Wednesday, April 14, 2010

ပါရမီထူးတဲ့ သားသားအတွက် ...

မတန်ခူးရေးတဲ့ “သားနဲ့ ဘာသာရေး”ပို့စ်မှာ အသက် ၅ နှစ်ကျော်အရွယ် သားသားက ဘာသာရေးကို တော်တော်လေး စိတ်ဝင်စားတဲ့အကြောင်း ဖတ်ရလို့ ၀မ်းသာမိတယ်။ ကလေးတွေ မြန်မာ့ယဉ်ကျေးမှုနဲ့ ဘာသာရေး စိတ်ဝင်စားဖို့က မိဘဆွေမျိုး အသိုင်းအ၀ိုင်းနဲ့ ပတ်ဝန်းကျင်ပေါ်မှာ အများကြီး မူတည်သလို သူတို့ရဲ့ ပါရမီ ဓာတ်ခံပေါ်မှာလည်း မူတည်ပါတယ်။ ဘေးက ပံ့ပိုးပေးတဲ့သူ ဘယ်လောက်ရှိရှိ ပါရမီ မရှိရင် မဖြစ်နိုင်ဘူး၊ အဲဒီလိုပဲ ဘေးပတ်ဝန်းကျင်က မထောက်ပံ့ပေးပေမဲ့ ပါရမီပါလာရင်လဲ ဘယ်လိုမှ တားဆီးလို့မရဘူး။ ဒါပေမဲ့လဲ ပါရမီဆိုတာ ဖြည့်ကျင့်ခြင်းဆိုတဲ့ အဓိပ္ပါယ်မို့ ပါရမီ မရှိရင် ရှိအောင် လုပ်ယူလို့ ရပါတယ်။ ကလေးဆိုတာမျိုးဟာ ဘယ်အကြောင်းအရာမျိုးမဆို မိဘနဲ့ ပတ်ဝန်းကျင် အသိုင်းအ၀ိုင်းက ပြောပါများရင် နားယဉ်ပြီး သူတို့လေးတွေရဲ့ နှလုံးသားထဲ တဖြည်းဖြည်း စိမ့်ဝင်သွားမှာပါပဲ။ အဲဒါဟာလဲ ပါရမီဖြည့်ခြင်း တမျိုးလို့ ကျမကတော့ ယူဆပါတယ်။

ကျမတို့ ငယ်ငယ်တုန်းက အဖေက ကျမတို့ကို ကျောင်းစာပဲသင်သင် ဘာသာရေး စာပေတွေပဲ သင်သင် မှတ်မိလွယ်စေဖို့ ကဗျာလေးတွေ စပ်ပြီး သင်ပေးခဲ့ပါတယ်။ အဲဒီထဲက ဇာတ်ကြီးဆယ်ဘွဲ့ ကဗျာလေးကိုတော့ အဖေ့မိတ်ဆွေကြီးက သံစဉ်ထည့်ပေးခဲ့ပြီး ကလေးတွေကို သီဆိုစေကာ မြန်မာ့အသံ ရေဒီယိုမှာ ဓာတ်ပြားရခဲ့ဖူးတယ်။ ဟိုတုန်းကတော့ အခါကြီးရက်ကြီးမျိုးမှာ မြန်မာ့အသံ ကလေးအစီအစဉ် ကနေ လွှင့်ခဲ့ဖူးတယ်လို့ ဆိုပါတယ်။ မတန်ခူးရဲ့ သားသားက ဇာတ်နိပါတ်တော်တွေ စိတ်ဝင်စားတယ်ဆိုတော့ မှတ်ရလွယ်တဲ့ အဲဒီ ကဗျာလေးကို ဘလော့မှာ ပို့စ်အနေနဲ့ တင်ပေးမယ်လို့ ကွန်မန့်ထဲ ပြောခဲ့တဲ့အတိုင်း တင်လိုက်ပါပြီ။ သားသားနဲ့တကွ ပါရမီရှင် ကလေးများ အားလုံးအတွက် ဆိုပါတော့။

ကဗျာကို မပြောခင် အမှတ်မှားတတ်တာလေး နည်းနည်း ပြောချင်ပါသေးတယ်။ ဇာတ်ကြီးဆယ်ဘွဲ့ရဲ့ အတိုက တေ၊ ဇ၊ သု၊ နေ၊ မ၊ ဘူ၊ စန်၊ နာ၊ ၀ိ၊ ဝေ … ပါ။ ဂူဂဲလ်မှာ ရှာကြည့်တော့ တချို့က အမှတ်မှားပြီး ဘူ - စန် - ဒါ (စန္ဒာ) လို့ ရေးထားကြတာ တွေ့ရတယ်။ အမှန်က စန်-နာ ပါ။ စန် = စန္ဒကုမာရ၊ နာ = နာရဒ ရသေ့ကို ပြောတာပါ။ နောက်ပြီး “ဝေ” ဆိုတဲ့ ဝေဿန္တရာကလည်း အသံထွက်အမှန်က ၀စ်သန်တရာ ဖြစ်ပါတယ်။ ဝေသန်တရာ မဟုတ်ပါဘူး။ ဿ (သကြီး)က သနှစ်လုံးဆင့်ထားတာမို့ ဖြန့်လိုက်ရင် ဝေသ်သန်တရာ (ဝေသ် = ၀စ်) လို့ အသံထွက်ရမှာပါ။ အတိုကောက်မှတ်တော့သာ “ဝေ”လို့ပဲ ဆိုကြပေမဲ့ တကယ်တမ်း အရှည်ရွတ်ရင် “၀စ်သန်တရာ”လို့ ဖတ်ရမယ် ဆိုတာလေးလဲ ကလေးတွေ သိစေချင်ပါတယ်။

မတန်ခူးရဲ့ သားသားနဲ့ တကွ ပါရမီရှင် … သားငယ် သမီးငယ်လေးတွေအတွက် “ဇာတ်ကြီးဆယ်ဘွဲ့ ထူးတဲ့ပါရမီ” … ပါ။

ဇာတ်ကြီးဆယ်ဘွဲ့ ထူးတဲ့ပါရမီ

(တေ-ဇ-သု-နေ-မ၊ ဘူ-စန်-နာ-၀ိ-ဝေ)
တေမိမင်းက တည်ကြည်လှ၊
ခြောက်လှန့်ချော့မရ။
ဇနကရဲ့ ဇွဲလုံ့လ
ပင်လယ်ကူးနိုင်စွ။
သုဝဏ္ဏသာမ သားလိမ္မာ
မိဘလုပ်ကျွေးရှာ။
နတ်ရွာငရဲလမ်း သူလျှောက်လှမ်း
နေမိမင်းအစွမ်း။
တဖက်ကမ်းခတ် ဉာဏ်ပညာ
က၀ိမဟော်သဓာ။
မြဲစွာသီလ စောင့်နိုင်အား
ဘူရိဒတ်နဂါး။
စကားသစ္စာ အောင်ကြောင်းဖြာ
မင်းစန္ဒကုမ္မာ။
မိစ္ဆာကွယ်ပ ဟောဖော်ပြ
ရသေ့နာရဒ။
ဝိဓူရရဲ့ တရားတော်
ဇမ္ဗူအနှံ့ကျော်။
အလှူတော် တုဘက်ကင်း
ဝေဿန္တရာမင်း။ ... ။
***
အဲဒီကဗျာကို ဒီနေရာမှာလဲ တင်ခဲ့ဖူးပါတယ်။

ဒါကတော့ ကလေးတွေကို သီချင်းလို ဆိုပြလို့ရအောင်။ တီးလုံးတော့ မပါဘူး။ သံစဉ် သိရရုံ သက်သက်ပေါ့။


16 comments:

ကိုအောင် said...

ကောင်းတယ်ဗျို့၊ မမေဓါဝီ နှစ်သစ်မှာ ချမ်းမြေ့ပါစေ။

ရွှေရတုမှတ်တမ်း said...

ဒေါ်လေးမေ..နှစ်သစ်မှာရွှင်လန်းချမ်းမြေ့ပါစေ

sonata-cantata said...

မမေဓာဝီရေ
ကျေးဇူးပါ
မင်္ဂလာနှစ်သစ်ဖြစ်ပါစေ။

တန်ခူး said...

မေရေ… ကဗျာလေးက ကောင်းလိုက်တာမေရယ်… ခုပဲ ပရင့်ထုတ်ပြီးအိမ်ရောက်တာနဲ့  သားကို သင်ပေးလိုက်မယ်… အသံကတော့ ရုံးမှာနားထောင်လို့ မရလို့  အိမ်ရောက်မှ သားကို ဖွင့်ပြရင်း တို့ ပါ လိုက်ကျင့်ရမယ်… မေ့ဖေဖေက တော်လိုက်တာနော်… ကလေးတွေ နားဝင်မှတ်မိလွယ်အောင် စပ်တတ်တယ်… ဒီတခေါက် မြန်မာပြည်ပြန်ရောက်ရင် မေ့ဖေဖေဆီ ဂါရ၀ပြုဖြစ်အောင် ပြုရမယ်.. အဲလိုကဗျာလေးတွေ နောက်ရှိသေးရင် ဝေမျှပါဦးမေရေ…

SHWE ZIN U said...

မမေဓါဝီ

ကဗျာလေးကို ဖတ်မှတ်သွားပါတယ်.. ညီမ ဖေဖေ ရဲ့ တန်ဘိုးရှိသော ကဗျာ များကို ဖတ်သွားတယ်..

အမ က ကဗျာတွေ နဲ့ သိတ်ရင်းနှီးမှု့မရှိဘူးဖြစ်နေတယ်..

ညီမ ဖေဖေ ကို သိခွင့်ရရင် သိချင်ပါတယ်..

ခင်တဲ့
မရွှေစင်

~ဏီလင်းညို~ said...

မမေရေ.......
ကဗျာလေးက ကလေးတွေမှတ်မိလွယ်စေမှာ အမှန်ပဲဗျနော့်......။
မမေဖေဖေက တော်လိုက်တာဗျာနော့်....။
တားတားတောင်လိုက်ဆိုသွားသေးတယ်....း))
(ငယ်ချင်ယောင်လာဆောင်နေတာ...သိလားမမေ....း))
ပျော်ရွှင်ချမ်းမြေ့သော နှစ်သစ်ဖြစ်ပါစေ မမေ....။
စာမေးပွဲလည်း အောင်ပါစေဗျာ....။
(ရေသေနတ်နဲ့ ရေပက်သွားတယ်.....။ ထွန်းညွန့်...၊ အရီးညွန့်....၊ ဒိုင်းညွန့်...........း))
ခင်မင်တဲ့
ဏီလင်းညို

စုချစ် said...

အဖေ့ကဗျာများအာလုံးကို ကြိုက်လို့ ပထမပိုစ့်ကတဲက ကူးထားတာမမေရဲ့...
အခုတခါ ပြန်နွှေးသွားပါတယ်...
ချစ်ခင်စွာ... စုချစ်

တန်ခူး said...

မေရေ… သားကို ခုပဲ ဖွင့်ပြနေတာ… သူက ကဗျာဆိုတဲ့ အန်တီပုံက ဘယ်မှာလဲတဲ့… ရုပ်လဲမြင်အသံလဲကြားချင်တာလေ… မေ့ပုံလေးမြင်မှ ကျေနပ်သွားတယ်… မေ့အသံလေးက ချိုနေတာပဲနော်… ကလေးတွေ ပုံပြောရင်နားဝင်ချိုမယ့် အသံလေး… ကျေးဇူးပါမေ… အမခုထပ်ထပ်နားထောင်ပြီးကျင့်နေတာ…

မိုးဦးစံပယ် said...

မမေ...ကဗျာလေးကိုကူးသွားတယ်နော်။ တူ၊ တူမတွေဖို့။ မိုးဦးလဲ အသက်သာကြီးလာပေမယ့် ခုထိ ခလေးကဗျာလေးတွေတွေ့တိုင်း အသံထွက်ရွတ်တတ်နေတုံးပဲ။

မိုးဦးစံပယ် said...

မမေ...နှစ်သစ်မှာ ရွှင်လန်းချမ်းမြေ့ပါစေနော်။

kiki said...

လိုရင်း တိုရှင်း နဲ့  နားထဲစွဲသွားစေတဲ့ ဇာတ်တော်ကြီး ဆယ်ဘွဲ့  ကဗျာ နဲ့ အသံဖိုင် အတွက် ကျေးဇူးပါ မမေဓာဝီ ရေ ..

နှစ်သစ် မင်္ဂလာ ပါ ။

Anonymous said...

ညီလေးနဲ့ ညီမလေးတုိ့အတွက် ကူးယူသွားပါတယ်။ ကျေးဇူးပါ တီတီမေဓါဝီ။

Thet Oo said...

တီးလုံးမပါတာတောင် ကဗျာရွတ်တာ နားထောင်လို့ ကောင်းသား။

မန်းလေရူး said...

ကဗျာလေးက နားထောင်လို့ကောင်းလိုက်တာ ။ ၂ ခါ သုံးခါလောက် ထပ်ခါထပ်ကာ နားထောင်နေမိတယ် ။

ကူးယူသွားခွင့်ပြုပါ ။ သီိချင်းလေးကို You tube ဒါမှမဟုတ် download လုပ်လို့ရအောင်လုပ်ပေးနိုင်ရင် ပိုကောင်းပါတယ် ။

ဗုဒ္ဓတရားတော်နဲ့ပတ်သက်တဲ့ ကဗျာသီချင်းလေးတွေက Online ပေါ်မှာရှာရတာ သိပ်ခက်ပါတယ် ။ တခြားဘာသာ ကလေးကဗျာသီချင်းတွေနဲ့မတူဘူး ။

ရာဇာထွေး said...

မမမေ ရေအရမ်းကောင်းတဲ့ကဗျာလေးနော်..
မှတ်မိလည်းလွယ်တယ်နော်.ကူးယူသွားပါတယ် ..ကျေးဇူးတင်ပါတယ်မမမေ..

ရာဇာထွေး said...

မမမေရေ..ကဗျာလေးကိုကူးသွားတယ်နော်..။
ဖတ်ရ၊မှတ်ရလည်းလွယ်တယ် ။ မမမေ ဖေဖေကဗျာစပ်တာအရမ်းတော် တယ်နော်..။မမမေဆီမှာဒီလို ဖေဖေ ရှိတာ မမမေအရမ်းကံကောင်းပါတယ်..ခင်မင်လေးစားစွာဖြင့်