Saturday, July 07, 2007

၇ ဇူလိုင် အမှတ်တရ ...

ထိုနေရာ …
***
ထိုနေရာမှာ …
ကျောင်းသားခြေရာ များစွာရှိသည်။
ထိုနေရာမှာ …
ခွပ်ဒေါင်းအလံ လွင့်ပျံဖူးသည်။
ထိုနေရာမှာ …
သမိုင်းတခေတ် ဆန်းသစ်ဖူးသည်။
ထိုနေရာမှာ …
အာဇာနည်တွေ ညီခဲ့ဖူးသည်။
ထိုနေရာမှာ …
မျက်ရည်စီးယို ငိုကြရသည်။
ထိုနေရာမှာ …
သွေးစက်များစွာ စွန်းထင်းရသည်။
ထိုနေရာမှာ …
အလောင်းချင်းအပ် ထပ်ခဲ့ရသည်။

ထိုသည့်နေရာ … ယခုခါကား
ဗလာကွက်လပ် သံတိုင်ခတ်၍
မြက်ရိုင်းဖုံးလွှမ်း ညှိုးလျနွမ်းဟန်
အထီးကျန်လျက်
အသက်မရှိတော့ပြီလော … ။

အဓိပတိလမ်း သွေးရောင်လွှမ်းသည့်
Seven July -နေ့ရောက်ပြန်သော် …
ခြေသံရှပ်ရှပ် … ရပ်ကြည့်မည့်သူ …
သတိမလွတ် … ဦးညွှတ်မည့်သူ …
အမှတ်တရ … ဂါရ၀ပြုသူ …
ထိုထိုသူငါ … ဤနေရာသို့
လာလိမ့်လေနိုး မျှော်ကိုးရင်းဖြင့် …
ပြောင်းလဲခြင်းကို ငံ့လင့်ကြိုလျက် …
စည်းလုံးခြင်းကို ကမ်းလင့်ကြိုလျက် …
“သမဂ္ဂါနံ တပေါသုခေါ” …
ဘုရားဟောကြား မြတ်တရားကို
နှုတ်မှာ ရွတ်ဆိုမိတော့သည်။
***
မေဓာဝီ
၇၊ ဇူလိုင်၊ ၂၀၀၇
၀၀း၃၀ နာရီ
(7th July အမှတ်တရ)
===========================================
ဒီနေ့ …
ကျမအခုဖော်ပြခဲ့တဲ့ ကဗျာလေးကို ကျမမိတ်ဆွေ Mr. Philtre ထံ ပေးဖတ်ပြီး ဝေဖန် အကဲဖြတ်စေပါတယ်။ သူက ကျမ လိုအပ်တဲ့ နေရာ နည်းနည်းပါးပါး ပြုပြင်ပေးပြီး သူကိုယ်တိုင် ဇူလိုင် ၇ အမှတ်တရအဖြစ် ရေးခဲ့ဖူးတဲ့ ကဗျာတပုဒ် ကျမကို ပြပါတယ်။ ၂၀၀၃ ခုနှစ်လောက်တုန်းက ဒီကဗျာလေး နဲ့ သူ ဆုရ ခဲ့ဖူးပါသတဲ့။ အားလုံး ညီညွတ်ကြဖို့ တိုက်တွန်းလှုံ့ဆော်တဲ့ သဘောနဲ့ ရေးခဲ့တဲ့ တေးထပ်တပုဒ်လို့ သူက ဆိုပါတယ်။ ဒါနဲ့ပဲ သူ့ကိုခွင့်တောင်းပြီး ဒီကဗျာကို ကျမ ဘလော့မှာ အမှတ်တရ ဖော်ပြလိုက်ပါတယ်ရှင်။ ဖတ်ကြည့်ကြပါဦး။
***
“ဒေါင်းခွပ်သံ ညီကြစို့”

မြန်မာပြည် စစ်တပ်က
ပစ်သတ်သမျှ အသက်တွေ
ဖြစ်ရပ်က တသက်မကျေပြီ
ရက်ဖွေရှာပြန်ကြည့်။
ခြောက်ဆယ့်နှစ် ဇူလိုင်ခုနစ်မှာ
သူနိုင်ညစ်တာ လူတိုင်းအသိ။
စစ်ခွေးဗိုလ် ဘ.ဖျက်က
သမဂ္ဂ ဖြိုတဲ့အထိ။
ဒါ့ထက်မက ပိုလျက်ရှိတဲ့
ရက်စက်သည့် ယုတ်မာပုံ။
ဒင်းလုပ်သမျှ အရှုပ်တော်ကို
ထုတ်ဖော်ကာ ပြောလို့မကုန်။
ဒို့ကျောင်းသား အခက်ကြုံအောင်
ဘက်ပေါင်းစုံ ဖျက်ဆီးသည့်
လက်ဝါးကြီး စစ်တပ်ရန်
အမြစ်ပြတ်လှန်။
နာကျည်းစိတ် ပြောင်းညွှတ်မှန်လျှင်
ဒေါင်းခွပ်သံ ညီကြစို့လေး။ … ။
……………………………………. Philtre

5 comments:

Anonymous said...

နှစ်ပုဒ်လုံး အရမ်းကောင်းပါတယ်။

kay said...

ကဗျာလေးတွေကောင်းတယ်..မမေ..
ဆိုးဝပ်လေးလုပ်ထားတာလည်း ကောင်းတယ်နော်..
အင်း..ဘာဆက်ပြောရမှန်းတောင်မသိတော့ဘူး..ခံစားနားလည်ရတာတွေများလွန်းလို့

pandora said...

မမေရေ ဖတ်သွားတယ်.
မရေးဖြစ်တော့ဘူး ထင်တာ.. မမေတို့ရေးတာဖတ်ပြီး နည်းနည်းရေးဖြစ်သွားတယ်

ငါမရ said...

I want to write in Burmese. Could you please help me.

ငါမရ said...

ဒေါင်းဂွင်လာသွားတယ်။ ဇော်ဂျီနဲ့ ရေးလို့ ရသွားပြီ။ ဒါပေမယ့် သိပ်အဆင်မပြေသေးဘူး။ မေဓါဝီရဲ့ စိတ်ဓါတ်ကို လေးစားတယ်။ နောက်လည်း ဒီလို ကဗျာတွေ အများအပြားရေးလို့ ရပါစေ...