Wednesday, January 25, 2012

ဦးပုည၏ ၀တ္ထုများ ... အပိုင်း (၇)

အလောင်းတော် ယုန်မင်းဝတ္ထု
(ဇာတ်သိမ်း)
ပုဏ္ဏားကြီးလည်း ရှေးနည်းဖြင့် မြေခွေးအား ချီးမြှောက်၍၊ မျောက်သူတော်ထံ၊ ရပ်ခံ တောင်းရမ်းပြန်လေသော်၊ ၀ါနရိန္ဒ၊ အာစာရ အရိယာ၊ သတ္တ၀ါမျောက်မင်းသည်၊ ဆန္ဒရင်းနကိုယ်က၊ လှူလိုသည့် စေတနာ၊ အားကြီးစွာသောကြောင့်၊ ပျူငှါရွှန်းရွှန်း၊ နှုတ်ခွန်းချိုမော၊ စကားပြောလို၍ -
အမ္ဗ ပက္ကောဒကံ သီတံ၊
သီတစ္ဆာယာ မနောရမာ။
ဣဒံ ဗြာဟ္မဏ မေ အတ္ထိ၊
ဧတံ ဘုတွာ ၀နေ ၀သ။ ။
ဟူသော ဂါထာကို ရွတ်၏။
ထိုဂါထာ၏ အနက်အဓိအပ္ပါယ်ကား၊ ပိတ်ဖြူစလွယ်၊ ဆင်တင့်တယ်သော၊ အနွယ်ဗြဟ္မာ၊ မင်းဆရာ။ ကျွန်တော်တယောက်၊ တောသားမျောက်မူ၊ ညှီငှေါက်သားငါး၊ စားဘွယ်မရှိ၊ က၀ိသခင်၊ ရှင်ဟူးရားဖြူ၊ လိုတော်မူလျှင်၊ ကြူကြူမွှေးကြိုင်၊ အခိုင်နှင့်တကွ၊ အဗ္ဘန္တရဂိုဏ်းဝင်၊ ပင်ပေါ်မှည့် သရက်သီး၊ လုံးကြီးရွှေဝါ၊ ရသာထူးခြား၊ စားစရာကိုမူကား၊ ဖွေရှာ၍ ထားသောကြောင့်၊ ကျွန်ုပ်အားရှိပါ၏။ မင်းဆရာပုဏ္ဏား၊ စားပါ သုံးပါ၊ သဲသာသည့် ဆိပ်ကမ်းက၊ စမ်းရေကလေး၊ အေးက-အေး၊ ချိုက-ချို၊ တည်းခိုစဘွယ်၊ အရိပ်လည်း ကျယ်ပါသည်၊ စံပယ် ချမ်းမြေ့၊ သည်ယနေ့ကို၊ မွေ့မွေ့သာသာ၊ သည်နေရာတွင်၊ သိက္ခာ အဋ္ဌင်္ဂ၊ သီလရင်းနှီး၊ စိတ်ပုတီးနှင့်၊ အငြီးဖြေ၍၊ နားနေတော်မူပါ ဟူလိုသတည်း။ … ။

ပုဏ္ဏားလည်း၊ ရှေးနည်းအမှတ်ဖြင့်၊ စကားဆက်ဖြတ်ပြီးလျှင်၊ ဗောဓိသတ် ဗုဒ္ဓင်္ကူ၊ သယမ္ဘူ မုံရင့်၊ မကြာမီပွင့်အံ့သော၊ ရွှေယုန်မင့် နေရပ်သို့၊ ချဉ်းကပ်ဆိုက်ရောက်၍၊ စားသောက်ရန် အစာရလိုကြောင်းနှင့်၊ သာသာညံ့ပျောင်း၊ ခွင့်တောင်း ရပ်ခံပြန်လေသော်။ ယုန်သူတော်ကောင်း၊ ဘုရားလောင်းလည်း၊ လျောင်းစက်ရာက၊ ရုတ်ခြည်းထပြီးလျှင်၊ မမ မနောရထော မတ္ထကံ ပတ္တော- ဟု။ အမျော အမော၊ အလောသုံးဆယ်၊ ကိုယ်ဝယ်နှံ့ပြား၊ ပီတိဟုန်ပွါးသောကြောင့်၊ ယောက်ျားဟဲ့ ငါ၊ သည်တခါမူ၊ လိုရာထုတ်ချောက်၊ ငါ့အကြံမြောက်ကပြီ၊ ဗောဓိအောင်မြေ၊ ၀ိဇယပလ္လင်ဗွေတွင်၊ ၀တ်ရေသင်းကြိုင်၊ ရွှေသစ္စာ ပန်းခိုင်ကို၊ ပိုင်ပိုင်မချွတ်၊ ငါဆွတ်တော့မည်တကား ဟု၊ မြက်ဝါးခြမ်းမျှ၊ ဇီဝိတကို၊ ပမာဏမမူ၊ ကိုယ့်အသားကို၊ ပုဏ္ဏားအား လှူပြီးလျှင်၊ ကြည်ဖြူ နှုတ်ချို၊ ပြောဟောလို၍၊ -
နသသဿတိလာအတ္ထိ၊
နမုဂ္ဂါ နပိတဏ္ဍုလာ။
ဣမိနာ အဂ္ဂိနာ ပက္ကံ၊
မမံ ဘုတွာ ၀နေ၀သ။ … ။
ဟူသော ဂါထာကို ရွတ်၏။
ထိုဂါထာ၏ အနက်အဓိပ္ပါယ်ကား၊ အို ပုဏ္ဏား၊ ယုန်မျိုးသတ္တ၀ါ၊ ငါတို့မှာကား၊ ဟင်းလျာလှူရန်၊ ဆန် ပဲနောက် နှမ်း၊ တခြမ်း တလုံးမျှ၊ စုရုံး၍မထား၊ စားလေသည် မဟုတ်ပါ၊ နေစာ ဆင်ငို၊ ပန်းတော်ညို မုန်ညင်း၊ မြက်ခပင်းကို၊ ထမင်းလုပ်၍၊ ကျွန်ုပ်တို့အား၊ စားသုံးရချေသည်။ အကျွန်ုပ်အဓိဋ္ဌာန်မှာ၊ အာဂန္တု သူတောင်းစား၊ ရောက်လာခိုက်ငြားဘိမူ၊ ငါ့အသား-ငါ့အသွေးကို၊ ပေးလှူမည် အကြံနှင့်၊ အလှူခံ မျှော်လင့်လျက်၊ အဆင်သင့် နေပါသည်၊ အကျွန်ုပ် တကိုယ်စာကို၊ မင်းဆရာ တယောက်မူကား၊ ၀လောက်စရာ၊ ရှိတန်ပါ၏၊ ငါ၏ ကိုယ်ကို၊ အလိုရှိတိုင်း၊ ဖြတ်ပိုင်းလှီးခုတ်၊ အရေကိုဆုတ်ပြီးလျှင်၊ တုတ်တံစို့ ဖောက်လျှို၍၊ မီးဖို၌ ဖုတ်ကင်ပါ၊ အားနာတော် မမူနှင့်၊ ထောက်ကူအုံညီ၍၊ ပါရမီ ကျွန်ုပ်မြောက်အောင်၊ စားသောက်တော် မူပါဟု၊ အခါခါ နှုတ်မြွက်၍၊ အသက်အလှူပေးသည်တွင်၊ သိကြားမင်းလည်း၊ မိမိတန်ခိုးဖြင့်၊ ကြီးစွာသော မီးကျီးစုကို ဖန်ဆင်း၍၊ အသင်ရွှေယုန်မင်း၊ ဤမီးပုံသို့ ဆင်းလော့၊ သင်၏အသား ကျက်သည်ကာလ၊ ငါစားအံ့ဟု ဆိုသော်၊ ယုန်သူတော်လည်း၊ ဤသို့ အကြံဖြစ်၏။ သြော် ငါ၏အမွေး၌၊ အလှေးအမွှား၊ အများရှိချေသည်၊ ငါ၏ ကိုယ်ကို မှီ၍၊ ဤပိုး ဤမွှား၊ ဆုံးပါးအသက်၊ မပျက်ကောင်းပေရာဟု၊ ကရုဏာ သမ္ပဇဉ်၊ ယှဉ်သော နှလုံးဖြင့်၊ သုံးကြိမ်စင်ကြယ်စွာ၊ ကိုယ်တော်ကို ခါပြီးလျှင်၊ ရွှေကြာအိုင် အတွင်းသို့၊ ရေသဘင် ကျင်းလို၍၊ သက်ဆင်းသော ရွှေဟင်္သာကဲ့သို့၊ မျက်နှာတော်မမှိန်၊ မီးဖိုနှင့် ကိုယ်တော်မြတ်ကို၊ မတ်လှအောင် ချိန်ပြီးလျှင်၊ တရှိန်တည်း ခုန်ဆင်း၍၊ မီးတွင်းသို့ သက်တော်မူလေ၏။ … ။

သိကြားမင်း ညှိပျိုးသော၊ ငရဲအိုးမက၊ ပူလှသော မီးကျီးစုသည်၊ သုခမိန် ရွှေယုန်မင်း၏၊ ကျေးဇူးဂုဏ် ပါရမီကြောင့်၊ ဂေါသီတ စန္ဒကူးကဲ့သို့၊ အထူးသဖြင့် ချမ်းအေး၍၊ ကိုယ်မွေးတော် တပင်ကိုမျှ၊ မီးဝင်၍ မငြိ၊ ပကတိ ဖြစ်တော်မူသည်တွင်၊ အလှူခံ ပုဏ္ဏားအား၊ စကား ဤသို့ ဆိုပြန်၏။ အို ပုဏ္ဏား၊ သင်ပုဏ္ဏားကား၊ စားရလှုနီး၊ လောဘကြီးနှင့်၊ မီးကိုမျှ မပျိုးနိုင်၊ ဗျာလှိုင်ချွတ်လွဲ၊ သင်စုသော မီးခဲသည်၊ မရဲ မပြောင်၊ လောင်မည်ကား ဝေးစွ၊ ကိုယ်မွေးကိုမျှ မခြစ်၊ အသစ်မီးစု၍၊ ယခုတကြိမ် ပျိုးဦးလော့ဟူ၍ ဆို၏။ သိကြားမင်းလည်း၊ ကြီးစွာသော အံ့ဘွယ်သရဲကို မြင်၍၊ ကိုယ်ထင်ပြပြီးသော်၊ သခင်ယုန်မင်း၊ ငါတမူကား၊ ပုဏ္ဏားမဟုတ်၊ အယုဇ္ဈပြည်ကြီးရှင်၊ မိုဃ်းတွင်သိကြား ဖြစ်ပေသည်၊ ပါရမီနှီးရင်း၊ ဆည်းပူးခြင်း၌၊ ယုန်မင်းသတ္တိ၊ ရှိမရှိကို၊ ငါသိလို၍၊ မီးဖို ဖန်ဆင်း၊ သင်ယုန်မင်းကို၊ အခြင်းအရည်၊ စမ်းပေသည်၊ လောကသုံးခွင်၊ ဘုံအပြင်ဝယ်၊ သင်နှင့်ရည်တူ၊ ရဲရင့်သူကို၊ လူ၌မမြင်၊ နတ်တွင်တယောက်၊ မပေါက်စဖူး၊ သင်တဦးသာ၊ အထူးအမြတ် ဖြစ်ပေသည်။ သဗ္ဗညုတ ဉာဏရတနာ၊ ဂုဏ်မြတ်စွာကို၊ လွယ်ကာထုတ်ချောက်၊ လက်ရောက် ယူတော်မူအံ့သောငှါ၊ စွန့်ခဲစွာသော အသက်ကို စွန့်ကြဲ၍၊ လွန်ကဲသော ပါရမီအထူးကို၊ ဆည်းပူတော်မူပေသည်ဟု၊ အထွေထွေ ချီးမွမ်းပြီးလျှင်၊ တယောက်တည်းသော သားကို၊ ပိုက်ဖြားပြုပြင်သော၊ မိခင်အလား၊ သိကြားနတ်မင်းသည်၊ ယုန်သူတော်ကောင်း၊ ဗောဓိလောင်းအား၊ ပျောင်းပျောင်း ညံ့သက်၊ မိမိလက်ဖြင့်၊ ပိုက်ဖက်ပွေ့ယူ၊ ချော့မြူ ဖြေဖျော်လျက်၊ နေတော်မူရင်း၊ မြက်ခင်း ကမ္ဗလာ၊ သဲမွေ့ရာထက်၊ အသာတင်ထားခဲ့ပြီးမှ၊ ဖျံ, မြေခွေး, မျောက်၊ သုံးယောက်သော သူတော်စင်တို့အားလည်း၊ တရားမပျက်၊ အသက်ထက်ဆုံး၊ ကျင့်သုံးနိယံ၊ ဆက်ဆံ မေတ္တာ၊ ကြင်နာ ကျွမ်းဝင်၊ ချစ်ခင်ကြမည့် အကြောင်း၊ ကောင်းသော ဥပဒေသဖြင့်၊ အဆုံးအမ ပေးပြီးသော်၊ သိကြားမင်းသည်၊ နောက်တရံ၌၊ အကြံ ဤသို့ဖြစ်၏။

ဤ ရွှေယုန်မင်း၏၊ ဂုဏ်ကြိယာ၊ လက္ခဏာသနစ်၊ မဖြစ်ဖူးမြဲ၊ အံ့အဲဖွယ်မှု၊ ယခုဖြစ်ပုံ၊ မကြုံစတောင်း၊ ဤ ပွဲကောင်းကို၊ အပေါင်းသတ္တ၀ါ၊ မြင်စိမ့်ငှါဟု၊ ပြည်ရွာ နှံ့ပြားအောင်၊ သွား၍လည်း မပြောနိုင်ရာ၊ လာ၍ ကြည့်ခြင်းငှါ မအပ်၊ ဘဒ္ဒကပ် ဤကပ္ပါတွင်၊ မင်္ဂလာသမိုတ်၊ တတိုက်လုံး ကြက်သရေ၊ မကျေမတိမ်၊ တသိမ်တဂုဏ်၊ မကုန် မဆုံး၊ ကပ်လုံး မပျောက်၊ တည်စလောက်သော၊ အထောက် အကြောင်း၊ ထုံးဟောင်း စံမြတ် ဖြစ်ပေသည်။ သပြေတည်ထွန်း၊ တကျွန်းသူ မက၊ လေးဒီပ မျက်နှာ၊ စက္က၀ါဝန်းကျင်၊ လူခပ်သိမ်း မြင်သဖြင့်၊ ဤသခင် ယုန်မင်း၏၊ အကြောင်းရင်းး ထုံးစံကို၊ နည်းခံ၍ ကျင့်ကြစေဟု၊ ရွှေယုန်မင်းဇာတ်၊ အတ္ထုပ္ပတ်ကို၊ လောကဓာတ် လူ့ဘောင်တွင်၊ မူတစောင် မဟာဝင်၊ ကပ္ပါလုံး ထင်ရစ်အောင်၊ တောင်ဆီမင် ဆေးစုံဖြင့်၊ ငွေစက္ခုံ လဗိမာန်၌၊ ယုန်ရုပ်ဟန် ရေးချယ်၍၊ တင့်တယ်စွာ ထားသောကြောင့်၊ ထင်ရှားခုတိုင် ဖြစ်လေသည်။ … ။

အနုရုဒ္ဓါ အလောင်းဖြစ်သော - သိကြားမင်း၊ အာနန္ဒာအလောင်းဖြစ်သော - ဖျံမင်း၊ မောဂ္ဂလာန် အလောင်းဖြစ်သော - မြေခွေးမင်း၊ သာရိပုတ္တရာ အလောင်းဖြစ်သော - မျောက်မင်း၊ ဘုရားအလောင်းဖြစ်သော - ယုန်မင်း၊ ဤ ပုဂ္ဂိုလ်တို့၏၊ ကြည်ညို မြတ်နိုးစွာ၊ ဒါနပြုပုံ၊ သီတင်းသုံးပုံ၊ လုံးစုံကျင့်ကြံ၊ ထုံးစံသာဓက၊ နိပါတ်ပြကို၊ နိဿယကြီးတစောင် ပြု၍၊ ယခုကာလ၊ လူများအပေါင်းတို့သည်လည်း၊ ကောင်းမြတ်သော နှလုံးသွင်းဖြင့်၊ ပေးလှူခြင်း ဒါနပါရမီ၊ စာဂီမသွေ၊ ဇမ္ဗူရွှေကဲ့သို့၊ ကိလေသာ မစွန်းမရှသော၊ သီလပါရမီတို့ကို၊ ၀သီဖြစ်ပွါး၊ ကြိုးစား ဆည်းပူးသင့်ပေသည်။ လေးဦးသော သတ္တ၀ါ၊ ကျင့်ကြရှာသည်မှာ၊ သာသနာတွင်းမျှ မဟုတ်သေး၊ တွေးဆ ရမ်းယောင်၍၊ ကြံဆောင် ကျင့်သုံး ရှာကြသည်။

ယခုမှာမူ၊ လူလည်း ဖြစ်လာ၊ သာသနာလည်း ထွန်းခိုက်၊ အမြိုက်တရား၊ ဟောကြားမည့်သူ၊ လူလည်း မရှား၊ သို့ပါလျက်သားနှင့်မှ၊ တရားသို့ မလိုက်၊ အမှားကို ကြိုက်ကြလျှင်၊ အမိုက်တကာ့ ဗိုလ်မင်း၊ အဖျင်းတကာ့ ဗိုလ်ချုပ်၊ အပါယ်လေးလီ၊ မြစ်နဒီတွင်၊ ပလုံစီ ငုပ်ကြမည့်၊ လူယုတ်ကြီးတွေ ဖြစ်ချိမ့်မည်၊ တိရိစ္ဆာန် သူတော်တို့၊ ရမ်းရော်၍ ကျင့်ချက်ကြောင့်၊ အထက်နတ်ရွာ၊ ဗြဟ္မာတို့ဘုံ၊ ရောက်ရုံမက၊ သဗ္ဗညုတ၊ လောကထွတ်ထား၊ ဘုရား ရဟန္တာ၊ ဖြစ်ကြသော အရာများကို၊ ပညာဖြင့် ချင့်လီ၍၊ လောကီ လောကုတ်၊ ၀ိမုတ္တိ အမြိုက်၊ ခံစားထိုက်အောင်၊ နှစ်ခြိုက်ကြည်ညိုစွာ၊ ဒါန သီလ၊ အဋ္ဌင်္ဂ ဥပုသ်တို့ကို၊ အားထုတ် ကြိုးစားကြရမည်။ … ။

ဤတွင်ရွေ့ ယုန်မင်းဝတ္ထု ပြီး၏။
***
ယုန်မင်းဝတ္ထုတော့ ပြီးသွားပါပြီ။ စာ အကျအပေါက်နဲ့ အမှားအယွင်းများ ပါလျှင် စာရိုက်သူ ကျမမှာသာ တာဝန်ရှိပါတယ်။ ဒီကြားထဲ တခြားပို့စ်တခု တင်ဖို့ ကြိုးစားခဲ့ပေမဲ့ အယ်ရာနဲ့ ကျမနဲ့ အမြဲလိုလို ထိပ်တိုက် တွေ့တွေ့နေပြီး ဘလော့မှာ ပို့စ်တင်ဖို့ အရမ်းကို ခက်နေတယ်။ ဒါကြောင့် ယုန်မင်းကိုတော့ မဖြစ်ဖြစ်တဲ့နည်းနဲ့ တင်မယ်ဆုံးဖြတ်ပြီး ဇွဲနပဲနဲ့ ကြိုးစားပမ်းစား တင်လိုက်ပါတယ်။ ဒါတောင် ၁၀၁ ကြိမ်မြောက် ကြိုးစားရခြင်းပါ။ ကျမလဲ ခုတလော မန့်ဖို့ခက် တင်ဖို့ခက်နဲ့ စာရေးဖို့တောင် စိတ်က သိပ်မပါတော့ဘူး။ စာလာဖတ်သူများ အားလုံးကို ကျေးဇူးတင်ပါတယ်။

မေဓာဝီ
၂၅၊ ဇန်န၀ါရီ၊ ၂၀၁၂
၁၁း၁၃ နာရီ
ရည်ညွှန်း။ ။ ဦးပုည၀တ္ထုပေါင်းချုပ် (ဟံသာဝတီ ပိဋကတ် စာပုံနှိပ်တိုက် ၁၉၄၀ ခုနှစ်)

Read More...

Friday, January 20, 2012

ဦးပုည၏ ၀တ္ထုများ … အပိုင်း (၆)

ကိုယ်တိုင်ကိုယ်ကျ စာတပုဒ်ကို ဟုတ္တိပတ္တိ မရေးဖြစ်ဘဲ ကောင်းနိုးရာရာ စာအုပ်တွေ ရှာဖွေ ဖတ်ရှုရင်း စာအုပ်ပုံ ထောင့်နားက ဦးပုည၀တ္ထု စာအုပ်လေး သွားတွေ့တယ်။ အဲဒီတော့မှ ဦးပုည၀တ္ထု ၇-ပုဒ်ထဲက ဆဒ္ဒန်ဆင်မင်း တပုဒ်ပဲ ဘလော့မှာ တင်ရသေးတာ သတိရမိတာနဲ့ ဒုတိယ၀တ္ထုဖြစ်တဲ့ ယုန်မင်းဝတ္ထုလေး ရိုက်ပြီး တင်လိုက်ရပါတယ်။ ဘုရားအလောင်း ယုန်မင်းဝတ္ထုက အများသိပြီးသား ဖြစ်ပေမဲ့ ဦးပုညရဲ့ ပြောင်မြောက်တဲ့ အရေးအသားကို ဖတ်ရှုလေ့လာလိုသူများ, သိမ်းထားလိုသူများအတွက် ရည်ရွယ်ပြီး တင်လိုက်ရပါကြောင်း … ။
***
၂ - အလောင်းတော် ယုန်မင်းဝတ္ထု

သဗ္ဗညု မြတ်စွာဘုရားသည် သာဝတ္ထိပြည်၌ တယောက်သော သူကြွယ်အား ဒါန အနုမောဒနာကို ပြုတော်မူရာ၌ -

ဣဒံဟိ ဒါနံနာမ ပေါရာဏက ပဏ္ဍိတာနံ ၀ံသော။
ပေါရာဏက ပဏ္ဍိတာဟိ သမ္ပတ္တယာစကာနံ ဇီဝိတံ ပရိစ္စဇိတွာ
အတ္တနော မံသံပိ အဒံသု။

ဟူသော ဒေသနာတော်မြတ်ကို ဟောတော်မူသည်။ ထိုဒေသနာတော်နှင့် လျော်ညီစွာ (သံသရာ စွဲရစ်၊ အဏ္ဏ၀ါဝဲမြစ်ဝယ်၊ နစ်တုံပေါ်တုံ၊ တမှုံမွှားမွှား၊ ရဟတ်ချားကဲ့သို့၊ မျောပါး ကျင်လည်၊ သံယောဇဉ် ဘွဲ့ချည်၍၊ အတည်မကျ၊ ဒုက္ခိတသတ္တ၀ါ၊ ဘုံသုံးဆဲ့ တဖြာတွင်၊ မြဲရှည်ကြာ ခေါက်ပြန်၍၊ မှောက်လှန် မျောပါးကုန်သော သူတို့အား၊ ကိုယ်ပွါးတော်နှစ်၊ ကြင်မြတ်လေးသည့် ရင်သွေးတော်စစ်ကဲ့သို့၊ ချစ်ခင်မေတ္တာ၊ ကရုဏာရှေ့ထား၍၊ သနားတော်မူလှသောကြောင့်၊ ဒီပင်္ကရာ ထွတ်ချာမှန်ကင်း၊ သုံးလူ့မင်း၏၊ ခြေတော်ရင်းမှ၊ နိယတဗျာဒိတ်၊ ရွှေတံဆိပ်ကို၊ ထိပ်ထက်ကြည်လင်၊ ပန်ဆင်တော်မူခဲ့ရ၍၊ လေးဝသင်္ချေ၊ သိန်းနေစွန်းမှီ၊ ဆယ်ပါးသောပါရမီနှင့်၊ စာဂီပဉ္စ၊ စရိယသုံးဆင့်၊ ဆည်းပူကျင့်လျက်၊ ရွှေယုန်မင့်းအဖြစ်၌)။ ကိုယ်ခန္ဓာ အသက်ကို၊ မြက်တပင်မျှ၊ ပမာဏမပြု၊ သဗ္ဗညုပညာ၊ ရတနာနှစ်၊ ပုလဲစစ်ကို၊ ချစ်ချစ်ခင်ခင်၊ လိုချင်လှသောကြောင့်၊ ဇီတရုပ်နာမ်ကို၊ အလှူခံပုဂ္ဂိုလ်တို့အား၊ ဆံဖျားမတွန့်၊ ပေးစွန့်လှူဒါန်းဖူးကြောင်း၊ ထုံးဟောင်း အတိတ်ကိုပြန်၍၊ ဟဋ္ဌပ္ပဟဋ္ဌ၊ လောမဟံသန၊ ကြွကြွစိတ်ပါ။ သဒ္ဓါဇောဝင်၊ ရွှင်ကြစေခြင်းငှါ၊ သာဓကဥဒါဟရုဏ်ဖြင့်၊ ကုဏ္ဍလာမြ၊ အနဂ္ဃကျောက်မြတ်ကို၊ န၀ရတ်ခြယ်စီလျက်၊ သိင်္ဂီနိတုံ၊ သာတကုံဂီဝါ၊ ဇမ္ဗူရဇ်ရတနာကို၊ သင့်ရာက ဆစ်ပြီးလျှင်၊ မျက်ရစ်ကြိုးသတ်သကဲ့သို့၊ နိပါတ်တော်စကားဖြင့်၊ နား၏တန်ဆာဆင်လတ္တံ့။

ရှေးအတိတ်အခါ၊ ဗာရာဏသီပြည်မြတ်၌၊ ဗြဟ္မဒတ်မင်း မင်းမူစဉ်၊ ငါတို့ ဘုရားအလောင်းသည်၊ တောအောင်း ချုံလျှိုး၊ ယုန်မျိုးအစစ်၊ ဖြစ်တော်မူသတ်။ ထိုယုန်မင်းနှင့်၊ သီတင်းသုံးဘော်၊ သူတော်ဓလေ့၊ သိမ်မွေ့ကျင့်ကြံ၊ ဖျံ, မြေခွေး, မျောက်၊ လေးယောက်ပေါင်းစု၊ မိတ်ဆွေပြု၍၊ တခုသော တောင်ခြေတွင်၊ ရေတဘက် ရွာတဘက်၊ တောနက်တရပ်၊ စပ်လျက်တည်သော၊ စေးပျစ်ရဂုံ၊ ဂနိုင်ချုံ၌၊ ပေါင်းဆုံ နေပျော်ကြသတည်း။ တနေ့သ၌၊ ယုန်သူတော် ပဏ္ဍိတသည်၊ ညလေးချက်တီးကျော်ဝယ်၊ မိုဃ်းပေါ်သို့ ကြည့်ရာတွင်၊ လ၀န်း၏သဏ္ဌာန်ဖြင့်၊ နက်ဖြန်ခါသည်၊ လပြည့်နေ့ ကြုံမည်ကို၊ အတည်ကျ သိလတ်၍၊ ခင်ပွန်းမြတ် သုံးဦးတို့ကို ခေါ်ပြီးလျှင်။ အဆွေတော်တို့၊ နေ့နက်ဖြန်ခါ၊ ပန္နရသီ၊ တိထီထွန်းသည့်၊ စက်ဝန်းလှည့်လည်၊ လပြည့်ဥပုသ် ကြိမ်လိမ့်မည်။ ဘုရား ပစ္စေကဗုဒ္ဓါ၊ ရဟန္တာတို့၊ မဟာသမယ၊ သင်္ကေတဖြင့်၊ ဥဒ္ဒေသပါတိမုက်၊ ဥပုသ်ပ၀ါရဏာ၊ ကမ္မ၀ါဉတ်၊ တင်ရွတ်ဖတ်၍၊ ရက်မြတ်ခေါ်သမုတ်ပေသည်။ ။

နက်ဖြန်မိုးလင်း၊ တရက်တွင်း၌၊ အချင်းသင်တို့၊ ကိုယ်ဖို့သံသရာ၊ ကံကျွေးပါအောင်၊ ရှစ်ဖြာဥပုသ်၊ အားထုတ်ဖြည့်စွမ်း၊ ကျင့်ကြိုးပမ်း၍၊ မဂ်လမ်းရှာဖွေ ကြရမည်။ ဖုန်းတောင်းယာစကာ၊ လှူခံလာလည်း၊ စားရာဘို့က၊ အချို့ေ၀၀က်၊ သဒ္ဓါတက်လျှင်၊ သက်သက်မခြွင်း၊ မစ္ဆေရကင်း၍၊ လှူခြင်းရက်ရော ကြရမည်။ သီလ၀ိသုဒ္ဓိ၊ ကိုယ်၌ရှိမှ၊ ပရိစာဂ၊ ဒါနကျိုးဆက်၊ ဖြိုးဖြိုးတက်၍၊ ဖိုလ်မဂ်ဉာဏ်ကြီး ပွင့်ကြမည်၊ ငါသြ၀ါဒ၊ ပေးသမျှကို၊ မခွမသွေ၊ မထွေမရာ၊ လိုက်နာမှတ်သား၍၊ တရားလက်ရှိ၊ ပြုကြကုန်ဟူ၍၊ ရွှေယုန်သူမွန်၊ တမလွန်ရေး၊ သြ၀ါဒပေးသည်ကို၊ သွေးသောက်တစုတို့လည်း။ ဂရုဂါရ၀၊ အာမ၀န္တံ၊ ခံယူကြပြီးလျှင်၊ နံနက်ကြီး စောစောက၊ ဂေါစရဂံ၊ ရှာကြံကြရာ၊ ဖျံမှာကား၊ ငါးကြင်း ခုနစ်စီး၊ မြေခွေးမှာကား၊ အမဲကင် ဖွတ်ကင် နို့ဓမ်းအိုး၊ မျောက်မှာကား၊ သရက်သီးမှည့်တို့ကို ရ၍၊ စားရန်လှူရန် အလို့ငှါ၊ သင့်ရာ၌ ထားပြီးသော်၊ မိမိတို့ စောင့်သုံးသော သီလကို၊ ဆင်ခြင်အောက်မေ့လျက်၊ ကိုယ်စီကိုယ်င၊ နေကြကုန်၏။ ။

ဗောဓိသတ္တ၊ နိပက္ကပါရမီ၊ ၀သီနှီးရင်း၊ ရွှေယုန်မင်းကား၊ သီတင်းအမြဲ၊ ဆောက်တည်ဆဲတွင်၊ လွန်ကဲသော သဒ္ဓါကြောင့်၊ ကြံခဲစွာသော အကြံကို၊။ ဤသို့ ကြံမိလေ၏။ သြော် ငါနှင့် သူတပါး၊ အစားချင်းမတူ၊ လူမစုံမက်၊ မနှစ်သက်သော၊ မြက်မြေစာပင်၊ မုန်ညင်းပင်တို့သာ၊ ၀မ်းစာ နေ့ည၊ စားသုံးရချေသ်ည။ ။ ဒါနကုသိုလ်၊ ငါပြုမည်ဆိုသော်လည်း၊ ၀တ္ထုကိုယ် မကောင်း၍၊ တောင်းသူ မနှစ်သက်က၊ အကျိုးဆက် မကြီးရာ၊ ငါ့အသက်ကို၊ ရက်ရက် မရွံ၊ အသေခံ၍၊ ငါ့ထံရောက်လာ၊ ယာစကာတို့အား၊ ငါ၏အသားကို၊ စားသောက်ရအောင်၊ ဇီဝိတအလှူ၊ လူမတူ - နတ်မတန်၊ သဗ္ဗညု ရွှေဉာဏ်ကို၊ ဧကန် ရပေတော့မည် တကားဟု၊ အားပြည့် အင်ရွဲ၊ ကြံဆဲဆဲတွင်၊ ငါ၏ လွန်ကဲစွာသော ပီတိအရှိန်ဖြင့်၊ ကာယိနြေ္ဒအလုံး နှံ့ရကား၊ ဘယ်နံအခါ၊ ငါ၏အသားကို၊ စားလို သသူ၊ ရှေ့ရှုရွယ်ရည်၊ လာလိမ့်မည်ဟု၊ ကြံစည် ငံမျှော်လျက်၊ နေတော်မူလေ၏။

ထိုအခါ၊ သိကြားမင်း၏ ပဏ္ဍုကမ္ဗလာ၊ ကြမ်းမာပူလောင်သဖြင့်၊ လူ့ဘောင်သို့ ကြည့်ရှုသည်တွင်၊ ယုန်သုခမိန်၏၊ မနိနြေ္ဒကို သိသည်ဖြစ်၍၊ ဤယုန်သူငယ်သည်၊ ကြံရွယ်သည့်အတိုင်း၊ မဆိုင်းမဆုတ်၊ အဟုတ်သဘော၊ ရက်ရောမည်၊ မရက်ရောမည်၊ အရည်ထောက်လှမ်း၊ စုံစမ်းလိုသောကြောင့်၊ သူအိုပုဏ္ဏား အယောင်ဖြင့်၊ တောချောင်သို့ လာ၍၊ သတ္တ၀ါလေးဦးတို့ အထံသို့ ရောက်သတည်း။ ။ ရှေးဦးစွာ၊ ဖျံသူတော်ကောင်း၊ ပျော်စံအောင်းသော အရပ်သို့၊ ချဉ်းကပ်ပြီးလျှင်၊ အို အချင်းဖျံ၊ အလှူခံဆရာ၊ ပုဏ္ဏား ငါသည်၊ တနပ်စာ ဆွမ်း၊ ထမင်းကြမ်းကိုမျှ၊ တောင်းရမ်း၍ မရပါ၊ ၀မ်းစာ လောက်င၊ စားရပါလျှင်၊ အဋ္ဌင်္ဂ ဥပုသ်ကို၊ အားထုတ် ဆောက်တည်လိုပါသည်၊ သင်ဖျံမင်း၌၊ ကျန်ကြွင်းသော အစာ၊ ရှိသေးပါမူ၊ မင်းဆရာ ဗြာဟ္မဏအား၊ ပေးငှ လှူဒါန်းပါလော့ ဟူ၍ ဆို၏။ သူတော်ကောင်းဖျံသည်၊ အလှူခံ ပုဏ္ဏားနှင့်၊ စကားပြောဆို၊ လှူဒါန်းလို၍၊ -

သတ္တ မေ ရောဟိတာ မစ္ဆာ၊
ဥဒကာ ထလ မုဗ္ဘတာ။
ဣဒံ ဗြာဟ္မဏ မေ အတ္ထိ၊
ဧတံ ဘုတွာ ၀နေ ၀သ။ -

ဟူသော ဂါထာကို ရွတ်၏။

ထိုဂါထာ၏ အနက်အဓိပ္ပါယ်ကား။ ။ ဗြာဟ္မဏ၊ ခေတ္တ, ဗိသျှ, သုဒြာ၊ ၀ံသာလေးရိုး၊ ပုဏ္ဏားမျိုးတွင်၊ ဗိသျှဏိုးနွယ်၊ ကိုးသွယ်ရစ်ဆင်၊ စလွယ်တင်လျက်၊ ဗေဒင်ယတြာ၊ မုခါရုဠှီ၊ ဂြဟီပါပ၊ မည်ထိုက်လှသော၊ ဗြာဟ္မဏ အ၀င်၊ သန့်စင် သိက္ခာ၊ မင်းဆရာ။ ကျွန်ုပ်လက်တွင်း၌၊ ငါးကြင်း ခုနစ်စီး၊ အပြီးယခု ရှိပါသည်၊ ထောပတ်မတူ၊ ၀က်ဆူမမီ၊ အဆီနှင့် ၀င်းဝင်း၊ ဤ ငါးကြင်းကို၊ မင်းဆရာအကြိုက်၊ မြှိုက်လိုမြှိုက်၊ ကင်လိုကင်၊ စားချင်သမျှ စားတော်ခေါ်၊ ဆရာကတော်ဖို့၊ အချို့ယူလိုယူ၊ လှူပါ၏ ပေးပါ၏၊ ၀မ်းရေးတော်ပြည့်စုံမှ၊ ဤတောချုံ အရိပ်မှာ၊ စက်အိပ်နေနား၊ စင်္ကြံသွား၍၊ ရှစ်ပါးသော ဥပုသ်ကို၊ အားထုတ်တော်မူပါဟူ၍၊ ဂါထာအဓိပ္ပါယ် ရသတည်း။ … ။

ဤသို့ ဖျံကဆိုလျှင်၊ ထိုပုဏ္ဏားလည်း၊ သာဓု သာဓု၊ သပ္ပုရိသ၊ ကောင်းလှပေပြီ၊ သြော် စောလည်း စောသေး၏၊ လိုအပ်သောအခါ၊ ငါယူလာမည်ဟု ဆို၍၊ ထိုအရပ်မှ မနီးမဝေး၊ မြေခွေးသူတော့်ထံ၊ ရပ်ခံ တောင်းရမ်းပြန်သော်၊ ခွေးသူတော်ကြီး၊ နှုတ်သီးရွရွ၊ အာစရွှင်ရွှင်၊ လှူချင်သော စေတနာနှင့်၊ ချေငံစွာ ပြောဆိုလို၍၊ -

ဒုဿမေ ခေတ္တ ပါလဿ၊
ရတ္တိံ ဘတ္တံ အပါဘတံ။
မံသ သူလာစ ဒွေ ဂေါဓံ၊
ဧကဉ္စ ဒဓိဝါရကံ။
ဣဒံ ဗြာဟ္မဏ မေ အတ္ထိ၊
ဧတံ ဘုတွာ ၀နေ ၀သ။ -

ဟူသော ဂါထာကို ရွတ်၏။

ထိုဂါထာ၏ အနက်အဓိပ္ပါယ်ကား။ ဆရာပဏ္ဍိတ်၊ ပုရောဟိတ်၊ အကျွန်ုပ်၌၊ လယ်လုပ် ယောက်ျား၊ မေ့ရစ်၍ ထားခဲ့သော၊ အမဲသားကျပ်တင်၊ ဖွတ်ကင်နှင့် နို့ဓမ်းအိုး၊ ကောင်းနိုးသော အစာ၊ ပြည့်စုံပါ၍၊ မင်းဆရာ ပုဏ္ဏား၊ စားလိုစား၊ သုံးလိုသုံး၊ အားလုံး မကြွင်း၊ အပ်နှင်း ကြည်ဖြူ၊ လှူပါ၏ - ဆက်ပါ၏၊ နှစ်သက်စွာ ဘုဉ်းပေး၍၊ အေးငြိမ်းသော ဤဒေသ၌၊ သီလကို ဖြည့်စွမ်းလျက်၊ နတ်လမ်းထွင်တော်မူပါဟု ဆိုသတည်း။
***

ဒီနေရာမှာ ခဏရပ်နားလိုက်ပါတယ်။ ယုန်မင်းဝတ္ထုက သိပ်မရှည်တာကြောင့် ၂ ပိုင်းနဲ့ ပြီးနိုင်ပါတယ်။ ကျမလည်း ကိုယ့်ဘလော့မှာကိုယ် စာတင်ရင်ပဲ ဖြစ်ဖြစ် တခြားဘလော့တွေ့မှာ ကွန်မန့်ပေးရင်ပဲဖြစ်ဖြစ် အယ်ရာတွေချည်း ဖြစ်နေလို့ တကြိမ်ထဲနဲ့ ဘယ်တော့မှ မရပါဘူး။ ကွန်မန့်ဆို အနည်းဆုံး ၃ ကြိမ်လောက် ဇွဲနပဲနဲ့ တင်ရပါတယ်။ အခုတင်တဲ့ ပို့စ်လဲ တကြိမ်တော့ အယ်ရာတက်ပြီးပြီ။ အဆုံးမှာ နည်းနည်း လျှာရှည်ထားတာလေးတွေလဲ ပျောက်သွားလို့ ထပ်မရေးချင်တော့ပါဘူး။ အခုအကြိမ်မှာတော့ နမောတဿ သုံးကြိမ်ရွတ်ရင်း ပို့စ်တင်လိုက်ပါတယ်။ ဒါမှ မရရင်လဲ အိပ်တော့မယ်။ နက်ဖြန် အလုပ်သွားရအုံးမှာမို့။
***
မေဓာဝီ

၂၀၊ ၁၊ ၂၀၁၂
၂၂း၃၅ နာရီ

Read More...

Saturday, January 14, 2012

မြို့စားကြီးနဲ့ ခဏတာ

ဒီမနက်နိုးတော့ မနက် ၃ နာရီ သာသာပဲရှိသေးတယ်။ ညက အိပ်ပျော်သွားတာ ၁၁ နာရီကျော်မှ။ သတင်းတွေ ဓာတ်ပုံတွေ အသံဖိုင် ဗီဒီယိုဖိုင်တွေ မြင်သမျှ တွေ့သမျှ ဖတ်လိုက် ကြည့်လိုက် နားထောင်လိုက်လုပ်နေပြီး မျက်စိလုံးဝ မဖွင့်နိုင်တော့မှ ကွန်ပျူတာကိုလဲ အိပ်ခိုင်း ကိုယ်တိုင်လဲ ဇွတ်မှိတ် အိပ်လိုက်ရတယ်။ မအိပ်လို့လဲ မရဘူး၊ အလုပ်သွားရမှာ။ ဒါကြောင့် ဖုန်းနှိုးစက်ကို ၅ နာရီ လုပ်ထားပေမဲ့ ၃ နာရီလောက်မှာ အလိုလို နိုးလာတော့ ထုံးစံအတိုင်း အိပ်ပျော်နေတဲ့ လက်ပ်တော့လေးကို နှိုးပြီး ဂျီမေးလ်ထဲ ၀င်ဖြစ်တယ်။

ဂျီမေးလ်ရဲ့ ဘယ်ဘက်ခြမ်းက မိတ်ဆွေ စာရင်းထဲမှာ စိမ်းနေတဲ့ နာမည်လေးတခု မြင်လိုက်တော့ ရုတ်တရက် မျက်လုံးတွေ ကျယ်သွားပြီး ဟုတ်မှဟုတ်ရဲ့လား သေချာအောင် ကြည့်တယ်။ ဟုတ်ပါရဲ့ သူမှ သူပါပဲ။ သူ့နာမည်ရဲ့ အောက်က စတေးတပ်မှာ “ပြန်လာပြီ” တဲ့။ စာလုံးလေး သုံးလုံးထဲ၊ ရိုးရိုးရှင်းရှင်းကလေး ... ။ ဟုတ်တယ် … သူပြန်လာပြီလေ။ မနေ့က အားလုံး ပျော်ခဲ့ကြတာပဲ။ ညဘက် channel 4 ရုပ်သံသတင်းထဲမှာတောင် သူ့ပုံတွေ မြင်ခဲ့ရသေးလို့ ဦးရီးတော်နဲ့ ညစာစားရင်း သူ့အကြောင်း ပြောဖြစ်သေးတာ။

သူပြန်လာပြီဆိုတာ သိပေမဲ့ ခုလို ဂျီတော့ခ်ထဲ မြင်ရလိမ့်မယ်လို့ မျှော်လင့်မထားဘဲ တွေ့လိုက်ရတော့ အရမ်းဝမ်းသာသွားတယ်။ ဒါနဲ့ မီးစိမ်းပြထားတဲ့ သူ့ကို လှမ်းနှုတ်ဆက်လိုက်တယ်။

3:27 AM me: welcome back
နေကောင်းလား

လှမ်းသာခေါ်ရတာ၊ ပြန်ဖြေပါ့မလားလို့ စိတ်ထဲက တွေးနေမိတယ်။ အလုပ်တွေများနေမှာလား၊ မိတ်ဆွေတွေအများကြီးနဲ့ တပြိုင်နက် ပြောနေရလို့ လက်လည်ပါ့မလား … ပေါ့။ ဒါပေမဲ့ ခဏလေးနေတော့ typing ဆိုတဲ့ စာတန်းလေးပေါ်လာပြီး သူက ပြန်ဖြေတယ်။

3:28 AM he: ကောင်းပါတယ်ဗျ
ဒေါင်ဒေါင်မြည်ပဲ

me: ၀မ်းသာတယ် အရမ်းပဲ

စိတ်ထဲမှာ အဟုတ်ကို ၀မ်းသာမိတယ်။ သူ့ကို ခုလိုပြန်တွေ့ရတာရယ် …. နေကောင်းတယ် ဆိုတာကြောင့်ရယ်၊

he: ဟုတ်
ကျွန်တော်ရောပဲ

ဒါပေါ့ … သူက ပိုဝမ်းသာမှာပေါ့လေ။ ချုပ်နှောင်ခြင်းတွေက လွတ်မြောက်၊ ခွဲခွါ ကွဲကွာနေရတဲ့ မိသားစုနဲ့ ပြန်တွေ့ရတာကိုး။ ကိုယ်တွေက ဘေးကနေ ၀မ်းမြောက်ပီတိ ဖြစ်ရတာ။ သူက ကိုယ်တိုင်ခံစားရသူ …

me: မနေ့က တချိန်လုံး သတင်းတွေကြည့်နေတာ
3:29 AM ဒီကသတင်းတွေထဲ ပါတယ် သိလား … ပုံ

he: မင်းသားပေါ့

me: ဒါပေါ့ :)
စာတွေပြန်ရေးနော်
ဘလော့လေး အိပ်ပျော်နေတာ ကြာပြီ

3:30 AM he: ဟုတ်ပါ့
ရေးထားတာတွေအများကြီးရှိတယ်
ဖတ်ဖို့သာပြင်ထား

me: ဟုတ်လား ဖတ်ချင်တယ်

သူက စာရေးကောင်းသူ၊ ပြီးတော့ အိပ်မက်တွေလဲ မက်တတ်သူ။ သူ့စာတွေနဲ့ ဝေးနေတာ ကြာခဲ့ပြီ … သူ့စာတွေကို ဖတ်ချင်နေခဲ့တယ်။ သူနောက်ဆုံးရေးခဲ့တဲ့ ခေါင်းစဉ်လေး ... ငါ့စိတ်ဓာတ်နဲ့ အနုပညာ ဆိုတာ မှတ်မိနေသေးတယ်။ ခေါင်းစဉ်အောက်က စာကလဲ တကြောင်းထဲပဲ။ ဒါပေမဲ့ ထိတယ်။
"လူကိုသာ အကျဉ်းချလို့ရမယ်၊ စိတ်ဓာတ်နဲ့ အနုပညာကို ဘယ်တော့မှ ချုပ်နှောင်လို့ မရဘူး" ... တဲ့။

3:36 AM he: အမ ဘလော့ရေးဖြစ်သေးလား

me: ရေးဖြစ်တယ်

he: ဘလော့တွေပြန်ဖတ်ဖို့တော်တော်အချိန်ယူရဦးမယ်

me: အသစ်တွေ အများကြီး ပေါ်လာတယ်
3:37 AM တချို့လူဟောင်းတွေလဲ ဆက်မရေးကြတော့ဘူး

3:38 AM he: မနေ့က ကျနော်အိမ်မှာ တော်တော်များများလာစောင့်နေကြတယ်

me: ဟုတ်လား ပျော်စရာကြီးနော်

he: အင်း

me: မနေ့က Friday 13th ပေမဲ့ မင်္ဂလာရှိတဲ့နေ့ ဖြစ်သွားတယ်

3:39 AM he: ဟုတ်ပါ့ဗျာ

me: … နည်းနည်းတော့ ပိန်သွားသလိုပဲ ပုံမှာ မြင်ရတာ

3:40 AM he: မပိန်ဘူးဗျ ၀ိတ်တက်နေလို့စိတ်ညစ်နေတာ

me: ဟုတ်လား :)

he: အထဲမှာ အားကစားလုပ်တယ်လေ

me: သြ ကောင်းတယ်

3:41 AM he: အပြင်မှာလဲ ကစားရမယ်ဗျ

me: အင်း ဟုတ်တယ်

he: တော်ကြာ ၀တုတ်ကြီးဖြစ်သွားဦးမယ်

3:42 AM me: ဟုတ်ပါ့ ဒီဘော်ဒီလေး ထိမ်းထား

3:43 AM he: ဟုတ်
အမ အခု ဘယ်မှာလဲ
ရန်ကုန်မှာလား

me: အင်္ဂလန်မှာပဲ

he: သြော်

3:44 AM me: ပြန်လာချင်တာ တခါမှ မလာဖြစ်သေးဘူး

သူ့ကို မေးချင်တာတွေ၊ ပြောချင်တာတွေ အများကြီးပဲ၊ ဒါပေမဲ့ ဘယ်ကစပြောရမှန်း မသိဖြစ်နေတယ်။ ကိုယ့်မေးခွန်းတွေကြောင့် သူ စိတ်အနှောက်အယှက် ဖြစ်မှာလဲ မလိုလားဘူး။ သူ အပြင်ထွက်လာကတည်းက ရင်ဆိုင်လိုက်ရမယ့် မေးခွန်းတွေ မဟုတ်လား … ။ သူ့ကို စိတ်သက်သက်သာသာနဲ့ relax ဖြစ်စေချင်တာကြောင့် ပေါ့ပေါ့ပါးပါး စကားတွေကလွဲရင် ဘာမှ မမေးဖြစ်တော့ဘူး။
7 minutes
၎ နာရီ ထိုးလုပြီ။ မနက် ၅ နာရီ နှိုးစက် မမြည်ခင် ပြန်အိပ်ရအုံးမယ်။ မဟုတ်ရင် အလုပ်ထဲမှာ အိပ်ငိုက်နေမှာ၊ အိပ်ချိန်က ၄ နာရီလောက်ပဲ ကြာသေးတာ။ ဒါနဲ့ပဲ သူ့ကို နှုတ်ဆက်လိုက်တယ်။

3:52 AM me: ခဏပြန်အိပ်လိုက်အုံးမယ် … ခုမှ မနက် ၄ နာရီတောင် မထိုးသေးဘူး။ တရေးနိုးလာလို့ :)

he: အိုကေ အမ

me: ဘိုင်

he: တာ့ တာ

ခါတိုင်းဆို ဘယ်သူ့ကိုမဆို နှုတ်ဆက်ရင် တာ့တာလို့သာ သုံးနေကျ၊ သူနဲ့ကျမှ ဘိုင် ဖြစ်သွားတယ်။ သူက တာ့တာ လို့ ပြန်နှုတ်ဆက်တော့ တယောက်ထဲ သဘောကျလို့ ပြုံးမိသေး။

သူဟာ အားလုံးနဲ့ လိုက်လျောညီထွေ နေတတ်ပြီး ခင်မင်ဖွယ် နှစ်လိုဖွယ် ကောင်းသူလဲ ဖြစ်တယ်။ သူ့ကို ရင်းနှီးသူတချို့ မြို့စားကြီးလို့ ခေါ်ကြတယ်။ သူက လွတ်ကျခဲ့တဲ့ မြို့တော်ကို အပိုင်စားရတယ်။ အခု လွတ်ကျခဲ့တဲ့မြို့တော်ကို ပြန်ကောက်ဖို့ သူပြန်လာပြီ။ သူရေးထားတယ် ဆိုတဲ့ စာတွေ တင်မယ့်နေ့ကို စောင့်နေမယ်၊ သူ့ဘလော့လေးကို ရှင်သန်နေစေချင်တယ်။ သူ့ကိုလဲ အမြဲတမ်း လွတ်လပ်စွာ နေထိုင်စေချင်ပါတယ်။

ဟုတ်ကဲ့ … သူဟာ … ဘလော့ဂါများကို ကိုယ်စားပြုတဲ့ ဘလော့ဂါ … နေဘုန်းလတ် ပါပဲ။
***
ပြန်အိပ်ဖို့ ကြိုးစားရင်း မှေးခနဲ အိပ်ပျော်သွားချိန်မှာ နှိုးစက်က ထမြည်တယ်။ မက်လက်စ အိပ်မက်တချို့ ကို ထုပ်ပိုးရင်း အရုဏ်ဦး ရောင်နီမလာခင် အိမ်ကထွက်ခဲ့တယ်။ နက်မှောင်နေတဲ့ ကောင်းကင်နဲ့ အနုတ် ၆ ဒီဂရီရဲ့ အအေးထုအောက်မှာ ဘတ်စ်ကားစောင့်နေရပေမဲ့ စိတ်ထဲ ကျေနပ်နေမိတယ် ... ။ မကြာခင် ရောင်နီလာတော့မှာ မဟုတ်လား။
***
မေဓာဝီ
၁၄၊ ဇန်န၀ါရီ၊ ၂၀၁၂
စနေနေ့
၂၃း၂၀ နာရီ
(အယ်ရာတက်နေလို့ စာလုံးတွေ ချက်ခြင်းမပေါ်တာ သည်းခံကြပါ)

Read More...

Friday, January 13, 2012

ဆယ့်သုံး သောကြာ မင်္ဂလာ ...

ဆယ့်သုံး သောကြာ
အစဉ်အလာ အသိ
မင်္ဂလာ မရှိ … လို့ ကြားဖူးတယ်။

ပူပန် ဒုက္ခ
ဗျာပါဒနဲ့
သောက စုရုံး
သောကြာ ဆယ့်သုံး … တဲ့။

ကြုံတောင့်ကြုံခဲ
ဒီနှစ်ထဲမှာ
ဇန်န၀ါရီ
ဧပြီ, ဇူလိုင်
သုံးလတိုင်လုံး
ဆယ်သုံး သောကြာ
ဆုံရမှာ … တဲ့။

ညအိပ်ရာဝင်
မြတ်ရှင် ဗုဒ္ဓ
ရှိဦးချရင်း
တိုးညင်းဆုတောင်း
လွတ်မြောက်ကြောင်း … ပေါ့။

နံနက်နိုးထ
နမောတဿနဲ့
သောကကင်းရေး
ဟိုဒီတွေးရင်း
သတင်းတွေဖတ်
လွတ်လပ်ခြင်းများ
ဝမ်းမြောက်ခြင်းများ
ပျော်ရွှင်မှုများ
ပီတိ အပြုံး
လူတိုင်းဖုံးလို့
ကဲ … ဘယ်လိုလဲ
သောကြာ ဆယ်သုံး … ။

… … … …
… … … …
… … … …

ဒီတလအတွက်တော့
ဆယ့်သုံးသောကြာ
အစဉ်အလာပျက်ယွင်း
မင်္ဂလာ မနက်ခင်း ဖြစ်ခဲ့ပေါ့။ … ။
***
မေဓာဝီ
၁၃၊ ဇန်န၀ါရီ၊ ၂၀၁၂
သောကြာနေ့
၀၉း၃၈ နာရီ

Read More...

Wednesday, January 11, 2012

ကြေကွဲ မှတ်တမ်း


ဆူးမဲ့တဲ့ပန်းပေမို့ ...
မခူးနဲ့စမ်းလေလို့ ဆိုပါလျက်
သူ ... လက်ကမ်းလာခဲ့တယ်။

အငြင်းခက်လို့လား
မငြင်းရက်လို့လား
အတားအဆီးများကြားက
တအားနီးသွားခဲ့ပြန်တယ်။

မချစ်သင့်လေသလား
အပြစ်သင့်လေမလား
အထပ်ထပ် စဉ်းစားခဲ့ပေမဲ့
နှလုံးသားကို အလိုလိုက်
ကိုယ် ... မိုက်ခဲ့မိလေတယ်။

ငြိတွယ်တဲ့ သံယောဇဉ်
ဖြူစင်တဲ့ မေတ္တာတရား
တန်ဖိုးထားရင်း ဆုပန်
သံသရာမှာ … အဖန်ဖန် အခါခါ
ပြန်သာဆုံရပါစေသား ...
ပြည့်လို ပြည့်ငြားနဲ့ ... ။

ဒါပေမဲ့ ... တနေ့
အဲဒီတနေ့မှာ
နွေလေလဲ မသရမ်း
လေပြေလဲ မဖြန်းဘဲ
ဝေနေတဲ့ ပန်းလေးကို
ခပ်ကြမ်းကြမ်း လှုပ်ခြွေချ
မြေခ ... ကြွေကျလို့
ကြေမွခဲ့ရပါလေရော ... ။

သူပါပဲ ...
ပန်းကို လှမ်းခဲ့တယ် ...
ပန်းကို ကမ်းခဲ့တယ် ...
ပန်းကို နမ်းခဲ့တယ် ...
နောက်ဆုံးတော့ ...
သူ့ကြောင့်ပဲ
ပန်းကလေးဟာ
နွမ်းသွားခဲ့လေတယ်။

နာကြင်နေတဲ့ အသည်း
စိုရွှဲနေတဲ့ မျက်ရည်
ဒဏ်ရာများရဲ့ သက်သေအဖြစ်
မှတ်တမ်းတင် ကမ္ဗည်းထိုး
အညှိုးတွေနဲ့ နာကြည်း
အပူမီးတွေ တညီးညီးနဲ့ … ။

သြော် ...
ဇာတ်လမ်းလဲ ပြတ်မှတော့
မှတ်တမ်းလဲ ရပ်ခဲ့ရပြီပေါ့ ...
ဖတ်မရတော့တဲ့ အလွမ်းမှတ်တမ်း
ဒီမှာပဲ တခန်းရပ်
အဆုံးသတ်လိုက်ပါတော့တယ် ... ။

မေဓာဝီ
၅၊ ၅၊ ၂၀၁၁
၂၀း၁၈ နာရီ

မနှစ်က ဘလော့တခုရဲ့ ကွန်မန့်မှာ ရေးခဲ့ဖူးတဲ့ ကဗျာလေးပါ။ မုဒ်ပျောက်နေလို့ စာအသစ် မရေးနိုင်တုန်း ဒီကဗျာလေးပဲ တင်လိုက်ပါတယ်။

Read More...

Tuesday, January 03, 2012

အထင် v အမြင်

ကြယ်တွေ လတွေ မြင်တိုင်း ကြည်နူးစရာမဟုတ်ဘူး
ငါ့ဦးခေါင်းကို အပြင်းထန်ဆုံး ရိုက်နှက်ခံရလို့ … ။

အပြာရောင်ဆိုတိုင်း ငြိမ်းချမ်းတာ မဟုတ်ဘူး
ငါ့မျက်လုံးတွေ ပြာဝေ မှုန်ရီလို့ … ။

လွတ်ငြိမ်းတိုင်း ချမ်းသာတာ မဟုတ်ဘူး
ငါ့ယုံကြည်ခြင်းတွေ ပိတ်လှောင်နေဆဲမို့ … ။
***
မေဓာဝီ
၃၊ ဇန်န၀ါရီ၊ ၂၀၁၂
၀၁း၃၇ နာရီ

Read More...