနဲ့ လျှောက်တာ ပိုကောင်းတယ်ဆိုလို့ နောက်ပိုင်း မြက်ခင်းထဲမှာ ဖိနပ်ချွတ်ပြီး လမ်းလျှောက်ရင်း အဲဒီ အရသာကို သဘောကျသွားတော့တာပဲ။ ဆရာတော်က ပထမနေ့မှာ ဓာတ်ကြီးလေးပါးကို သိအောင်မှတ်တဲ့ ဓာတ်ကမ္မဋ္ဌာန်းကို ပြောပြပေးပြီး နောက်နေ့မှာ ခန္ဓာငါးပါးနဲ့ ရှုမှတ်ပုံကို ရှင်းပြပေးခဲ့ပါတယ်။ (အကျယ်သိချင်ရင် ဆရာတော်ကို ဆက်သွယ်ပြီးသာ မေးမြန်းကြပါကုန်။)

စနေ တနင်္ဂနွေရက်တွေမှာ ဦးရီးတော် အလုပ်မသွားဘဲ အိမ်မှာ တနေကုန် ရှိနေတာမို့ အိမ်အလုပ် လုပ်ရတာ ပိုများတယ်။ ဟင်းချက်တာတို့ ခြံလုပ်တာတို့ လုပ်ရတဲ့အပြင် တခါတလေ သူနဲ့ အပြင်ကိုလဲ လိုက်ရသေးတယ်။ ဘာပဲဖြစ်ဖြစ် အနည်းဆုံးတော့ တနေ့ သုံးကြိမ်ထိုင်ပြီး သုံးကြိမ်လျှောက်နိုင်ခဲ့ပါတယ်။ ဦးရီးတော် အလုပ်သွားတဲ့ နေ့တွေမှာ ၅ ကြိမ်စီ လုပ်နိုင်ပါတယ်။ တတိယမြောက်နေ့မှာတော့ တနာရီ ထိုင်နိုင်သွားပြီ။ စိတ်ကတော့ ပျံ့လွင့်တုန်း၊ အိပ်ကလဲ ငိုက်သေးတာပဲ။ တခါတလေ အရမ်းကို ပျင်းလာတယ်၊ ကိုယ်လုပ်ချင်လို့ လုပ်နေတာတောင် စိတ်ဆိုတာ မကောင်းမှုမှာ မွေ့လျော်တာဆိုတော့ ညောင်းလိုက်တာ … ဆက်မထိုင်ချင်တော့ဘူး ဆိုတာမျိုး အပျက်စိတ်က ၀င်လာသေးတယ်။

ညဘက် တရားလျှောက်တိုင်း ဆရာတော်က ကျမကို တရားစစ်ပေးတဲ့အပြင် ဆုံးမစကားတွေ အားပေးစကားတွေ ပုံတိုပတ်စလေးတွေနဲ့ အားပေး ဆုံးမခဲ့တယ်။ ဘယ်မှာပဲထိုင်ထိုင် ကိုယ်က အဆင့်သိပ်မမြင့်သေးရင်တော့ တရားပြဆရာ လိုကို လိုအပ်ပါတယ်။ မိမိအိမ်မှာ တရားထိုင်လိုသူများ ကမ္မဋ္ဌာန စရိယ တပါးပါးနဲ့ ဆက်သွယ်ထားကြပါ။ အိမ်မှာ တရားထိုင်ခြင်းရဲ့ အဖျက်တခုကတော့ တယ်လီဖုန်းပါပဲ။ ဦးရီးတော်ရှိရင် ကျမ ဖုန်းထမကိုင်ရင် ရပေမဲ့ သူအလုပ်သွားနေချိန် ဖုန်းမြည်ရင်တော့ မကိုင်လို့ မဖြစ်ဘူး။ ဆိုတော့ တရားထိုင်ရာမှာ ကြီးစွာသော အနှောက်အယှက် ဖြစ်ရပါတယ်။ ဒါတောင် အသိမိတ်ဆွေတွေကို တရားထိုင်မှာလို့ ကြိုကြေငြာထားတာပါ။ ဒါကြောင့် အိမ်မှာ တရားထိုင်လိုသူများ တယ်လီဖုန်းကို အပြီးဖြုတ်ထားနိုင်ရင် ပိုကောင်းပါတယ်။

နောက်တခု မရှောင်မလွှဲသာကြုံရတာက အိမ်ရှိလူ (ဦးရီးတော်နဲ့) စကားပြောရခြင်းပါပဲ။ ဒါကလဲ အနှောက်အယှက် တမျိုးလို့ ဆိုနိုင်ပါတယ်။ ဘာကြောင့်ဆိုတော့ စကားပြောရင် အမှားပါတဲ့အခါ ဆူခံရလို့ စိတ်ညစ်ရတာက တမျိုး၊ ဆူမခံရရင်တောင် အဲဒီပြောခဲ့တဲ့ စကားတွေက တရားထိုင်ရင် ပြန်ပြန်ပေါ်နေလို့ စိတ်ပျံ့လွင့်ရတာက တမျိုး။ ဖြစ်နိုင်ရင် ၀စီပိတ်နေတာ အကောင်းဆုံးပါပဲ။

၅-ရက် မြောက်နေ့နဲ့ ၆-ရက် မြောက်နေ့မှာ ၂ ရက်ဆက်တိုက် အဆူချည်း ခံနေရတယ်။ ဦးရီးတော်က မာန်မဲ ဆူဆဲတာမျိုး မလုပ်တတ်ပေမဲ့ သူ့စကားတခွန်းတလေကို ကျမက အကျကောက်ပြီး စိတ်ထိခိုက်တာ ၀မ်းနည်းရတာ … အင်း … စိတ်တိုရတာလဲ ပါတာပေါ့လေ။ ကျမ အမကိုပြောပြတော့ အမက ပြေရာ ပြေကြောင်း ဖြောင်းဖျတယ်။ “သူများဆီက ဘာမှ မမျှော်လင့်နဲ့ … ကိုယ့်ကိုယ်သာ မျှော်လင့်ပါ …” တဲ့။
နောက်ပြီး သူဆိုရင် မနက်ဘုရားရှိခိုးတိုင်း “ကောင်းသောစကား ကောင်းသော တရားကိုသာ ကြားရ နာရပါလို၏ … မိမိကြောင့် မည်သူမှ စိတ်မဆင်းရဲ မထိခိုက် ပါစေနှင့်၊ သူတပါးကြောင့်လဲ မိမိ စိတ်ဆင်းရဲ ထိခိုက်ခြင်း မဖြစ်ပါစေနှင့်” လို့ ဆုတောင်းတယ် လို့ ပြောပြပြီး ကျမကိုလဲ အဲဒီလို ဆုတောင်းခိုင်းတယ်၊ မေတ္တာပို့ခိုင်းတယ်။


ကျမစင်္ကြလျှောက်တဲ့ မြက်ခင်း

ကျမလဲ စင်္ကြံလျှောက်ရင်း အားလုံးသော သတ္တ၀ါရော ပုဂ္ဂိုလ်တဦးချင်းရော စကြ၀ဠာအနန္တရော ရှိရှိသမျှ ၃၁ ဘုံ အကုန်မကျန် အနုလုံ ပဋိလုံ စိတ်ကိုနှစ်ပြီး အကြာကြီး မေတ္တာပို့လိုက်တာ တော်တော်လေး စိတ်ထဲ အေးချမ်းသွားတယ်။ စိတ်ထိခိုက် ၀မ်းနည်းတာတွေ အမြင်မကြည်လင်မှုတွေလဲ လျော့ပါးသွားတယ်။ အဲဒီနေ့ ဦးရီးတော် အလုပ်က ပြန်လာတော့ ပြုံးပြုံးရွှင်ရွှင်နဲ့။ နောက်ရက်တွေလဲ အဲဒီလိုပဲ တရားမမှတ်ခင် မေတ္တာအရင်ပို့တယ်၊ အဲဒီနေ့က စပြီး ခုထိတော့ အဆူမခံရသေးဘူး။ မေတ္တာတန်ခိုးက သိပ်အစွမ်းထက်တာနော်။

ညောင်းတာ နာတာ ကိုက်ခဲတာကတော့ တရားထိုင်သူတိုင်း ကြုံရမယ် ထင်တာပဲ။ စစချင်းကတော့ အဲဒါတွေကို သည်းမခံနိုင်ဘူး။ နောက်တော့ ညောင်းတာ နာတာ မရှိရင် အိပ်ငိုက်တတ်တာမို့ ဘယ်နေရာ နာမလဲတောင် လိုက်ရှာနေမိသေးတယ်။ ဒီလိုနဲ့ နာခြင်း ညောင်းခြင်းက ကိုယ့်မိတ်ဆွေ ဖြစ်သွားတော့တာပဲ။

၈-ရက်မြောက်နေ့မှာ နက်ဖြန်ဟာ ငါ့အတွက် ဒီတရားထိုင်ခြင်း နောက်ဆုံးနေ့ပဲ။ နောက်ဆုံးနေ့ မတိုင်ခင် တခုခုတော့ ရအောင် လုပ်မှ၊ မဟုတ်ရင် ၉-ရက် ထိုင်တာ အလဟဿ ဖြစ်မယ် … ဆိုတဲ့ အတွေးနဲ့ လေးလေးနက်နက် ရှုမှတ်တယ်။ ကျောကုန်းထဲက အောင့်တာတွေ၊ ဒူးဆစ်ထဲက နာတာတွေလဲ သည်းခံမှတ်တယ်။ တော်တော်လေး ဟုတ်နေတော့ အားတက်ပြီး ငါတော့ သောတာပန်မဖြစ်မချင်း မထဘူး ပေါ့။ ဟဲ … စိတ်က ရှိတာပါ။ လက်တွေ့ကျတော့ မှတ်ရင်း မှတ်ရင်း စိတ်ကလေးကငြိမ်ပြီး မှတ်လို့ကောင်းနေတုန်း တီခနဲ နာရီက တနာရီပြည့်ကြောင်း အချက်ပေးတယ်။ ခဏတော့ ဆက်ထိုင်လိုက်ပါသေးတယ်။ ၁၅ မိနစ်လောက် ဆက်ထိုင်လဲပြီးရော … ၀ီရိယက လျော့ချင်လာတယ်။ ဒီအချိန် ခဏလေးနဲ့ သောတာပန်ကတော့ မဖြစ်လောက်ပါဘူးလေ။ တနာရီလဲ ပြည့်ပြီ၊ ည ကိုးနာရီလဲ ထိုးပြီ။ မဟာသရဏဂုံတော်ကြီးလဲ ရွတ်ရအုံးမယ်၊ ရေလဲချိုးရအုံးမယ်၊ တော်ကြာနောက်ကျသွားလို့ ဆရာတော်က စောင့်နေရရင် အားနာစရာကြီး … စတဲ့ အကြောင်းပြချက်တွေနဲ့ အမှတ်ဖြုတ်လိုက်ရော။

၉ရက် မြောက် နောက်ဆုံးနေ့လဲ ထိုနည်းလည်းကောင်း ပါပဲ။ စထိုင်ခါစမှာကို ဆံပင်ဦးရေထဲကနေ တဖျဉ်းဖျဉ်း ခံစားရတယ်၊ နှုတ်ခမ်းတွေကို သွေးတိုးနေတာ မျက်နှာတွေ ခန္ဓာကိုယ် မွေးညင်းတွေ အားလုံး တမွမွ တရွရွ ဖြစ်နေတာ သိနေတယ်။ မှတ်လို့ သိပ်ကောင်းပေမဲ့ ၀ီရိယ နည်းပြီး တနာရီအပြင် ဆက်မမှတ်ခဲ့ဘူး။ ဆိုတော့ကာ မေဓာဝီတယောက် သောတာလဲ မပန်နိုင်ခဲ့ဘူး ဆိုပါတော့။ ဒါနဲ့ ညဘက် တရားလျှောက်တော့ ဆရာတော့်ကို အကျိုးအကြောင်း ပြောပြတဲ့အခါ ဆရာတော်က နီဝရဏတရားအကြောင်း ရှင်းပြပေးပါတယ်။ နီဝရဏဆိုတာ ဈာန်မဂ်ဖိုလ် စတဲ့ ကုသိုလ်တရားတွေကို ပိတ်ပင်တားဆီးတတ်တဲ့ တရားတွေ ဖြစ်ကြောင်း၊ နီဝရဏတရား ၆-ပါး ကတော့ …

၁) ကာမစ္ဆန္ဒ = ကာမဂုဏ် အာရုံတွေကိုသာ ခံစားလိုခြင်း (အကြိုက်)
၂) ဗျာပါဒ = အမျက်ဒေါသ ပြစ်မှားကြမ်းတမ်းခြင်း၊ (အခိုက် - ခိုက်ရန်ဒေါသ၊ စိတ်ထိခိုက်သည့် သဘော)
၃) ထိန မိဒ္ဓ = ထိုင်းမှိုင်း ငိုက်မျည်းခြင်း၊ (အငိုက်)
၎) ဥဒ္ဓစ္စ ကုက္ကုစ္စ = စိတ်မတည်ကြည် ပျံ့လွင့်ခြင်း၊ (အမှိုက် - လွင့်သည့်သဘော)
၅) ၀ိစိကိစ္ဆာ = ရတနာသုံးပါး ကံ-ကံ၏အကျိုးကို ယုံမှား သံသယဖြစ်ခြင်း၊ (အစိုက် - သံသယမြား စူးစိုက်ခြင်း သဘော)
၆) မောဟ = အမှန်မသိခြင်း အ၀ိဇ္ဇာ (အမိုက်)
တို့ပါပဲ တဲ့။ (လက်သည်းကွင်းထဲက မှတ်ရလွယ်အောင် ဆရာတော်က အတိုပြောပြထားတာတွေပါ)

အဲဒီ နီဝရဏတရားတွေကို ပယ်သတ်နိုင်မှ အမြိုက်နိဗ္ဗာန် ချမ်းသာကို ရနိုင်မယ်လို့ ဆရာတော်က မိန့်ကြားပြီး အတိုကောက် မှတ်ဖို့ ခုလို လင်္ကာလေး စီပေးပါတယ်။

ကြိုက် - ခိုက် - ငိုက်နဲ့
မှိုက် - စိုက် - မိုက်ကို ရှောင်မှ
အမြိုက်ဘောင်ကို ၀င်မည် … တဲ့။

အဲဒီ ၆ ပါးထဲက ယုံမှားသံသယ (အစိုက်) ကလွဲလို့ ကျန်တဲ့ ၅ ပါးက ကျမနဲ့ ငြိနေတဲ့အတွက် အမြိုက်ဘောင် မ၀င်နိုင်သေးတာကြောင့် ဒီပို့စ်ရဲ့ ခေါင်းစဉ်မှာ ရေးခဲ့သလို ပြီးကားပြီး၏၊ သို့သော် မပြီးသေး … နီဝရဏ တရားတွေကို ပယ်သတ်ဖို့ရာ ကျန်သေးကြောင်း ပြောရင်း ကျမရဲ့ အတွေ့အကြုံလေးကို မျှဝေလိုက်ပါတယ်။
***
မေဓာဝီ
၂၇၊ ဇူလိုင်၊ ၂၀၁၁
၀၀း၃၃ နာရီ

Read More...

Monday, July 25, 2011

မင်းဂန်ရွာမှ စုပေါင်း ရှင်ပြု နားသပွဲ

မင်းဂန်ရွာရဲ့ ရွာဦးစေတီမှာ မနေ့က (၂၄ ဇူလိုင်) စုပေါင်း ရှင်ပြု နားသ အလှူပွဲလုပ်လို့ ကျမတို့ တူဝရီး သွားကြတယ်။ ကျမရဲ့ ၉ ရက်တိတိ ဥပုသ်စောင့် တရားထိုင်တဲ့ အစီအစဉ်လဲ ပြီးဆုံးသွားပြီမို့ ဥပုသ်ထွက်နဲ့ အလှူပွဲ အံကိုက်ပဲပေါ့။ ဥပုသ်ထွက် မနက်မှာ ၅ နာရီ မထိုးခင် အိပ်ရာထပြီး ခေါက်ဆွဲ ၂ ဒယ် ကြော်တယ်။ တဒယ်က မီးထွန်းဖို့ တဒယ်က ကက်ဆက်ဖွင့်ဖို့ ... မဟုတ်ပါဘူး၊ တဒယ်က အသားနဲ့ တဒယ်က သက်သတ်လွတ်ပါ။ လုပ်ရင်း ကိုင်ရင်း မနက်စာ ကော်ဖီတခွက်ကို ကမန်းကတန်း သောက်ပြီး ၉ နာရီခွဲ အိမ်က ထွက်လို့ မနက် ၁၀ နာရီ သာသာမှာ မင်းဂန်ရွာဦးစေတီကို ရောက်တယ်။ သြော် ... မင်းဂန်ရွာဆိုတာ ဘာမင်ဂန်ကို ပြောတာပါ၊ အလှူပွဲနဲ့ လိုက်အောင် မြန်မာမှု ပြုလိုက်တာ ဆိုပါတော့။ :)

ရွာဦးစေတီကြီးက ကောင်းကင်ပြာပြာ နောက်ခံနဲ့ နေရောင်အောက်မှာ ရွှေတောင်သဖွယ် သပ္ပါယ်လှပါဘိ။ အခါခါရောက် အခေါက်ခေါက် သွားတိုင်း ဓာတ်ပုံမရိုက်ရ မနေနိုင်အောင် ဆွဲဆောင်လွန်းတဲ့ စေတီကြီးတဆူမို့... ဖူးမ၀ ဦးချမိ အခါခါ ... ။

ဒီကနေ့ အလှူကတော့ ထူးခြားတယ်လို့ ဆိုရမယ်။ ဘိလပ်မှာ ကြုံတောင့် ကြုံခဲ ကြုံရတဲ့ ရှင်ပြု နားသ အလှူပွဲ၊ မြန်မာ့ရိုးရာ ယဉ်ကျေးမှု ထုံးတမ်းစဉ်လာအတိုင်း အတတ်နိုင်ဆုံး ကြိုးစား ဆောင်ရွက်ကြတဲ့ ပွဲ၊ ရပ်ဓလေ့ ရွာဓလေ့ကို အောက်မေ့ သတိရစေတဲ့ ပွဲ ... ။


စေတီကြီးထဲ ၀င်လိုက်တယ်ဆိုရင်ပဲ အလှူသီချင်းသံနဲ့ ခုလို မြင်ကွင်းကို အံ့သြ ကြည်နူးဖွယ် မြင်ရတယ်။ မြတ်စွာဘုရား ရုပ်ပွါးတော်ရှေ့မှာ ငွေပဒေသာပင်နဲ့ ပရိက္ခရာ ရှစ်ပါး။ ဒီဘက်မှာတော့ ချစ်စဖွယ် ပြင်ဆင် ၀တ်စား ထားကြတဲ့ မောင်ရင်လောင်းလေးတွေနဲ့ နားသ-မယ့် မိန်းကလေးငယ်လေးတွေ ... ။

ဒီပွဲမျိုးကို ဘိလပ်မှာ ပြုလုပ်တာ ကျမသိသလောက်တော့ ဒါဟာ ပထမဆုံး အကြိမ် ဖြစ်မယ်လို့ ထင်တာပါပဲ။ ရှဖီးမြို့က မြန်မာမိသားစု ၄ စု - စုပေါင်းပြီး သူတို့ ရင်သွေးငယ်လေးတွေ ကျောင်းပိတ်ရက်မှာ ရှင်ပြု နားသ မင်္ဂလာ ပြုလုပ်တဲ့ အလှူပွဲပါ။ မြန်မာပြည်မှာ ဆိုရင် ဒီပွဲမျိုး ပြုလုပ်ဖို့ရာ သိပ်မခက်ခဲလှပေမဲ့ ဘိလပ်လို နေရာမျိုးမှာတော့ စီစဉ်ရတာ မလွယ်ကူလှပါဘူး။ ဒီပွဲ ဖြစ်မြောက်ဖို့ အစအဆုံး တာဝန်ယူစီစဉ် ပေးသူကတော့ မင်းဂန်ရွာဦး ကျောင်းက ဘုန်းဘုန်း ဦးဃောသက ပါ။


မောင်ရင်လောင်းလေးတွေ တန်းစီထွက်လာကြပြီ။ မောင်ရင်လောင်း ၅ ဦးနဲ့ နားသ-မယ့် မိန်းကလေးတွေက ၃ ဦး။ စေတီကြီးကို လက်ျာရစ် သုံးပတ် ပတ်ပြီး ရှင်လောင်း လှည့်ကြတယ်။ အလှူ့ရှင် အလှူ့အမတွေက သပိတ် သင်္ကန်းလေးတွေ ပိုက်လို့ ... ။ ဒီမြင်ကွင်းကို ကြည့်ရင်း ကျမစိတ်ထဲ သီချင်းသံလေး ပျံ့လွင့် လာတယ်။

~~~ အရှေ့ကို လျှောက်ပါလို့ ... အနောက်ကိုတဲ့ မျှော်လိုက်ရင် ~~~


"ပန်းတောင်ကိုင်လဲ သူတို့ ပါတယ် ... "

ဘိုမတွေလဲ ပန်းတောင်ကိုင်ကြတယ်။ ဒုတိယ တယောက်က ကလေးတွေရဲ့ ဆရာမလေးတဲ့။ သူ့တပည့်လေးတွေကို အားပေးတဲ့ အနေနဲ့ ပွဲအစအဆုံး နေသွားတယ်။ မြန်မာလို ဟောတဲ့ တရားကို သူနားမလည်ပေမဲ့ တရားဆုံးလို့ သာဓုခေါ်တဲ့အထိ ရိုရိုသေသေလေး ထိုင်နေပါတယ်။ မြန်မာ့ယဉ်ကျေးမှု အလှူပွဲကို သူလဲ မှတ်တမ်းတွေ တင်လို့။


ဒီပုံကတော့ မင်းဂန်ရွာနဲ့ ၀ံပုလွေရွာက အပြောချိုတဲ့ ကွမ်းတောင်ကိုင် ပန်းတောင်ကိုင် အပျိုချော သုံးယောက်ပါ ... ။ ဒီဘက်ပုံရဲ့ ရှေ့ဆုံး သုံးယောက်ကတော့ ရွာထဲက ကာလသား သုံးယောက် ဆိုပါတော့။ ကာလသားသုံးယောက်ကတော့ တော်တော်ငယ်သေးလို့ ပုဆိုးမနိုင်သေးဘူး ထင်ပါတယ်၊ ဘောင်းဘီကြီးတွေနဲ့။ :)


တော်ရုံ သဒ္ဓါတရားနဲ့ ဒီလိုပွဲမျိုး ဘယ်သူမှ မလုပ်နိုင်ပါဘူး။ ငွေကုန် လူပမ်းပြီး အချိန်အများကြီး ကြိုတင် စီစဉ် ကြရတာပါ။ ပြီးတော့ သူတို့နဲ့ သိသိမသိသိ အလှူပွဲလာဖို့ အားလုံးကို ဖိတ်ခဲ့တယ်၊ အလှူသွားတယ်ဆိုတာလဲ ၀ါးတီးမှာ စားပြီးပြန် ဆိုတာထက် အလှူရှင်တွေကို ချီးမြှောက်ဖို့ သူတို့ကုသိုလ်ကို ၀မ်းမြောက်စွာ သာဓုခေါ်ဖို့ က ပိုအရေးကြီးပါတယ်။ ဒါမှလဲ အလှူပွဲတခု သွားရကျိုးနပ်မယ်၊ အလှူရှင်လဲပဲ အလှူပြုရကျိုးနပ်မယ် မဟုတ်လား။


မောင်ရင်လောင်းတွေနဲ့ သီလရှင်လောင်းတွေ ကိုယ်တိုင် သံဃာတော်တွေကို ဆွမ်းဆပ်ကပ်ကြတယ်။ တနင်္ဂနွေနေ့မှာ လုပ်တဲ့ အလှူအတွက် သောကြာနေ့ကတည်းက ညအိပ်ပြီး ချက်ရေး ပြုတ်ရေး စီမံကြရတယ် လို့ သိရတယ်။ အလှူရှင်တွေဟာ ခါတိုင်း အလှူပွဲတွေက အလှူရှင်တွေလို ဂုဏ်ပကာသနတွေနဲ့ ထယ်ဝါလှတဲ့ ဆရာဝန်ကြီးတွေလဲ မဟုတ်ကြ၊ အလွန်လဲ မကြွယ်ဝကြပါဘူး။ ရိုးသားတဲ့ ကရင်တိုင်းရင်းသား သာမန် လက်လုပ်လက်စားတွေပါ။ ဒါပေမဲ့ သဒ္ဓါတရားကတော့ဖြင့် အင်မတန် ကြွယ်ဝကြတာမို့ ကျမတော့ သာဓုအကြိမ်ကြိမ် ခေါ်မိတယ်။


စားသောက်ပြီးတဲ့နောက် မောင်ရင်လောင်းတွေ ဆံချကြတယ်။ တော်သေးတာက ခါတိုင်းနေ့တွေ မိုးအေးပေမဲ့ ဒီကနေ့မှာ ရာသီဥတု သာယာပြီး နေလဲပူနေတယ်။ ဆံချပေးနေတဲ့ မျက်မှန်နဲ့ ဘုန်းဘုန်းက ပွဲစီစဉ်ပေးသူ ဘုန်းဘုန်း ဦးဃောသက ပါ။ ဘုန်းဘုန်းက ဒီကလေးတွေ ကျောင်းမှာ ရှိနေခိုက် မြန်မာစာနဲ့ ဘာသာရေး အခြေခံ ဆက်လက် သင်ကြားပေးသွားမယ်လို့ ဆိုတာကြောင့် ကျမလဲ လိုအပ်တဲ့ စာလေး ကဗျာလေးတွေ ကူညီ ရှာဖွေ ပေးခဲ့ပါသေးတယ်။


ကေသာ လောမာ တစော ... အစရှိတဲ့ တစပဉ္စက ကမ္မဋ္ဌာန်း ရွတ်ဖတ် စီးဖြန်းရင်း ဘုန်းဘုန်းတွေက ဆံချပေးကြတယ်။ ကိုယ့်ရင်သွေးငယ်လေးတွေ ဆံချနေတာကို မိဘတွေက ၀မ်းမြောက် ပီတိဖြာနေကြသလို ... မောင်ရင်လောင်းလေးကလဲ အတွေ့အကြုံ အသစ်အဆန်းမို့ ပြုံးလို့ ပျော်လို့ ... ။


သီလရှင် လောင်းလေး နှစ်ဦး ဆံချနေကြတယ်။ အသက် ဆယ့်လေးငါးနှစ် အရွယ် ချစ်စဖွယ် မိန်းကလေးတွေ ... ။ သီလရှင်ထွက်ရင် ကျောင်းပြန်တက်ရမယ်တဲ့။ ဒါပေမဲ့ ကလေးမလေးတွေက ကတုံးနဲ့လဲ မရှက်ပါဘူးလို့ မိခင်လုပ်သူက ဆိုတယ်။ အားပေးတဲ့ မိဘတွေကိုရော သူတို့ရဲ့ စိတ်ဓာတ်လေးတွေကိုရော ချီးကျူးဖို့ ကောင်းလိုက်တာ ... ။


"သကလ ဝဋ္ဋ ဒုက္ခ နိဿရဏ နိဗ္ဗာနဿ သစ္ဆိကရဏတ္ထာယ ဣမံ ကာသာဝံ ဂဟေတွာ ပဗ္ဗာဇေထ မံ ဘန္တေ္တအနုကမ္မံ ဥပါဒါယ ... "

မောင်ရင်လောင်းလေးတွေ ဆရာတော်ထံမှာ သင်္ကန်းတောင်းကြပြီ။ သူတို့ သင်္ကန်းမတောင်းခင် အငယ်ဆုံးကလေးလေးကို လူကြီးတယောက်က မေးတယ်။ မင်း သင်္ကန်းတောင်း ရပြီလား ... ဆိုတော့ ကလေးက ရပြီ ... တဲ့။ ဒါဆို သင်္ကန်းဘယ်လို တောင်းမလဲ လို့ ထပ်မေးတော့ ကလေးလေးက တခွန်းထဲ ဖြေထည့်လိုက်တယ်။

"ပေး" ... တဲ့။
ကျမဖြင့် သူတို့ ပြောနေတာ ဘေးနားကနေ နားထောင်ပြီး ရယ်လိုက်ရတာ။


ဘုန်းဘုန်းတွေက သင်္ကန်းဝတ် ပေးကြတယ်။ သင်းပိုင်ကို ဘယ်လိုဝတ်၊ ခါးပန်းကြိုး ဘယ်လိုစည်း။ စိတ်ရှည် လက်ရှည် ပြပေးကြတယ်။ အားလုံးဝတ်ပြီးသွားတဲ့ ကိုရင်သေးသေးလေးက ကြည်ညိုစရာ ချစ်စရာလေး ... ။


ဆရာတော်ထံမှာ ဆယ်ပါးသီလ ယူပြီး အားလုံး ကိုရင်လေးတွေ ဖြစ်သွားကြပြီ။ သီလယူနေတုန်း ကိုရင် ပိစိလေးတပါးက အိပ်ပျော်ပျော်သွားလို့ အားလုံး ရယ်နေရသေးတယ်။ သူ့ခမျာ ကလေးဆိုတော့ ပင်ပန်းပြီး အိပ်ချင်ရှာမှာပေါ့။ ဘယ်လိုမှ မထိမ်းနိုင်ပဲ ငိုက်ငိုက် ကျသွားတာ။ ဒါပေမဲ့ ပါးစပ်ကတော့ အရွတ်မပျက်ဘူး။ ကိုရင်တွေကို ဆရာတော်က သူတို့ နေ့နံအလိုက် ဘွဲ့တွေပေးတယ်။ အားလုံး မြင့်မြတ်တဲ့ သာမဏေဘ၀ ရောက်သွားကြပြီပေါ့။


သီလရှင်လောင်းလေးတွေလဲ ဆရာတော့်ရှေ့မှောက်မှာ ရိုရိုသေသေ လက်အုပ်ချီလို့ သင်္ကန်းတောင်းကြတယ်။ သူတို့ကို ကြည့်ရတာ အင်မတန် ပီတိဖြစ်မိတယ်။ များသောအားဖြင့် ဒီနိုင်ငံကို ရောက်နေတဲ့ ဒီလိုအရွယ် မိန်းကလေး အတော်များများဟာ ဗုဒ္ဓဘာသာဝင်တွေ ဖြစ်ပေမဲ့ သီလရှင် ၀တ်ဖို့ ဝေးစွ၊ သံဃာတော်တွေနဲ့ စကားမပြောတတ်၊ သံဃာတော်တွေ ရှေ့မှာ မနေတတ် မထိုင်တတ်၊ အ၀တ်အစား မလုံမခြုံ အဂါရ၀ ဖြစ်လွန်းကြတယ်။ အဲဒီလို မိန်းကလေးတွေကို ခေါ်ပြီး ဒီလိုပွဲမျိုး ပြချင်လိုက်တာလို့ ကျမစိတ်ထဲ တွေးနေမိတယ်။


သီလရှင် မ၀တ်မီနဲ့ ၀တ်ပြီးပုံ။ သာသနာ့အနွယ်ဝင် သီလရှင် သင်္ကန်း ၀တ်ရုံလေးနဲ့ ကျက်သရေရှိလှတဲ့ မိန်းကလေးငယ်လေးတွေ။


ကိုရင်လေးတွေ တန်းစီနေတုန်း ဓာတ်ပုံရိုက်ယူရင်း ကိုရင်သေးသေးလေးတပါး ကို ကျမက ကိုရင့်နာမည် ဘယ်သူလဲ ဆိုတော့ မမှတ်မိတော့ဘူး ... တဲ့။ တပါးကတော့ သူ့လူနာမည်ကို ပြောပါတယ်။ လူနာမည် မဟုတ်ဘူး ကိုရင် ဘွဲ့လေ ... ဆိုတော့ သိဘူး ... ဟီးး ... တဲ့။ ကောင်းရော ... ။

အားလုံးပြီးတော့ တရားနာဖို့ စေတီထဲက ခန်းမကို သွားကြတယ်။ မြင့်မြတ်တဲ့ ရှင်သာမဏေတွေ သီလရှင်တွေဆိုတော့ အကန်တော့ခံ ဖြစ်သွားပြီပေါ့။ မိဘတွေ ဘယ်လောက် ပီတိဖြစ်ရှာ ကြမလဲ ... ။


ဆရာတော်က သီလပေး၊ သံဃာတော်အားလုံး ပရိတ်တရား ရွတ်ဆို ချီးမြှင့်ကြပြီးနောက် ဆရာတော်က တရားဟောပါတယ်။ ဆရာတော် ဟောတဲ့ တရားက တိုတိုနဲ့ ကောင်းပါတယ်၊ "စကားဆို ချိုမှ ... တရားဆို တိုမှ" ဆိုစကားကြောင့် တရား တိုလို့ ကောင်းတာ မဟုတ်ပါဘူး။ လိုရင်း တိုရှင်းနဲ့ ထိထိမိမိ ရှိလို့ပါ။

သားသမီးတွေကို သာသနာ့ဘောင် သွတ်သွင်းပေးတယ်ဆိုတာနဲ့ ပတ်သက်လို့ ဆရာတော် ဟောကြားသွားတာကို အကျဉ်းချုပ် ပြန်ပြောရရင် မြတ်စွာဘုရား လက်ထက်တော် အခါကတည်းက သားတော် ရာဟုလာကို သာသနာ့ဘောင် သွင်းပေးခဲ့တယ်။ အသောက မင်းကြီးလက်ထက်မှာ အသောက မင်းကြီးဟာ ရေတွင်း ရေကန်ပေါင်း ရှစ်သောင်း လေးထောင်၊ စေတီပေါင်း ရှစ်သောင်းလေးထောင် စသဖြင့် လှူခဲ့ပေမဲ့ သာသနာတော်ရဲ့ ဆွေမျိုး ရင်းချာ မဖြစ်သေးဘူး၊ မိမိရဲ့ ရင်နှစ်သည်းချာ သားသမီး ရတနာတွေကို သာသနာအမွေ ပေးလှူတဲ့ ပုဂ္ဂိုလ်မျိုးမှသာ သာသနာရဲ့ ဆွေမျိုး ရင်းချာ ဖြစ်တယ်လို့ ခေါ်နိုင်တယ် ဆိုပြီး အရှင်တိဿ မထေရ်က ဟောတော် မူတာကြောင့် အသောက မင်းကြီးဟာ သူ့သားကြီး မဟိန္ဒနဲ့ သမီးတော် သင်္ဃမိတ္တာတို့ကို သာသနာ့ဘောင် သွတ်သွင်းပေးခဲ့တယ်။

ဒါကြောင့် ဗုဒ္ဓသာသနာတော်အတွက် မိမိသား သမီးကို ပေးလှူပြီး သာသနာ့အမွေ ပေးတာဟာဖြင့် နိဗ္ဗာန်ကို ရွှေလမ်းဖောက်တဲ့ ပွဲလို့ ဆိုနိုင်ပါသတဲ့ ... ။ ဒီလို ယဉ်ကျေးမှု ထုံးတမ်းစဉ်လာမျိုးဟာ ပြည်ပမှာ ပိုပြီး လိုအပ်တယ်၊ ပြည်ပရောက် မြန်မာများဟာ ဘာသာရေး ယဉ်ကျေးမှုနဲ့ ကင်းဝေးတဲ့အခါ မိမိရဲ့ ကိုယ်ခံအား မကောင်းဘဲ တိုင်းတပါးယဉ်ကျေးမှု လှိုင်းတံပိုးအောက် ရောက်သွားပြီး တခြားယဉ်ကျေးမှုတွေ ၀ါးမြိုခံသွား နိုင်တယ်လို့ ဆရာတော်က ပြောကြားသွားပါတယ်။

ဒါ့အပြင် အတိဇာတ၊ အနုဇာတ၊ အ၀ဇာတ ရယ်လို့ သားသမီး သုံးမျိုးရှိကြောင်း။ အတိဇာတ - မိဘထက် (သီလ၊ သမာဓိ၊ ပညာ၊ ကိုယ်ကျင့်သိက္ခာ) မြင့်မြတ်သော သားသမီး၊ အနုဇာတ - မိဘနဲ့ တန်းတူရှိသော သားသမီး၊ အ၀ဇာတ - မိဘထက် နိမ့်သော သားသမီးလို့ ခေါ်ကြောင်း ရှင်းပြပါတယ်။ မိဘထက် မြတ်တဲ့ သားသမီး ဖြစ်ဖို့ အမျိုးဘာသာ သာသနာအတွက် တတ်စွမ်းသလောက် ဆောင်ရွက်ပြီး တိုင်းကျိုး ပြည်ကျိုး သာသနာကျိုးနဲ့ ဘ၀အကျိုး သံသရာအကျိုးပါ ဆောင်ရွက်ကြစေလိုကြောင်း၊ အခု သာသနာ့ဘောင် ၀င်ကြတဲ့ ကလေးတွေဟာ ဘာသာ သာသနာအတွက် တဆင့်ဖြန့်ဝေသူ၊ လမ်းညွှန်ပြသူလေးတွေ အဖြစ် ဆက်လက် ဆောင်ရွက်ကြမယ် ဆိုရင် ပြည်ပမှာ မြန်မာ့ယဉ်ကျေးမှုနဲ့ ဗုဒ္ဓသာသနာ မပျောက်မပျက် ဆက်လက် တည်တံ့သွားမှာ ဖြစ်ကြောင်း စသဖြင့် ဟောကြားသွားပြီးနောက် အလှူရှင်တွေ ရေစက်ချပြီး ပရိသတ် အားလုံးက ၀မ်းမြောက်နုမော် သာဓုခေါ်ကာ အလှူပွဲ ပြီးဆုံးသွားပါတယ်။

အလှူပွဲကအပြန် ကားပေါ်မှာ ကျမတို့ တူဝရီးနှစ်ယောက် အလှူပွဲအကြောင်း ပီတိတွေနဲ့ စားမြုံ့ပြန်ရင်း ၀မ်းမြောက်စွာ အိမ်ပြန်ခဲ့ကြတယ်။ မြန်မာ့ယဉ်ကျေးမှုနဲ့ အညီပြုလုပ်တဲ့ ဒီလိုပွဲမျိုး နောက်ထပ် နောက်ထပ် ပေါ်ပေါက် ပါစေလို့ ဆုတောင်းရင်း ဒီပို့စ်လေးကို ဖတ်မိသူများ မုဒိတာပွါးစေကြောင်း ထပ်လောင်း ကုသိုလ်ပွါးလိုက်ရပါတယ်။
***
မေဓာဝီ
၂၅၊ ဇူလိုင်၊ ၂၀၁၁
၁၀း၅၇ နာရီ

Read More...

Wednesday, July 13, 2011

ဦးပုည၏ ၀တ္ထုများ ... အပိုင်း (၃)

ဆဒ္ဒန်ဆင်မင်းဝတ္ထု
(ယခင်အပတ်မှ အဆက်)

သောနုတ္တရ၊ နာမ ခေါ်ရိုး၊ တောမူဆိုးသည်၊ ဆဒ္ဒန်အိုင်တွင်းသို့၊ သက်ဆင်းမိလျှင်၊ ဆင်မင်းနေရာ၊ အလာအသွား၊ အထားအနေ၊ ရေဆင်းရေတက်၊ အချက်ချက်ကို၊ ကွယ်ဝှက် ပုန်းအောင်း၊ ချောင်းမြောင်း ဆင်ခြင်၊ သိမြင်သောအခါ၊ ၀ိသာလမာလက အရပ်တွင်၊ ဥမင် ပေါင်းကူး၊ မြေကိုတူး၍၊ မြားဦး စိန်ရွက်၊ ဆင်မင်းချက်နှင့်၊ ချိန်လျက် ထုတ်ချောက်၊ အထက်က ဖောက်ပြီးလျှင်၊ ဒေါက်ချာ ဆံကျစ်၊ ဖန်နှစ် နီမြန်း၊ သင်္ကန်းရဲရဲ၊ ဆင်ဝတ်ကဲ၍၊ လည်ဆွဲပုတီး၊ တရပတ်ကြီးများနှင့်၊ မထေရ် သီလ၀င်၊ တကယ့်ရှင်ကဲ့သို့၊ ဥမင်ထောင့်က၊ သကောင့်သားကြီး၊ အနုကြမ်းစီးမည်ဟု၊ အပြီးစောင့်လျက်၊ နေလင့်၏။ ။

ပုနဒိဝသေ၊ တနေ့မိုးသောက်၊ နက်ဖြန်ရောက်သော်၊ ပေါက်လှရတနာ၊ လောင်းမြတ်စွာသည်၊ မဟာသုဘဒ်၊ သက်မှတ် ကြည်နူး၊ ရွေများမှူးကို၊ တပ်ဦး တင်တော်မူပြီးလျှင်၊ ရှစ်ထောင် မာတင်၊ ဆဒ္ဒန်ဆင်တို့ကို၊ သေနင်္ဂဗျူဟာ၊ ပဒုမာ ပွင့်ချပ်၊ ရှက်စပ်ဦးကင်း၊ တပ်ကြီး ခင်းလျက်၊ အိုင်တွင်းသို့ သက်ဆင်းတော်မူသတည်း။ ။ သက်ပြီးလတ်သော်၊ ပွင့်ဝတ်ရောထွေး၊ အိုင်ရေအေးကို၊ လျှော်ဆေးဖြိုးဖြိုး၊ သွန်းချိုးသုံးဆောင်ပြီး၍၊ မိုက်ခေါင်ကြီးနေရာ၊ ၀ိသာမာလက၊ ထာဝရအရပ်သို့၊ ချဉ်းကပ် နားနေရာ၊ ကိုယ်အင်္ဂါအစိတ်မှ၊ လျှောဘိတ်သော ရေစက်သည်၊ ချက်တော်မှ စုဆင်း၍၊ မြားတွင်းမှ ၀င်ပြီးလျှင်၊ မူဆိုးကြီး မျက်နှာသို့၊ ဖြောင့်စွာ စီးကျလေသတည်း။ ။

မူဆိုး အနရိယာ၊ တောတံငါလည်း၊ အခါအခွင့်၊ ဤယခု သင့်လှပြီ၊ ခံတွင့်းအပါး၊ မုတ်ဆိတ်ကြားမှာ၊ ပျားလာ၍ စွဲချေမှကို၊ မခဲမငြို၊ မျိုရုံသာ လိုတော့သည်ဟု၊ ပိုလ်တထောင်တင်ရေး၊ ဧရထေးကို၊ ကွေး၍ ကွင်းအောင်၊ အပြင်းငင်လျက်၊ လျင်လှသော မြားဟုန်ဖြင့်၊ အားကုန် လွှတ်လိုက်လေသည်တွင်၊ ဆင်မင်း ချက်ကို၊ မြားစက် လျှပ်လျှပ်၊ စိန်သွား ဟပ်၍၊ သည်းချပ် အူမ၊ မွမွပြတ်ကြွေ၊ ထောင်းထောင်းကြေအောင်၊ နှောက်မွှေ ကုန်စင်၊ ကျောက်ကိုထွင်၍၊ ကောင်းကင်သို့ မြားတက်လေသတည်း။ ။

ဆင်မင်းဖျားလည်း၊ မြားထိသောဒဏ်၊ ပြင်းထန်ဆူလှိုက်၊ ခိုက်ခိုက်တုန်မျှ၊ နာကျင်လှသောကြောင့်၊ သကလ ၀နံ၊ တောင်ယံပတ်ကုံး၊ တောအလုံးကို၊ ရိုက်ချုန်းမြည်ဟီး၊ ပဲ့တင်တီးလျက်၊ သံကြီးငေါ်ငေါ်၊ သုံးကြိမ်ကြော်၍၊ ဟစ်အော် ညည်းညူတော်မူသတည်း။ ။

သုဘဒ္ဒါ မိဘုရားခေါင်နှင့်၊ ရှစ်ထောင်သော ဆင်အပေါင်းတို့လည်း၊ ဘုရားလောင်းအသံကို ကြားလျှင်၊ ကြောက်အားကြီးစွာ၊ ကျာကျာ အော်မြည်၊ သုန်သုန်လည်လျက်၊ ရှေ့တည်မိရာ၊ ပြေးခွါပြီးမှ၊ အကြံရ၍၊ တို့ဘုရာ့းရန်သူကို၊ ဘမ်းယူ သတ်ညှစ်မည်ဟု၊ ပတ်လည် တောတောင်၊ မိုးခေါင်ပျံတက်၊ ပတ်ပတ်ညက်မျှ၊ ရှာဘွေကြစဉ်၊ ခင်မ-မဟာ၊ သုဘဒ္ဒါမူ၊ သည်းချာသက်နှင်း၊ ဆဒ္ဒန်မင်းကို၊ ကိုယ်ချင်းမှီကပ်၊ အသာအပ်၍၊ တန့်ရပ်ထူထောင် စေသတည်း။ ။

ဆင်မင်းဘုန်းကြွယ်၊ ဗောဓိနွယ်လည်း၊ မယ်သုဘဒ္ဒါ၊ သာသာအေးအေး၊ ကိုယ်ငွေ့ပေးလျက်၊ ဖေးကာမ၍၊ ယုယ သိုက်မြိုက်၊ နှာမောင်းနှင့် ပိုက်ရာတွင်၊ အဟိုက်ပြေ၍၊ နေသာရုံ ရှိတော်မူသတည်း။ ။ ထိုပြီး တထောက်၊ အကြံတော် ပေါက်သည်မှာ၊ နောက်ထပ်၍ တခါ၊ မြားချက်လာချေက၊ သုဘဒ္ဒါ မိဘုရားကို၊ ထိပါးဘွယ် မြင်သောကြောင့်၊ နှင်တော်မူလို၍။ ။ အဘယ်သုဘဒ္ဒါ၊ ဆင်တကာမူ၊ ငါ၏ရန်သူကို၊ ဘမ်းယူရှာမည် သွားကြသည်။ သင်မှာတမူ၊ ငါ့ရန်သူနှင့်၊ စိတ်တူ ညီညာ၊ ကြံဘက်ပါ၍၊ မရှာမလိုက် နေသလောဟု မိန့်တော်မူသည်တွင်၊ သုဘဒ္ဒါမိဘုရားလည်း၊ ချစ်အားထက်ပင်၊ ကြောက်အားဝင်၍၊ ဆင်မင်းမြတ်ကို၊ သုံးပတ် လက်ျာရစ်၊ ပုဆစ်နှိမ်ကျိုး၊ ရှိခိုးပြီးသော်၊ သွယ်စီးဖြိုင်ဖြိုင်၊ မျက်ရည်အိုင်နှင့်၊ အနိုင်သာခွါခဲ့၍၊ အာကာသ ကောင်းကင်သို့၊ ငယ်လင်ရှိရာ၊ ပြန်ကြည့်ခါနှင့်၊ တက်ရှာတော် မူရလေသတည်း။

ဆင်မင်းဖျားလည်း၊ ဤမြားပစ်ချက်၊ အထက် ရှေ့နောက်၊ တောင်မြောက် ၀ဲယာ၊ လာဘွယ်မရှိ၊ အောက်ကဟု သိလေ၍၊ ဘူမိမြေရပ်၊ ခွါတော်နှင့် ရှပ်သည်တွင်၊ ပျဉ်ချပ် ကျိုး၍၊ မုဆိုးငုတ်တုတ် ပေါ်လေ၏။ ထိုအခါ၊ ယမ်းတိုက်နှင့် မီးစ၊ ထိပါးကြ သကဲ့သို့၊ ဒေါသ ပဋိဃာတ်၊ ခြောင်းခြောင်းလွှတ်၍၊ သတ်တော့မည် အငြိုးနှင့်၊ မူဆိုး၏ ဦးခေါင်းကို၊ နှာမောင်းဖြင့် ဆွဲတော်မူလေ၏။

ထိုအခါ၊ တံငါလုဒ္ဒက၊ အကြံရတည့်၍၊ ကိုယ်က သင်္ကန်းကို ခွါပြီးလျှင်၊ နှာမောင်းတော် အထက်၌၊ ခေါက်လျက် တင်လိုက်လေသတည်း။ ။ ဆဒ္ဒန်ဆင်ကောင်း၊ ဘုရားလောင်းလည်း၊ မောင်းမောင်း နီလွင်၊ သင်္ကန်းကို မြင်တည့်လျှင်၊ လေးသင်္ချေနှင့် ကပ္ပါတသိန်း ပတ်လုံး၊ သုံးဆယ် ပါရမီ၊ စာဂီပဉ္စ၊ စရိယ သုံးဆင့်၊ ဆည်းပူးကျင့်၍၊ ပွင့်အံ့ တျားတျား၊ ဖြစ်ပြန်ရကား၊ ပွါးမိသော အမျက်ကို၊ ချက်ချင်း ငြိမ်းစေ၏။ ။ ဤဖန်ရည်သင်္ကန်းကား၊ ရဟန်း ပရမတ်၊ ၀ဋ်ကင်းလွတ်သော၊ အရဟတ္တဖိုလ်၏ တံခွန်၊ မြတ်မွန်လှချေ၏ တကား၊ ဤအ၀တ်ကို၊ ယွင်းချွတ် ထိခိုက်၊ မမှားထိုက်ပေ၊ ရိုသေမြတ်နိုး၊ ရှိခိုးပူဇော် ထိုက်ပေသည်၊ ငါ့ရန်သူကို၊ ငါသတ်လိုလည်း၊ ထိုသူယုတ်၏၊ အမြိုက်ခေါင်ထွတ်၊ သင်္ကန်းမြတ်ကို၊ ၀တ်လျက် ရှိပချေသည်၊ ဘုရား လှိုဏ်ခေါင်း၊ အောင်း၍ မာန်သွေး၊ ဟောင်သည့်ခွေးကို၊ အရေးပြုကာ၊ ခွင့်မသာသကဲ့သို့၊ ထိုသူယုတ်အား၊ သတ်မိငြားသော်၊ တရားတော်ဂိုဏ်း၊ မလွတ်ရာချေဟု၊ ရွှေနှလုံးထား၊ ဘုရားတဆူ၊ မြတ်ထွတ်တော်မူလှ၍၊ ရန်သူမှန်လျက်၊ မူဆိုးပျက်အား၊ အသက်ကို ချမ်းသာပေးတော်မူလေသည်။ ။

ထို့နောက်မှ မူဆိုးသားနှင့် စကားပြောတော်မူလို၍ …

အနိက္ကသာဝေါ ကာသာဝံ၊
ယော ၀တ္ထံ ပရိဒဟိဿတိ။
အပေတော ဒမသစ္စေန၊
န သော ကာသာဝမရဟတိ။ ။

ယော စ ၀န္တ ကသာဝဿ၊
သီလေသု သုသမာဟိတော။
ဥပေတော ဒမသစ္စေန၊
သဝေကာသာဝမရဟတိ။ ။

ဟူသော နှစ်ဂါထာကို ရွတ်တော်မူ၏။

အနက်အဓိပ္ပါယ်သော်ကား … ။
အချင်းမူဆိုး၊ အကြင်သူသည် ကိုယ်တွင်း၌ ကိလေသာဟူသော ဖန်ရည်အပြည့်ရှိ၏၊ ဣနြေ္ဒကို ဆုံးမခြင်း၊ သစ္စာစောင့်ခြင်းမှ ကင်း၏၊ ထိုသူယုတ်သည် ဖန်ရည်စွန်းသော သင်္ကန်းကို မ၀တ်ထိုက်။ အကြင်သူမြတ်သည်ကား၊ ကိုယ်တွင်း၌ ရှိသော ကိလေသာကို၊ စင်ကြယ်စွာ အန်ထုတ်အပ်၏။ ဣနြေ္ဒကို ဆုံးမခြင်း၊ သစ္စာစောင့်ခြင်းနှင့်လည်း ပြည့်စုံ၏။ စတုပါရိသုဒ္ဓိသီလ လေးပါးတို့၌လည်း ကောင်းစွာ တည်၏။ ထိုသူမြတ်သည်သာ ဖန်ရည်စွန်းသော သင်္ကန်းကို စင်စစ်ဝတ်ထိုက်၏ ဟူသတည်း။

ထို့နောက်မှ အချင်းမူဆိုး၊ သင်မူဆိုးကား၊ လူမျိုးတကာ၊ ကြံငှါမရဲ၊ ကြံဝံ့ခဲသော အကြံကို ကြံ၍၊ ငါ့ထံရောက်ဝင်၊ ငါသို့စင်ကို၊ အရှင်လတ်လတ်၊ သင်သတ်သည့် အကြောင်းကား၊ အဘယ်အကျိုးထူး၊ ကျေးဇူးကြီးမား၊ သင်၌ ပွါးမည်ကြောင့်၊ ငါ့အား သင်သတ်ရသနည်းဟု မေးတော်မူ၏။ ။

(ထိုအခါ၊ တံငါမူဆိုး၊ လူမိုက်မျိုးလည်း၊ ရှိခိုးဝပ်စင်း၊ မှန်ရာကို လင်းသည်မှာ) ။ ။ ဆင်မင်းသခင်၊ ထိပ်ခေါင်တင်။ လူအိုမူဆိုး၊ ကျွန်တော်မျိုးသည်၊ ကိုယ်ကျိုးဆန္ဒ၊ ကိုယ့်ကိစ္စကြောင့်၊ သတ်ရသည် မဟုတ်ပါ။ ကာသိမင်း၏၊ သက်နှင်းတောင်ညာ၊ သုဘဒ္ဒါဟု၊ အဆာကျယ်လှ၊ ရှင်ဘုရင်မကြီးက၊ မြ မရှား၊ စိန်မရှား၊ အလွန်ပင်များသည်ကို၊ နားလေး လေဟန်၊ ဆင်စွယ်မှ ပန်လိုသည်၊ သာမန်ဂုဏ်ငယ်၊ ဆင်နက်စွယ်များကိုလည်း၊ နားဝယ်မခံ၊ ညှီစော်နံ၍၊ ရွံသတဲ့ဘုရား။ ။ ဆင်မျာ့ဘုန်းမော်၊ ဆင်မင်းကျော်၏၊ စွယ်တော် နှစ်ချောင်း၊ ခြောက်ရောင် မောင်းကိုသာ၊ နားဍောင်းပွတ်၍၊ ဆင်ဝတ်တော်မူလိုသည်၊ ဆဒ္ဒန် ဘုန်းကြွယ်၊ ကိုယ်တော်မြတ် အစွယ်ကိုမှ၊ နားဝယ် လှလှ၊ မဆင်ရလျှင်၊ စိတ်ချပေတော့၊ သူသေပါတော့မည်ဟု၊ ရွှေနန်းကြော့ရှင်၊ သူချစ်လင်၏၊ ရင်ခွင်ကြားမှာ၊ ခေါင်းထား၍ အသော့၊ ငိုပါရော့သည် ဘုရား။ ပင်ပန်းလှိုက်ဖို၊ သူ့မယား ငိုတည့်လျှင်၊ ဟိုလူကြီးက၊ ပြာရီးပြာရာ၊ ပစာအရေး၊ မတွေးမမြော်၊ ကျွန်တော်ကို ခေါ်ပြီးလျှင်၊ ဟဲ့နော် လုဒ္ဒက၊ ဆင်စွယ်ကို မရလျှင်၊ ဇီဝိတ နတ္ထိ၊ နင်သေမည် အမှန်ဟု၊ မင်းသမီး မာန်စွဲနှင့်၊ အန်ခဲ၍ မိန့်တော်မူရာတွင်၊ ခုသေမလောက်၊ ကျွန်တော်မျိုး ကြောက်လှ၍၊ ဓားအောက်ကသာ၊ အနိုင်နိုင် ခွါပြီးမှ၊ တောအောက်ပင်သေသေ၊ ဖြစ်လိုရာ ဖြစ်စေဟု၊ မသွေမဖောက်၊ ဆက်ပါမည် လျှောက်သည်တွင်၊ နှစ်ယောက်စလုံး၊ တပြုံးပြုံးနှင့်၊ အသုံးကံကျွေး၊ ငါးရွာစားပေးပြီးလျှင်၊ ကျေးဇူးရှင်မ၊ သူကိုယ်တိုင် လမ်းပြ၍၊ ဘုန်းဘုရာ့း စွယ်တော်မြတ်ကို၊ အဖြတ် ကျွန်တော် ရောက်ပါသည်။ ။ အစွယ်လိုသူ မိဘုရား၊ အသွားစေသူ မင်းဧကရာဇ်၊ လေးပစ်သူ ဘုရာ့းကျွန်တော်၊ ကြံဘော်ကြံဘက်၊ သုံးယောက်သား အနက်တွင်၊ ကံကွက်ကြား၍၊ ငမိုက်သား မူဆိုးလေ၊ နင်ချည်းပင် သေပေတော့ဟု၊ ငွေတောင့်အဟန်၊ ဆဒ္ဒန်မင်းမြတ်၊ ကျွန်တော်အား သတ်လျှင်လည်း၊ မလွတ်နိုင်ရာ၊ သေရပါတော့မည်၊ ကရုဏာရှေးရှု၊ လွှတ်တော်မူလျှင်လည်း၊ လူမလိမ္မာ၊ ကျွန်မိစ္ဆာသည်၊ ချမ်းသာရပါတော့မည် ဘုရားဟု၊ လျှောက်ထားတောင်းပန်လေ၏။ ။

အလောင်းတော်မြတ်၊ ဗောဓိသတ်လည်း၊ လောကတ္တယ၊ ဘ၀ပါရဂူ၊ နီးတော်မူသောကြောင့်၊ ရန်သူပုဂ္ဂိုလ်၊ သောနုတ္တိုရ်အား၊ ရွှေကိုယ်တော်ပွါး၊ ရင်နှစ်သားကဲ့သို့၊ သနားစုံမက်၊ အသက်ကို ချမ်းသာပေးတော်မူပြီးလျှင်၊ အသင်မူဆိုး၊ သင့်စကားတွင်၊ မိဘုရား သုဘဒ္ဒါ၊ အရိပ်ပါသောကြောင့်၊ ငါစဉ်းစားမိ၊ စင်စစ်သိပြီ၊ ဤမိဘုရားသည်၊ အခြားသူမဟုတ်၊ ငါ၏ သက်မျှ၊ စူဠသုဘဒ္ဒါ၊ ရတနာရောင်ချိပ်၊ ဘွဲ့ရွှေလိပ်နှင့်၊ ညောင်ရိပ်စံမြန်း၊ ကြင်မခန်းသည့်၊ မြောက်နန်းဒေ၀ီ၊ သင်းဖြစ်ပေသည်။ ။ ငါ၏ အစွယ်၊ နားဝယ်သ’ရန်၊ ဆင်လိုဟန်နှင့်၊ ကြံဘန်လို့ ပြောသော်လည်း၊ သဘောမဟုတ်လှလေဘူး၊ ဆဒ္ဒန်အစွယ်ကို၊ အကယ်၍ လိုဘိမူ၊ အဟိုရှေးက၊ ဘေးတော် ဘိုးတော်၊ ခမည်းတော်ဘုရား၊ ဆင်မင်းဖျားတို့၏၊ ခြောက်ပါးရောင်ဟုံ၊ စွယ်တော်စုံကို၊ နိတုံဇမ္ဗူ၊ ဤရွှေဂူ၌၊ သိမ်းယူသိုထား၊ ရှိကြောင်းများကို၊ ထင်ရှား သင်းသိလျက်တကား။ ။ ငါ၏ ကိုယ်၌၊ မဆိုလောက်ဘွယ်၊ အပြစ်ငယ်ကို၊ ကြီးကျယ်ဝတ္ထု၊ ရန်ငြိုးပြု၍၊ ယခုငါ့ကို၊ သေစေလိုသောကြောင့်၊ ထိုထို ပရိယာယ်၊ေ၀၀ုစ်လှယ်လျက်၊ ဆင်စွယ် နားပန်၊ ဆင်လိုဟန်များနှင့်၊ ဉာဏ်ဝင်္ကန္တ၊ ယုတ်မာလှသည့်၊ အမိုက်မ အတတ်၊ သင်းကြံ၍ သတ်သည်ကား၊ ဆတ်ဆတ်မုချ မုန်တော့သည်။ သို့စင်မျှလောက်၊ မထောက်မဆ၊ ကြံရက်သည့် မိန်းမ၊ အားမရသရွေ့၊ သူမမေ့ရာပြီ။ ရှေ့သို့သံသရာ၊ ဖြစ်တိုင်းမှာပင်၊ လောင်စာရန်ငြိုး၊ မီးဆက်၍ ပျိုးမည်ကြောင့်၊ မိန်းမဆိုးအမုန်း၊ သည်ဘ၀မှာ၊ သည်မျှနှင့် တုံးစေတော့၊ တောပုန်းချုံလျှိုး၊ သင်မူဆိုးအားလည်း၊ ဖြိုးဖြိုးကြွယ်ဝ၊ မင်းဆုလာဘ် ရစေတော့၊ နန်းမတောင်ညာ၊ သုဘဒ္ဒါတို့။ မလာကြခင်၊ စွယ်တော်ရှင်ကို၊ လျင်လျင် ဖြတ်ချိုး၊ သင်မူဆိုး စိတ်ရှိတိုင်းပြုတော့ဟု၊ သဗ္ဗညု ဘုရားလောင်းက၊ မယားဟောင်း စိတ်ကြေအောင်၊ ခွင့်ပေးတော်မူလေသတည်း။ ။
***
ဒီတပတ်တော့ ဒီလောက်ပဲ တင်လိုက်ပါတယ်။ ရှေ့တပတ်မှ ဆက်တင်ပါအုံးမယ်။ ဒီတပတ်တင်တဲ့ ထဲမှာ ကျမတို့ နားစွဲပြီး အမြဲပြောဖြစ်နေကျ အသုံးအနှုန်းတချို့ နှစ်သက်ဖွယ် တွေ့ရတယ်။
ဥပမာ ...
"ဘုရားလှိုဏ်ခေါင်း၊ အောင်း၍မာန်သွေး၊ ဟောင်သည့်ခွေး" ဆိုတဲ့ အသုံးအနှုန်းမျိုးပေါ့။ အဲဒီစကား အမြဲကြားဖူးနေပြီး တခါတခါ ပြောတဲ့ ဆိုတဲ့နေရာ ထည့်သာသုံးမိတယ်၊ ဘယ်က ရတယ်ဆိုတာ မသိခဲ့ဘူး။

"သုဘဒ္ဒါဟု၊ အဆာကျယ်လှ၊ ရှင်ဘုရင်မကြီးက၊ မြ မရှား၊ စိန်မရှား၊ အလွန်ပင်များသည်ကို၊ နားလေး လေဟန်၊ ဆင်စွယ်မှ ပန်လိုသည်" ဆိုတဲ့နေရာ ရောက်တော့ အဆာကျယ်တယ်ဆိုတဲ့ စကားက ဦးပုည စခဲ့လေသလား စဉ်းစားမိတယ်။

"ပင်ပန်းလှိုက်ဖို၊ သူ့မယားငိုတည့်လျှင်၊ ဟိုလူကြီးက၊ ပြာရီးပြာရာ" ... အဲဒီအပိုဒ် ဖတ်ရတာတော့ ပြုံးချင်စရာ။ ဘုရင်ကို ဟိုလူကြီးလို့ သုံးထားတာ ချစ်စရာကောင်းလို့ ... ။

"အစွယ်လိုသူ မိဘုရား၊ အသွားစေသူ မင်းဧကရာဇ်၊ လေးပစ်သူ ဘုရာ့းကျွန်တော်၊ ကြံဘော်ကြံဘက်၊ သုံးယောက်သား အနက်တွင်၊ ကံကွက်ကြား၍၊ ငမိုက်သား မူဆိုးလေ၊ နင်ချည်းပင် သေပေတော့ဟု" ... ဒါကတော့ ဘယ်တော့မှ မမေ့တဲ့ အပိုဒ်ပဲ။ ဆဒ္ဒန်ဆင်မင်းဆိုတာနဲ့ ဒီစာပိုဒ်ကို သတိရမိတော့တာ ... ။

ဒီပို့စ်ကို တင်ဖို့ စာရိုက်နေရင်း စိတ်ထဲမှာ ခံစားချက်မျိုးစုံနဲ့ ... ။ ဆဒ္ဒန်ဆင်မင်းကို ကရုဏာသက်သလို ... မုဆိုးကို ဒေါသထွက်တယ်၊ မဟာသုဘဒ္ဒါနဲ့ ဆဒ္ဒန်ဆင်မင်းတို့ရဲ့ မေတ္တာတရားကြောင့် ရင်ထဲ ကြည်နူးမိတယ်။ ဦးပုညရဲ့ စာအသုံးအနှုန်းတွေကြောင့် ပြုံးမိတာကတော့ အကြိမ်ကြိမ်ပဲ ဆိုပါတော့ ... ။ ပါဠိဂါထာကို အနက်ပြန်ထားတာလဲ သဘောကျလိုက်တာ။ ဖန်ရည်စွန်းသော သင်္ကန်းကို ၀တ်ထိုက်တဲ့သူဆိုတာ ဒီလိုပါလားလို့ သိလိုက်ရတယ်။ အင်း ... အကျယ်မပြောတော့ပါဘူး၊ ဆရာဦးဟန်ကြည် သူ့တပည့်တွေကို စာသင်တော့မှ အကျယ်ချဲ့ ပါလိမ့်မယ်။ ကျမကတော့ ဒီလောက်ပဲ ... ။
***
မေဓာဝီ
၁၃၊ ဇွန်၊ ၂၀၁၁
၁၂း၅၄ နာရီ

ရည်ညွှန်း ။ ။ ဦးပုည၀တ္ထုပေါင်းချုပ် (ဟံသာဝတီပိဋကတ် စာပုံနှိပ်တိုက်၊ ၁၉၄၀)

မှတ်ချက်။ ။ အချို့စာလုံးပေါင်းများကို မူရင်းစာအုပ်ပါအတိုင်း ရိုက်နှိပ်ထားပါတယ်။ မှားယွင်းမှု တစုံတရာရှိပါက ကျမတာဝန်သာ ဖြစ်တယ်။
ကျေးဇူးစကား ။ ။ ပါဠိစာလုံးပေါင်း အမှားပြင်ပေးသော ကိုနတ္ထိကို ကျေးဇူးတင်ပါတယ်။

Read More...

Monday, July 11, 2011

ဘုရားပွဲကို ကားနဲ့ဆို ...

ဒီကနေ့ (၁၀၊ ဇူလိုင်၊ ၂၀၁၁) မှာ ဘာမင်ဂန် ဓမ္မတဠာက ကမ္ဘာအေးစေတီ (The Dhammatalaka Peace Pagoda) ရဲ့ ၁၃ ကြိမ်မြောက် ဗုဒ္ဓပူဇနိယ ပူဇော်ပွဲကိုသွားဖို့ ကျမနဲ့ ဦးရီးတော်တို့ မနက် ဆယ်နာရီ မတ်တင်းလောက် အိမ်ကထွက်ခဲ့ကြတယ်။

ရာသီဥတုက သာသာယာယာ၊ မိုးမရွာဘဲ နေသာတယ်။ တနင်္ဂနွေနေ့မို့ တလမ်းလုံး ကားရှင်းတယ်။ ဦးရီးတော်က ခပ်မှန်မှန်ပဲ ကားကိုမောင်းရင်း ဘုရားရောက်တော့ ဆယ်နာရီ မခွဲသေးဘူး။ ဧည့်ပရိသတ်ကတော့ ဖြိုးဖြိုးဖြောက်ဖြောက် ရောက်စပြုပြီ။ အပြာရောင် ကောင်းကင် အဖြူရောင် တိမ်တိုက်တွေနောက်ခံနဲ့ စေတီတော်မြတ်ကို သပ္ပါယ် ကြည်ညိုဖွယ် ဖူးတွေ့ရတယ်။


ဒီလို စေတီ၊ ဒီလို ကျောင်းဝင်း၊ ဒီလို အခင်းအကျင်းမျိုးကို ဒီလို နေရာမျိုးမှာ အောင်မြင်စွာ တည်ထောင်နိုင်တာ အင်မတန် ချီးကျူးဂုဏ်ယူစရာပါပဲ။ ထေရ၀ါဒ ဗုဒ္ဓဘာသာ မြန်မာတို့ရဲ့ ငြိမ်းချမ်းသာယာသော နယ်မြေ ... ။ ခုဆိုရင် ... ၁၃ နှစ် တိုင်ခဲ့ပြီ ... ။


ဘုရားထဲက ဗုဒ္ဓရုပ်ပွါးတော်မြတ်ကို ရှိခိုးကန်တော့ပြီး သံဃာတော်များ အနေကဇာတင်တာကို နာယူကြတယ်။
"တဏှာယောက်ျား လက်သမား ..." လို့ ဆိုလိုက်တဲ့ ...
မြတ်စွာဘုရားရဲ့ ဥဒါန်းကျူးရင့်သံ စိတ်ထဲမှာ ကြားယောင်ရင်း ကြက်သီးများပင် ထလို့ ... ။


ဒီနောက် သံဃာတော်တွေကို ဆွမ်းဆပ်ကပ်ကြတယ်။ ကျောင်းကသံဃာ ၄-ပါး ပင့်သံဃာ ၆ ပါး၊ စုစုပေါင်း ၁၀ပါး။ အလှူရှင်က ဒေါက်တာအောင်မြင် မိသားစု။


သံဃာတော်တွေ ဘုဉ်းပေးအပြီး လူတွေ စားဖို့ တန်းစီကြတယ်။ တန်းကြီးက ရှည်လွန်းလို့ ရွေ့တယ်တောင် မထင်မိဘူး။ စားသောက်ဖွယ်တွေကတော့ အလျှံပယ်ပါပဲ၊ ပူပူနွေးနွေး လတ်လတ်ဆတ်ဆတ်။


စားသောက်ပြီး တနာရီထိုးတော့ တရားနာဖို့ ဘုရားထဲ သွားကြတယ်။ အခမ်းအနားအစီအစဉ်အရ သံဃာတော်တွေ ပရိတ်မရွတ်မီ၊ တရားမဟောမီ Peace Pagoda Sunday School ၀တ်အသင်းက တီးလုံးသံစဉ်လေးတွေနဲ့ မင်္ဂလသုတ်ကို ရွတ်ဖတ်ပူဇော်ကြတယ်။ သူတို့ပြီးတော့ မဟာယာနအဖွဲ့က အင်္ဂလိပ်ဘာသာ ဂါထာတွေနဲ့ ဘုရားရှင်ကို ပူဇော်ကန်တော့ကြတယ်။ သူတို့ ရွတ်ဖတ်ပူဇော်တာလဲ သာယာနာပျော်ဖွယ် ကောင်းတာမို့ စိတ်ကြည်နူးစရာပါပဲ။


သံဃာတော်တွေ ပရိတ်ရွတ်ပြီးနောက် ဆရာတော်ဦးဥတ္တရဉာဏက ၀ါဆိုလပြည့် ဓမ္မစကြာနေ့နဲ့ ဆိုင်တဲ့ သစ္စာလေးပါး တရားကို ချီးမြှင့်တော်မူပါတယ်။ တဆက်ထဲမှာပဲ ဆရာတော် ပင့်လာတဲ့ ဗုဒ္ဓစွယ်တော်ပွါး အကြောင်းနဲ့ ဒီစေတီတော်ကြီးမှာ ပူဇော်ဌာပနာထားတဲ့ ဗုဒ္ဓဓာတ်တော်တွေ အကြောင်းကို ပြောပြပါတယ်။

အဲဒီ ဗုဒ္ဓဓာတ်တော်တွေဟာ မြန်မာဘုရင် သာလွန်မင်းတရားမှ အစပြုလို့ မင်းအဆက်ဆက် ကိုးကွယ်ပူဇော်ခဲ့တဲ့ နန်းစဉ်ဓာတ်တော်တွေ ဖြစ်ပြီး သီပေါမင်း ပါတော်မူပြီးနောက် ရတနာဂီရိမှာ နေထိုင်ရင်း နတ်ရွာစံတော့ စုဖုရားလတ်ဟာ ဓာတ်တော်တွေကို အိန္ဒိယနိုင်ငံက မြန်မာဘုန်းတော်ကြီး နှစ်ပါးဖြစ်တဲ့ ဦးကိတ္တိနဲ့ ဦးအာစရကို ပေးလှူခဲ့ပါသတဲ့။ အဲဒီဘုန်းတော်ကြီးတွေကမှ ဆရာတော် ဦးရေ၀တ (ပထမ ဘာမင်ဂန်ဆရာတော်) ကို လက်ဆင့်ကမ်း လှူဒါန်းခဲ့တဲ့ ဓာတ်တော်တွေလို့ ဆိုပါတယ်။ ဘာမင်ဂန်စေတီကို အခေါက်ခေါက် ရောက်နေပေမဲ့ ဒီလို နန်းစဉ်ဓာတ်တော်တွေ ဌာပနာပူဇော်ထားမှန်း ကျမ အစက မသိခဲ့ဘူး။


ဓာတ်ပုံမှာ မြင်ရတဲ့ ဗူးအနီလေးထဲက စွယ်တော်ကတော့ သီရိလင်္ကာနိုင်ငံမှာရှိတဲ့ ဗုဒ္ဓစွယ်တော်အစစ်နဲ့အတူ ထားပြီး ပွါးယူထားတဲ့ စွယ်တော်တဆူပါ။ သီရိလင်္ကာနိုင်ငံ သာသနာပိုင်ဆရာတော်က ဗန်းမော် ဆရာတော်ကြီးကို စွယ်တော်ပွါး ၂ ဆူ ပေးလှူခဲ့တယ်၊ ဗန်းမော်ဆရာတော်ကြီးက ဘာမင်ဂန်မှာ ပူဇော်ထားဖို့အတွက် ဆရာတော် ဦးဥတ္တရဉာဏကို တဆူ ပေးလှူလိုက်တာကြောင့် ကျမတို့ ဒီကနေ့ ဖူးတွေ့နိုင်ခဲ့တာပါ။ အဲဒီအတွက် အလွန်ကို ၀မ်းမြောက် ပီတိဖြစ်ခဲ့ရပါတယ်။

စွယ်တော်မြတ် အနီးကပ်ပုံတော်


တရားနာအပြီး ၀ါဆိုသင်္ကန်းနဲ့ ၀တ္ထုငွေတွေ ဆပ်ကပ်လှူဒါန်းကြတယ်။ ရေစက်ချ အမျှဝေ စိရံတိဋ္ဌတု နဲ့ အခမ်းအနား ရုတ်သိမ်းပြီး ... ။


လူမျိုးမရွေး ဆင်နွှဲကြတဲ့ ဘုရားပွဲ ... ။ ကြည်နူး ပျော်ရွှင်စရာ အလွန်ကောင်းပါတယ်။
ဒီလိုနေရာမျိုးမှာ ခုလို ကျောင်းကန်ဘုရား တည်ထားဖို့ရာ မလွယ်ကူလှပါဘူး။ ရှေ့ရှေ့က ဆရာတော်တွေ အခက်အခဲပေါင်းများစွာနဲ့ တည်ထောင်ခဲ့ကြလို့ ကျမတို့လို နောက်လူတွေ အလွယ်တကူ ဖူးမြော်ကြည်ညိုနိုင်တာကို တန်ဖိုးထားတတ်ဖို့ အရေးကြီးတဲ့အပြင် နောက်ထပ် နောက်ထပ် မျိုးဆက်သစ်တွေကိုပါ နားလည်တတ်အောင် လက်ဆင့်ကမ်း နိုင်ဖို့၊ မြတ်နိုး ထိမ်းသိမ်းတတ်အောင် ဆွဲခေါ်နိုင်ဖို့ကလဲ လိုအပ်တယ်လို့ ကျမ တွေးနေမိတယ်။

...
အားလုံးပြီးတော့ ပြန်ရတော့မယ် ... ။
ဆည်းလည်းသံ တလွင်လွင် စေတီကြီးကတော့ လာရောက်သူများ အားလုံး ငြိမ်းချမ်းစေဖို့ မားမားမတ်မတ် သပ္ပါယ်စွာ တည်ရှိနေဆဲပါပဲ ... ။
***
မေဓာဝီ
၁၁၊ ဇူလိုင်၊ ၂၀၁၁
၀၀း၄၆ နာရီ
(စရေးတုန်းကတော့ ၁၀ ရက်နေ့ပဲ၊ ရေးပြီးချိန်က ၁၁ ရက်နေ့ ဖြစ်သွားတယ်။)
***
နောက်ဆက်တွဲ စားသောက်ဖွယ် (အရီးလေး စည်းစိမ် တောင်းဆိုချက်အရ)



ဒီဘက်က ဟင်းဘူးတွေက ကျမချက်ယူသွားတဲ့ ဟင်းတွေပါ။ အဲဒီနေ့ကတော့ အကောင်းစား ဟင်းလျာတွေများနေတာနဲ့ ကျမ ဟင်းတွေ မျက်နှာငယ်မှာစိုးလို့ မကပ်ခဲ့ပါဘူး။ နောက်ရက်တွေအတွက် ဖရီဇာထဲ ထည့်ခဲ့တယ်။ ဆွမ်းကျွေးတဲ့ ဟင်းပွဲတွေကိုတော့ လူတွေများနေလို့ မရိုက်ခဲ့ဘူး။ လူရှင်းတဲ့ အချိုပွဲတွေပဲ ရိုက်ခဲ့တယ်။ အချိုပွဲက မြန်မာမုန့်၊ ကုလားမုန့်၊ အင်္ဂလိပ်မုန့် အစုံပဲ။ ကဲ ... ဒီလောက်ဆို မုန့်ကြည့်ချင်တဲ့ အရီးလေးစစ အာသာပြေလောက်ပြီ ထင်ပါရဲ့ ... ။

Read More...