Thursday, June 30, 2011

ပိုင်ရှင်မဲ့ ဦးထုပ်လေးအကြောင်း ...

မနှစ်က အောက်တိုဘာလရဲ့ တခုသော ညနေခင်းမှာ ကျမရဲ့ ဦးထုပ်ကလေး ပျောက်ဆုံးသွားခဲ့တယ်။ အဲဒီအကြောင်းကို ဘလော့မှာရေးဖြစ်တော့ ရင်းနှီးခဲ့ဖူးသူ ပုဂ္ဂိုလ်တဦးက ဦးထုပ်တလုံး ၀ယ်ပြီး ကျမကို လက်ဆောင်ပေးပါတယ်။ ကျမကပဲ အစွဲအလမ်း ကြီးလွန်းလို့လား … ၊ သူပေးတဲ့ ဦးထုပ်က ကျမရဲ့ ဦးထုပ်လေးထက် တန်ဖိုးပိုကြီးပြီး ပိုလှပပေမဲ့ ပျောက်ဆုံးသွားတဲ့ ဦးထုပ်လေးနေရာမှာ ကျမ အစားမထိုးနိုင်ခဲ့ဘူး။ ဟုတ်တယ်လေ … ပစ္စည်းပဲဖြစ်ဖြစ် လူပဲဖြစ်ဖြစ် ကိုယ်စွဲလမ်းမိရင် သံယောဇဉ်တွယ်မိရင် တခြားသော အသစ်အသစ်တွေနဲ့ ဘယ်လိုမှ အစားထိုးလို့ မရဘူးမဟုတ်လား။

ပျောက်သွားတဲ့ ဦးထုပ်လေးက သိုးမွှေးချည်နဲ့ ကိုယ်တိုင်ထိုးတဲ့ နှစ်ချောင်းထိုး ဦးထုပ်လေးမို့ တကယ်ဆို အသစ်တလုံး ထပ်ထိုးရင် ဖြစ်တာပါပဲ။ ဒါပေမဲ့ အဲဒီလိုတောင် အသစ်တလုံး ကျမ ထပ်မထိုးခဲ့ပါဘူး။ ကိုယ့်အတွက်ကိုယ် အသစ်တလုံး ထပ်မထိုးခဲ့ပေမဲ့ တခြားသော သူတွေအတွက်တော့ ထိုးပေးမယ်လို့ စိတ်ကူးခဲ့တယ်။ ဦးထုပ်ကလေး ပျောက်သွားလို့ ၀မ်းနည်းခဲ့ရတဲ့ ခံစားမှုကို ကျမထိုးပေးလိုက်လို့ ဦးထုပ်ရသွားမယ့် သူတွေရဲ့ ၀မ်းသာမှုနဲ့ ပြန်ဖြေသိမ့်တဲ့ သဘောဆိုပါတော့ … ။

ဒါနဲ့ … ဘယ်သူ့အတွက် ထိုးပေးရင် ကောင်းမလဲ စဉ်းစားတော့ ကျမရဲ့ အနီးဆုံးက ဦးရီးတော်ပေါ့၊ ဒါပေမဲ့ သူက အဲဒီလို ဦးထုပ်တွေ ဆောင်းလေ့မရှိဘူး … ဒါကြောင့် သူ့ကို ပယ်လိုက်တယ်။ နောက်တယောက် … ကျမကို ကိုယ့်သမီးလို တူမလို ချစ်ခင် စောင့်ရှောက်တဲ့ အန်တီ၊ သူက ဦးထုပ်ဆောင်းတာမို့ သူ့အတွက် ထိုးပေးဖို့ စိတ်ကူးလိုက်တယ်။ နောက်ပြီး လန်ဒန်မှာနေတဲ့ မောင်ဝမ်းကွဲရဲ့မိန်းမ သမီးလေးမွေးတာမို့ တူမအသစ်လေး အတွက်လဲ တလုံး … ။ ဒီလိုနဲ့ ဆောင်းရာသီ ကျောင်းပိတ်ရက်မှာ သူတို့နဲ့ လိုက်ဖက်ရာရာ ချည်ခင်လေးတွေ ၀ယ်ပြီး ဦးထုပ်လေးတွေ ထိုးဖြစ်ခဲ့တယ်။



ရန်ကုန်က သူငယ်ချင်းတယောက် မန်ယူဦးထုပ် လိုချင်တယ်ဆိုလို့ သူ့အတွက်တော့ မန်ယူဦးထုပ်လေး ၀ယ်ပြီး လူကြုံနဲ့ ပို့လိုက်တယ်။ သူတို့ ဦးထုပ်လေးတွေရလို့ ပျော်နေတာ သိရတော့ ကျမ သိပ်ဝမ်းသာတာပဲ။ ကိုယ်ပျောက်သွားတဲ့ ဦးထုပ်လေးကိုတောင် အဲဒီအချိန်မှာ ခဏတဖြုတ် မေ့လို့ … ။

ဒါနဲ့ နောက်ထပ်ဘယ်သူ့ကို ပေးရမလဲ စဉ်းစားတော့ ဘကျောက်ကို သွားသတိရတယ်။ ဘကျောက်က ဦးထုပ်လေးတွေ ဆောင်းတတ်တယ်လေ။ အဲဒီအချိန်မှာ ကျောင်းဖွင့်ခါနီးပြီ၊ ဆောင်းလဲ ကုန်လုပြီ၊ အအေးဓာတ်လဲ လျော့စပြုနေပြီ။ ဘကျောက်ကို မပြောဘဲ surprise လုပ်မယ်လို့ စိတ်ကူးနဲ့ သိုးမွှေးချည်ခင်လေးဝယ်ပြီး ဘကျောက်အတွက် ဦးထုပ်စထိုးတယ်။


ထိုးလို့ မပီးခင်တရက်မှာ ဘကျောက်နဲ့ အွန်လိုင်းမှာတွေ့တုန်း ဦးထုပ်အရွယ် သေးနေမှာစိုးလို့ ခုလိုမေးမိတယ်။
============================
me: ဘကျောက်ကို မပြောဘဲနေမလို့ မနေနိုင်လို့ပြောပြတော့မယ်
8:37 PM အရင်မေးအုံးမယ်
ဘကျောက်ခေါင်း လုံးပတ် ဘယ်လောက်ရှိလဲ
Nai: ဦးထုပ်က မီဒီယမ်ပဲ
me: ဦးထုပ်ထိုးနေတာ ဘကျောက်အတွက်
8:38 PM ဟဲ တော်လိုက်တာ
ချက်ဆို တန်းပီး ဗိုက်ကပ်တော့တာပဲ
အစကပီးမှပြောမလို့
8:39 PM Nai: ဆောင်းကုန်တော့မယ်..နွေကြရင် ဆောင်းပြီးကြွားလိုက်မယ်
me: ဟီးးး အစက အကြံမရလို့
ဆောင်းကုန်ခါနီးမှ အကြံပေါ်တယ်
8:40 PM Nai: အို..ဘာဖြစ်လဲ ..ဒီမှာက ဧပြီလကို အေးတုန်း
me: လူကြီးဆိုတော့ အညိုရောင်ချည်လေး နဲထိုးနေတယ်
8:41 PM ယောဂီရောင်လေးပေါ့ ဟိဟိ
Nai: မှားပါတယ်..ဒီက ယင်မမသန်းဘူးတဲ့ လူပျိုလေး
8:42 PM me: ဟားဟား ဘကျောက်ကတော့
ယင်မမဲရိုင်းတွေအုံးနေတာ ဟုတ်ဖူးလား
အုံ*
8:43 PM Nai: အနံ့ထွက်နေလို့..ရေမချိုးတာကြာပြီ
me: အယ် ညတ်ပစ်လိုက်တာ
ဒါကြောင့်ဒီကတောင် အနံ့ရတယ် ဟိ
Nai: ဖက်နမ်းသူမှမရှိတာ..ညစ်ပတ်ပလေ့စေ
8:44 PM me: ဒါလဲဟုတ်တာပဲ :P
ဘကျောက် ဒီကို လာမှာသေချာတယ်နော်
8:45 PM Nai: ဒါပေမဲ့လဲ..ဗာဂျီးနီးယားက အပျိုကြီးတွေနဲ့တွေ့ရင်တော့ ရေမွှေးတွေမူးနောက်နေအောင်ဆွတ်ပလိုက်တာ
8:46 PM me: ခုထိ ဘကျောက်က စွံတုန်းနော်
Nai: NIC က trial စောင့်နေလို့
me: သြော်
Nai: ထင်လို့ပါ ပါးပါးလေးပါ
me: ကြာမှာလားဟင် အဲဒါက
8:47 PM Nai: မသိဘူး..ဒီနေ့ mail ပို့လိုက်ဦးမယ်
8:48 PM me: ဟုတ်
8:49 PM Nai: ဗမာပြည်ပြန်ရင်း အဲဒီကို ဝင်မလားလို့..swiss ကဘော်ဘော်တွေကလဲ ခနလာဖို့ အော်နေကြတယ်..ဒီကြားထဲ အဆင်ပြေရင်လာခဲ့မယ်
me: ဟုတ် ဘကျောက်
ဗမာပြည်က ခဏပြန်တာမဟုတ်လား
8:51 PM Nai: ခနပေါ့..ကျန်းမာကြောင်းပြချင်သေးတာ..ဗမာပြည်က နှမတွေက ငိုနေကြလို့
me: သြော် ကောင်းပါတယ် ဘကျောက်
ဘကျောက်ရေ တရားထိုင်ချိန်ရောက်ပီမို့ တာ့တာနော်
8:52 PM ဦးထုပ်လေးပီးရင် ပို့လိုက်မယ်
8:53 PM Nai: ကျေးဇူး ပဲဒေါ်လေးမေရေ့ ဒါပေမဲ့ တန်ဖိုးထက်လက်ခကြီးနေမယ်..ပို့ခက ဈေးကြီးမယ်..
==========================
ဒီလိုနဲ့ … မတ်လ ၈ ရက်နေ့မှာ ဦးထုပ်လေး ထိုးလို့ပြီးသွားတယ်၊ ၁၁ ရက်နေ့မှာတော့ ဦးထုပ်လေးကို ဘကျောက်ဆီ စာတိုက်ကနေ ပို့လိုက်တယ်။ ပို့လိုက်ကြောင်း ဘကျောက်ဆီ အီးမေးလ်ပို့ခဲ့တယ်။

From: May Darwii
Date: 2011/3/11
Subject: ဦးထုပ်လေး ပို့လိုက်ပြီ ...
To: Nai Pe

ချစ်သော ဘကျောက်ရေ ...

ဦးထုပ်လေး ဒီနေ့ပဲ ပို့လိုက်တယ် သိလား။
ရေစစ္စရီနဲ့ဆို ၈ ပေါင်ကျော်ဆိုလို့ ရိုးရိုးပဲ ပို့လိုက်တယ်။ ဟီးးး
ကတ်ရယ် ဦးထုပ်ရယ် ပို့လိုက်တာ။
တခါထဲလဲ ပေါင်းမထည့်ရဘူးတဲ့။ ဒါနဲ့ ကတ်ကသပ်သပ်၊ ဦးထုပ်လေးက သပ်သပ် ပို့လိုက်တယ်။

ရောက်ရင် အကြောင်းကြားပါအုံးနော် ဘကျောက် ... ။
ပြီးတော့ ဦးထုပ်လေးဆောင်းထားတဲ့ ဘကျောက်ပုံလဲ လိုချင်တယ်။
အမှတ်တရပေါ့ ... ။

ဘကျောက် ကျန်းမာရွှင်လန်းပြီး အစစ အဆင်ပြေပါစေ ...
ဒေါ်လေးမေ
=================
ဘကျောက်က ခုလို စာပြန်တယ်။

ဦးထုပ်နဲ့ အလန်းလေးကိုစောင့်စား ကြည့်ရှု အားပေးကြမည့် ပရိဿတ်များအတွက်...
မကြာမီ လာမည်.....မျှော်.......

ကျောက်လန်းလေး
=================
ရိုးရိုးပို့တာမို့ ဦးထုပ်လေးက ဘကျောက်ဆီ တော်တော်နဲ့ ရောက်မသွားဘူး။ ကျမက ရောက်ပြီလား တဂျီဂျီမေးနေတော့ ဘကျောက်ခမျာလည်း ကြောင့်ကြစိုက်ပြီး မျှော်ရရှာတယ်။ ဦးထုပ်ထိုးပုံ အဆင့်ဆင့်ကို ဓာတ်ပုံ ရိုက်ထားတာလေး ဘကျောက်ကြည့်ရအောင် ပို့ပေးလိုက်သေးတယ်။



From: Nai Pe
Date: 2011/3/20
Subject: Re: pic
To: May Darwii

ဒီနေ့လဲ စာတိုက်ကားအိမ်ရှေ့ရပ်လို့ ဦးထုပ်လားဆိုပြီး
ဝမ်းသာအားရပြေးထွက်တာ..ဟင်း..နံဘေးအိမ်အတွက်ဖြစ်နေတယ်..တကယ်ပါပဲ အဲဒီကားကိုတောင် စိတ်တိုလိုက်တာ..
အရောင်လေးက လှပါတယ်..ခွက်ထဲက ကော်ဖီနဲ့ တရောင်ထဲပဲ...
မနေ့က DC မြို့ထဲသွားရင် ဆောင်းပြီး ဓါတ်ပုံရိုက်မလို့ စိတ်ကူးယဉ်နေတာ..
ကျောင်းဖွင့်လို့ အလုပ်တွေ ရှုတ်နေပြီလား..
ဘကျောက်လဲ..အင်္ဂါနေ့ ဆေးရုံတက်ရမလားမသိဘူး..ဆရာဝန်တွေကတော့ အဲဒီနေ့မှာ စုပေါင်းတိုင်ပင်ကြမယ်ပြောတယ်

ဘကျောက်
==================
ဘကျောက်ဆေးရုံတက်မယ်ဆိုတဲ့ရက်က မတ်လ ၂၂၊ အဲဒီရက် မတိုင်ခင် ဦးထုပ်လေးကို ရောက်စေချင်ခဲ့တာ။ နောက်ဆုံးတော့ မတ်လ ၂၅ ရက် သောကြာနေ့မှာမှ ဘကျောက်ဆီ ဦးထုတ်လေး ရောက်သွားတယ်။ ဘကျောက်က စာနဲ့ ဓာတ်ပုံပို့လာပါတယ်။

From: Nai Pe
Date: 2011/3/25
Subject: ဦးထုပ်ရပြီ
To: May Darwii

ရာသီဥတု ပြန်အေးလာတာနဲ့ ဦးထုပ်လေးရောက်လာတာ အတော်ပဲ ဒေါ်လေးမေရေ့..
ဓါတ်ပုံလည်းရိုက်ပို့လိုက်တယ်..
ကိုယ့်ဖာသာ timer နဲ့ရိုက်လို့ ဦးထုပ်ပုံ ပေါ်တော့ပေါ်တယ်..လှလှပပ အိုက်တင်မခံလိုက်ရဘူး..
အရာင်လေးက မဆိုးပါဘူး..ဘကျောက်ဆီမှာရှိတာတွေက အဲဒီထက်တောင် အရောင်ရင့်သေး
ကျေးဇူးပဲ ငါ့နှမရေ့
ဘကျောက်
==================
ဦးထုပ်လေးရောက်သွားပြီမို့ ကျမ အရမ်းပျော်နေခဲ့မိတယ်။ ကျမလက်ရာ ဦးထုပ်လေးက အကောင်းကြီး မဟုတ်ပေမဲ့ ဘကျောက်က ပေးတဲ့သူ စိတ်ချမ်းသာအောင် ပြောပေးခဲ့လို့ ပိုဝမ်းသာရတယ်။

ဧပြီလ ၂ ရက်နေ့မှာ ဘကျောက်နဲ့ အွန်လိုင်းမှာ နောက်ဆုံးတွေ့ဖြစ်ခဲ့တယ်။ သူ့ရောဂါ ကင်ဆာမဟုတ်တော့ဘူး … တဲ့လေ။

Sat, Apr 2, 2011 at 12:45 AM
Chat with Nai Pe

12:40 AM Nai: အိပ်သေးဘူးလား
me: အိပ်သေးဘူး
ဘကျောက်နေကောင်းလား
Nai: စာကြည့်နေသလား
me: ပူပီလား ခု
ကြည့်ဘူး
ပျင်းလို့
Nai: ကောင်းတယ်..အေးတုန်း
12:41 AM me: သြော် ဒါဆို ဦးထုပ်လေး အသုံးဝင်သေးတယ် :P
12:42 AM Nai: biopsy လုပ်တော့ ကင်ဆာမဟုတ်ဘူးတဲ့..နဂိုကတော့ က်ငဆာလို့ အားလုံးကပြောနေပြီး..မနေ့က ဆေးရုံသွားတော့ ဆောင်းသွားသေးတယ်
me: ဟယ် ၀မ်းသာလိုက်တာ
ကင်ဆာမဟုတ်တော့ဘူး
Nai: မသေနိုင်သေးဘူး..
12:43 AM me: အင်းပေါ့ ဘကျောက် တကယ်ဝမ်းသာတယ်
Nai: အားလုံးက မေတ္တာခံယူရတာကိုး
me: ထင်တော့ထင်သား နော်
ဘကျောက်ဘုရားတရား တန်ခိုးလဲပါပါတယ်
Nai: အကုန်လုံးကို ကျေးဇူးတင်တယ်
me: တိုင်းရင်းဆေးရောပေါ့
12:44 AM Nai: ဗမာဆေးကို တောင်းထားလို့ နောက်တပတ် ဓါတ်ခွဲဖို့ ပေးရအုန်းမယ်
me: ဟုတ်လား
တပင်တိုင်မြနန်းလား
12:45 AM Nai: ဟုတ်တယ်..ခန ဒေါ်လေးမေရေ..ဧည့်သည်ကို ဘူတာသွားကြိုဖို့ ဖုန်းခေါ်နေလို့ သွားလိုက်အုန်းမယ်
me: ဟုတ် ဘကျောက်
========================
အဲဒီနောက်ပိုင်း ကျောင်းစာတွေနဲ့ ရှုပ်နေပြီး ကိုယ့်စိတ်ကိုယ် မနိုင်မှာစိုးလို့ ဘလော့ကို ပိတ်ခဲ့တာကြောင့် ဘကျောက်နဲ့လဲ မဆက်သွယ်ဖြစ်တော့ဘူး။ တကယ်ပဲ ဘကျောက် မသေနိုင်တော့ဘူးလို့လဲ ထင်ခဲ့မိတယ်လေ။ တကယ်တော့ ဘကျောက်သိနေမှာပါ။ အားလုံးကို စိတ်ချမ်းသာအောင် ဒီလိုပြောခဲ့တာဆိုတာကို သိရတော့ ပိုပြီးဝမ်းနည်းမိတယ်။ သူ့အတွက်နဲ့ ဘယ်သူ့ကိုမှ စိတ်မထိခိုက်စေချင်တာ … မပူပန်စေချင်တာ။ သြော် … ဘကျောက်ရယ် … ဒီစာရေးနေရင်း ဒေါ်လေးမေ ငိုနေရပါပြီ။

ခုတော့လေ … ဦးထုပ်ကလေးက ပိုင်ရှင်မဲ့သွားပြီ … ။
သူ့ပိုင်ရှင်က ဦးထုပ်ကလေးကို ထားခဲ့ပြီး ပြန်မလာနိုင်တော့တဲ့ သံသရာ ခရီးကို အပြီးထွက်ခွါသွားပြီ။
***
ကျမဘ၀မှာ ... ... ...
ဦးထုပ်လေးတလုံး ပျောက်ဆုံးသွားခဲ့ဖူးတယ်။
ဦးထုပ်ပိုင်ရှင်တယောက်လဲ ပျောက်ဆုံးသွားခဲ့ပြန်ပြီ။
ဆုံးရှုံးမှုတွေဟာ ဘာနဲ့မှ အစားမထိုးနိုင်သလို ဘာနဲ့မှ အစားမထိုးရက်ပါဘူး။ ဘ၀တွေက သိပ်ကို တိုတောင်းကြပါတယ်။ ဒီခရီးကို လူတိုင်းသွားရမှာ သိနေပေမဲ့ … အရင်သွားသူအတွက် ကျန်ခဲ့သူတွေက တသသ လွမ်းနေကြရအုံးမှာပဲ … ။

ဘကျောက်ရေ …
ဒီနေ့ နယုန်လကွယ်နေ့ ဥပုသ်နေ့မို့ ဒေါ်လေးမေ ၉ ပါးသီလယူပြီး ဥပုသ်စောင့်ပါတယ်။ ပြုခဲ့သမျှ ဒါန၊ သီလ၊ ဘာဝနာ ကုသိုလ်ကောင်းမှု အားလုံးအတွက် လွန်ခဲ့တဲ့ ၂-လ (ဧပြီ ၃၀ ရက်) က ဘ၀တပါးကို ပြောင်းသွားတဲ့ ဘကျောက်ကို အမျှပေးဝေပါတယ်။ ရောက်ရာဘုံဘ၀က သာဓုခေါ်နိုင်ပါစေ … ။
မြင့်မြတ်ရာဘုံဘ၀မှာ တရားဓမ္မနဲ့ မွေ့လျော်ရင်း ငြိမ်းချမ်းပျော်ရွှင်နိုင်ပါစေ … ။

ဧပြီ (၃၀) ရက်တွင် ကွယ်လွန်သွားခဲ့သော ဘကျောက် … အမှတ်တရ … ။
***
မေဓာဝီ
၃၀၊ ဇွန်၊ ၂၀၁၁
၁၃၇၃ ခုနှစ် နယုန်လကွယ်နေ့
နံနက် ၉း၀၅ နာရီ

Read More...

Tuesday, June 28, 2011

ရဲတိုက်ဆီသို့ ...

The Forest Hermitage တောရကျောင်းလေးကအပြန် ကျမက ဦးရီးတော်တို့နဲ့ အတူမလိုက်ဘဲ တခြားတနေရာကို ဆက်ဖို့ ညီမလေး တယောက်နဲ့အတူ လိုက်သွားပါတယ်။ Warwick မြို့က နာမည်ကျော် ရဲတိုက်ကြီး (Warwick Castle) ဆီကိုပါ။ တခါတုန်းက သွားမယ်ဆိုပြီး မသွားဖြစ်ဘဲ အဝေးကပဲ လှမ်းမျှော်ခဲ့ရတဲ့ Warwick Castle အခုတော့ တကယ်သွားခွင့်ရခဲ့ပြီ။

ကားပါကင်မှာ ကားတွေအပြည့်၊ အတော်ဝေးဝေးမှာ သွားရပ်ပြီး လမ်းလျှောက်ရတယ်၊ ဘာကြောင့်များ လူတွေ ဒီလောက်များနေပါလိမ့် ... ရာသီဥတု ကောင်းလို့ တခုတည်းကြောင့်တော့ ဟုတ်မယ်မထင်၊ လက်မှတ်ရောင်းတဲ့နေရာ ရောက်တော့ လက်မှတ်က လူကြီးတယောက်ကို စတာလင်ပေါင် ၂၁ ပေါင် နဲ့ ၀ယ်ရတယ်။ မာလင်ရှိုးလဲ ရှိတယ်၊ (ဒါကြောင့်လူများနေတာကိုး) မာလင်ရှိုးကြည့်မယ်ဆိုရင် ၂၉ ပေါင်တဲ့၊ ကျောင်းသား ဒစ်စကောင့်လဲ မရှိဘူး။ ဈေးများလိုက်တာ မာလင်တော့ မရှိုးတော့ပါဘူး၊ ၂၁ ပေါင်နဲ့ပဲ ၀င်လိုက်တယ်၊ ၂၁ ပေါင်တောင် အတော်များလှပြီ၊ ဒါပေမဲ့ ကိုယ်မရောက်ဖူးသေးတော့လဲ ... တန်တယ်ပဲဆိုကြပါစို့။ :)

...
အ၀င်ဆိုင်းဘုတ်နဲ့ ၀င်ပေါက်နေရာ (လက်မှတ်ကို စကန်လုပ်ပြီး အဲဒီအပေါက်က ၀င်ရတယ်။)


အထဲဝင်ပြီ ... တွေ့ရာကို လှမ်းရိုက်လိုက်တာပဲ။ လှတ ၀တလေး ပါသွားတာတော့ တတ်နိုင်ဘူးရယ် ...


ကောင်းကင်ပြာပြာအောက်က ရဲတိုက်ကြီး ...


ဒီရဲတိုက်ကြီးက Avon မြစ်ကမ်းနဘေးမှာ တည်ရှိပါတယ်။ ရေထဲမှာ ကြာရွက်လေးတွေနဲ့ စိမ်းစိမ်းစိုစို၊ ငါးကလေးတွေလဲ ကူးခတ်လို့။ ဒါဟာမြစ်တဲ့လား ... အဲဒါ မြစ်ပဲလား ... သြော် ... ချောင်းမှတ်လို့ပါ။ အေဗွန်ကို ဧရာဝတီက သနားလိမ့်မယ် ... ။


ရဲတိုက်ကြီးကတော့ ထုကြီးထည်ကြီးနဲ့ ကြီးကျယ်ပါတယ်၊ ခမ်းနားပါတယ်။ ရာဇ၀င်မှတ်တမ်းရဲ့ ခိုင်မာတဲ့ သက်သေပြယုဂ်တခုပေါ့ ... ။ Warwick Castle သမိုင်းကြောင်းသိချင်ရင်တော့ ၀ီကီမှာသာ ရှာဖတ်လိုက်ကြပါတော့။ (ရှင်းပြနေရင် လွဲနေမှာစိုးလို့)


ဒါက သစ်သားနဲ့ လုပ်ထားတဲ့ ရှေးခေတ်က အမြှောက်တဲ့၊ ဘယ်လိုများ ပစ်ကြလဲတော့မသိ။


ရှေးခေတ် စစ်သားတွေ စခန်းချတဲ့ တဲငယ်ပုံစံလေး။ အထဲတော့ ၀င်ကြည့်လို့မရဘူး၊ စည်းသားထားတယ်။


စည်းအပြင်ကနေ ဓာတ်ပုံလှမ်းရိုက်တော့ တဲကလေး အတွင်းကို ခုလို မြင်ရတယ်။


အဲဒီနေ့မှာ ရာသီဥတုက တော်တော်လေးပူပါတယ်။ ၃၀ စင်တီကျော်မယ်ထင်တယ်။ မျက်စိမှိတ်ထားရင် မြန်မာပြည် ပြန်ရောက်နေသလိုပဲ နေကလဲပူ၊ လေကလဲပူ ဘိလပ်နဲ့တောင် မတူဘူး။


သွားရင်းလာရင်း အသံတမျိုးကြားလို့ လှမ်းကြည့်လိုက်တော့ ဒေါင်းကလေးတကောင်။ ဒေါင်းတွန်လိုက်တဲ့ အသံ ... ။ သူတွန်တဲ့ အသံက အိုးဝေတော့ မဟုတ်ဘူး၊ အင်္ဂလိပ်လို တွန်ပုံရတယ်၊ ကျမ နားမလည်လိုက်ဘူး။ ဒေါင်းတွန်သံကြားပြီး စာရေးဆရာ ငြိမ်းကျော်ရဲ့ "ဒေါင်းတတွန် စွန်တ၀ဲ ဝေးသည်ကိုမျှ" ဆိုတဲ့ ၀တ္ထုခေါင်းစဉ်လေး သတိရမိတယ်။ ၀တ္ထုကိုပြန်စဉ်းစားကြည့်တာ မမှတ်မိတော့ဘူး။ ဒေါင်းတတွန် စွန်တ၀ဲဆိုတဲ့ တခဏ အခိုက်အတန့်လေး ဝေးရတာတောင် လွမ်းနေရတယ် ဆိုတဲ့သဘော ထင်ရဲ့ ... ။ ကိုယ်တွေကတော့ ဒေါင်းဘယ်လောက် တွန်တွန် စွန်ဘယ်လောက်ဝဲ၀ဲ လွဲရတာတွေများပြီး လွမ်းမယ်ဆိုရင် ဘယ်နှစ်သက် ဆက်လွမ်းရမလဲ မသိဘူး၊ ဒီတသက်နဲ့တောင် မလောက်နိုင်လို့ပါ၊ သြော် ... ဒေါင်းကိုကြည့်ပြီးတောင် လွမ်းဖြစ်အောင် လွမ်းသွားမိသေး ... မေဓာဝီ ... ။


သူတို့ မြားပစ်နေကြတယ်။ ရော်ဘင်ဟုနဲ့ နင်လားငါလားပေါ့။ ကျမကတော့ လေးတော်မတင်နိုင်လို့ အဝေးကပဲ ဓာတ်ပုံရိုက်ခဲ့လိုက်တယ်။ ခေတ်သစ်ရော်ဘင်ဟုတွေကို ကြည့်ပြီး ရာမဇာတ်ထဲက ရာမ လက္ခဏ မင်းသားနှစ်ဖော်ကို သတိရမိသေး ... ။ ကိုယ်သန်ရာ သန်ရာပေါ့လေ ... ။


ကြည့်ပါအုံး များလိုက်တဲ့ လူတွေ ... ၊ သူတို့ ဘာလုပ်နေကြတာလဲ၊ မျက်လှည့်လား ဆေးရောင်းတာလား စပ်စုချင်တာနဲ့ သွားကြည့်လိုက်တော့ ငှက်တကောင်နဲ့ သရုပ်ပြနေတာပါ။ ရုပ်ဆိုးဆိုး ငှက်ကြီး တကောင်ပဲ၊ သိန်းငှက်လား လဒလား ကျမကတော့ မခွဲခြားတတ်ဘူး၊ သိပ်လဲ မထူးဆန်းပေမဲ့ လူတွေကတော့ အုံနေတာပဲ။


နောက်ထပ် ဒေါင်းတကောင် ... သူက အမြီးပိုရှည်တယ်။ ဒေါင်းတွေကို ဘယ်သူကမှလဲ ရန်မပြုတော့ ဒီလိုပဲ လျှောက်သွား လျှောက်စားနေကြလေရဲ့။ သြော် ... သူတို့ကတော့ လွတ်လပ်တဲ့ ဒေါင်းကလေးတွေပါလား ... ။ ဒီဒေါင်းကိုမြင်ပြန်တော့ ညွတ်မိတဲ့ဒေါင်းကို သတိရတာနဲ့ ဥဒေတယံဂါထာကို စိတ်ထဲက ရွတ်မိလိုက်သေးတယ်။


ရဲတိုက်ထဲ ၀င်ပြီ၊ ဒါက မြင်းစီးသူရဲကောင်းတဲ့။ ဒီဘက်ကတော့ ပန်းချီကားချပ်ကြီးတွေနဲ့ ရှေးဟောင်း ရုပ်ထုတွေ ... ။


ဘုရင်မကြီးလဲ မတ်တပ်ရပ်နေရတာ ကြာတော့ ညောင်းရှာရော့မယ်။ ဟိုလူကြီးကတော့ အာဘောင်အာရင်း သန်သန် ရှင်းပြနေတယ်။ ခပ်တည်တည်နဲ့ လူအုပ်ကြားထဲ ရောပြီး နားထောင်လိုက်တယ်၊ ဘာတွေပြောနေတာလဲတော့ မသိဘူး။ :D


ဟန်နရီနဲ့ ကြင်ယာတော် ခြောက်ပါး။ သိပ်မများပါဘူး၊ သူ့လောက်ကတော့ မင်းတုန်းမင်းက ပျင်းအုံးမယ်။ ဘေးက ပုံကလေးက ရဲတိုက်ပရ၀ုဏ် နမူနာ ပုံစံငယ်ကလေး။


ဒါက အတွင်းပိုင်းကနေ လှည့်ပတ်ရိုက်ထားတာ။ အဲဒီ အစိမ်းရောင်လွင်ပြင်ကြီး မြင်တော့ ချောကိုတောင် သတိရမိသေး။ မုန့်ဆိုင်၊ အအေးဆိုင်၊ ရေခဲမုန့်ဆိုင်၊ ကော်ဖီဆိုင်၊ အသားကင်ဆိုင်၊ လက်ဆောင်ပစ္စည်း အမှတ်တရ ရောင်းတဲ့ဆိုင်၊ ပတ်ပတ်လည်မှာ တဲငယ်ကလေးတွေနဲ့။ ကိုယ့်အနေနဲ့ကြည့်ရင် ဈေးကြီးပေမဲ့ လူတွေကတော့ ၀ယ်စားနေကြတာပဲ။ ဘာရမလဲ အားကျမခံ ၀ယ်လိုက်တာပေါ့။ half liter ရေသန့်တဗူး နဲ့ အအေးတခွက်၊ ၃ ပေါင်ကျော် ... ။


ကင်မရာဘက်ထရီ မကုန်မချင်း ရိုက်နေတော့တာပဲ၊ ပိုက်ဆံပေးရတာမှတ်လို့။ ရိုက်လာပြီးမှလဲ ဘလော့မှာ မတင်ရရင် မတန်မှာစိုးလို့ ပုံတွေ ဖောချင်းသောချင်း တင်လိုက်ပါတယ်။ မကြည့်ချင်ရင် ကျော်သွားကြပါ။ ကြည့်ရခက်ရင် ခွင့်လွှတ်တော်မူကြပါ။


ကဲ ... ရဲတိုက်ပေါ် တက်ကြစို့၊ တက်မယ့် လူတွေများလွန်းလို့ တန်းစီရတယ်၊ ဖြည်းဖြည်းတက်၊ နားနားပြီးတက် ... အတက်မတော်ရင် ချော်ကျတတ်တယ်။ အမြင့်ရောက်တော့ အောက်ကိုပြန်ကြည့်ဖြစ်တယ်။ ငါတော်တော် မြင့်ပါလားပေါ့ ... ။



ထပ်တက်ရပြန်တယ်။ တဖြည်းဖြည်း မြင့်မြင့်လာတယ်၊ တဆင့်ချင်း တဆင့်ချင်း၊ ခြေထောက်တော့ အတော်ညောင်းသား၊ အမြင့်ရောက်ချင်တော့လဲ ခြေညောင်းတော့ ခံရမှာပေါ့လေ ... ။


အမြင့်ရောက်ပြန်တော့ ကိုယ်ဘယ်လောက် မြင့်သလဲ သိချင်လို့ အောက်ပဲ ပြန်ပြန်ငုံ့ကြည့်နေမိတော့တာ။ အပေါ်စီးက ကြည့်တယ်ဆိုတာ ဒါမျိုးပေါ့။


ထပ်တက်ရပြန်တယ်၊ ထိပ်ဆုံးမရောက်မချင်း ... ။ နောက်ပြန်ဆုတ်လို့မရဘူး၊ လမ်းတ၀က်ကနေ ပြန်ဆင်းချင်လို့ မရဘူး၊ တက်ပြီးရင် ထိပ်ဆုံးရောက်အောင် ဆက်တက်ရတယ်။ တက်ရတာ မောတော့မောတယ်။ ဒါပေမဲ့လဲ အများနဲ့ အတူတူ တပျော်ကြီး တက်ကြတော့ ပျော်စရာပေါ့။ အဖော်ကောင်းရင် မေဓာဝီက တာဝတိံသာလဲ တက်ရဲပါတယ်။ ခေါ်ချင်တဲ့သူများ ပြောကြပါ :)

...
ထိပ်ဆုံးရောက်ပြီ။ အမြင့်ဆုံး နေရာကနေ ငုံ့ကြည့်ဖြစ်သေးတယ်။ မေဓာဝီတယောက် အောက်ချည်းငုံကြည့်နေတယ် ပြောခံရမှာစိုးလို့ အပေါ်လဲ မော့ကြည့်ပါသေးတယ်။ ကိုယ့်ထက်မြင့်တာ ဘာရှိသေးလဲဆိုတော့ တလူလူလွင့်နေတဲ့ ဗြိတိသျှ အလံရယ် ကောင်းကင်ကြီးရယ် တိမ်တွေရယ် ... ။


အရိပ်၊ အဲဒီထိပ်ဆုံးမှာ မေဓာဝီရှိတယ်။ ကိုယ်က အမြင့်ကြီးပေမဲ့ အရိပ်ကျတော့ မြေပေါ်မှာ ပြားပြားဝပ်လို့။ မြင်မြင်သမျှ အကုန်ရိုက်၊ ဆံပင်မပါတဲ့ ဦးလေးကြီးလဲ ရိုက်၊ လုံချည်မပါတဲ့ အမကြီးလဲ ရိုက်။ :)

...
ပြန်ဆင်းရတော့မယ်။ တချို့က တက်တုံးက ပျော်ပျော်ကြီး တက်ခဲ့ပြီး ပြန်ဆင်းရမှာ ကြောက်နေကြတယ်။ အပေါက်ကျဉ်းကျဉ်း၊ မှောင်မှောင်မဲမဲ၊ လှေခါး ကွေ့ကောက်၊ မကြောက်ပါနဲ့ ရဲရဲသာဆင်း၊ အောက်မှာ သူများတွေကိုတော့ မနင်းမိစေနဲ့ပေါ့။


အောက်ရောက်တော့ တော်တော်လေး မောသွားပြီ။ ခြေထောက်တွေလဲ ကျိန်းလို့၊ သစ်ပင်ရိပ်မှာ ခဏအမောဖြေ။ အရိပ်ထဲမှာတောင် သိပ်မအေးချင်ဘူး။ ပူလိုက်တဲ့နေ ... ။


ရောက်တဲ့လက်စနဲ့ ဘယ်မှ မကျန်အောင် အကုန်သွားတယ်။ ခြေထောက်ကျိန်းလဲ အိမ်ရောက်မှ ဆေးလိမ်းမယ်ပေါ့။ ဇွဲကောင်းတယ် ဒါမျိုးဆိုရင် ... ။


ကဲ ... ပြန်တော့မယ် ... ပြန်အထွက်မှာ ဓာတ်ပုံရိုက်တော့ ၀တ ပတကြီးက ပါလာပြန်တယ်။ ၀တာတွေချည်း ရွေးရိုက်နေတာ မဟုတ်ရပါဘူး။ သူတို့ကိုက ကိုယ့်ရိုက်ကွင်းထဲ ၀င်ဝင်လာတာ။
***
အိမ်ပြန်ရောက်တော့ ခြောက်နာရီ ကျော်ပြီ။ ပျော်လဲပျော် မောလဲမောတဲ့ ဒီရက်ကလေးကို အမှတ်တရ မှတ်တမ်းတင်လိုက်ပါတယ်။ ရောက်ဖြစ်အောင် ခေါ်သွားပေးတဲ့ ညီမငယ် သုသုကိုလဲ ကျေးဇူးအထူး ... ။
***
မေဓာဝီ
၂၈၊ ဇွန်၊ ၂၀၁၁
၁၅း၂၂ နာရီ

Read More...