WE or ME???

“ကျနော် ကျောင်းဆက်မတက်တော့ဘူး …ကျောင်းထွက်ခွင့်ပေးပါ”
အမေရိကန်နိုင်ငံ ဆေးပညာသင် တက္ကသိုလ်တခုရဲ့ ပါမောက္ခရုံးခန်းထဲကို ကျောင်းသားတယောက် ရုတ်တရက်ဝင်လာပြီး ပါမောက္ခကြီးကို အဲဒီလို ပြောလိုက်ပါတယ်။
“ဘယ်လိုဖြစ်တာလဲ …ကျောင်းပြီးခါနီးနေမှတပည့်ရယ် … မင်းလို စာတော်တဲ့သူတယောက် တို့ကျောင်းမှာ မဆုံးရှုံးစေချင်ဘူး .. ငါ့တပည့် ဘာပြဿနာရှိလဲ၊ ဆရာ့ကို ပွင့်ပွင့်လင်းလင်းပြောပါ”
“ဒီလိုပါ ဆရာကြီး … ကျနော်တို့ တိုင်းပြည်မှာရှိတဲ့ ကျနော်တို့လူမျိုးတွေဟာ သန်မာ ထွားကျိုင်းပြီး ကျန်းမာရေးနဲ့ ပြည့်စုံကြပါတယ်၊ ဒါပေမဲ့ သူတို့မှာ အသိဥာဏ်တော့မရှိဘူး၊ တကယ်တမ်း သူတို့လိုအပ်နေတာ အသိဥာဏ်ပါ၊ ကျနော်ဒီမှာ ဆေးပညာသင်ပြီးနောက် … ကျနော်တို့ လူမျိုးတွေကို ဆေးကုသပေးတာထက် အသိပညာ ဖြန့်ဖြူးပေးဖို့က ပိုပြီး အရေးတကြီး လိုအပ်ပါတယ်၊ ဒါကြောင့် ကျနော် ဆရာဝန်မလုပ်တော့ဘူး၊ လူတွေကို အသိပညာပေးဖို့ ကျနော့်တိုင်းပြည်ကို ကျနော်ပြန်ရပါမယ် ဆရာကြီး”
“ငါ့တပည့် … စဉ်းစားပါအုံးလေ”
“ကျနော် ဆုံးဖြတ်ပြီးပါပြီ”
“ …. …. ….”
***
လွန်ခဲ့သော နှစ်ပေါင်းများစွာက ဒီအဖြစ်အပျက်လေးဟာ တကယ်ကို ဖြစ်ပွါးခဲ့ပါတယ်။ ကျောင်းထွက်သွားတဲ့ ကျောင်းသားဟာ တရုတ်လူမျိုး လူရွှန်း ဆိုသူပါ။
သူဟာ အမေရိကန်နိုင်ငံမှာ ဆေးပညာသင်ယူနေစဉ် တနေ့ သူတို့ သင်ခန်းစာမစခင် ကမ္ဘာအရပ်ရပ်က သတင်းအတိုအထွာလေးတွေ ပြနေတဲ့အချိန် ဘာကိုသွားတွေ့သလဲဆိုတော့ တရုတ်ပြည်ကြီးမှာ သူတို့ တရုတ်လူမျိုးတွေကို ဂျပန်စစ်သားတွေက ခိုင်းစေနေတဲ့ သတင်း အပိုင်းအစလေးကို ရုတ်တရက် ကြည့်လိုက် ရပါတယ်။ သန်မာ ထွားကျိုင်းတဲ့ တရုတ်လူမျိုးတွေဟာ ပုသေးသေး ဂျပန်တွေရဲ့ လက်နက်နဲ့ ခြိမ်းခြောက် စေခိုင်းခြင်းကို ခံနေရတာ မြင်လိုက်ရတော့ သူ့စိတ်ထဲ ခံပြင်းခြင်း၊ ရှက်ရွံ့ခြင်း၊ ၀မ်းနည်းခြင်းတွေ ရောထွေးပြီး ထိုင်ရာက ၀ုန်းကနဲ ထထွက်သွားလိုက်တယ်။
သူ့အခန်းထဲရောက်တော့ ၀တ်ထားတဲ့ ဂျူတီကုတ်ကို ဆွဲချွတ်၊ အခန်းထောင့်တနေရာကို လွှင့်ပစ်လိုက်ပြီး ချက်ချင်းပဲ သူ့ဆရာ ပါမောက္ခကြီးရဲ့ ရုံးခန်းကို ၀င်သွားခဲ့ပါတယ်။
***
ဒီလိုနဲ့ နောက်ဆုံးတော့ သူ့ဆန္ဒအတိုင်း ကျောင်းထွက်လိုက်ပြီး တရုတ်ပြည်ကိုပြန်၊ စာရေးဆရာလုပ်ရာက၊ တရုတ်စာရေးဆရာကြီး လူရွှန်းဆိုပြီး တချိန်က အင်မတန် နာမည်ကြီးခဲ့ပါတယ်။ လူထုဘက်က ရပ်တည်တဲ့ စာရေးဆရာ၊ လူထုကို ကိုယ်စားပြုတဲ့ စာရေးဆရာ၊ လူထုကို အသိပညာပေးတဲ့ စာရေးဆရာတယောက်ပေါ့။
***
ဒီအကြောင်းလေးကို ကျမ ငယ်ငယ်ထဲက အဖေခဏခဏပြောပြလို့ အားကျစိတ်နဲ့ စွဲစွဲမြဲမြဲ မှတ်မိနေခဲ့တယ်။
ဖွံ့ဖြိုးဆဲ၊ ဖွံ့ဖြိုးစ၊ ဖွံ့ဖြိုးရန်တာစူနေတဲ့ တိုင်းပြည်နိုင်ငံတခုက လူတွေအတွက် အသိဥာဏ်ရှိဖို့ အရေးကြီးတယ် ဆိုတာ သိခဲ့ရတဲ့အပြင် ဒီလို လူတွေကို အသိတရားပေးဖို့အတွက် စာပေဟာ အရေးပါတဲ့ ကဏ္ဍတခုလို့လည်း အသိစိတ်ထဲ အမြဲရှိနေခဲ့တယ်။
ကျမ အလွန်လေးစား အားကျတဲ့ စာရေးဆရာမကြီး ဂျာနယ်ကျော်မမလေးဟာလည်း ဆေးကုသရေးနဲ့ စာပေရေးသားထုတ်လုပ်ရေး အလုပ်နှစ်ခုကို ဒွိဟဖြစ်ခဲ့ဖူးတယ်။ နှစ်ခုစလုံးက ကောင်းတဲ့ အလုပ်၊ မွန်မြတ်တဲ့ အလုပ်တွေပါပဲ။ သေချာစဉ်းစားကြည့်မယ်ဆိုရင်တော့ … ဂျာနယ်ကျော်မမလေး ကွယ်လွန်သွားတဲ့ နောက်ပိုင်း ဆေးမကုသနိုင်တော့ပေမဲ့ သူ့စာတွေကတော့ ဒီနေ့အထိ ရှင်သန်နေဆဲ။

ဆေးတလုံးဟာ လူတယောက်အသက်ကိုသာ ကယ်နိုင်ပေမဲ့ စာတပုဒ်ဟာ လူပေါင်းများစွာရဲ့ ဘ၀ကို ကယ်တင်နိုင်ပါတယ်။
ဒါကိုငယ်ငယ်လေးထဲက စိတ်ထဲစွဲနေတဲ့ ကျမဟာ လူတွေကို အသိတရားဖြန့်ဝေပေးနိုင်တဲ့သူတယောက် ဖြစ်ချင်ခဲ့ပါတယ်။
ဒါပေမဲ့ တကယ်တမ်းလက်တွေ့မှာတော့ …
……………………….
……………………….
……………………….
ခုချိန်ထိ ဘာမှလည်း ဖြစ်မလာသေးပါဘူး။
***
ကျမကို “ကိုအမြဲစိမ်းစတိဗ်” က ကွန်မန့်ထဲမှာ “Why are you there?” ဆိုတဲ့ မေးခွန်းထုတ်တော့မှ ကျမ ကိုယ့်ကိုယ်ကို ပြန်သုံးသပ်ကြည့်မိပါတယ်။

ကျမ ဘာလို့ ဒီမှာနေနေတာလဲ။
အခွင့်အရေး တစုံတရာ ရှိနေလို့လား၊
အများအတွက် တစုံတရာ လုပ်ဆောင်ပေးနေရလို့လား၊
ဒါမှမဟုတ် ရေသာခို လှေကြုံလိုက်ရင်း ရောယိမ်းလိုက် ဘာသာယိမ်းလိုက် ဆိုတဲ့ အထဲမှာပါဝင်နေသူလား၊
ကိုယ့်ကိုယ်ကို မေးခွန်းတွေထုတ်မိတယ်။ ဆက်ပြီး စဉ်းစားမိတာက ….
တကယ်လို့ နိုင်ငံရပ်ခြား တိုင်းတပါးကို သွားခွင့်ရမယ်ဆိုရင်ရော … ဒီတိုင်းပြည်ကို စွန့်ခွါသွားမှာလား၊
သွားမယ်ဆိုရင် ဘာအတွက် သွားမှာလဲ၊
ကိုယ်လွတ်ရုန်းဖို့လား …
ဒါမှမဟုတ် …
…. …. ….

သူ့ရဲ့ တပ်လှန့် မေးခွန်းတခုကြောင့် အဲဒီလိုတွေ တသီတတန်းကြီး ကျမ စဉ်းစားမိပါတယ်၊
ကျမကဲ့သို့သော …မြန်မာပြည်မှာ နေထိုင်နေသူတွေ … ဘာအတွက် နေနေကြတာလဲ၊
အကြောင်းအမျိုးမျိုးကြောင့် မြန်မာပြည်ကိုခွဲခွါပြီး တိုင်းတပါးရောက်နေသူတွေ …
ဘာအတွက်သွားနေကြတာလဲ၊
မိမိအတွက်လား … အများအတွက်လား။
***
သေချာတာတခုကတော့ ဂျူတီကုတ် လွှင့်ပစ်ပြီး ကလောင်ကိုင်ခဲ့တဲ့ လူရွှန်းလို စိတ်ဓာတ်မျိုးရှိသူတွေ ကျမတို့ နိုင်ငံမှာ အများကြီး လိုအပ်နေပါသေးတယ်။
***
လွန်ခဲ့တဲ့ ၁ နှစ် ၂ နှစ်လောက်က ကြည့်ခဲ့ရတဲ့ ‘တခါကဧရာဝတီညများ’ ဆိုတဲ့ရုပ်ရှင်ဇာတ်ကားထဲက စကားတချို့ နှစ်သက်လွန်းလို့ ခုထိ မှတ်မိနေပါတယ်။ ဂျူးရဲ့ စကားဆိုပါတော့။
စကားလုံးအတိအကျမဟုတ်ပေမဲ့ ဆိုလိုရင်းမပျက်စေရအောင် မှတ်မိတဲ့အတိုင်း ပြန်ရေးပြပါမယ်။
“အရင်ခေတ်ကလူတွေဟာ ငါတို့ တိုင်းပြည်ကို ငါတို့က ဘာလုပ်ပေးနိုင်မလဲ ဆိုတဲ့ (we) ဘက်က စဉ်းစားပေးကြတယ်၊ ခုခေတ်လူတွေကတော့ ငါ့ကို တိုင်းပြည်က ဘာလုပ်ပေးနိုင်မှာလဲ ဆိုတဲ့ (me) ဘက်ကသာ တွေးတော စဉ်းစားကြတော့တယ်”

ကျမတို့ရော … ဘယ်ဘက်က စဉ်းစားကြပါသလဲ။
ဘယ်ဘက်က စဉ်းစားကြမှာလဲ …။
WE လား??? ME လား???
***
(ဒီစာကို ရေးဖြစ်အောင် ဖန်တီးပေးသော ကိုအမြဲစိမ်းစတိဗ် အား ကျေးဇူးတင်ရှိပါကြောင်း။)

မေတ္တာဖြင့်

မေဓာဝီ
29.12.06
11:07pm

(ဒီစာကို ၂၉ ရက်ညကတည်းက ရေးပြီးပေမဲ့ အင်တာနက် ကွန်နက်ရှင်မရလို့ ဒီနေ့မှ တင်လိုက်ရပါတယ်။)

အမှားပြင်ဆင်ချက်။ ။ လူရွှန်းအကြောင်းရေးတဲ့နေရာမှာ လူရွှန်း ဆေးပညာသင်ခဲ့တာ အမေရိကန်တက္ကသိုလ်လို့ ကျမ အမှတ်မှားခဲ့မိပါတယ်။ အမှန်တကယ်က ဂျပန်တက္ကသိုလ်ဖြစ်တယ်ဆိုတာကို “ကိုPrince” က အထောက်အထားခိုင်လုံစွာပြောပြခဲ့ပါတယ်။ ဒါကြောင့် ဂျပန်တက္ကသိုလ်လို့ ပြန်ပြင်ဖတ်ပေးကြပါ။
အမှန်ပြင်ပေးခဲ့သော ‘ကိုPrince’ အား အထူးကျေးဇူးတင်ပါတယ်ရှင်။