ပြင်ဆင် ဖြည့်စွက်ခြင်း

အဘိဓမ္မာဘလော့ကို အစကတော့ ‘ဗုဒ္ဓ၏ အဘိဓမ္မာ’ လို့ အမည်ပေးထားပါတယ်။
ဒါကို အဖေ့ကိုပြတော့ အဖေက ဗုဒ္ဓအဘိဓမ္မာ ဆိုရင် ရပါတယ်တဲ့။ ‘၏’ ဆိုတာ မလိုပါဘူးတဲ့။
ကျမကတော့ ပိုလေးနက်အောင် ၏ ထည့်ချင်တယ်ဆိုတော့ အဖေက ဒါဆို မြတ်ဗုဒ္ဓ ၏ လို့ အရှေ့က ‘မြတ်’ ဆိုတာပါ ထည့်လို့ပြောပါတယ်။ ဒါနဲ့ မြတ်ဗုဒ္ဓ၏ အဘိဓမ္မာ လို့ ပြင်မယ် စိတ်ကူးထားတုန်း … ဒီမနက်မှာ အဖေက ထပ်ပြောတယ်။ အခုဘလော့မှာ ဖော်ပြမယ့် စာတွေက တကယ့် အခြေခံတွေပဲ … တဲ့။ ဒါကြောင့် ‘အခြေခံ’ ဆိုတာပါ ပါအောင်ထည့် လို့ ဆိုပြန်တယ်။

ဒီလိုနဲ့ … နာမည်ကို ရှေ့နောက်စဉ်ပြီး …
မြတ်ဗုဒ္ဓ၏ အခြေခံ အဘိဓမ္မာ
အခြေခံ ဗုဒ္ဓအဘိဓမ္မာ
မြတ်ဗုဒ္ဓ၏ အဘိဓမ္မာအခြေခံ
စိတ်ကူးထဲမှာ အမည်တွေ ပေးကြည့်နေမိတယ်။ နောက်ဆုံးတော့ အခြေခံ ဆိုတာကို ကွင်းစကွင်းပိတ်နဲ့ပဲ အနောက်မှာ ထည့်မယ်လို့ (လောလောဆယ်) စိတ်ကူးပြီး
“မြတ်ဗုဒ္ဓ၏ အဘိဓမ္မာ (အခြေခံ)” လို့ အမည်ပြောင်းလိုက်ပါတယ်။

နောက်ပြီး … ဂျစ်တူးနဲ့ ညလေးက cbox ထည့်ပါဆိုလို့ cbox ကလေး ဖြည့်စွက် တပ်ဆင် လိုက်ပါတယ်။ ဖတ်ရတာ ရေးရတာ အခက်အခဲရှိလည်း ကျမကို ပြောကြပါ။ ပြန်ပြုပြင်ပေးပါမယ်။
ဒီဘလော့မှာ တပတ်ကို ၂ရက်သာ စာတင်မှာ ဖြစ်ပါတယ်။ အကြံပေး ဆွေးနွေး မေးမြန်းချင်တာတွေ cbox နဲ့ ကွန်မန့်ထဲမှာ ထားခဲ့နိုင်ပါတယ်။

ဒီ အဘိဓမ္မာဘလော့ကို ဖြစ်မြောက်အောင် အဖက်ဖက်မှ ၀ိုင်းဝန်းကူညီ တိုက်တွန်း အားပေးကြသူများကို ကျေးဇူးတင်ကြောင်းပါ။
***