Tuesday, January 30, 2007

ကိုပြူးကျယ်သို့ ပေးစာ … အပိုင်း (၃)

သို့
ကိုပြူးကျယ် …


စိတ်လက်ကြည်သာ ရွှင်လန်းပါစရှင် … ။ အပိုင်း(၂) ရေးပြီးတဲ့နောက် ဒီကြားထဲ တခြားကိစ္စ၀ိစ္စတွေနဲ့ ရှုပ်နေလို့ ပေးစာကို ဆက်မရေးဖြစ်သေးတာ ခွင့်လွှတ်ပေးပါနော်။ နောက်တခုက ကျမစိတ်ထဲ ပေးစာကို တပတ်တစောင်သာ ပို့မယ်လို့လည်း စိတ်ကူးထားလို့ပါ ကိုပြူးကျယ်…။ ကြိုကြား ကြိုကြား တခြားစာလေးတွေလည်း ရေးချင်သေးလို့ပါ။

သံပေါက်အကြောင်းအပြီးမှာ ထပ်ဖတ်ရှုရတာကတော့ အချိုးကဗျာလေးတွေအကြောင်းပါ။ အချိုးကဗျာလေးတွေထဲမှာမှ ကနဦး ဒွေးချိုးကဗျာအကြောင်းက စပြီးရေးထားတာကိုတွေ့ရတယ်။
ဒွေးချိုးဆိုတာကို ဒီစာအုပ်ထဲမှာ ခုလိုရှင်းပြထားပါတယ်။
ဒွေး ဆိုတာ နှစ်ခု၊ ချိုးဆိုတာ အဆစ်အပိုင်း … ဆိုတော့ အချိုးအပိုင်းနှစ်ခုနဲ့ စီကုံး ဖွဲ့ဆိုထားတဲ့ကဗျာမို့ ဒွေးချိုးလို့ ခေါ်ပါသတဲ့။ ဒွေးချိုးကို နှစ်ဆစ်ချိုးလို့လည်း ခေါ်ကြတယ်လို့ သိရပါတယ်။ ဒါကို နောက်ထပ် ဒွေးချိုးသဖြန်၊ နှစ်ဆစ်ချိုးသဖြန်၊ ကွန်းထောက်သဖြန် လို့လည်း အသီးသီး ခေါ်ဆိုကြပါသေးတယ်။

ဒီနေရာမှာ ကွန်းထောက်ကို ခုလိုရှင်းပြထားတယ်။ ဘုရင်တွေရဲ့ နန်းတော်ကို “ကွန်း” လို့ ရှေးက ခေါ်ခဲ့ကြတယ်။ (နတ်တွေနေတဲ့ နေရာ နတ်နန်းကို နတ်ကွန်း ခေါ်သလိုပေါ့) ဘုရင်တွေတိုင်းခန်းလှည့်လည်ပြီး ခဏစခန်းချ နားခိုတာကို “ထောက်” တယ်လို ခေါ်ပါသတဲ့။ (တထောက်နားတယ် ဆိုတဲ့သဘောပေါ့) အဲဒီလို ဘုရင်တွေ ယာယီတဲနန်းမှာ ခေတ္တတထောက်နားခိုက် သီဆိုတဲ့ ဒွေးချိုးသီချင်းကို “ကွန်းထောက်သဖြန်”လို့ ခေါ်ဆိုကြတယ် … လို့ ရေးသားဖော်ပြထားပါတယ်။ အခုခေတ်တော့ ခွန်းထောက် လို့ ခေါ်နေ ရေးနေ သုံးစွဲနေကြတာကို တွေ့ရတာပဲ။ အမှန်က ကွန်းထောက်ပါ။

ဒွေးချိုးစပ်နည်း နိသျည်းကိုတော့ ကျမ မဖော်ပြတော့ပါဘူး ကိုပြူးကျယ်။ နမူနာဒွေးချိုးလေးတွေသာ ကောက်နုတ်ဖော်ပြလိုက်ပါတယ် … ဖတ်ရှုခံစားကြည့်ပါတော့ နော်။

(၁) ဦးပုညရေး - သစ္စာတိုင် ဒွေးချိုး

ထုံးမတိမ်၊ ငုံးအိမ်-ကျူလသို့၊
တူမျှစံနှိုင်း။
ထပ်တညီ၊ ကပ္ပဋ္ဌီတင်ထိုက်တဲ့၊
ယဉ်သိုက်ဝင် သည်မေနှင့်ရယ်၊
ငါးဆင့် သမိုင်း။ ။


(၂) ဦးစံသူရေး - မယ်ဘွဲ့ နှစ်ဆစ်သဖြန်

ပန်းစပယ်၊
နန်းအလယ် မပေါ်ခိုကဟာမို့၊
အလိုက်တော် တန်သင့်ရုံပ၊ ခံပွင့်ကိုကုံး။
နန်းရဝေ၊
မန်းမြေမှာ စပယ်လှိုင်တော့၊
ခံပန်းခိုင်-ယာယီရွေ့တယ်၊
တောလေ့ရွာသုံး။ ။


(၃) နန်းမတော်မမြကလေးရေး-အမျှော်စိုက် နှစ်ဆစ်သဖြန်

နေမှိန်မှိန်၊
ဆင်ဗောင်းတော် ရွှေပုသိမ်နှင့်၊
လာချိန်တန်တော့။
ထပ်ထပ်ကယ်မျှော်၊
ပြသာဒ် ဆောင်ဘုံပေါ်က၊
အကြိုတော် သည်မယ်ထောက်ရတယ်၊
(ကိုယ်တော်ရေ) ကိုးခေါက်ပြန်ပေါ့။ ။


(၄) သံတော်ဆင့်ဦးအိုရေး-စစ်ကိုင်းတောင်ရိုး ရဟန္တာဂူဘွဲ့ ဒွေးချိုး

လွမ်းစရာနော၊်
ရဟန္တာ နှစ်ဆူပျော်တဲ့၊
ဂူတော်ချောင်နန်း။
စခန်းသန့်ပါဘိ၊
ပန်းနံ့တွေ ထုံကြူလို့၊
မစုံသူ သည်ကိုရောက်လျှင်၊
ရူးလောက် ခမန်း … ။ ။

(၅)မြ၀တီမင်းကြီးရေး-သဖြန်ဒွေးချိုး

ညှင်းဆော်ညိမ့်လွင်၊
အိမ့်ရှင် စည်တော်စုံက၊
သဲအုံကြွေစေရော့ငှာလို့၊
သာတော့သီကျူး။
ချိန်ရည်ဆည်း၊
တင့်ရည်းငယ်တည့် ဆိုးပေ့အို၊
ဘယ်ငြိုးမာန်နှင့် ဖန်မတုံ့တယ်၊
အမ္ဗုန့်ထွတ်မှူး။ ။

***
ကိုပြူးကျယ်နှင့်တကွ ကျမဘလော့ကို လာရောက်လည်ပတ်ဖတ်ရှုသူများ စာရေးသူ ငါးဦးရဲ့ မတူညီသော ဒွေးချိုး ငါးပုဒ်ကို နှစ်သက်စွာ ခံစားဖတ်ရှုနိုင်ပါစေကြောင်း ဆုတောင်းလိုက်ပါတယ်ရှင် …။
***
မေတ္တာဖြင့် …

မေဓာဝီ
30.1.07
1:20 pm

7 comments:

Anonymous said...

အားလုံးထဲမှာ ဦးစံသူ ရေးတာကို ၇တန်းမြန်မာကဗျာမှာ သင်ရတာကြောင့် သိနေပါတယ်။ ကျန်တာတွေကတော့ မသိပေမယ့် မမြကလေးရေးတဲ့တခြား ကဗျာလေးတွေ ဟနဆီမှာရှိပါတယ်။ စာမေးပွဲ နဲ့မို့ ပြီးမှပဲ ပြန်ရှာကြည့်ဦးမယ်..မမေ။
ဒွေးချိုး ၊ လေးချိုးတို့ကို အတော်လေးနှစ်သက်တာပါ။
ရွတ်ဆိုကြည့်ရင် အသံသာတာကြောင့်လေ။
ကျေးဇူးနော်..မမေ

ကလိုစေးထူး said...

မမေဓာဝီမှာ စိတ်ညစ်နေရတာတွေ များနေတဲ့ ကြားထဲက ဒီပို့စ်ကို တင်ပေးတဲ့ စေတနာကို လေးစားမိပါတယ်။ ဆက်ရေးပါခင်ဗျာ။ စေတနာက အကျိုးပေးပါတယ်။ မြန်မာစာကို မြတ်နိုးသူတိုင်းအတွက် အဖိုးတန်တဲ့ပို့စ်ပါ။ မေးသူ ကိုပြူးကျယ် တယောက်တည်းတင်မကဘဲ လာရောက်ဖတ်ရှုသူတိုင်းကိုပါ အကျိုးရှိစေပါတယ်။ ဒီပို့စ်ကနေ ရလိုက်တာတခုကတော့ ကျနော်တို့ တောက်လျှောက် သိလာတဲ့ `ခွန်းထောက်´ ဆိုတဲ့ အသုံးက မှားနေပါလားဆိုတာပါပဲ။ နန်းမတော် မမြကလေးရဲ့ သဖြန်၊ ဦးစံသူရဲ့ နှစ်ဆစ်သဖြန်တွေကိုတော့ ကူးယူထားလိုက်ပါတယ်။ ကျေးဇူးပါ။

Anonymous said...

မမေရဲ့အီးမေးလ်အတွက် ကျေးဇူးအထူးတင်ရှိပါတယ်... ခုလိုကျနော်တောင့်တမိတဲ့ ရှေးကဗျာတွေအားပါးတရဖတ်ရတဲ့အတွက်လည်း နှစ်ထောင်းအားရဖြစ်မိပါတယ်... ဒွေးချိုး၊လေးချိုးတွေတင်ပြီးသွားရင် တေးထပ်တွေဆက်တင်ပေးဖို့တောင်းဆိုပါရစေ... ကျနော်က စာကြောင်းရေ ၁၈ ကြောင်းနဲ့ဖွဲ့ရတဲ့တေးထပ်မျိုးကို အနှစ်သက်ဆုံးပါ... ၈၀ ပေါ်တေးထပ်လို့ခေါ်သလားတော့ သေချာမမှတ်မိတော့ပါ... ခုတင်ပေးတဲ့ မမေ ကဗျာတွေဖတ်ပြီး ကဗျာပိုးထလာလို့ အာသာပြေကဗျာတပုဒ်ကို ဟုတ်ဟုတ် မဟုတ်ဟုတ် ရေးထုတ်ကြည့်မိပါတယ်....

ကျိုးမျှော်ကာရည်၊ သည်လိုစကား၊ ပြောပါငြားက၊ သည်ကားဖြစ်ရာ၊ သိနေပါလျှက်၊
သက်သက်တမင်၊ အဆိုးမြင်ဖြင့်၊ ဆင်ခြင်မဲ့စွာ၊ ဣဿာတရား၊ လက်ကိုင်ထား၍၊
အခြားသူငှာ၊ ဂုဏ်သိက္ခာကို၊ ထိုသို့ညှိုးနွမ်း၊ ဖြစ်စေစမ်းဟု၊ စိတ်ကြမ်းရန်ငြိုး၊
အမျိုးမျိုးပြင်၊ ဖြူစင်သူများ၊ အထင်မှားအောင်၊ မီးလောင်လေပင့်၊ မြေခွေးကျင့်နှင့်၊
မသင့်ကြိုးပမ်း၊ ထိုနည်းလမ်းကို၊ ဖျက်လမ်းဆိုသင့်မဆိုသင့်။ ။

နှိုးဆော်ပါသည်၊ တည်ကြည်စိတ်ထား၊ မုဒိပွား၍၊ ဤကားသစ္စာ၊ ဖြစ်တည်ရာဟု၊
သူငှာအများ၊ သုတပွားအောင်၊ စကားချိုသာ၊ ပညာပြည့်ဝ၊ နှလုံးလှဖြင့်၊
ထောက်ပြဝေဖန်၊ အကြံဥာဏ်ကို၊ ညွှန်းဆိုသူအား၊ လိုလားခြိမ့်စွာ၊ ဖိတ်ခေါ်ကာလျှင်၊
အမြင်ဖလှယ်၊ ခင်တွယ်စိတ်ထား၊ မိတ်ဝတ္တရားနှင့်၊ စကားစစ်ပြင်၊ အခြေတင်ကို၊
အစဉ်ကြိုးပမ်း၊ ထိုနည်းလမ်းအား၊ လက်ကမ်းကြိုသင့်မကြိုသင့်။ ။

တပိုဒ်ချန်ပြီး အဖြည့်ခံရတုရေးတာပါ... ကျနော့လိုရှေးကဗျာတွေကို ၀ါသနာပါသူ ညီကိုမောင်နှမများရှိကြရင်ဖြင့် ဟုတ်ဟုတ်မဟုတ်ဟုတ်ဖြည့်ကြည့်ပါလို့ဖိတ်ခေါ်ပါတယ်...

ချစ်ဖွယ်သောစကားကိုသာအစဉ်ကြားလိုသူ
Mr. Philtre (ခေါ်) မောင်ပီယ

မေဓာဝီ said...

ကွန်မန့်တွေအတွက် ကျေးဇူးပါ။
တြိချိုးနဲ့ လေးချိုးခန်းပြီးရင် တေးထပ်အခန်းဆက်ပါမယ် ကိုပီယ၊ နမူနာ ရှစ်ဆယ်ပေါ်တေးထပ်တွေလည်း ကောက်နုတ်ဖော်ပြပေးမှာမို့ စောင့်လို့သာဖတ်ရှုပါတော့။
ရတုရေးပေးတာလည်း ကျေးဇူးအထူးပါ။
ကိုပီယရဲ့ အဖြည့်ခံရတုကို ပိုဒ်စုံရတုဖြစ်သွားအောင် … ကျမကပဲ ဖြည့်ပါရစေ … ။
ကိုပီယရဲ့ ရတုနဲ့ ပိုဒ်ရေ တူညီအောင် ကြိုးစားရေးသားထားပါတယ်။
လွန်တာရှိရင် ၀န္ဒာမိပါ …. လို့။
***
သို့သော် ငါသည်၊ ရွယ်ရည် စိတ်မှာ၊ စေတနာဖြင့်၊ သေချာထောက်ထား၊ မှန်မြင်အားကို၊ ပြောကြားဆိုလည်း၊ မလိုသူငါ၊ မုဒိတာမဖက်၊ ဣဿာစွက်လျက်၊ မုန်းဖက်ရန်လို၊ ဒေါသပိုကြ၊ “ငါကပညာ၊ တတ်သည်မာန”၊ ထောင်လွှားကြလျက်၊ အပြစ်စွက်၏၊ ပြောမိစကား၊ ရေးမိမှားက၊ တောင်းပန်ခကာ၊ မေတ္တာမပျက်၊ သစ္စာနက်ဖြင့်၊ ရန်ဖက်မသမ်း၊ အမှန်လမ်းကို၊ ဆက်လှမ်းလိုလင့် … မလိုလင့် … ။
***

Anonymous said...

ရတု အရမ်းကောင်းပါဧ။်။ အားလုံး ကိုယ်ရေးသလို၊ ကိုယ်ပြောသလို တကယ်လက်တွေ့  အမှန် ကျင့်ကြံနိုင်ကြပါစေ။ သာဓု၊ သာဓု၊ သာဓု။ အနီးကပ် ပူးသတ်သူများအားလဲ သတိထားကြပါကုန်။

Harry said...

Ma Maydar Wii,
You are kindly requested to post the writing method, rudiments and principles of "Dwe Cho"

lwannaung said...

ကဗျာတွေလည်းကောင်း အောက်က ရတုလေးကလည်းကောင်းးးးးးးးးးးးးးးးးးးးလန်းတယ်ဗျို့..။