Wednesday, May 16, 2007

ကိုပြူးကျယ်သို့ ပေးစာ … အပိုင်း (၁၃)

သို့
ကိုပြူးကျယ်

ပေးစာကို မရေးတာကြာလို့ ရွှေစိတ်တော် ငြိုငြင်နေပြီလား မသိဘူး… ။
စိတ်ထဲမှာ ရှိပေမယ့် လက်က မပါနိုင်တာကြောင့် ဒီပေးစာကို ဆက်မရေးနိုင်တာပါ။ ကိုပြူးကျယ်နဲ့တကွ ဒီပို့စ်ကို ဖတ်ချင်လို့ မျှော်လင့်နေတဲ့သူတွေ ရှိတယ် ဆိုတာ သိရလို့ ကျမ ၀မ်းမြောက်စွာနဲ့ ဒီနေ့တော့ မဖြစ် ဖြစ်အောင် ရေးမယ်လို့ အားခဲပြီး ရေးလိုက်ပါရဲ့။
***
ရှစ်ဆယ်ပေါ်တေးထပ် ပြီးတဲ့နောက် တေးရိုးငယ်နဲ့ တေးရိုးကြီး စပ်နည်း အလှည့်ရောက်ပါပြီ။

တေးထပ်ထက် ရှေးကျတာကြောင့် တေးရိုးလို့ ခေါ်ဟန်တူပါသတဲ့။ တေးရိုးကြီးနဲ့ တေးရိုးငယ်ဟာ အနည်းငယ်သာ ကွာတာကြောင့် စာအုပ်ထဲမှာ တပေါင်းတည်း ပြထားပါတယ်။
လေးချိုးကို တပိုဒ်ဖြုတ်ပြီး အနည်းငယ် ပြင်လိုက်ရင် တြိချိုးဖြစ်လာသလိုပဲ တေးထပ်ကို အချို့အပိုဒ်တွေ ဖြုတ်ပြီး ပြင်ဆင်လိုက်ရင် တေးရိုးငယ်-တေးရိုးကြီး ဖြစ်လာတယ် လို့ ဆိုထားပါတယ်။

ရှင်းသွားစေဖို့ ကြည့်လိုက်ကြရအောင်ပါ။

“တေးရိုးငယ် ပုံစံ”
မနှုန်းတန် စိန္တေယျမို့၊ အနန္တဘုန်းတော်ဂုဏ်၊
မြှောက်ဝှဲချီး အံ့မကုန်သည်၊ မြေ၀သုန် တုနှိုင်း၊
သဗ္ဗညု ထွတ်ဘုန်းသည်ကို၊ ငါဇာနည် ဦးညွတ်လို့ကိုင်း။
စောမြတ်စွာ ထွဋ်ရှိုင်းသည့်၊ မနှိုင်းတန့် တရားတော်၊
ဂိုဏ်းရှစ်ဘို့ သံဃာတော်ကို၊ ရှိပူဇော် ဦးတင်၏လေး။


“ရှေးရေး တန်ခူးလဖွဲ့ တေးရိုးကြီးပုံစံ”
တန်ခူးဂိမှမှာ၊ ဓာတ်တေဇ ယှဉ်မှီ၊
ခါမိဿ အချိန်ညီ၊ သ၀ဏီနက္ခတ်၊
စိတြ မည်မကွာသည်၊ တာရမှာ ကေ၀ဋ္ဋမှတ်၊
ပန်းကံ့ကော် ရင်ခတ်တို့၊ ပွင့်ချပ်ကဲ့စုံလင်၊
သင်းရနံ့ ပျံ့ရွှင်၊ ရေသဘင်ပွဲလမ်း၊
ထိန့်ရိုက်ဆင့် ကျူးကျော်တယ်၊ သင်္ကြန်တော် ကြူးရင့်သည့်တမ်း။ … ။

(တေးရိုးငယ်မှာ ‘လေး’ ဟု တေးထပ်ကဲ့သို့ ချသော်လည်း ဤတေးရိုးကြီးကား အထက်ပိုဒ်က ရှိသော ကာရန်အတိုင်း သံပြင်း လဟုသံနှင့် ချသည်ကို သတိပြုပါ။)
***
တေးတွဲ့စပ်နည်း

တေးတွဲ့ကဗျာဟာ ခုခေတ်မှာ တိမ်မြုပ်နေပြီ ဖြစ်ပေမဲ့ ရေးသားစပ်ဟပ်ရာမှာ အလွန်စိတ်ဝင်စားစရာ ကောင်းတဲ့ ကဗျာမျိုး ဖြစ်ပါသတဲ့။

တေးတွဲ့ကို အမည်အားဖြင့် ဝေဖန်ရရင်တော့
တေး - ဆိုတာ ကဗျာ သီချင်းဆိုတဲ့ အနက်၊ သင်္ချာ ဂဏန်းအရ ၃- ဆိုတဲ့အနက်ကို ဖော်ပြပြီး
တွဲ့ - ဆိုတာကတော့ လေးကန် ဖင့်နွှဲတဲ့ အနက်ကို ဖော်ပြပါတယ်။
ဒါကြောင့် ဖြေးနှေး ဖင့်နွှဲစွာ ရွတ်ဆိုရသော ကဗျာ (သို့မဟုတ်) အပုဒ် ၃-ပိုဒ်ဖြင့် ဖင့်နွှဲ ဖြည်းညှင်းစွာ သီဆိုရသော ကဗျာလို့ အဓိပ္ပါယ်ရပါတယ်။

နောက်တနည်း ..
တေး - ကို ၃-ခု သင်္ချာယူ၍ တွဲ့ - ကိုတော့ တွဲ (ဆက်တွဲခြင်း) အနက်အဓိပ္ပါယ်လို့ ယူဆပြီး အပိုဒ် ၃-ပိုဒ် ဆက်တွဲ ရေးရတဲ့ ကဗျာလို့ အဓိပ္ပါယ်ရပြန်ပါတယ်။

တေးတွဲ့ကို ရေးတဲ့အခါ သုံးပိုဒ် ရေးပြီး အချီအချ တူညီရမှာဖြစ်ပါတယ်။ တပိုဒ် တပိုဒ်မှာ အချိုး ၄-ချိုးစီ ရှိတာကြောင့် ရှေးလေးချိုးကြီး အသွားဆန်ဆန်၊ လေးလုံးစပ်အချို့၊ သံချို အသွားဆန်ဆန် ငါးလုံး,ခြောက်လုံး အချို့ ထားရှိပါတယ်။ အချီမှာတော့ ၃-လုံး ချီနည်းနဲ့ ၄-လုံး ချီနည်း နှစ်မျိုးရှိတယ်လို့ ဆိုပါတယ်။

နမူနာ တေးတွဲ့ ကဗျာတပုဒ် ကြည့်ရအောင်။

(၁) “ဘုံနန်းက-မှန်းဆ ချေလျှင်”
ဃောသ လေးပြန်၊ ဝေးလောက်တန်တွင်၊ နိဗ္ဗာန်ရည်မှန်းလို့၊ တည်သန်းပုံ သဗ္ဗညုလို၊ ရွှန်းနုစုံလင်၊
တက်, သက်,လှေကား၊ နှစ်စုံပွားလို့၊ ထူးခြားသန့်ရှင်း၊ ဘိုးတော်မင်းထက်၊ ဉာဏ်လင်းအင်၊ မမြင် တောင်းပေရသေး။
စူဠာမဏိ၊ မည်တော်ရှိတဲ့၊ သီရိထွေငေါ်၊ စေတီကျော်ကို၊ ပြည်တော်သူ သွတ်လှယ်ကူးလို့၊ ဖူးကြတယ်လေး။

(၂) “ထုံပန်းလှ-ပန်းက ထွေအင်”
ဆွမ်းတော် ရေကြည်၊ ပွဲရံတည်သား၊ တီးစည် ခတ်ရွမ်းလို့၊ ရောင်လျှမ်း အရုဏ်ခပ်လျှင်၊ ဆွမ်းကပ်လို့တင်၊
တန်ဆောင်တိုင်များ၊ ရေတော်ငါးနှင့်၊ နံပါး ပန်းသင်း၊ ညနေခင်းမှာ၊ ထပ်သွင်းတင်၊ ရင်ပြင်တော် လင်းထိန်လို့ မွှေး။
ရှင်လူကစ၊ နံနက် ညတိုင်း၊ ညွတ်ခ ပူဇာ၊ စိန္တေယျာဝယ်၊ မသေရာ နိဗ္ဗာန်နန်းကို၊ မှန်းဆုပန် လေး။

(၃) “စုံဆန်းစွ- ခန်းဝဗွေပြင်”
ကျောင်းတော် အုတ်ဂူ၊ အဆူဆူတွင်၊ နိဗ္ဗူရည်စူးတဲ့၊ ထေရ်ထူးတွေ ကိန်းပျော်ဝပ်တယ်၊ ကွက်လပ်မမြင်၊
တကျောင်းတော်လုံး၊ ရေကြည်သုံးဖို့၊ ပတ်ကုံးရှင်းလင်း၊ တောင်တူးရွင်းက ရေသွင်းလျှင်၊ ကန်တွင် ရေပန်း လျှံလို့ဖွေး။
သောတုဇန၊ စာသင်စ၍၊ ထေရအရာ၊ မြတ်သံဃာတို့၊ ချမ်းသာစွာ မြတ်တရားကို အားထုတ်ကြလေး။ … ။
***
ဒီပုံစံကို ကြည့်မယ်ဆိုရင်
(၁) “ဘုံနန်းက-မှန်းဆ ချေလျှင်”
(၂) “ထုံပန်းလှ-ပန်းက ထွေအင်”
(၃) “စုံဆန်းစွ- ခန်းဝဗွေပြင်”

ဆိုတဲ့ အချီ ၃-ပိုဒ် ကာရန်ညီ ပိုဒ်စုံရတု ကဲ့သို့ စပ်ဆိုထားပါတယ်။ အချီ ၃-ပိုဒ်လုံးကို က-လှ-စွ ဆိုတဲ့ လဟုသံ နဲ့ ချီထားပြီး လျှင်၊ အင်၊ ပြင် ဆိုတဲ့ ဂရုသံ နဲ့ ချထားပါတယ်။

နောက်အပိုဒ်တွေကို ကြည့်ရင်လည်း ရှေးလေးချိုးကြီး ရေးစပ်သလို လေးလုံးစပ်မျိုး အပြင် ငါးလုံး,ခြောက်လုံး သင့်သလို ထည့်ပြီး စပ်ဆိုသွားတာတွေ့နိုင်ပါတယ်။ ပထမချိုးရဲ့ အချနဲ့ ဒုတိယချိုးရဲ့အချမှာ သံလျော့ သံချင်း ညီစေပြီး တတိယချိုးနဲ့ စတုတ္ထချိုးကို (ဧး =အေး) ကာရန်နဲ့ ဆုံးစေရပါတယ်။ ဘာကြောင့်ဆိုတော့ တေးတွဲ့တပုဒ်လုံးရဲ့ အချဖြစ်တဲ့ စတုတ္ထချိုးရဲ့ အဆုံးမှာ (လေး) သဒ္ဒါနဲ့သာ အမြဲ ချရလို့ပဲ ဖြစ်ပါတယ်။

တေးတွဲ့မှာ လေးချိုးလိုပဲ တတိယချိုး၏ ဆုံးခါနီးပိုဒ်မှာ ပထမချိုး၊ ဒုတိယချိုးကို ပြန်ငဲ့တဲ့ ကာရန်ပြန် တချက်စီ ရှိရပါသေးတယ်။
ပထမပိုဒ်မှာ လျှင်-လင် .. ဆိုတာကို (ဉာဏ်လင်းအင် က) အင် နဲ့ ပြန်ငဲ့တယ်။
ဒုတိယပိုဒ်မှာ အင်-တင် … ဆိုတာကို (ထပ်သွင်းတင် က) တင် နဲ့ ပြန်ငဲ့တယ်။
တတိယပိုဒ်မှာ ပြင်-မြင် .. ဆိုတာကို (ရေသွင်းလျှင် က) လျှင် နဲ့ ပြန်ငဲ့တယ်။

အထက်ဖော်ပြပါ တေးတွဲ့က အချီ ၃-ပိုဒ် ညီပြီး အချမညီတဲ့ တေးတွဲ့ဖြစ်ပါတယ်။
အချီအချ ညီတဲ့ တေးတွဲ့ နမူနာကတော့ …
လက်ညောင်းနေပြီမို့ …. သည်းခံကြပါလို့ပဲ …. ။
***
ကိုပြူးကျယ်နှင့်တကွ ဒီပို့စ်ကို စောင့်ဖတ်တဲ့ မြန်မာကဗျာချစ်သူများ … ဒီတပတ်တော့ ဒီမျှနဲ့သာ ကျေနပ်ပေးကြပါတော့ရှင် …ရှေ့တပတ်လည်း တခြားစာ တင်စရာရှိလို့ ဒီပို့စ်ကို ခွင့်ခဏ ယူပါဦးမယ်။
***
မေတ္တာဖြင့်

မေဓာဝီ
၁၆၊ မေ၊ ၂၀၀၇
နံနက် ၁၀ နာရီ ၅၅ မိနစ်

2 comments:

ကလိုစေးထူး said...

ကိုပြူးကျယ်ပို့စ် ပျောက်နေတာ အတော်ကြာတော့ ရပ်တောင် ရပ်လိုက်တော့မှာလား ထင်မိတာ။ အခုလို ပြန်တင်ပေးတာ တွေ့လို့ ကျေးဇူးပါပဲ အမ။ ကျနော်ကတော့ ပွင့်ပွင့်လင်းလင်း ၀န်ခံရရင် အခုရေးထားတဲ့ တေးတွဲ့တို့ တေးရိုးငယ်-တေးရိုးကြီး ဆိုတာတွေကို အခုမှပဲ စပ်နည်းစပ်ဟန်တွေ သိတော့တာပါပဲ။ နောက်အပတ်ဆိုရင် တေးထပ် ထင်တယ်နော်။ :)

Anonymous said...

ညီမလေးကတော့ ကဗျာအကြောင်း ဘာမှ နားမလည်လို့ ကိုပြူးကျယ်သို့ ပေးစာဆိုရင် အမြဲတမ်း ကျော်ဖတ်တာပဲ...ဟီဟီ...