Monday, June 19, 2017

အမိမြန်​မာပြည်​ သို့

***
ခြေလှမ်းတိုင်းမှာ
အားမာန်ပါ၏။
 အကြည့်တိုင်းမှာ
မေတ္တာ လွှမ်းဖုံး
အပြုံးတိုင်းမှာ
ကရုဏာဆင်
ပြည့်မိခင်သည်
သက်ရှည် ကျန်းမာပါစေသောဝ် ... ။ 
***



မေဓာဝီ
၁၉ ဇွန်​ ၂၀၁၇
၅း၄၅ နာရီ

Read More...

Friday, June 16, 2017

အလွမ်း မိုးရေစက်များ

... ... ... 

တစက် နှစ်စက်
မိုးရေစက်လည်း
စည်းချက် မှန်မှန်
ညတေးသံ။

တရွက် နှစ်ရွက်
စိမ်းသစ်ရွက်လည်း
မိုးသည်းလေထန်
ချမ်းအေးဟန်။

တရက် နှစ်ရက်
ရေကာတွက်လည်း
မျှော်ဆဲသူ့ထံ
လွမ်းဆွေးပြန်။ 
***
မေဓာဝီ
16.06.16

Read More...

Friday, June 02, 2017

မိုးတိမ်များနဲ့ ညနေခင်း



တိမ်ဖြူဖြူ တအုပ်
ခပ်သုတ်သုတ် မျောလွင့်
စိမ်းရင့်ရင့် ရွက်လွှာ
ပိတ်သိမ်းချိန် တန်တဲ့အခါ
တံတျာတေ တေးသွားနဲ့
ငှက်များလည်း အိပ်တန်းပြင်လေတော့တယ် ... ။ ... ။ 
***

မေဓာဝီ
၂ ဇွန် ၂၀၁၄

Read More...

Wednesday, May 31, 2017

နှင်းစီးဖိနပ်လေး တရန်


Faces Magazine 2017 May



နှင်းစီးဖိနပ်ကလေး တရန်
***

 
“Spare change, please!”

Tesco Supermarket မှ အထွက် ထိုအသံကို ကြားလိုက်ရသဖြင့် မာရီယာ ဖျတ်ခနဲလှမ်းကြည့်လိုက်မိသည်။ အကြိမ်ကြိမ်အခါခါ မျှော်လင့်ထားသည့် အတိုင်းပင် သူ မဟုတ်ခဲ့။ ပိုက်ဆံအကြွေအိတ်ထဲမှ စတာလင်တပေါင်တန် အကြွေစေ့လေးတစေ့ကို ထိုသူ၏လက်ထဲထည့်ရင်း သက်ပြင်းဖွဖွ ချမိသည်။ ကျေးဇူးတင်စကားသံက မာရီယာ့ အနောက်တွင် တိုးညင်းစွာ ကျန်ခဲ့၏။ “Spare change, please!” တဲ့ … ။ ထိုအသံကြားတိုင်း မာရီယာ့စိတ်တွေ မလုံမလဲနှင့် တစုံတယောက် ဖြစ်လိမ့်နိုးနိုး အမြဲရှာဖွေမိသည်မှာ ကြာခဲ့လေပြီ။

မာရီယာက ဈေးဝယ်ထားသည့် တွန်းလှည်းလေးကို ကားရပ်နားရာဆီသို့ ခပ်သုတ်သုတ်တွန်းနေရင်း ကိုယ့်ခြေထောက်အစုံကို ယောင်ယမ်း၍ ငုံ့ကြည့်လိုက်မိသည်။ ဂျင်းဘောင်းဘီအပြာနှင့် တွဲဖက်ဝတ်ဆင်ထားသော လမ်းလျှောက်ဖိနပ် မီးခိုးရောင်ကလေး … ။

လမ်းများစွာလျှောက်လှမ်းဖို့ ဖိနပ်ကလေးတရန်က လူတိုင်းအတွက် မဖြစ်မနေလိုအပ်သည်။ ခြေလှမ်းတိုင်း လုံခြုံဖို့ရာ အတွက် ခိုင်မာသည့် ဖိနပ်ကလေးလည်း ဖြစ်ရမည် … မဟုတ်လား။

ဆောင်းလေအေးတချက် အဝေ့မှာ မာရီယာ့ဆံနွယ်တွေ ဝဲလွင့်သွားသည်။

“သြော် …. တဆောင်းသစ်ပြန်ပြီပဲ …” 

မာရီယာ့အတွေးများက လွန်ခဲ့သောနှစ်များစွာက ဆောင်းတညဆီသို့ … ။
***
အေးမြသော ဒီဇင်ဘာလ၏ ညတည။

မာရီယာ့အလုပ်၏ ခရစ်စမတ်ပါတီပွဲကို မြို့ကလေးရှိ စားသောက်ဆိုင်တစ်ဆိုင်တွင် ကျင်းပခဲ့ကြသည်။ မာရီယာက ဒီမြို့ကလေးသို့ ပြောင်းရွှေ့လာခဲ့သည်မှာ ၆ လ ခန့်သာ ရှိသေးသည်။ ထိုမြို့ကလေးက ဗြိတိန်နိုင်ငံ ယော့ခ်ရှားနယ် အနောက်ပိုင်းရှိ မြို့ငယ်လေး။ မြို့ကလေးက သေးငယ်သော်လည်း တောင်ကုန်း တောင်တန်း လေးတွေ လမ်းကလေးတွေက အနိမ့်အမြင့်တွေနှင့်မို့ နေချင့်စဖွယ်။ အလုပ်ရှိရာ ထိုမြို့ကလေးသို့ ရောက်၍ သိပ်မကြာခင်မှာပင် မြို့ကလေးကို ချစ်ခင် ကျွမ်းဝင်သွားခဲ့သည်။ ဒေသထွက် ကျောက်အုတ်တွေနှင့် ဆောက်ထား သည့် အဆောက်အဦ ညိုညိုလေးတွေက မိဘများရှိရာ မာရီယာ့ ဇာတိချက်ကြွေ Midlands မြေနှင့် ကွာခြားသည့် အချက်တချက်ပင်။

ဒီမြို့ကလေးရောက်မှ ပထမဆုံးကြုံရသည့် ခရစ်စမတ်ပါတီအတွက် မာရီယာ အနည်းငယ် စိတ်လှုပ်ရှားမိ သေးသည်။ ခရစ်စမတ်ပါတီဆိုလျှင် ဝတ်လေ့ရှိသော အနီရောင် အစိမ်းရောင် စသည့် အရောင်တွေကို ငြီးငွေ့နေပြီမို့ မာရီယာက စိန်ပွင့်လို တလက်လက်တောက်ပနေသည့် ကျောက်ကလေးတွေ စီထားသည့် ခရမ်းရောင် dress ပေါ်မှာ သားမွေးကုတ် အဖြူရောင်လေး ထပ်ဝတ်ဆင်ခဲ့သည်။ ဖိနပ်ကတော့ လွန်ခဲ့သည့် ၂ နှစ်လောက်က ဝယ်ခဲ့သော ခရမ်းဖျော့ရောင် ကြိုးသိုင်း ခွါချွန် ဖိနပ်အမြင့်ကလေး။

အလုပ်ထဲမှာ စာရွက်တွေ ဖိုင်တွေ ကွန်ပျူတာထဲက ကိန်းဂဏန်းတွေနှင့်သာ ခေါင်းမဖော်တမ်း အလုပ်ရှုပ်ခဲ့ရသော မာရီယာတို့လို ငွေစာရင်းဌာန ဝန်ထမ်းများအတွက် ဒီလိုပါတီပွဲလေးတွေက စိတ်ဖိစီးမှုတွေ ပြေလျော့စေသည့်အပြင် အချင်းချင်းလည်း ရင်းနှီးမှု နားလည်မှု ပိုရစေ၏။

“ဂွတ်အီးဗနင်း မာရီယာ … မင်း ဒီနေ့ သိပ်လှတာပဲ”

“ကျေးဇူးပါကွယ် … ဂွတ်အီးဗနင်းပါ၊ မင်းလည်း ခန့်ညားနေတာပဲ အိုင်ဗင်၊ မင်းတို့နဲ့ လိုက်ဖက်အောင် ကိုယ်က ခုလို ပြင်ဆင်ခဲ့ရတာလေ”

“ဟား ဟား ဟား”

အချင်းချင်း နှုတ်ဆက်သံ ရယ်မောသံ၊ ဖန်ခွက်ချင်း ထိခတ်သံ၊ ဇွန်းသံ ခက်ရင်းသံ၊ သီချင်းသံတို့ဖြင့် ပါတီပွဲလေးက သက်ဝင်လှုပ်ရှားနေသည်။ လက်ဆောင်ပစ္စည်းတွေ လဲလှယ်ချိန်မှာတော့ ပြုံးပျော် ရယ်မောသံ ကျေးဇူးစကားသံ တို့ဖြင့် ဝေဝေဆာဆာ။ ထိုအခိုက် မာရီယာ့ လုပ်ဖော်ကိုင်ဖက် ခရစ်စတင်းက ပြတင်းပေါက်ကို လှမ်းကြည့်ရင်း …

“ဟေး … အပြင်မှာ နှင်းတွေကျနေပြီကွ”

“ဝိုး …. နှင်းတွေ နှင်းတွေ …”

သီရိလင်္ကာသူလေး ရှီဟာနာ က နှင်းတွေမြင်တော့ ခုန်ပေါက်ဝမ်းသာပြီး စားသောက်ဆိုင် အပြင်ဘက်သို့ ပြေးထွက်ကာ နှင်းပွင့်ဖတ်တွေနှင့် ဆော့ကစား၍ နေသည်။ သူ့ဘဝမှာ ပထမဆုံးကြုံရသည့် နှင်းတွေ ဖြစ်မည်။ ကြာလာလျှင် သူလည်းပဲ နှင်းတွေကို ရိုးအီ စိတ်ပျက်သွားမှာပါ။

“မနက်က မိုးလေဝသ သတင်းမှာ ပြောထားသားပဲ၊ ဒီည နှင်းကျရင် ကျမယ်၊ မကျရင် မကျဘူးတဲ့ ဟားဟား” စတိဗ်က ရယ်ဟဟ ဆိုသည်။ ဘယ်တော့မှ အစိုးမရသော ဗြိတိန်နိုင်ငံ၏ ရာသီဥတုကြောင့် မိုးလေဝသ သတင်းကြေငြာ သူတွေလည်း ရယ်ပွဲဖွဲ့ ခံကြရသည်။ တခါတရံ တနေ့ထဲနှင့် မိုးလည်းရွာ၊ နေလည်းသာ၊ နှင်းလည်း ကျတတ်သည် မဟုတ်လား။ ဒီထက်ပိုပြီး နောက်ထပ် ဘာများ ဖြစ်ချင်ပါသေးလဲ … ။

***
လက်ကျန်ဝိုင်အနီတခွက်ကို နောက်ဆုံးအနေနှင့် မော့သောက်လိုက်စဉ် ခေါင်းထဲမှာ ရီဝေဝေ … ။ ပျော်သည် … ပေါ့ပါး လွတ်လပ်သည် … ။ နက်ဖြန်က ရုံးပိတ်ရက်လေ … ဒီည မာရီယာ စိတ်ကြိုက် သောက်မှာပေါ့။

ရှီဟာနာက ဆိုင်ထဲသို့ ပြန်ပြေးဝင်လာရင်း …

“မာရီယာရေ … နှင်းတွေ တော်တော်ကျနေပြီကွ၊ စတိဗ်ရဲ့ စက်ဘီးတော့ နှင်းပုံထဲ နစ်နေပြီ ဒီမှာကြည့်စမ်း၊ တို့ ဓာတ်ပုံရိုက်ယူလာတာ၊ တို့လည်း ခဏနေ ပြန်မှနဲ့ တူတယ်၊ မင်းရော ဘယ်ချိန်ပြန်မလဲ”

“ကိုယ်လည်း မကြာခင်ပြန်တော့မှာ ရှီဟာနာ … ကားက ရုံးက ကားပါကင်မှာ ရပ်ထားတယ်။ ဒီအတိုင်းဆို ကားနဲ့ ပြန်လို့ မဖြစ်တော့ဘူး၊ ကိုယ် လမ်းလျှောက်ပဲ ပြန်တော့မယ်”

အပူချိန် ရုတ်တရက် လျော့ကျသည့်အခါ ကတ္တရာလမ်းပေါ်မှာ black ice ဟုခေါ်သော မမြင်ရသည့် ရေခဲလွှာ ပါးလေးတွေ ဖုံးတတ်သည်မို့ ကားမောင်းရတာ အန္တရာယ်များသည်။ ရုံးနှင့် ကပ်လျက်ရှိသော စားသောက်ဆိုင်ကို ရွေးချယ်ခဲ့သည်မှာ ကံကောင်းသည်ဆိုရမည်။ ရုံးမှ မာရီယာ့အိမ်သို့ လမ်းလျှောက်ပြန်လျှင် နာရီဝက်ခန့်သာ ကြာ၏။

“တခါတလေတော့လည်း နှင်းတွေထဲ လမ်းလျှောက်ပြန်ရတာပေါ့လေ …”

“မာရီယာ … ပြန်တော့မှာလား … မင်းသောက်ထားတာဆိုတော့ ကားမောင်းလို့ မဖြစ်ဘူးထင်တယ်၊ ကိုယ်နဲ့ လိုက်ခဲ့မလား၊ ကိုယ့်အမျိုးသား လာကြိုမယ်တဲ့”

“မလိုက်တော့ဘူး ခရစ်စတင်း ကျေးဇူးပဲ၊ ကိုယ်လမ်းလျှောက်ပြန်မလို့”

“အိုး … နှင်းတွေ ဒါလောက်ကျနေတာ … မင်းအဆင်ပြေပါ့မလား၊ ခဏစောင့်လိုက်လေ ဘော့ဘ်ဆီ ဖုန်းဆက်လိုက် ဦးမယ်”

ခရစ်စတင်းက သူ့အမျိုးသား ဘော့ဘ်ထံသို့ ဖုန်းလှမ်းခေါ်ဖို့ ပြင်သည်။ ခရစ်စတင်းနှင့် မာရီယာ့ အိမ်ချင်းက တောင်နှင့် မြောက်မို့ သူ့ကို ဝန်မပိုစေချင်။ နောက်ပြီး မာရီယာ့အိမ်ဘက်က အတက်အဆင်း တောင်ကုန်းတွေ ဆင်ခြေလျှောတွေ ပိုများတာမို့ ဒီလိုအချိန်မှာ ကားမောင်းရ ပိုခက်နိုင်သည်။

“နေပါစေ အချစ်လေးရယ် … ကိုယ်အဆင်ပြေပါတယ်၊ ဒီလမ်း ဒီလမ်းတွေက အမြဲလျှောက်နေကျပါ၊ နှင်းတွေထဲလည်း မလျှောက်ရတာ ကြာပြီလေ … ဒီနှစ်ရဲ့ ပထမဆုံးနှင်းတွေထဲ အမှတ်တရအနေနဲ့ လျှောက်လိုက်ဦးမယ်ကွာ”

“မယ်ရီခရစ္စမတ် မာရီယာ ကောင်းသောညပါ”

အားလုံးကို ပြန်လည်နှုတ်ဆက်ပြီး စားသောက်ဆိုင်လေးကို ကျောခိုင်းထွက်လာခဲ့သည်။ လူသွားစင်္ကြံလမ်းပေါ်မှာ တင်နေသည့် နှင်းမွမွတွေကို ခြေဖြင့် တဇွိဇွိနင်းလျှောက်ရင်း မာရီယာ စိတ်ပေါ့ပါး လွတ်လပ်ပျော်ရွှင်နေ၏။ လက်ဆောင်ပစ္စည်းတွေကို ရုံးခန်းမှာ ပြန်ထားပြီး ခဏအကြာ မာရီယာသည် နှင်းများအောက်၌ လမ်းလျှောက် နေပေပြီ။ ဖြူဖွေးသော နှင်းပွင့်ဖတ်များက ထူထပ်စွာ တဖွဲဖွဲကျနေဆဲ။

***
ဆောင်းရာသီ၏ နှင်းကျသည့်ညမို့ အသွားအလာ ပြတ်လှသည်။ လမ်းလျှောက်နေသူ တဦးတလေမျှပင် လမ်းပေါ်မှာ မရှိ။ ကားတစီးစ နှစ်စီးစတော့ ဖြတ်သွားသည်ကို တွေ့ရ၏။ ဒီအချိန် ဒီရာသီမှာ ဘတ်စ်ကားတွေလည်း ထွက်တော့မည် မထင်။ ဘတ်စ်ကား မှတ်တိုင်ကလေး အလွန်မှာ ရထားလမ်း ခုံးတံတားအောက်မှ ဖြတ်ရမည်။ အဲဒီနားက နေ့ခင်းဘက်တောင် မှောင်ရိပ်နည်းနည်း ကျသည့်နေရာ။ ပြီးတော့ ထိုခုံးတံတားအောက်မှာ ပိုက်ဆံတောင်းရမ်းနေသူ အိမ်ခြေယာမဲ့တွေ ရှိတတ်သေးသည်။

ထိုသို့ တောင်းရမ်းစားသောက်နေသူတွေကို မာရီယာ နည်းနည်းမှ ဂရုတစိုက် မကြည့်ရှုမိသည့်အပြင် အထင်တသေးပင် ရှုံ့ချတတ်သေး၏။ ထိုသူတွေမှာ တချို့က အရက် သို့မဟုတ် မူးယစ်ဆေး စွဲနေသူများ ဖြစ်ပြီး တချို့ကတော့ စိတ်ကစဥ့်ကလျား ဖြစ်နေသူများ၊ တချို့က အိမ်ခြေယာမဲ့ဖြစ်ပြီး တချို့ကတော့ အိမ်ယာရှိလျှက် တောင်းစားနေသူများ … ။

သူတို့ကို မာရီယာက “ကိုယ်တိုင် အလုပ်မလုပ်ဘဲ သူများငွေကို အညွန့်ခူးစားနေသူတွေ” … ဟုလည်း ခပ်ကြမ်းကြမ်း မှတ်ချက်ချလေ့ရှိသည်။

ဗြိတိန်နိုင်ငံ၌ ထိုသို့ တောင်းရမ်းစားသောက်နေသူတွေ၏ တနေ့ဝင်ငွေမှာ စတာလင်ပေါင် ၃၀၀ မှ ၅၀၀ ခန့်ရှိသည် ဆိုသည့် သတင်းကိုဖတ်ရပြီးသည့်နောက် သူတို့ကိုမြင်တိုင်း အလုပ်လုပ်ပြီး အခွန်ဆောင်နေသူတွေကို အားနာမိသည်။ ထိုသူတွေကို နေရာအမျိုးမျိုးမှာ ပုံစံအမျိုးမျိုးနှင့် တွေ့ရတတ်၏။ စူပါမားကက်တွေ အထွက်မှာ၊ လူစည်ကားရာ မြို့လယ်ခေါင် City Centre မှာ၊ ရထားဘူတာရုံနှင့် ဘတ်စ်စတေရှင်တွေမှာ …  ဖြတ်သွားသမျှတွေထံ “Spare change, please!”  (ငွေအကြွေအပိုပါရင် ပေးပါ) ဟု တောင်းခံ၍ တမျိုး၊ လမ်းသွားနေတုန်း ဘေးမှကပ်ကာ “20p please” (အကြွေပြားနှစ်ဆယ်လောက်) စသဖြင့် တလီ၊ ခွေးတကောင်ဘေးမှာ ချ၍ ခေါင်းငိုက်စိုက်ထိုင်ကာ ခွက်တလုံးနှင့် ခွေးအတွက် အလှူငွေထည့်ပါဟု စာရေး၍ တသွယ် … အမျိုးမျိုး အဖုံဖုံ အလှူခံတတ်ကြသူတွေ။

ထိုသူတွေကို ပိုက်ဆံထည့်ဖို့ ဝေးစွ စေ့စေ့ပင်မကြည့်ဘဲ အထင်သေး ရှုံ့ချလေ့ရှိသည့် မာရီယာက မကြင်နာတတ်၍ မဟုတ်။ လစဉ် charity မှာ ထည့်ဝင် လှူဒါန်းတတ်သလို ကင်ဆာဝေဒနာသည်များ၊ နှလုံးရောဂါ ဝေဒနာသည် များအတွက် ရံပုံငွေရှာသည့် မာရသွန် ပြေးပွဲမျိုး၊ ဈေးရောင်းပွဲမျိုးတွေမှာ တက်တက်ကြွကြွ ပါဝင်လှုပ်ရှားလေ့ရှိသူ တစ်ဦး။ မာရီယာ့စိတ်သဘောက သိမ်မွေ့နူးညံ့သော်လည်း တပါးသူအပေါ် ခေါင်းပုံဖြတ် မတရားလုပ်သည်ဟု ခံစားရလျှင် ထိုသူတွေကို မနှစ်မြို့ချင်။

***
တကိုယ်တည်း အတွေးဖြင့် လမ်းလျှောက်ရင်း အေးသည်ထက် အေးလာပြီ။ စီးလာသည့် ခွါချွန်အမြင့် ကြိုးသိုင်း ဖိနပ်ကလည်း နှင်းထဲတွင် လျှောက်ရတာ အဆင်မပြေလှ။ ရှေ့ဆက်လျှောက်ရန် ဆယ့်ငါးမိနစ်သာသာလောက် လိုသေးသည်။ အားတင်းထား မာရီယာ ဟု ကိုယ့်ကိုယ်ကိုယ် အားပေးရင်း ရထားခုံးတံတားအောက်သို့  ရောက်လာ၏။

ထင်သည့်အတိုင်းပင် ရထားခုံးတံတားအောက်မှာ  ခေါင်းခပ်ငိုက်ငိုက်ဖြင့် ထိုင်နေသည့် လူတယောက်က မာရီယာ့ကို မြင်သော် လက်တဖက် ဆန့်တန်းကာ …

“Spare change, please!” ဟု လှမ်းပြောသည်။

ငွေအကြွေအပိုပါရင် ပေးပါ … ဟု တောင်းရမ်းနေသူ အိမ်ခြေယာမဲ့တစ်ဦး။ မာရီယာ စိတ်ပျက်စွာကျွတ်ခနဲ စုတ်သပ်ရင်း ထိုသူ့ရှေ့မှ မဖြတ်ချင်သဖြင့် ရှောင်ရင်း ပလက်ဖောင်းပေါ်မှ ဆင်းလိုက်သည်။

“အိုး ……. သေပါပြီ ….”

ဘယ်လိုမှ ထင်မှတ်မထားဘဲ ဟန်ချက်ပျက်ပြီး ယိုင်ခနဲဖြစ်သွားသည်။ ကိုယ့်ကိုယ်ကိုယ် ပြန်ထိန်းစဉ် စက္ကန့်ပိုင်းအတွင်း မာရီယာ့ခြေတဘက်က နိမ့်ဆင်းကျွံကျသွားတော့၏။

သွားပြီ … သေလိုက်ပါတော့ မာရီယာ …

စီးလာသည့်ဖိနပ်၏ ခွါချွန်ဒေါက်တဖက်က လူသွားပလက်ဖောင်း ဘေးရှိ ရေမြောင်းအဖုံး သံတန်းများကြားသို့ လှလှပပလေး ညပ်ဝင်သွားခဲ့လေပြီ။ မာရီယာက စိတ်ပျက်စွာ အသံတိတ် ဆဲရေးရင်း ဖိနပ်ကို ချော့၍ ပြန်ထုတ်သော်လည်း မရ … ။

စက္ကန့်သုံးဆယ်လောက်ပင် ကြာလိုက်မည်ထင်သည်။ ချွဲသလိပ်ကပ်နေသော လည်ချောင်းရှင်းသံကြီးနှင့်အတူ ဆေးလိပ်နံ့ ချဉ်စုတ်စုတ်နံ့ စိုထိုင်းထိုင်း အောက်သိုးသိုးအနံ့ ပေါင်းစုံရောပြွမ်းလျက် ထိုသူက မာရီယာ့အနားသို့ ရောက်လာသည်။

“ဟင် … ရှင် …”

“ခဏလေး ငြိမ်ငြိမ်နေပါ မိန်းကလေး”

ထိုသူက မာရီယာ့ခြေရင်းမှာ ငုတ်တုတ်ထိုင်ချလိုက်ပြီး သူ၏ သားရေလက်အိတ် ညစ်ထပ်ထပ်ကြီးကို ချွတ်လိုက် သည်။ မာရီယာ့ခြေထောက်က ဖိနပ်သိုင်းကြိုး buckle ကို ဖြုတ်ပေးလိုက်သည့် ခဏမှာ မာရီယာ့ ခြေထောက်လေး လွတ်လပ်သွားသော်လည်း ဖိနပ်တဖက်ကတော့ မြောင်းဖုံးသံတန်းများ ကြားတွင် ညပ်နေဆဲ။

“မင်း ဟိုနေရာမှာ ခဏသွားထိုင်နေ”

သူက သူနဂိုထိုင်ခဲ့သည့် ပလတ်စတစ် အခင်းစကို ညွှန်ပြရင်း ပြောသည်။ အို … မာရီယာ မထိုင်ချင်ပါဘူး။ ဒါပေမဲ့ ဖိနပ်မပါသော ခြေတဖက်ဖြင့် ထော့နဲ့နဲ့သွားကာ သူ့အခင်းစနားသို့ သွားရပ်ရင်း သူလုပ်သမျှ လှမ်းကြည့်နေလိုက်၏။ သူက ညပ်နေသော ဖိနပ်ကို တန်းများကြားမှ အားဖြင့် နှဲ့ထုတ်နေသည်။

“ဟုတ်ပြီ … ဖုန်းဆက်ပြီး တက်ခ်စီခေါ်ရမယ်”

ရုတ်တရက် အကြံရသဖြင့် လက်ကိုင်အိတ်ထဲမှ ဖုန်းကိုထုတ်ကြည့်လိုက်တော့ ဖုန်းက ဘက်ထရီကုန်နေပြီ။ ပါတီမှာ ဖုန်းဖြင့်ဓာတ်ပုံတွေရိုက်ရင်း အားကုန်သွားတာပဲ ဖြစ်မည်။ ခက်တာပဲ။ မာရီယာ့စိတ်တွေ ရှုပ်ထွေးလာ၏။ သောက်ထားသော ဝိုင်အရက်ရှိန်တောင် ပြယ်လုလု။

အရောင်မပီပြင်သော ကုတ်အင်္ကျီ ညစ်နွမ်းနွမ်းကို ဝတ်ဆင်ကာ သိုးမွေးဦးထုပ်ထူကြီးကို ဆောင်းထားသော ထိုလူက မာရီယာ့အနား ပြန်ရောက်လာပြီး …

“မစ္စ …”

“ကျွန်မနာမည် မာရီယာ မက္ကန်ဇီပါ … မာရီယာလို့ ခေါ်နိုင်ပါတယ်”

“အင်း … မာရီယာ … ငါ စိတ်မကောင်းပါဘူး၊ မင်းဖိနပ်က သုံးမရတော့ဘူး၊ ခွါပြုတ်သွားပြီ”

“ဒုက္ခပါပဲ … ကျွန်မ အိမ်ရောက်ဖို့ နောက်ထပ် ဆယ့်ငါးမိနစ်လောက် လမ်းလျှောက်ရဦးမယ်၊ ဒီပုံစံကြီးနဲ့  ဘယ်လိုလျှောက်ရပါ့မလဲ၊ ဖုန်းကလည်း ဘက်ထရီဖလက် ဖြစ်နေပြီ”

သူက အင်္ကျီအိတ်ထဲမှ တစုံတခုကို ထုတ်လိုက်သည်။ ဆေးလိပ်ဆေးဗူးကလေး၊ စက္ကူပါးတရွက်ကို ထုတ်ကာ ဆေးဗူးထဲမှ ဆေးမှုန့်လေးတွေထည့် လိပ်ပြီး မီးခြစ်၍ ညှိသည်။

“ငါ့ကို ဆေးလိပ်သောက်ခွင့်ပြုပါ မာရီယာ”

“ဟင်း … ရပါတယ် ရှင့်သဘောပါ၊ ကျွန်မတော့ ဒီည သေချင်တော့တာပဲ”

တောင်းစားသူတွေကို စက်ဆုပ်သည့် မာရီယာက ထိုသူမျိုးနှင့် စကားလက်ဆုံကျနေရသည့် အဖြစ်။ စိတ်ညစ်သည်မှာ ပြောဖွယ်ရာပင် မရှိတော့။

“မာရီယာ … မင်း စိတ်ညစ်နေတာလား၊ လောကကြီးမှာ ဒါက အသေးအဖွဲပါကွာ”

“အင်း … ရှင့်အတွက်တော့ ဟုတ်ပါလိမ့်မယ်”

“မင်းကို ကြည့်ရတာ စိတ်မသက်သာလိုက်တာ မာရီယာ … ဘာလဲ ငါ့လို အိမ်ခြေယာမဲ့ သူတောင်းစား တယောက်နဲ့ စကားပြောရတာ မင်း မနှစ်မြို့ဘူး ထင်တယ်”

“ရှင် ထင်တဲ့အတိုင်းပါပဲ”

မာရီယာလည်း စိတ်ညစ်ညစ်နှင့် တည့်တိုးသာ ပြောမိလိုက်သည်။

“ဟက် ဟက် ဟက်”

သူက ခြောက်ကပ် အက်ကွဲသော ရယ်သံဖြင့် မရယ်ချင့်ရယ်ချင် ရယ်ရင်း အခင်းစ အစွန်းတွင် ဝင်ထိုင် လိုက်သည်။  ထို့နောက် ကျောပိုးအိတ်ကြီးကို ဖွင့်၍ တစုံတခုကို ဆွဲထုတ်လိုက်သည်။

“တဆိတ် ထိုင်စမ်းပါ မာရီယာ”
“အို … ရှင့်ကိုတော့ အားနာပါတယ်၊ ကျွန်မ မထိုင်ချင်ပါဘူး”
“ကောင်းပြီလေ … ကဲ … ဒီမှာကြည့်”

ကျောပိုးအိတ်ထဲမှ ဆွဲထုတ်လိုက်သည်က ပက်ကင်စက္ကူလှလှလေးဖြင့် ထုတ်ပိုးထားသော ပစ္စည်းတခု။

“မင်း ဒါကို ဖွင့်ကြည့်လိုက်ပါ မာရီယာ”

မာရီယာ့ထံ လှမ်းပေးရင်း သူက ပြောသည်။ မာရီယာလည်း ယောင်အမ်းအမ်းဖြင့် လှမ်းယူမိလိုက်သည်။ “ဘာများပါလိမ့်”
သိချင်စိတ်ကြောင့် မာရီယာက ပက်ကင်စက္ကူလေးကို မပြဲအောင် သတိထားကာ ဖွင့်လိုက်သည်။ အတွင်းမှာက ဗူးကလေး။
သေချာပါသည်။ ဒါဟာ ဖိနပ်ဗူးကလေးပဲပေါ့။ အဖုံးလေး လှပ်လိုက်တော့ နှင်းထဲတွင် စီးရသည့် မိန်းမစီး လည်ရှည်ဖိနပ် ပန်းရောင်ကလေး တရန်။

“အို … ဒီဖိနပ်က …”
“ … … … ”
***
နှင်းများက သည်းထန်စွာ ကျဆင်းနေသည်။ ထိုလူက ချောင်းတဟွတ်ဟွတ်ဆိုးရင်း …

“မင်းတို့အမြင်မှာ ငါဟာ အိမ်ခြေယာမဲ့ သူတောင်းစားတယောက်ပေါ့ ဟုတ်တယ်မဟုတ်လား မာရီယာ၊ တကယ်တော့ ငါ့မှာ အိမ်နဲ့ ယာနဲ့ မိသားစုနဲ့ပါကွယ် … တခါတုန်းကပေါ့ …

“ငါက ဥရောပနိုင်ငံငယ်ကလေး တခုဆီကပါ၊ အဲဒီက ကျေးလက်ရွာကလေးမှာ ငါပိုင်ဆိုင်တဲ့ အိမ်လေးတလုံး ရှိတယ်၊ ငါစိုက်ပျိုးထားတဲ့ ယာခင်းလေးရှိတယ်၊ ငါချစ်တဲ့ ဇနီးနဲ့ သမီးချောလေး တယောက်လည်း ရှိတယ် …

“ငါတို့သိပ်ပျော်ရွှင်ခဲ့ရတဲ့ ရက်တွေပေါ့ မာရီယာ … ။ ဒါပေမဲ့ … ငါ့ယာခင်းလေး မအောင်မြင်တဲ့နှစ်မှာ … စီးပွါးရေးတွေ ကျပြီး အိမ်ထောင်ရေးလည်း သိပ်အဆင်မပြေတော့ဘူး၊ လင်မယား ကတောက်ကဆဖြစ်တဲ့ ရက်တွေ ဆက်လာတယ်။ ပိုဆိုးတာက ငါတို့နေတဲ့ရွာ ကျဉ်းကျဉ်းလေးမှာ ငါ့မိန်းမက ဖောက်ပြန်တော့ ဟိုးလေးတကျော်ပေါ့၊ သူနဲ့ကွဲပြီးနောက် ငါလည်း အရက်တွေ အလွန်အကျွံသောက်ပြီး ယာခင်းကိုလည်း ပစ်ထားခဲ့မိတယ်။ အရွယ်ရောက်စ ပြုနေတဲ့ သမီးလေးက ဒီအခြေအနေတွေကို ရင်ဆိုင်ရတာ ရှက်တယ်ဆိုပြီး အင်္ဂလန်ကို ကျောင်းတက်ဖို့ သူ့ဘာသာသူ တိတ်တိတ်ကလေး ကြိုးစားခဲ့တယ်။ အချိန်တိုင်း မူးနေတဲ့ငါက ဒါတွေကို မသိခဲ့ဘူး မာရီယာ …

“ငါသိလိုက်တဲ့အချိန်ကျတော့ သမီးလေး အိမ်ကထွက်သွားခဲ့ပြီ။ ငါ့အတွက် စာတစောင်ပဲ ချန်ထားခဲ့တယ်။ သူ ပြန်မလာတော့ဘူး … တဲ့။

“အဲဒီတော့မှ သမီးလေး အခန်းကို မွှေနှောက်ရှာရင်း သူ့ခံစားချက်တွေကို ငါသိရတော့တယ်၊ ငါတို့လင်မယား ကတောက်ကဆ ဖြစ်ကြတဲ့အခါ သူစိတ်ဒဏ်ရာတွေ ရခဲ့တယ်။ သူ့အမေ အိမ်ကထွက်သွားပြီး သူနဲ့ငါ နှစ်ယောက်ထဲ ကျန်ခဲ့ချိန် ငါသူ့ကို ဂရုမစိုက်တဲ့အခါ သူ အထီးကျန်ဖြစ်ခဲ့တယ်။ နောက်ဆုံး ငါသူ့ကို Snow boots (နှင်းစီးဖိနပ်) လေးတရံ ခရစ်စမတ်လက်ဆောင် ပေးမယ်ဆိုတဲ့ နှုတ်ကတိမတည်ခဲ့မိတာကို သူ အတော်လေး ကြေကွဲခဲ့ရသတဲ့ မာရီယာရယ် … ။

“စိတ်မကောင်းလွန်းလို့ ငါ ငိုမိတယ်၊ ငါဟာ ဖခင်မပီသတဲ့သူပါ၊ သမီးလေးကို စိတ်ဒဏ်ရာတွေ ပေးမိတယ်၊ သမီးလေးကို ပေးထားတဲ့ ကတိလေးတခုတောင် ငါမတည်နိုင်ခဲ့ဘူး၊ ဘယ်လောက်ရှက်ဖို့ကောင်းလဲ”

သူ့မျက်ဝန်းမှာ မျက်ရည်တွေ ခိုတွဲနေပြီ။ သူ့ကိုကြည့်ရင်း မာရီယာ အသက်ရှူမဝသလို ရင်ထဲ တင်းကျပ်မောပန်း၍ နေသည်။ သူက ဆေးလိပ်နောက်တလိပ် ထပ်လိပ်ကာ မီးညှိ၍ ဖွာရင်း …

“နောက်တော့ …. သမီးလေးနဲ့ လိုက်ဖက်မယ့် အလှဆုံး နှင်းစီးဖိနပ်လေး တရံဝယ်ပြီး အင်္ဂလန်ကို ငါရောက်လာ ခဲ့တယ်၊ သူ ကျောင်းတက်မယ်ဆိုတဲ့ မြို့အပါအဝင် နေရာ တော်တော်များများမှာ လှည့်ပတ်ရှာခဲ့တယ်၊ တရက် ငါ သိပ်မောပြီး ပန်းခြံအဝင်ပေါက်မှာ ခြေပစ်လက်ပစ် ထိုင်နေတုန်း အမျိုးသမီးတယောက်က ပိုက်ဆံလာပေးသွားလေရဲ့၊ ဒီလိုနဲ့ တယောက်ပြီးတယောက် အကြွေစေ့လေးတွေ လာပေးကြတယ်၊ ငါလည်း ရတဲ့ပိုက်ဆံလေးတွေနဲ့ လမ်းစရိတ်လုပ်လိုက်၊ စားလိုက် သောက်လိုက်နဲ့ သူတောင်းစားတယောက် ဖြစ်မှန်းမသိ ဖြစ်လာခဲ့တာ … နောက်ဆုံး Spare change, please လို့ နှုတ်ကဖွင့်ဟ တောင်းမိတဲ့အထိပဲ … မာရီယာ”

“သူ ရှင့်ကို လုံးဝမဆက်သွယ်ဘူးလား”

“ငါ့ကို သူစိတ်နာသွားတာလေ”

“ရှင် ဒီအတိုင်း ဘယ်ချိန်ထိ ဆက်ရှာနေဦးမှာလဲ …”

“အခု မင်းနဲ့ မတွေ့ခင်အထိ ငါ ရှာနေခဲ့တာပေါ့၊ မင်းလက်ထဲက ဖိနပ်ကလေးဟာ ငါ့သမီးလေးကို ခရစ်စမတ် လက်ဆောင်ပေးဖို့ ဝယ်ထားတဲ့ ဖိနပ်ကလေးလေ၊ သိပ်လှတယ် မဟုတ်လား မာရီယာ၊ ဒီဖိနပ်လေးကို မင်းယူသွားပါ၊ မင်းစီးသွားပါ … ငါ မင်းအတွက် ခရစ်စမတ်လက်ဆောင် ပေးပါတယ်”

“မဟုတ်တာရှင် ကျွန်မ ဝယ်မှာပါ ပိုက်ဆံပေးပါမယ်”

“မင်း ဘယ်လောက် ပေးမှာမို့လဲ မာရီယာ၊ သမီးလေးကို ဒီဖိနပ်လေးပေးနိုင်ဖို့ ငါ မြို့ရွာအနှံ့ လမ်းတကာအနှံ့ သူတောင်းစားတယောက်လို လိုက်ရှာဖွေခဲ့တယ်၊ ဒီဖိနပ်လေးထဲမှာ သမီးလေးအပေါ်ထားတဲ့ မေတ္တာတွေ စေတနာတွေအပြင် ငါပေးဆပ်ခဲ့တဲ့ အချိန်နဲ့ ငါ့သိက္ခာ၊ ပြီးတော့ ဆုံးရှုံးသွားတဲ့ ငါ့နှလုံးသား … အားလုံးပေါင်းစပ် ပါဝင်နေခဲ့တာလေ … ဒါတွေကို မင်းက ငွေကြေးဘယ်လောက်နဲ့ တန်ဖိုးဖြတ်ဦးမလို့လဲဟင်”

မာရီယာနှုတ်ဆွံ့ခဲ့ရပြီ။
သူက ဆက်၍ …

“ငါ့သမီးလေးကို ပေးမယ့်ဖိနပ်လေး မင်းကို လက်ဆောင်ပေးလိုက်တာဟာ ငါဆောင်ရွက်နေတဲ့ အလုပ်တစ်ခုကို အဆုံးသတ်လိုက်တာပါပဲ၊ သမီးလေးက အခုလောက်ဆို လူကြီးတယောက် ဖြစ်နေပါပြီ၊ သူ့အတွက် ဒီဖိနပ်လေး လိုအပ်တော့မှာ မဟုတ်သလို ငါ့ကိုလည်း လိုအပ်တော့မှာ မဟုတ်တော့ပါဘူး၊ ဒါကြောင့် ငါ သူ့ကို ဆက်မရှာတော့ဘူး မာရီယာ၊ ငါ့တိုင်းပြည်ကို ငါပြန်တော့မယ်၊ ငါ့ရွာကို ငါပြန်မယ်၊ ငါ့ယာခင်းလေးမှာ သစ်ပင်လေးတွေ စိုက်ပျိုးရင်း ငါ့ဘဝရဲ့ နောက်ဆုံးအချိန်တွေကို ကုန်ဆုံးတော့မယ် … ။

“ဖိနပ်လေး စီးကြည့်ပါဦး မာရီယာ … မင်းခြေထောက်ကို ခုနက ငါမြင်ရသလောက်တော့ သမီးလေးနဲ့ သိပ်မကွာပါဘူး၊ ဆိုက် နံပါတ် ၅ ဆို မင်းနဲ့ တော်တယ် မဟုတ်လား”

“ကွက်တိပါပဲရှင် … ကျေးဇူးတင်လိုက်တာ ရှင်ရယ် … ဒါနဲ့ ရှင့်နာမည် ကျွန်မ မသိရသေးဘူးနော်”

“လမ်းပေါ်က ကလေကချေ ဥရောပသား သူတောင်းစား လို့သာ မှတ်ထားလိုက်ပါ မာရီယာရယ်”

မာရီယာ၏ ကျန်ဖိနပ်တဖက်ကို သူကညင်သာစွာ ဖြုတ်ပေးပြီး နှင်းစီးဖိနပ်လေး စွပ်ပေးသည်။ အေးစက်ထုံကျင်နေသော မာရီယာ့ခြေထောက်များအား ဖိနပ်လေးက နွေးထွေးလုံခြုံမှုကို ဖြစ်စေ၏။ မာရီယာက တချိန်လုံး ရပ်နေရာမှ ထိုင်ချလိုက်သည်။ ထို့နောက် လက်အိတ်များကို ချွတ်လိုက်ကာ သူ့လက်နှစ်ဖက်ကို ဆုပ်ကိုင်လိုက်ပြီး …

“ကျွန်မ ရှင့်ကို ဘယ်တော့မှ မမေ့ပါဘူး၊ ကျေးဇူးပြုပြီး နက်ဖြန်ဒီနေရာမှာ ကျွန်မကို စောင့်နေပေးပါ၊ ကျွန်မ ရှင့်ကို ကျေးဇူးတုန့်ပြန်ပါရစေ … ကျွန်မ အနူးအညွတ်တောင်းဆိုတာပါရှင်”

ဟု မာရီယာက ပြောတော့ … သူ့ကြမ်းရှရှ လက်အစုံကို မာရီယာ့လက်ထဲမှ ပြန်ရုန်းထွက်ရင်း  မရိတ်မသင်ထားသည့် မုတ်ဆိတ်မွေး နီကျင်ကျင်တွေကို တချက်ပွတ်လိုက်ကာ သူက ပြုံးသည်။

“နောက်ကျနေပြီ မာရီယာ … မင်း သွားပါတော့ကွယ်၊ ကောင်းသောညပါ မိန်းကလေးရေ …”

မာရီယာ မတ်တပ်ထရပ်လိုက်ရသည်။ သူ့ကို စေ့စေ့ကြည့်ကာ …

“ကောင်းသောညပါရှင် … ဘုရားသခင်စောင့်ရှောက်ပါစေ”

နှုတ်ဆက်ရင်း ကျောခိုင်းခဲ့ရတော့သည်။ မာရီယာ့ဖိနပ်ကလေးကတော့ သူနှင့်အတူ နှင်းတောထဲ၌ ကျန်ရစ်ခဲ့လေပြီ။
***
ဒီ့နောက်မှာ သူ့ကို မာရီယာ ပြန်မတွေ့ခဲ့ရတော့။ သူပြောတဲ့အတိုင်း သူ့တိုင်းပြည်ကို ပြန်သွားခဲ့ပြီလား။ သူ့ယာခင်းလေးထဲမှာ အပင်တွေ စိုက်ပျိုးနေပြီလား။ သူနဲ့တွေ့ပြီးနောက်ပိုင်း တောင်းရမ်းစားသောက်သူတွေကို မာရီယာ လျစ်လျူမရှုမိတော့။ စာနာစွာ တကျပ် တပြား စွန့်ကြဲလှူဒါန်းခဲ့ဖြစ်သည်။

မာရီယာသည် Spare change, please! ဆိုသည့် အသံကြားတိုင်း သူ ဖြစ်လိမ့်နိုးနိုး စေ့စေ့ကြည့်ရှုရင်း နှင်းသည်းထန်သော တခါက ဆောင်းညတညကို သတိရမိနေပါတော့သည်။

***
မေဓာဝီ

24.11.2016

(၂၀၁၇ ခုနှစ် မေလထုတ်  Faces မဂ္ဂဇင်းတွင် ဖော်ပြပါရှိ)

Read More...

Wednesday, May 24, 2017

ငြိမ်းချမ်းပါစေ ...


အ​မေ ရယ်​​မော
အပူ​တောမှာ
သောက​တွေတိမ်း
ငြိမ်းချမ်းစေ ... ။

***

မေဓာဝီ
24.05.17
.
မူရင်းဓာတ်​ပုံဆရာအား ခရက်​ဒစ်​​ပေးပါသည်​။

Read More...

Friday, May 19, 2017

အပြာရောင် လမ်းခွဲ ...

အောက်တိုဘာရဲ့ မိုးရေစက်တွေဟာ …
ကွဲကွာခြင်းတွေ … ပူဆွေးမှုတွေ … ၀မ်းနည်းကြေကွဲခြင်းတွေကို
အစဉ်အမြဲ သယ်ဆောင်ခဲ့လေတယ် … ။

***
၇၊ အောက်တိုဘာ၊ ၂၀၁၁
၀၈း၅၆ နာရီ

.
အဲဒီနေ့က သူနဲ့ကျမ လမ်းခွဲခဲ့ကြတယ်။
ကျမရဲ့ အသုံးမကျမှု၊ အလိုက်မသိတတ် နားမလည်တတ်မှုတွေကြောင့်လား၊ ၄ နှစ်တာ ချည်နှောင်ခဲ့တဲ့ သံယောဇဉ်တွေ အဲဒီနေ့က အဆုံးသတ်ခဲ့တယ်။
.
ပျားပန်းခတ်အောင် လူတွေ စည်ကားလှတဲ့ ဘူတာရုံထဲကနေ လေးလံတဲ့ ခြေလှမ်းတွေနဲ့ တလှမ်းချင်း လှမ်းလျှောက်နေမိတယ်။ စိတ်တွေက လှမ်းနေတဲ့ ခြေလှမ်းတွေပေါ်မှာ မရှိဘူး၊ အတွေးတွေက ခြေလှမ်းတွေနဲ့ ဆန့်ကျင်ရာကို ပြန်သွားနေကြတယ်။ ရင်ထဲမှာ ဘာမှမရှိတော့သလို လပ်ဟာပြီး ဗလာ … ။ ထိခိုက်ခံစားလွယ်တဲ့ နှလုံးသားက တဆစ်ဆစ်နာလို့ … ။ ဝေ့၀ဲတက်လာတဲ့ မျက်ရည်စတွေ မကျအောင် အားတင်းရင်း လမ်းဆက်လျှောက်တယ်။ လမ်းလျှောက်နေရင်း အကျင့်ပါနေတဲ့ ညာလက်တဖက်က တစုံတခုကို ဆုပ်ကိုင်ဖို့ ယောင်ယမ်း ကြိုးစားနေမိသေးရဲ့။
.
ဒါပေမဲ့ … ဘာကိုမှ ဖမ်းယူဆုပ်ကိုင်ခွင့်မရတဲ့ ခပ်ရှက်ရှက် လက်တစုံဟာ အင်္ကျီအိတ်ကပ်ထဲကိုသာ ထိုးသွင်းရင်း မျှော်လင့်ချက်မဲ့ ခြေလှမ်းတွေနဲ့ မွန်းကျပ်နေတဲ့ ဘူတာရုံထဲက ထွက်ခဲ့တယ်။
.
သူ … မရှိတော့ဘူး … ။
သူ … ထွက်သွားပြီ … ။
သူ … ကျမကို လမ်းခွဲသွားခဲ့ပြီလေ … ။
***
၇၊ အောက်တိုဘာ၊ ၂၀၀၇
.
လွန်ခဲ့တဲ့ လေးနှစ်က ကျမအမ မိတ်ဆက်ပေးလို့ သူနဲ့ကျမ စတင်သိကျွမ်းခဲ့ရတယ်။ စပြီးသိချိန်ကနေ စောစောက အချိန်ပိုင်းလေးအထိ သူနဲ့ကျမ တခါမှ မခွဲဘဲ အမြဲတတွဲတွဲ နေလာခဲ့ကြတယ်။ သူဟာ မခန့်ငြားဘူး၊ ဒါပေမဲ့ တည်ငြိမ်တယ်။ သူဟာ ခေတ်မဆန်ဘူး၊ ဒါပေမဲ့ ရိုးရှင်းတယ်။ သူဟာ ၄ နှစ်တာ ကာလပတ်လုံး ကျမဘေးနားမှာ အဖော်ပြုရင်း ကျမလိုအပ်သမျှ မညည်းမညူ ဖြည့်ဆည်းပေးခဲ့တယ်။
.
ဒီကို ရောက်ခါစနှစ်တုန်းက ကျောင်းအိပ် ကျောင်းစား နေခဲ့ရတဲ့ အချိန်လေးတွေမှာ ကျမအနားမှာ သူရှိနေပေးလို့ ကျမရဲ့ အထီးကျန်နေ့တွေဟာ တစုံတခုသော အတိုင်းအတာအထိ စိတ်သက်သာရာ ရခဲ့တယ်။ မိုးသည်းသည်းအောက်မှာ … နှင်းဖွဲဖွဲအောက်မှာ … နေကျဲကျဲအောက်မှာ … သူ့ကို ဆုပ်ကိုင် အဖော်ပြုရင်း လမ်းကြမ်းကြမ်းတွေ လျှောက်ခဲ့ဖူးတယ်။ မိသားစုနဲ့၊ သူငယ်ချင်းတွေနဲ့ အဆင်ပြေပြေ ဆက်သွယ်နိုင်ဖို့ သူက တမန်တော်လေး လုပ်ပေးတယ်။
.

ကျမပျင်းရင် သူနဲ့ ကစားတယ်။ ကျမ တီးလုံးသံစဉ်လေးတွေ ဖန်တီးတဲ့အခါ သူက လိုက်ဆိုပြတယ်။ သူနဲ့အတူတူ “ခေါင်းလောင်းလေးတွေ မြည်နေပြီ”၊ “ဘယ်ပန်းချီ ရေးလို့မမီ”၊ “တူးပို့ တူးပို့”၊ “ဟက်ပီးဘတ်ဒေး” စတဲ့ သီချင်း သံစဉ်လေးတွေ ကျမက ဖန်တီးတော့ သူ့ခမျာ ကျမ ကျေနပ်တဲ့အထိ ကြိုးစားပမ်းစား လိုက်ဆိုပြရရှာတယ်။
.
ကျမ လမ်းထွက်လဲ သူပါတယ်၊ ကျမ ဟင်းချက်လဲ သူရှိတယ်၊ ကျမ ကျောင်းသွားရင် စာသင်ပျက်မှာစိုးလို့ မနှောက်ယှက်ဘဲ တိတ်တိတ်ကလေး နေပေးတတ်ပြီး ကျမ အိပ်ပျော်နေချိန်မှာတော့ ကျမနံဘေးမှာ ငြိမ်ငြိမ်ကလေး အိပ်ဖန်စောင့်လုပ်ရင်း မနက်စောစော ကျမနိုးအောင်လဲ နှိုးပေးတတ်သေးတယ်။
.

မှန်မကြည့်ဘဲ နေနိုင်တဲ့ကျမ သူ့မျက်နှာမကြည့်ဘဲ မနေနိုင်ခဲ့ဘူး။ သူနဲ့ကျမက အရိပ်လိုဘဲ ဘယ်တော့မှ ဘယ်တုန်းကမှ မခွဲခဲ့တာ။ တစုံတယောက်ကြောင့်/ တစုံတရာကြောင့် ကျမ ၀မ်းနည်းလို့ ငိုတဲ့အခါ သူက ကျမအတွက် တိုင်တည်စရာ ဖြစ်ခဲ့တယ်။ တခါတလေ ကျမပါးပြင်ပေါ်က မျက်ရည်တွေ သူ့ဆီမှာပါ စွန်းထင်းကုန်တယ်။ တခါတလေတော့ ကျမရင်ခွင်ထဲ သူ့ကိုထားပြီး ကျမ ရင်ခုန်သံတွေ နားထောင်ခိုင်းခဲ့ဖူးတယ်။
.
တကယ်တော့ ကျမအမှားတွေပါ … ။
ကျမရဲ့ ခြေလှမ်းတိုင်းမှာ သူအမြဲရှိနေပြီး ကျမအတွက် အကောင်းဆုံးတွေကို ဆောင်ရွက်ပေးနေပါလျက်နဲ့ ကျမက သူ့ကို သစ္စာပျက်ယွင်းဖို့ ကြံစည်စိတ်ကူးခဲ့မိတာ ခဏခဏ … ။ ခေတ်မမီတဲ့ သူ့ကို ကျမ ငြီးငွေ့လာတယ်။ ရိုးလွန်းတဲ့သူ့ကို အားမလို အားမရ ဖြစ်မိတယ်။ သူ့နေရာမှာ တခြားသောသူကို အစားထိုးဖို့ စဉ်းစားခဲ့မိတယ်။ ဘယ်လောက်တောင် မိုက်မဲလိုက်တဲ့ ကျမပါလဲ … ။
.
ကျမရဲ့ အတွေးတွေကို သူသိသွားလို့လား … ကျမက စတင် စွန့်ခွါမှာကို မလိုလားလို့လား … လေးနှစ်တိတိ ပြည့်တဲ့နေ့မှာတော့ ကျမကို နှုတ်မဆက်ဘဲ သူက စတင် လမ်းခွဲသွားခဲ့တယ်။ ဒီလောက်ဆိုရင် သူ့အတွက် တာဝန်ကျေပြီလို့ ယူဆသွားခဲ့တယ် ထင်ပါရဲ့။ ၀မ်းနည်းဖို့ကောင်းလိုက်တာ … ။
***
အဲဒီနေ့က မိုးဖွဲဖွဲကျတယ်။
ရာသီဥတုက ရုတ်တရက် စ-အေးလို့ အနွေးအင်္ကျီ အသစ်ထုတ်ဝတ်ဖြစ်တယ်။ အင်္ကျီအသစ်ရဲ့ အိတ်ကပ် တိမ်တိမ်ကလေးဟာ မိုဘိုင်းဖုန်း သေးသေးလေးကို ထိမ်းသိမ်းဖို့ရာ မစွမ်းသာခဲ့ဘူး။ ရထားပေါ်မှာ သတင်းစာဖတ်ရင်း အိုင်ဖုန်း ကြော်ငြာစာမျက်နှာကို အထပ်ထပ် ဖတ်နေမိတယ်။ လုပ်ဆောင်ချက် သိပ်မများ ခေတ်မမီတဲ့ ဒီဖုန်းလေးအစား အိုင်ဖုန်းကိုင်ချင်စိတ် ဖြစ်လာတယ်။
.
အချိန်ပိုင်း လုပ်လည်း လုပ်နေပြီမို့ ကိုယ့်ပိုက်ဆံနဲ့ ကိုယ် ဖုန်းအသစ်ဝယ်မယ်ဆို ဝယ်လို့ရတဲ့ အခြေအနေပေါ့။ ဒီမှာ ဖုန်းဝယ်မယ်ရင် တလဘယ်လောက် ဆိုပြီး သတ်မှတ် ထားသလောက် သွင်းရုံပါပဲ။ contract က တနှစ်ဆိုရင် တနှစ်သွင်းရတာပေါ့။ သတင်းစာထဲက ကြော်ငြာဖတ်ပြီး ဝယ်ရင်ကောင်းမလား စဉ်းစားရင်း ရထားစီးလာခဲ့တာ ဆင်းရမယ့် ဘူတာရောက်တော့ သတင်းစာလေး ကျောပိုးအိတ်ထဲ ထိုးထည့်ပြီး ဆင်းလာရင်းနဲ့မှ အင်္ကျီအိတ်ထဲ လက်နှိုက်စမ်းကြည့်တဲ့အခါ ကျမရဲ့ နိုကီယာမိုဘိုင်းဖုန်းလေး မရှိတော့ဘူး။ ရပ်ထားဆဲ ရထားပေါ် ကမန်းကတန်းပြန်တက်ပြီး ပြန်ရှာတော့လဲ မတွေ့တော့ဘူး။ ဘယ်မှာလဲ .... မိုဘိုင်းဖုန်းလေးရေ ... ။
.
ဘတ်စ်ကားပေါ်မှာပဲ ထွက်ကျခဲ့တာလား၊ ရထားပေါ်မှာ ပြုတ်ကျတာလား .... ဝေခွဲမရဘဲ ဖုန်းလေးဟာ ပျောက်ဆုံးသွားခဲ့ပါတယ်။
.
ဒီလိုနဲ့ ကျောင်းရောက်တော့ သူငယ်ချင်းက ဖုန်းလှမ်းခေါ်ပေးတယ်။ ကိုင်သူမဲ့တဲ့ ဖုန်းသံလေးကို နားထောင်ရင်း ရင်ထဲမှာ မကောင်းဘူး။ နောက်ဆုံးတော့ အတန်းခဏ နားချိန်မှာ အိုတူး O2 ဆိုင်ကိုသွားပြီး အိုင်ဖုန်းလေးတလုံး ၂ နှစ် စာချုပ်နဲ့ ဝယ်ခဲ့လိုက်ပါတယ်။ ပျောက်ဆုံးသွားတဲ့ နိုကီရာလေးထက် အဆပေါင်းများစွာ လုပ်ဆောင်ချက်တွေ ပါတဲ့ အိုင်ဖုန်းလေးကို ဝယ်ခဲ့ရပေမဲ့ ကျမရဲ့ နိုကီရာ မိုဘိုင်းဖုန်း အပြာလေးကို ဘယ်တော့မှ မမေ့ဘူးဆိုတာ အသေအချာပါပဲ။
***
မေဓာဝီ
၂၀၁၁၊ အောက်တိုဘာ
***
နောက်ဆက်တွဲ ... 
***

၂၀၁၇ မေ ၁၈
.
ရန်ကုန်ဘွတ်ပလာဇာမှာ လုပ်တဲ့ မင်းလူရဲ့ ညနေခင်း က အပြန် ကျွန်မရဲ့ ဆမ်ဆောင်း မိုဘိုင်းဖုန်းလေး ပျောက်သွားတော့ ဖုန်းမရှိတဲ့ ဘဝမှာ လူက ယောင်ချာချာ ဖြစ်နေရတယ်။ နာရီမပတ်တဲ့ ကျွန်မအတွက် ဖုန်းက နာရီကို ပဲ အားကိုးနေရတာ။ နာရီ၊ နှိုးစက်၊ အဘိဓာန်၊ အီးမေးလ်၊ ဖေ့စ်ဘွတ်ခ်၊ မက်ဆန်ဂျာ၊ ဗိုင်ဘာ၊ ယူကျု၊ ကင်မရာ စသဖြင့် အရာအားလုံး ဖုန်းနဲ့သာ အသုံးပြုနေခဲ့တာမို့ တညလောက် ဖုန်းမရှိတာ နေမထိ ထိုင်မသာ ... ဖြစ်ခဲ့ရတယ်။
.
မနက်မိုးလင်းမှ နည်းနည်း စိတ်သက်သာရာ ရပြီး ဒီလို ဖုန်းပျောက်တဲ့ အတွေ့အကြုံမျိုး လွန်ခဲ့တဲ့ ၆ နှစ်လောက်ကလည်း ကြုံခဲ့ဖူးတာ ပြန်သတိရမိတယ်။ ဟိုမှာကတော့ ကိုယ့်ဖုန်းကို ယူမယ့်သူလည်း ရှိမှာ မဟုတ်ပါဘူး၊ ဒီလိုပဲ ပျောက်သွားခဲ့တာ။ အဲဒီတုန်းက ရေးခဲ့တဲ့ စာကို ကွန်ပျူတာထဲ ပြန်ရှာပြီး တင်လိုက်ပါတယ်။ ဘယ်မှာမှ မတင်ခဲ့ဖူးတဲ့ စာလေးပါ။ ပျောက်သွားတဲ့ နိုကီရာ ဖုန်းလေး ပါတဲ့ ပုံလေးတွေလည်း ပြန်ရှာပြီး တင်လိုက်ပါတယ်။ အဲဒီတုန်းက အပြာရောင် လမ်းခွဲ ... အခုတော့ အနက်ရောင် လမ်းခွဲပေါ့လေ .... ။

Read More...

Wednesday, May 17, 2017

မောင်လေး ...

***
ပြီးခဲ့တဲ့ မေ ၁၂ ရက်နေ့က ကျွန်မမောင်လေးရဲ့ မွေးနေ့ပါ။ သူက ကျွန်မအောက် ၆ နှစ်ငယ်ပြီး မောင်နှမ လေးယောက်ထဲမှာ အငယ်ဆုံး တစ်ဦးတည်းသော သားယောက်ျားလေး ... ။ မိန်းကလေး သုံးယောက်မွေးပြီးမှ ရတဲ့ သားကလေးမို့ မိဘတွေက သိပ်ချစ် သိပ်အလိုလိုက်သလို အစ်မ သုံးယောက်ကလည်း သူ့ကို လိုလေသေးမရှိ အကုန် လိုက်လုပ်ပေးကြတယ်။
.
ကျွန်မနဲ့ အသက် ၆ နှစ်ကွာပေမဲ့ အထက်အောက်ဆိုတော့ ငယ်ငယ်က သိပ်တည့်လှတယ်တော့ မဟုတ်ဘူး။ သူက ယောက်ျားလေး ပီပီ အစအနောက် သန်တယ်။ အစ်မတွေကို အမြဲ လိုက်စ နေတာပဲ။ အခံရဆုံးကတော့ ကျွန်မပေါ့။ ကျွန်မ ဒိုင်ယာရီစာအုပ်ထဲ ပေါက်ကရတွေ လာရေးတတ်သလို ကျွန်မ အမြတ်တနိုး သိမ်းထားတဲ့ ပစ္စည်းလေးတွေကိုလည်း ဖွက်တတ်သေးတယ်။ ကျွန်မစိတ်တိုတော့ သူက တဟားဟားနဲ့။
.
အဖေ၊ အမေ၊ မောင်လေးနဲ့ သူ့ ချစ်ဇနီးလေး

ငယ်ငယ်ကတည်းက သူက ဉာဏ်ကောင်းတယ်။ စစ်တုရင် ဝါသနာပါတဲ့ အဖေက သားသမီး လေးယောက်လုံးကို စစ်တုရင်သင်ပေးခဲ့တာ သူတယောက်ပဲ ထူးထူးချွန်ချွန်နဲ့ ပြိုင်ပွဲမှာ ဆုတွေ ဘာတွေရပြီး ခုထိလည်း စစ်တုရင်ကို ခုံခုံမင်မင် ကစားနေတုန်း။ ကျွန်မတို့က ဦးနှောက်စားလို့ မကစားဖြစ်ဘူး။
.
chess board ပုံ မွေးနေ့ ကိတ်

သူက ကျွန်မတို့လိုပဲ စာဖတ်တာ ဝါသနာပါတယ်။ ငယ်ငယ်တုန်းက ကာတွန်း၊ နောက်တော့ ကျွန်မတို့ အချစ်ဝတ္ထုတွေနဲ့ ရင်ခုန်နေချိန်မှာ သူက သိုင်းဝတ္ထု အတွဲပေါင်းများစွာကို ခွေခေါက်ပြီး ဖတ်နေတတ်ပြီ။ ပေါ့ပေါ့ပါးပါးနဲ့ ပျော်ပျော်နေတတ်တဲ့ သူက မင်းလူရဲ့ ငှက်ကလေး ဝတ္ထု ဖတ်ပြီး မျက်ရည်ကျတာကို ကျွန်မ မှတ်မိပါသေးတယ်။ အဲဒီတုန်းက သူ ခြောက်တန်းလောက်ပဲ ရှိသေးတယ် ထင်တယ်။
.
မောင်လေးနဲ့ သူ၏ မိတ်ဆွေများ

နည်းနည်းအရွယ်ရောက်လာတော့ ကျွန်မတို့ British Council စာကြည့်တိုက်ကနေ စာအုပ်လေးတွေ ငှားဖတ်ချိန် သူက သိုင်းဝတ္ထုတောထဲက မထွက်သေးဘူး။ နောက်ပိုင်း ကျွန်မတို့ စာကြည့်တိုက် မသွားနိုင်တော့ချိန် သူက အင်္ဂလိပ်ဝတ္ထုတွေ ဖတ်နေပါပြီ။ ကျွန်မတို့ စာဖတ်နှုန်း လျော့ကျသွားချိန်ထိ သူက ဖတ်နေတုန်းပဲ။
.
သူငယ်တန်းကနေ ဆယ်တန်းထိ ကျောင်းစာမေးပွဲတွေကို မောင်လေးဟာ အေးအေးဆေးဆေး ကျော်ဖြတ်ခဲ့တယ်။ ဆယ်တန်းဖြေပြီး ကျောင်းပိတ်ချိန်မှာ ကေအမ်ဒီမှာ ကွန်ပျူတာတက်၊ အလုပ်သင် ဆရာ ပြန်လုပ်တယ်။ စာမေးပွဲ အောင်စာရင်းထွက်တော့ ဘူမိဗေဒ ဘာသာတွဲ အမှတ်မီပေမဲ့ ရူပဗေဒပဲ ယူပြီး ကွန်ပျူတာတက္ကသိုလ်မှာ ဖွင့်တဲ့ NCC ဝင်ခွင့် ဖြေပြီး ဝင်ခွင့်အောင်လို့ NCC ကို ဈေးသက်သာစွာ တက်ခွင့်ရခဲ့တယ်။
.
မောင်လေးနဲ့ ကျွန်မ မေမြို့ရေတံခွန်မှာ

သူက ကျွန်မရဲ့ တဦးတည်းသော ကွန်ပျူတာ ဆရာပါပဲ။ သူ ကျောင်းအတွက် ပရောဂျက်တွေလုပ်ဖို့ ကွန်ပျူတာတလုံး ငှားပြီး သုံးရတော့ သူကျောင်းသွားချိန်မှာ အားနေတဲ့ ကျွန်မကို typing က စပြီးသင်ပေးတယ်။ ပြီးတော့ MS Word စသဖြင့်ပေါ့။ သူ ကွန်ပျူတာ သင်တန်းကျောင်းလေး ပြန်ဖွင့်တော့ ကျွန်မက သူ့ရဲ့လက်ထောက်လုပ်ရင်း သူ့လက်ချာတွေ လိုက်နားထောင်ရတယ်။ ဒီလိုနဲ့ နောက်ပိုင်း သူမရှိတဲ့အခါ သူရေးခဲ့တဲ့ စာအုပ်တွေနဲ့ ကွန်ပျူတာ သင်တန်းတွေကို ကျွန်မ ဆက်လက်ဦးဆောင် သင်ပေးနိုင်ခဲ့တယ်။
.
မောင်လေးဟာ သူ့လမ်းကြောင်းကို သူ အေးဆေးစွာ လျှောက်လှမ်း သွားနိုင်ခဲ့တယ်။ အလုပ်လုပ်ရင်း TOEFL ဖြေ ကျောင်းလျှောက် ဗီဇာဝင် အမေရိက တက္ကသိုလ်မှာ ကျောင်းတက် စသဖြင့် အဆင့်ဆင့် ကျော်ဖြတ်သန်းရင်း ကျောင်းပြီး အလုပ်ရ အိမ်ထောင်ကျတဲ့အထိ ဆိုပါတော့။ စိတ်ကောင်းရှိတဲ့ မောင်လေးဟာ အိမ်ထောင်ကျတော့လည်း စိတ်တူကိုယ်တူ မြန်မာ မိန်းကလေးနဲ့ အကြောင်းပါခဲ့တယ်။
.
မောင်လေးနဲ့ ကျွန်မ မေမြို့က အဘိုးအဘွားတွေရဲ့ ငွေစန္ဒာ ခြံမှာ

အမေနဲ့ အဖေကို သူတို့အိမ်မှာ ခေါ်ထားပြီး လိုလေသေးမရှိ ဖြည့်စွမ်းပေးနေတာကို ကျွန်မတို့အားလုံး ကျေးဇူးတင် နေကြရတာပေါ့။ ကျွန်မမှာ ညီမအငယ် မရှိတာကြောင့် မောင်လေး အမျိုးသမီးလေးကို ညီမအရင်း တယောက်လို ချစ်ရတယ်။ ။ ကျွန်မ အိမ်ထောင်ပြုချိန်မှာ လိုအပ်တဲ့ ငွေသားလက်ဖွဲ့ပေးသူဟာ တဦးတည်းသော ကျွန်မမောင်လေးပါပဲ။ ကျွန်မ အမေရိက သွားတုန်း အူအတက်ပေါက်လို့ ဆေးရုံတက်ရပြီး ဆေးရုံက ဘေလ်တွေလာတော့ ကျွန်မ လန့်ဖြန့်သွားချိန်မှာလည်း အားမငယ်ဖို့ သူတို့က အားပေးကြတယ်။
.
သူက ကျွန်မအောက် အငယ်ပေမဲ့ ကျွန်မထက် စီနီယာ ကျတာတွေ အများကြီး။
အဖေနဲ့ အမေကို သူခေါ်သလို ပါပါး မာမား လိုက်ခေါ်ကြရတယ်။ (ဘယ်သူမှ မသင်ဘဲ စကားတတ်စမှာ အဲဒီလို ခေါ်ခဲ့တာတဲ့)
ကွန်ပျူတာ ကျွန်မထက် အရင် သင်ခွင့်ရခဲ့တယ်။ (ကျွနိမက သူ့တပည့် ဖြစ်ခဲ့ရတာ)
ဘလော့ကို ကျွန်မထက်အရင် သူက စရေးခဲ့တယ်။ (သူက အင်္ဂလိပ်လို ရေးခဲ့တာ။)
သူငယ်ချင်းတွေစုပြီး ကဗျာစာအုပ်လေး ထုတ်ခဲ့ဖူးတယ်။ (အာစီတူးမှာ သူတက်နေချိန်ကတည်းက)
နိုင်ငံခြား ပညာသင် သူကအရင် သွားခဲ့တယ်။ (ကျွန်မက သူ့နောက် ၇ နှစ် နောက်ကျ ပြီးမှ ရောက်ခဲ့တာ။)
အိမ်ထောင်ကျတော့လည်း ကျွန်မထက် စောပြန်တယ်။ (ဆယ်နှစ်မက စောခဲ့တာ ထင်တယ်။)
.
သူက အငယ်ပေမဲ့ အကြီးလိုပါပဲ။ ကျွန်မ စိတ်ညစ်ရင် သူ့ဆီလှမ်းဖုန်းဆက် ပြောတိုင်း ဖြေသိမ့် နှစ်သိမ့် အကြံဉာဏ်ပေးလေ့ရှိတယ်။ သမီးသုံးယောက် မွေးပြီးမှ ယောက်ျားလေး မွေးလာတော့ ပြည့်စုံ သွားပြီဆိုပြီး အမေတို့က သူ့နာမည်ကို ပြည့်စုံလို့ ပေးခဲ့တယ်။ နာမည် ပဟေဠိဖွက်ရင် သူက မလျှံမရော့ တပြူး လို့ ဖွက်သေးတာ။ လျှံလည်းမလျှံ ရော့လည်းမရော့တော့ ပြည့် တာပေါ့။ တပြူးက စုံ ဆိုတော့ ပြည့်စုံ ဖြစ်ရောလေ။ :) အင်္ဂလိပ်လိုကျတော့ perfect တဲ့။ ကိုရင်ဝတ်တဲ့ နာမည်က ပဏ္ဍိတ။ ကဗျာရေးတဲ့ နာမည်ကျတော့ ပဏ်ဍိ တဲ့။ အဲဒီလို ငါးမည်ရတဲ့ ကျွန်မမောင်လေး …
သူ့မွေးနေ့မှာ ဘာလက်ဆောင်မှ မပေးနိုင် မွေးနေ့ဆုတောင်းတောင် သီးသီးသန့်သန့် ဆုမတောင်းပေးပေမဲ့ မောင်နှမချင်း နားလည်ထားကြပြီးသားပါ။ ပျော်ပျော်နေပြီး သူတပါးကို ကူညီတတ် စိတ်ထားကောင်းတဲ့ မောင်လေး ဘာဆုမှမတောင်းသော်လည်း ကောင်းကျိုး လိုအင်ဆန္ဒတွေ နာမည်နဲ့ လိုက်အောင် မတောင်းဘဲ ပြည့်စုံနေမှာမို့ ဒီပိုစ့်လေးသာ အမှတ်တရ ရေးလိုက်ရပါတယ်။
***
မေဓာဝီ
17.05.17
21.26

Read More...

Monday, May 15, 2017

အဖြေမှန် တစ်ခုတည်း ...

***
တညနေခင်း ရုံးဆင်းခါနီးအချိန် ကျွန်မ မရှိတုန်း ကျွန်မတို့ကျောင်း ရုံးခန်းကို ဖုန်းတခု ဝင်လာပါသတဲ့။
.
“ဒီနေ့ ---- နာရီကမှာ ပြသွားတဲ့ Quiz Idol အစီအစဉ်က မေးခွန်းတစ်ခုမှာ အဖြေမှန်က လွဲနေလို့ပါ။ မေးခွန်းက 50 – 8 x 2 + 2 တဲ့။ အဲဒါ ခင်ဗျားတို့ ကျောင်းက ဒိုင်တွေ သတ်မှတ်တဲ့ အဖြေကမှား နေတယ်။ အဲဒီကိစ္စကို ဘယ်လို ပြန်ရှင်းပေးနိုင်မလဲ”
.
ဖုန်းကိုင်တဲ့ မန်နေဂျာမမလည်း ရုတ်တရက် ကြောင်သွားတာပေါ့။ ကျွန်မတို့ ကျောင်းနဲ့ MRTV 4 ပူးပေါင်း တင်ဆက်တဲ့ ကျောင်းသားတွေ အတွက် ဉာဏ်စမ်းပဟေဠိ ပြိုင်ပွဲ Quiz Idol အစီအစဉ်ဆိုတာ MRTV 4 ရဲ့ For Edu အစီအစဉ်မှာ ပြနေတာ ဆယ်စုနှစ် တခုနီးပါး ရှိပါပြီ။ ခုလို အဖြေမှားတယ်လို့ ဖုန်းဆက်ပြောတာ တခါမှ မရှိခဲ့ဖူးဘူး။ ဒါနဲ့ မန်နေဂျာ မမလည်း သူပြောတဲ့ မေးခွန်းကို ရေးမှတ်ထားပြီး “နက်ဖြန်မနက် ရုံးချိန်မှာ ကျွန်မ ဖုန်းပြန်ဆက်ပေးပါမယ်ရှင်” လို့ ပြောလိုက်ရတယ်။ ဖုန်းဆက်သူက သူ့နာမည် ဖုန်းနံပါတ် ပေးထားခဲ့ပြီး ဆက်ဆက် ပြန်ဆက်ဖို့ မှာသွားခဲ့ပါသတဲ့။
.
နောက်တနေ့မနက် ကျွန်မ ကျောင်းကို ရောက်တော့ အဲဒီပြဿနာက ကျွန်မဆီ ရောက်လာပါတော့တယ်။ ကျွန်မက ကျောင်းမှာ သင်္ချာသင်တာကိုး။ မန်နေဂျာမမက ဖြစ်ကြောင်း ကုန်စင်ပြောပြီး …
“ညီမလေး အဲဒါလေး ပြန်ဖြေရှင်းပေးပါဦး” လို့ဆိုတယ်။
.
မေးခွန်းကို ကြည့်ပြီး ကျွန်မ သဘောပေါက်လိုက်ပါတယ်။ တွက်ကြည့်တော့ သတ်မှတ်ထားတဲ့ အဖြေက မမှားပါဘူး။ ဖုန်းဆက်သူရဲ့ အဖြေကသာ မှားနေတာပါ။ ဒါနဲ့ ကျွန်မလည်း ချက်ချင်းပဲ အဲဒီလူဆီ ဖုန်းပြန်ဆက်ပြီး မနေ့က ဆက်လို့ ပြန်ဆက်ကြောင်း ဘာညာ ပြောပြီးတာနဲ့ …
.
“Order of operations အရ … … … … … … … … အဲဒါကြောင့် အဖြေက _____ ဆိုတာ မှန်ပါတယ်။ လူကြီးမင်း ပြောတဲ့ အဖြေက မှားနေတာပါ"
.
“သြော် … ဟုတ်တယ် ဟုတ်တယ် … ကျွန်တော်က အဲဒါကို သတိမထားမိသွားလို့ ။ ပြန်တွက်တော့ ခင်ဗျားတို့အဖြေ မှန်ပါတယ်"
.
ဒါနဲ့ ကျွန်မလည်း ...
"ဟုတ်ကဲ့ ခုလို စိတ်ဝင်တစားနဲ့ ကြည့်ရှုတာရော ဖုန်းဆက်တာရော ကျေးဇူးတင်ပါတယ်၊ နောက်လည်း စိတ်ထဲ မကျေလည်ရင် ဖုန်းဆက်နိုင်ပါတယ်" လို့ ပြောပြီး ဖုန်းချလိုက်ပါတယ်။
.
ဖုန်းချပြီးတော့ ခုနက ပုစ္ဆာလေးကို ပြန်ကြည့်နေမိတယ်။
50 – 8 x 2 + 2 = ?
.
သူပြောတဲ့ အဖြေက 3*
သတ်မှတ်ထားတဲ့ အဖြေက … …
***
နောက်တနေ့ကျတော့ အဲဒီအကြောင်း နွေရာသီ သင်တန်း လာတက်နေကြတဲ့ ကလေးတွေကို ပြောပြပြီး အဖြေကို မပေးဘဲ တွက်ခိုင်းကြည့်တယ်။ သူတို့လေးတွေဟာ ၆ တန်း ၇ တန်း ၈ တန်း လောက်ရောက်နေပါပြီ။ အပေါင်းအနုတ် အဆင့် လွန်နေပြီ ဆိုရမယ်၊ ဒီမေးခွန်းကို အလွယ်လေး ဖြေနိုင်မှာပဲလို့ ကျွန်မစိတ်ထဲ ထင်နေမိတာ။ ဒါပေမဲ့ … အတန်းထဲမှာ ကျောင်းသား ၁၀ ယောက် ရှိတဲ့အနက် ကျောင်းသား တယောက်ပဲ အဖြေမှန် ရခဲ့ပါတယ်။
.
အဖြေတွေက 86; 32 နဲ့ 36 လို့ အသီးသီး ပြောကြတယ်။။ တယောက်ဆို အဖြေက တရာတောင် ကျော်နေသေးတယ်။ ဒါနဲ့ သူတို့တွက်နည်းတွေကို မေးကြည့်တော့ …
.
86 ရသူက ခုလိုတွက်ပါသတဲ့။
50 – 8 × 2 + 2 = ?
42 × 2 + 2 = 86

တွက်နည်း အဆင့်ဆင့်က ..
50 – 8 = 42
42 x 2 = 84
84 + 2 = 86 ...

.
32 ရတဲ့ သူကတော့ …
50 – 8 × 2 + 2 = ?
50 – 16 + 2 = 32

တွက်နည်း အဆင့်ဆင့်က ...
8 x 2 = 16
16 + 2 = 18
50 – 18= 32

.
36 ရတဲ့ သူကတော့ …
50 – 8 × 2 + 2 = ?
50 – 16 + 2 = 36

တွက်နည်း အဆင့်ဆင့်က ...
8 x 2 = 16
50 – 16 = 34
34 + 2 = 36
တရာကျော်ရတဲ့သူကတော့ ရမ်းသမ်းဖြေတာတဲ့။ ထားလိုက်ပါတော့လေ။ ဆိုတော့ ... ဘယ်အဖြေက မှန်ပါသလဲ။
.
ကျွန်မတို့ငယ်စဉ်က သင်္ချာမှာ ကွင်း ၏ စား မြှောက် ပေါင်း နုတ် လို့ သင်ခဲ့ရပါတယ်။ ကွင်းပါရင် ကွင်းကို အရင်ရှင်း၊ ပြီးရင် ၏ ဆိုတာက အမြှောက်ပဲ၊ ပြီးရင် သူ့အစဉ်အတိုင်း ရှင်းရတယ် လို့ နားလည်ခဲ့ကြသလို အဲဒီအတိုင်းပဲ တပြေးညီ တွက်ခဲ့ကြတယ်။ ကိုယ် စာပြန်သင်တဲ့အခါ သင်္ချာကို အင်္ဂလိပ်လို သင်ပေးရတော့ Order of operations ကို အတိုကောက်မှတ်နည်းက BIDMAS တဲ့။
.
B = Brackets (ကွင်းများ)
I = Indices (ထပ်ကိန်းများ = power)
D = Division (အစား)
M = Multiplication (အမြှောက်)
A = Addition (အပေါင်း)
S = Subtraction (အနုတ်)
သူက ထပ်ကိန်း (Power) ပဲ ပိုသွားပါတယ်။ ကျန်တာက မြန်မာလိုသင်ရတဲ့ အတိုင်းပါပဲ။ အစားနဲ့ အမြှောက်က rank အတူတူ၊ အပေါင်းနဲ့ အနုတ်က rank အတူတူ … ဘယ်မှ ညာ အရင်တွေ့တာ အရင်ရှင်းရုံသာ။
.
နောက်တခုက လက္ခဏာတွေပေါ့။ အနုတ်နဲ့ အပေါင်းဆို နုတ်ရမယ်၊ လက္ခဏာက ကြီးတာကိုယူ၊ အနုတ် အချင်းချင်းဆို ပေါင်းရမယ်၊ လက္ခဏာက အနုတ် … စသဖြင့် အဲဒီ အခြေခံ သဘောတရား လေးတွေကို သိရင် ဘယ်လောက်ရှုပ်ထွေးတဲ့ ကိန်းစဉ်တန်း လာလာ အလွယ်တကူ ဖြေရှင်းနိုင်မှာပါ။ ကလေးတွေက အဲဒီ သဘောတရားကို သေချာမသိကြတော့ အလွယ်လေးကို ခက်နေကြတယ်။ မှားနေကြတယ်။ ကလေးတွေတွင်မကဘူး စောစောက ပြောခဲ့တဲ့ ဖုန်းဆက်တဲ့ လူကြီးပါ မှားနေကြတာပေါ့။
.
အဲဒီလို ပေါင်း နုတ် မြှောက် စား ပုစ္ဆာမျိုးနဲ့ ပတ်သက်ပြီး ဆရာတွေပါ ခဏခဏ မှားကြတာကို အံ့သြစရာ တွေ့ဖူးပါသေးတယ်။ ဆရာ ဆရာမတွေ ဖွဲ့စည်းထားတဲ့ Group တခုမှာပါ။ အဖွဲ့ဝင် တယောက်က အထက်က မေးခွန်းလို ခပ်ဆန်ဆန် မေးခွန်းတခု တင်လိုက်တယ်။ အဖြေကို ဝိုင်းပြောကြတာပေါ့။ အတော်များများ မှားကြပါတယ်။ ကျွန်မကလည်း သင်္ချာသင်တဲ့သူပီပီ မနေနိုင်လို့ ဝင်ဖြေပြီး အဖြေဘယ်လိုရတယ် ဆိုတာပါ တွက်နည်းနဲ့တကွ ရှင်းပြတယ်။ ဒါပေမဲ့ အများစုက သူတို့ ဖြေချင်တာတွေပဲ အမှားတွေ လျှောက်ဖြေနေပြီး ကိုယ်ပြောတာလဲ မဖတ်၊ သူတို့မှန်တယ်ပဲ ထင်နေကြတယ်။ တချို့က ဘယ်လိုဖြေဖြေ အဖြေနှစ်မျိုး သုံးမျိုးလုံး မှန်သတဲ့။ အဲဒီလိုတွေ တွေ့နေရတော့ စိတ်ပျက်ပြီး နောက်တခါ သွားမပြောဖြစ်တော့ဘူး။
.
တကယ်တမ်း သင်္ချာပညာရပ်ဟာ တိကျ မှန်ကန်ပါတယ်။ အပေါ်မှာ ပြထားတဲ့ မေးခွန်းမျိုးအတွက် အဖြေ နှစ်ခု ဆိုတာ မရှိပါဘူး။ အဖြေမှန်က တစ်ခုထဲ တိတိကျကျ ဖြစ်ရမှာပါ။ အဖြေမှန် တစ်ခုထဲရဖို့ကလည်း သတ်မှတ်ထားတဲ့ ဥပဒေသအတိုင်း လိုက်နာပြီး တွက်ချက်ရမှာ ဖြစ်ပါတယ်။ ဥပဒေသကို မလိုက်နာခဲ့ရင်တော့ အဖြေမှန်နဲ့ လွဲချော်ပြီး မရေရာတဲ့ အဖြေ နှစ်ခု သုံးခု ဖြစ်နေတော့မှာ အသေအချာပါပဲ။
***
မေဓာဝီ
15.05.17
18.37

Read More...