Saturday, March 23, 2013

ဝေးရာ ...

*
တခါတခါ
ဝေးရာကို
ပြေးခွါသွားချင်ပြီ ... ။

လှောင်ရယ်ခြင်းများနဲ့ ဝေးရာ ...
နှောင်တွယ်ခြင်းများရဲ့ ဝေးရာ ... ။

အားငယ်ခြင်းများနဲ့ ဝေးရာ ...
နားမလည်ခြင်းများရဲ့ ဝေးရာ ... ။

အရှုံးများနဲ့ ဝေးရာ ...
အမုန်းများရဲ့ ဝေးရာ ... ။

အပြစ်များနဲ့ ဝေးရာ ...
အချစ်များရဲ့ ဝေးရာ ... ။
.... .... .... .... ...
.... .... .... .... ...
ဝေးရာ ... ဝေးရာ
အားလုံးနဲ့ ဝေးရာ
သီးခြားကမ္ဘာတခုဆီ
ပြေးခွါသွားချင်ပြီ ... ။
***
မေဓာဝီ
၂၃၊ ၀၃၊ ၂၀၁၃
၁၉း၄၈ နာရီ

Read More...

Friday, March 08, 2013

ကျမရဲ့ နွေ ...


ကံ့ကော်တွေလဲ ပွင့်ပြီ ... ။
ဥသြငှက်တေးသံနဲ့ နွေမနက်ခင်းက ချိုမြပြီ ... ။
မတ်လရဲ့ နေရောင်ခြည်ကလဲ ခပ်ရဲရဲ တောက်ပပြီ ... ။
စာသင်ကျောင်းတွေရဲ့ တံခါးကြီးတွေလဲ ခဏ အနားယူကြပြီ ... ။
ကလေးတွေကတော့ လွယ်အိတ်တွေ ပစ်ချပြီး ကစားကြမှာလား ... နားကြမှာလား ... ။
များသောအားဖြင့်တော့ ခုခေတ် ကလေးတွေဟာ ကျောင်းကြီးပိတ်တာနဲ့ နွေသင်တန်းတွေမှာ ဆက်လက် သင်ယူကြရတယ်။ မိဘတွေကလဲ ကိုယ့်ကလေးတွေ ကျောင်းမပိတ်ခင်ကတည်းက နွေသုံးလအတွက် သင်တန်းတွေ စုံစမ်းကြ အပ်ကြနဲ့ပေါ့ ... ။
***
ကျမတို့ ငယ်ငယ်တုန်းကရော ... ။
ငယ်ငယ်တုန်းက နွေကျောင်းပိတ်ရက်မှာ ဘာလုပ်ကြသလဲ ... ပြန်စဉ်းစားကြည့်တော့ ... ။
စာသင်ကျောင်းကြီးပိတ်ချိန်မှာ ကျမတို့ ညီအစ်မတတွေ ဆော့ရင်း ကစားရင်း အိမ်အလုပ်တွေ ကူလုပ်ရင်း အမေ့ကျောင်းကို တက်ကြရပါတယ်။ အိမ်အလုပ်ဆိုတာကလဲ ညနေဆို ခြံထဲက သစ်ပင်တွေ ရေလောင်းတာတို့ ... မနက်ဖက် ပွင့်တဲ့ စပယ်ပန်းတွေ ခူးသီပြီး ဘုရားကပ်တာတို့ ... တခါတလေ စပါးလုံး ကူရွေးပေးတာတို့ လောက်ပါပဲ။ ဒါပေမဲ့ နေ့လည်နေ့ခင်းဆိုရင်တော့ အမေ့ကျောင်းမှာ အမေနဲ့အတူ စက္ကူအိတ် ကပ်ကြရတယ်။

စက္ကူအိတ်ကပ်တယ်ဆိုတာက ကျမတို့ စာမေးပွဲပြီးသွားလို့ အသုံးမလိုတော့တဲ့ ကျောင်းသုံးဗလာစာအုပ် အဟောင်းတွေကို စက္ကူအိတ်လေးတွေ လုပ်တာကို ပြောတာပါ။ အဲဒီစက္ကူအိတ်တွေကို အမေက ဈေးမှာ သွင်းပေးပါတယ်။ အိတ် ၁၀၀ ဆို ဘယ်လောက် စသဖြင့်ပေါ့။ ဗလာစာအုပ်တွေကို ပိဿာချိန်နဲ့ ရောင်းတာထက် စက္ကူအိတ်လေးတွေ လုပ်ရောင်းတာက ပိုပြီး ပိုက်ဆံရပါတယ်။ နေ့လည် နေ့ခင်း ထမင်းစားပြီးချိန်ဆို ကော်မှုန့်တွေ ကျိုပြီး စက္ကူအိတ်လုပ်ဖို့ ပြင်ကြရတယ်။ စက္ကူအိတ်ကပ်တဲ့ ၀ိုင်းမှာ အမေဦးဆောင်ပြီး ကျမတို့ ညီအစ်မတွေနဲ့ တခါတလေလဲ တခြားအိမ်သားတွေပါ ကြတယ်။ အမေက ကျမတို့ မပျင်းရအောင် စက္ကူအိတ်ကပ်ရင်း ပုံတွေပြောပြတယ်။ များသောအားဖြင့် အမေပြောပြတဲ့ ပုံပြင်တွေက ပုဂံရာဇ၀င်ပါပဲ။

ပုဂံရာဇ၀င် ဒုတ်ထမ်းပြီး ပြောရတယ် ... တဲ့။ ပြောရင်းဆိုရင်း ငြင်းခုန်ကြလို့ ဒုတ်ထမ်း ပြောရတာလား ... ရှည်လျားလွန်းလို့ ဒုတ်ထမ်း ပြောရတာလား ... သေချာမသိပေမဲ့ အမေကတော့ ပုဂံရာဇ၀င်ကို စက္ကူအိတ်ကပ်ရင်း ပြောပြခဲ့ဖူးတယ်။ စက္ကူအိတ်တွေ ကပ်ရင်းနဲ့ ပုံပြင်နားထောင်ရသလို စက္ကူအိတ် ရောင်းရငွေက မုန့်ဖိုး၊ ကာတွန်းစာအုပ်ဖိုးလဲ ရတာမို့ ကျမတို့တတွေ တက်တက်ကြွကြွနဲ့ ... ။

အဲဒီလို ကျမတို့ရဲ့ နွေရာသီတွေမှာ ဆော့ရင်း ကစားရင်း အမေနဲ့ စက္ကူအိတ်ကပ်၊ အိမ်အလုပ်ဝိုင်းလုပ်၊ အဖေ့စာအုပ် ဗီရိုကြီးထဲက စာအုပ်တွေ ရှာဖွေဖတ်ရင်း ကုန်လွန်ခဲ့ရသလို ... အဘိုးနဲ့လဲ အချိန်ကုန်ရပါသေးတယ်။ နွေပိတ်ရက်တွေမှာ အဘိုးက သူ့သားသမီးတွေ ခေတ်က သင်ရတဲ့ Oxford English Reader စာအုပ်ကလေးတွေ ကျမတို့ကို သင်ပေးတဲ့အပြင် ဘုရားစာကိုပါ အင်္ဂလိပ်လို သင်ပေးပါတယ်။ အဲဒီတုန်းကတော့ အဘိုး စာသင်ချိန်ဆို သိပ်စိတ်ညစ်တာပဲ။ ပဉ္စမတန်းမှ အေဘီစီဒီ စသင်ရတဲ့ ကျမတို့ကို story တွေ ဖတ်လို ဖတ်ခိုင်း၊ cause and effect တွေ သင်လိုသင် နဲ့ ဆိုတော့ ဒုက္ခတွေ ရောက်တော့တာပေါ့။

ဒါတွင်မကသေးဘူး အဘိုးက လက်နှိပ်စက် ရိုက်တာ သင်ပေးပါသေးတယ်။ သူ့မှာရှိတဲ့ လက်နှိပ်စက် ၂ လုံးကို ကျမတို့ ညီအမ သုံးယောက် အလှည့်ကျ ရိုက်ရတယ်။ အဘိုးက မလှမ်းမကမ်း ခုံတန်းလျားကနေ အိပ်ပြီး အသံနားစွင့်နေတာ၊ အသံရပ်သွားတာနဲ့ လှမ်းခေါ်တော့တာပဲ။ အဲဒီအချိန်ဆို ကျမတို့တတွေ A S D F ; L K J လို့ အော်ဆိုပြီး လက်နှိပ်စက်ကြီးတွေ တချောက်ချောက် ရိုက်လို့ပေါ့။ အဲဒီတုန်းက လေးငါး ခြောက်တန်းလောက်ပဲ ရှိအုံးမှာ ... ။ နည်းနည်း အသက်ကြီးလာတဲ့ ၇ တန်း ၈ တန်းလောက် မှာတော့ အဖေ့အဘိဓမ္မာသင်တန်း တက်ရတယ်၊ ပရိတ်တို့ ပဋ္ဌာန်းတို့ သင်ရပါတယ်။ အဲဒီတုန်းကတော့ ကျမတို့ မောင်နှမတွေရဲ့ နွေပိတ်ရက်မှာ ... "သောမနဿ သဟဂုတ်" အသံတွေနဲ့ ဝေဆာလို့ ... ။
***
ခုပြန်စဉ်းစားကြည့်တော့ ကျမတို့ ငယ်ဘ၀ရဲ့ နွေပိတ်ရက်ဟာ သင်တန်းဆိုပြီး သတ်သတ်မှတ်မှတ် တက်ရတာ မဟုတ်ပေမဲ့ သင်ယူရင်း လေ့လာရင်း ကျော်ဖြတ်ခဲ့ရတာပါပဲ ... ။ ခုခေတ်မှာတော့ မိဘ ဘိုးဘွားတွေက ကိုယ့်သားသမီး မြေးမြစ်တွေအပေါ် အချိန်ပေးနိုင်မှု အတိုင်းအတာ လျော့နည်းလာတာနဲ့ အမျှ နွေရာသီမှာ သင်တန်းတွေ အသီးသီးပို့ကြရတယ်။ ခေတ်ရဲ့ တောင်းဆိုမှုအရ နွေသင်တန်းတွေလဲ အရင်ကထက် ပိုပြီး အများအပြား ပေါ်လာကြတယ်။ သင်တန်းတွေ များလာတာနဲ့ အမျှ မိဘတွေ အနေနဲ့ ရွေးချယ်ခွင့်တွေ ပိုများသလို ရွေးချယ်ဖို့ရာလဲ ပိုစဉ်းစားကြရပါတယ်။

မိဘတွေအနေနဲ့ အဓိက စဉ်းစားသင့်တာကတော့ သင်မယ့် subject တွေပါ။ ကိုယ့်ကလေးရဲ့ အားနည်းချက် အားသာချက်နဲ့ စိတ်ဝင်စားမှုပေါ် မူတည်ပြီး သင်မယ့်ဘာသာရပ်ကို ရွေးချယ် သင့်ပါတယ်။ နွေရာသီ သင်တန်းတွေမှာ အင်္ဂလိပ်စာ၊ သင်္ချာနဲ့ ကွန်ပျူတာလို ပညာရပ်တွေ အပြင် ပန်းချီ၊ ဂီတ ... စတဲ့ အနုပညာ သင်တန်းတွေ ... ရေကူး၊ ဘတ်စကတ်ဘော စတဲ့ ကိုယ်ကာယ ကြံ့ခိုင်မှု သင်တန်းတွေလဲ ရှိတာမို့ ကိုယ့်ကလေးနဲ့ အဆင်ပြေတာကို ရွေးချယ်နိုင်ပါတယ်။

နောက်တခုက ကျောင်းရဲ့ တည်နေရာ ... ။ တချို့မိဘတွေက ကိုယ့်အိမ်နဲ့ နီးတဲ့ ကျောင်း၊ သွားရေးလာရေး အဆင်ပြေတဲ့နေရာတွေကို ဦးစားပေး ရွေးချယ်ကြပါတယ်။  ဒါပေမဲ့ အခြေအနေအရ ကိုယ့်ကလေးကို နိုင်ငံရပ်ခြားတောင် လွှတ်ပြီး ကျောင်းထား ကြရတာမို့ တချို့ကလဲ တည်နေရာကို သိပ် မကြည့်ကြပါဘူး။

facilities နဲ့ service ... ကလဲ အရေးကြီးတာပါပဲ။ နွေရာသီလို ပူပြင်းတဲ့ အချိန်မှာ ကိုယ့်ကလေးတွေ အေးဆေးသက်သာစွာ သင်ကြားနိုင်ဖို့ သင့်တင့်လျောက်ပတ်တဲ့ ပတ်ဝန်းကျင် အခြေအနေ ပေးနိုင်တဲ့ ကျောင်းမျိုးဖြစ်သင့်သလို ကလေးတွေကို ဂရုစိုက် ကြည့်ရှုပေးတဲ့ ကျောင်းမျိုးကိုလဲ ရွေးချယ်ဖို့ လိုအပ်ပါတယ်။


ပြီးခဲ့တဲ့ မတ်လ ၄ ရက်မှာတော့ ကျမတို့ရဲ့ ကျောင်းလေးမှာ နွေရာသီ သင်တန်းတွေ စပြီးဖွင့်ခဲ့ပါတယ်။ ကျမတို့ ကျောင်းမှာ ကလေးတွေအတွက် နွေရာသီသင်တန်းတွေ ဖွင့်ခဲ့တာ ၁၀ နှစ်နီးပါး ရှိခဲ့ပါပြီ။ ကလေးတွေရဲ့ လိုအပ်ချက်နဲ့ မိဘတွေရဲ့ လိုလားချက် ကိုက်ညီမှုရှိအောင် အတတ်နိုင်ဆုံး ကြိုးစားပြီး သင်ကြားပေးပါတယ်။

 
ဒီနှစ်မှာတော့ တခြား subjects တွေအပြင် ကျမက Environmental education ကိုပါ တချိန် ထည့်ပြီး သင်ပေးပါတယ်။ Save the Earth ဆိုတဲ့ သီချင်းလေးကို သံပြိုင်သီဆိုကြရင်း ကိုယ်တယောက်ထဲအပြင် ကိုယ့်သူငယ်ချင်းတွေ ကိုယ့်မိသားစုတွေပါ လက်တွဲပါဝင်ဖို့ ကလေးတွေကို ဆွဲဆောင်ခဲ့တယ်။ Reduce, Re-use, Recycle ဆိုတဲ့ ဆောင်ပုဒ်လေးကို ရှင်းပြရင်း ကျမတို့ ငယ်ငယ်က စက္ကူအိတ် ကပ်ကြတဲ့ အကြောင်း သူတို့ကို ပြောပြရပါသေးတယ်။ အဲဒါကလဲ Re-use and recycle ပဲ မဟုတ်လား ... ။
 

ကျမတို့ရဲ့ အဓိက ဦးတည်ချက်ကတော့ ကလေးတွေ နွေရာသီမှာ စိတ်ဖိစီးမှု မရှိစေဘဲ လွတ်လပ်ပေါ့ပါးစွာ ဆော့ကစားရင်း သိသင့် သိထိုက်တဲ့ သင်ခန်းစာတွေ သင်ယူနိုင်ဖို့ပါပဲ။ တနှစ်လုံး ကျောင်းသင်ခန်းစာတွေနဲ့ စိတ်ရှုပ်ထွေးခဲ့ရတဲ့ ကလေးတွေအတွက် နွေတနွေမှာတော့ လွတ်လပ်ပေါ့ပါး သင့်တယ် မဟုတ်လား ... ။


ဆော့ရင်း ကစားရင်း စာသင်ကြရတာမို့ ကလေးတွေ ပိုပျော်ကြသလို အချင်းချင်း ရင်းနှီးမှုလဲ ပိုရှိကြတယ်၊  သင်လိုက်တဲ့ စာကိုလဲ ပိုပြီး စွဲမြဲမှတ်မိစေပါတယ်။


ကျောင်းသားတွေထဲမှာ ၅ နှစ်ကျော် ၆ နှစ်အရွယ် ကလေး သေးသေးလေးတွေလဲ ပါတာကြောင့် ငြင်းကြ ခုန်ကြ အော်ဟစ်ကြတာမျိုးလဲ ရှိပါရဲ့။ ကလေးဆိုတာ စိတ်ထဲရှိတာ ပြောတတ် လုပ်တတ်ကြတာပဲ ... ကျမတို့ စိတ်ရှည်ရှည်နဲ့ နားလည်ပေးရမယ် မဟုတ်လား ... ။


ပူလောင်တဲ့ နွေကို အံတုရင်း ကံ့ကော်ရိပ်မှာ ချွေးသိပ်ကြရတယ်။ ကျောင်းသားတွေရော ဆရာ ဆရာမတွေပါ ... တပျော်တပါး ... ။

***
ကျမတို့ ငယ်ငယ်တုန်းက အဘိုးသင်ပေးတဲ့  English for Buddhism နဲ့ ကြီးပြင်းလာခဲ့သလို ခုကလေးတွေကိုလဲ နွေရာသီမှာ English for Buddhism သင်တန်းလေး ဖွင့်ပေးဖို့ စီစဉ်ထားပါတယ်။ အဲဒီသင်တန်းကတော့ မနက်ဖြန် (မတ်လ ၉ ရက်) ကစပြီး စနေ တနင်္ဂနွေ ၉ ပတ်တိတိ (မေလ ၁၉ ရက်ထိ) သင်ကြားပေးပါမယ်။ ပြီးခဲ့တဲ့ သီတင်းကျွတ် ကျောင်းပိတ်ရက်တုန်းကတော့ ၉ ရက်သာ သင်ခဲ့ရပေမဲ့ အခု နွေပိတ်ရက်မှာ ၁၈ ရက် သင်မှာပါ။ ထုံးစံအတိုင်း ဒီသင်တန်းကို ပညာဒါန သင်ပေးမှာ ဖြစ်ပါတယ်။ ဆရာဦးသန့်စင် (ဘလော့ဂါကိုမင်းထက်) အပါအ၀င် ဘုန်းဘုန်း ၂ ပါးနဲ့ တခြားဆရာများက သင်ပေးကြပါမယ်။

 
ဒါကတော့ သီတင်းကျွတ်ပိတ်ရက်မှာ ဖွင့်ခဲ့တဲ့ English for Buddhism သင်တန်းဆင်း လက်မှတ်ပေးပွဲ နဲ့ ဆုပေးပွဲ အခမ်းအနားပါ။ ပြီးခဲ့တဲ့ ဒီဇင်ဘာလတုန်းက အင်းလျားလမ်းက စိမ်းလမ်းစိုပြေမှာ ပြုလုပ်ခဲ့ပါတယ်။ 
 
 
သင်တန်းပြီးတဲ့နေ့မှာ သူတို့ကို level အလိုက် test လေးလုပ်ပေးပြီး ပထမ ဒုတိယ တတိယ အသီးသီး ဆုတွေ ပေးခဲ့တယ်။  

 
သင်တန်းဆင်းပွဲနေ့က Buddhism သီချင်းတွေကို ကလေးတွေ သံပြိုင် ညီညာ သီဆိုဖျော်ဖြေခဲ့ကြတယ်။
***
ကျမတို့ရဲ့ English for Buddhism သင်တန်းလေးက အောင်မြင်တယ်လို့ ဆိုရပါမယ်။ ကျောင်းသားတွေ မိဘတွေ အားလုံး ကျေနပ်ကြတဲ့အပြင် ဒီသင်တန်းအကြောင်း နောက်မှသိတဲ့သူတွေလဲ လိုအပ်တာရှိရင် ကူညီပံ့ပိုး ပေးချင်ပါတယ်လို့ ကမ်းလှမ်းလာကြပါတယ်။ MRTV 4 ကလဲ လာရောက်ရိုက်ကူးသွားပြီး For Edu အစီအစဉ်က ထုတ်လွှင့်ပြသပေးတဲ့အတွက် သိတဲ့သူ ပိုများလာပါတယ်။ အဲဒီအတွက်လဲ MRTV 4 ကို ကျေးဇူးတင်ပါတယ်။
 
အခု နွေကျောင်းပိတ်ရက်မှာ ကလေးတွေ ဘ၀တသက်တာအတွက် သင်ယူသင့်တဲ့ သင်ခန်းစာတွေအပြင် သံသရာအတွက် အကျိုးရှိစေမယ့် ဘာသာရေး အသိလေးတွေပါ နှလုံးသားထဲမှာ ကိန်းအောင်း လာစေဖို့ ... ဒီသင်တန်းလေးကို ကြိုးစားပြီး ဖွင့်လှစ်ဖို့ အပင်ပန်းခံပြီး စီစဉ်ကြရတာပါ။ တနင်္လာကနေ သောကြာထိ ဖွင့်နေကျ Summer School အပြင် စနေ တနင်္ဂနွေမှာ English for Buddhism ပါ ဖွင့်မယ်ဆိုတော့ ဒီနွေ သုံးလမှာ ကျမကတော့ နားရက်မရှိ၊ ပိတ်ရက်မရှိ လှုပ်ရှား ရပါအုံးမယ်။
 
ဘယ်လိုပဲ ပင်ပန်းပင်ပန်း ကျမကတော့ ကိုယ်လုပ်နိုင်တဲ့အချိန်မှာ လုပ်သင့်တာရော လုပ်ချင်တာပါ တထပ်တည်းကျအောင်  လုပ်နေနိုင်တဲ့အတွက် နွေနေပူပေမယ့် ပီတိတွေနဲ့ ရင်ထဲမှာ အေးမြလို့ နေပါတော့တယ်။
***
မေဓာဝီ
၈၊ ၀၃၊ ၂၀၁၃
၁၄း၀၀ နာရီ

Read More...