Sunday, October 22, 2006

အမေ ... သို့

ဒီရက်ပိုင်းတော်တော်အလုပ်များလို့ အွန်လိုင်းပေါ်တောင် သိပ်မရောက်ဖြစ်ဖူး။
အမေခရီးသွားဖုိ့ လုပ်ကိုင်ပြင်ဆင်ပေးရ .. ဟိုကိစ္စ ဒီကိစ္စ ထွေရာလေးပါး အလုပ်တွေကများ .. အလုပ်ရယ်လို့ မယ်မယ်ရရသာမရှိတာ အားနေတာလဲ မဟုတ်ပြန်ဘူး။
မနေ့ညကတော့ အမေ ခရီးထွက်သွားပါပြီ။ သွားခါနီးမှ နေမကောင်းဖြစ်နေတဲ့ အမေ့ကို စိတ်မချစွာနဲ့ လေဆိပ်လိုက်ပို့ခဲ့ရတယ်။ လေဆိပ်ရဲ့ဝရံတာတံခါးကတော့ ထုံးစံအတိုင်း သော့ခတ်ထားဆဲမို့ တာ့တာ ထွက်လုပ်လို့မရခဲ့ဘူးပေါ့။ လေယာဉ်ပေါ်တက်တဲ့အချိန်လောက်မှန်းပြီး လေယာဉ်မထွက်ခင်မှာပဲ ပြန်ခဲ့ကြတယ်။ အိမ်ပြန်ရောက်တော့ အမေမရှိတဲ့ အိမ်ကြီးက ဟာတာတာ။
အမေရှိရင် ဒီအိမ်ကြီးက အသက်ဝင်နေတယ် လို့ အဖေက အမြဲ ပြောတတ်တယ်။ အခုတော့ အိမ်ကြီးလဲ အသက်မဲ့နေပေါ့။
ဒီမနက်စောစော အရုဏ်ဆွမ်းထလောင်းတော့လဲ ခါတိုင်းဆို အမေနဲ့အတူ လောင်းနေကျမို့ အမေ့ကို သတိရမိပြန်တယ်။
အမေ့အိပ်ခန်းထဲက ကုတင်လေးမှာ အမေအိပ်တဲ့နေရာက ကွက်လပ်ကလေးဖြစ်နေတာကိုကြည့်ပြီး .. ၀မ်းနည်းလာပြန်ရော။
အိမ်ရဲ့ လိုအပ်ချက်တိုင်း သားသမီးတွေရဲ့ လိုအပ်ချက်တိုင်း .. ခင်ပွန်းသည်ရဲ့ လိုအပ်ချက်တိုင်း ကွက်လပ်တွေ ဖြည့်ပေးနေကျ .. အမေ .. ။
အမေရဲ့ လိုအပ်ချက်တွေကျတော့ ပြည့်စုံတယ်ဆိုတာ နည်းလှပါတယ်။
ဘယ်လိုပဲဖြစ်နေဖြစ်နေ .. အမေက အားလုံးရဲ့ လိုအပ်ချက်ကို တတ်နိုင်သမျှ ဖြည့်ဆည်းပေးနေတာပါပဲ .. ။
အင်း …
အမေ မရှိတော့ အမေ့တာဝန်တစိတ်တဒေသက ကိုယ့်ပေါ်ကို ကျလာပြီ။
အမေ့လိုတော့ အားလုံးကို စွမ်းဆောင်နိုင်မှာမဟုတ်ဘူးဆိုတာ သေချာသလောက်ပဲ။
လောလောဆယ်တော့ ..
ဘာမှမလုပ်ရသေးခင် .. နွမ်းနယ်နေပြီ ..
အားပေးလှည့်ပါအုံး အမေ .. ။

No comments: