Monday, February 19, 2007

အမှားများနှင့် ပြင်ဆင်ခွင့် …

ငယ်ရွယ်စဉ်အခါ စာရေး သင်တော့ သစ်သားဘောင် ကွပ်ထားသည့် ကျောက်သင်ပုန်းလေး ပေါ်မှာ ကျောက်တံ ချောင်းကလေးဖြင့် ၀လုံးကလေးတွေ စပြီး ရေးခဲ့ဖူးသည်။ ကျောက်တံကို ဘယ်လိုကိုင်၊ ၀လုံးကို ဘယ်လိုဆွဲ … စသည်ဖြင့် ကံ့ကူလက်လှည့် သင်ကြားပေးသော အမေ့စကားတွေ ယခုတိုင် အမှတ်ရနေမိဆဲ။ ရေးဆွဲလိုက်သည့် ၀လုံးကလေးတွေထဲမှာ မညီမညာ မလှမပ မသေမသပ်တွေ ပါလာခဲ့ရင် လက်ဖြင့် အသာလေးဖျက်ပြီး ပြန်ပြင်ရေးလိုက်ရုံပင်။ ကျောက်သင်ပုန်းထက်က ၀လုံးလေးတွေ မှားလျှင် ပြင်ရတာ လွယ်ကူလွန်းလှပါသည်။
ဒီတုန်းက အရွယ်ကလည်း ငယ်သေးသည်ကိုး။

နောက်တော့ သူငယ်တန်း တက်ရတဲ့အရွယ် … ။
လေးကြောင်းမျဉ်း စာအုပ်လေးထဲမှာ အလယ်မျဉ်းပြာလေး နှစ်ကြောင်းထဲ ၀င်အောင် ၀လုံးလေးတွေ၊ ကကြီး ခခွေး လေးတွေ ခဲတံကလေး တချောင်းနဲ့ စီစီညီညီ ရေးရပြန်ပါသည်။ ဒီအခါမှာလည်း ကိုယ်ရေးတဲ့ စာလုံး တလုံးတလေ မှားသွားရင် ခဲတံနောက်မြီးက ခဲဖျက်ကလေးနဲ့ ဖျက်ပြီး ပြင်ရေးလို့ရသည်။ ခဲတံ နောက်မြီးက ခဲဖျက်လေးတွေ ပါးပြီး ကုန်သွားလျှင်လည်း ကိစ္စမရှိ၊ ဖျက်လို့ကောင်းသည့် ခဲဖျက်တုံးလေးတွေ ၀ယ်၍ ရနေသားပဲ။ ခဲဖျက်လေးတွေ ရှိသမျှ … စာရေးတဲ့အခါ မှားမှာ စိုးရိမ်စရာမရှိ။ မှားလျှင် မှားပါစေ .. ဖျက်ပြီး ပြန်ပြင်ရေး၍ ရနေသည် မဟုတ်လား။

သို့ပေမဲ့ …ကျောက်သင်ပုန်းမှာ ရေးခဲ့စဉ်ကလို လက်ဖြင့် အသာဖျက်ကာ ပြင်ဆင်ခွင့်တော့မရှိ။ ပြင်ဆင်လို့လည်း မရ၊ အမှားတခုကို ပြင်ဆင်ဖို့ရန်အတွက် “ခဲဖျက်” ဆိုသည့် အကူပစ္စည်း တခုလိုအပ်နေပြီ … ။ အရင်လိုမျိုး ၀လုံးကလေး ၀ိုင်းဝိုင်းရေးသည့် အမေ့ကျောင်း တက်ခဲ့စဉ် အရွယ်လည်း မဟုတ်တော့ပြီလေ။

ဒီနောက် … ပဉ္စမတန်း စတက်ရတဲ့ အခါမှာတော့ ဖောင်တိန် ဘောပန် စတင် အသုံးပြုကြရသည်။ ဒီအခါမှာတော့ အရင်လို ခဲဖျက်ကလေးဖြင့် အမှားများကို အလွယ်တကူ ဖျက်၍ မရတော့။ စာရွက်ပေါ် မှင်ဖြင့်ရေးထားသည့် စာလုံးများ မှားယွင်းသွားခဲ့ပါက ခြစ်ပစ်လိုက်ရသည်၊ သို့မဟုတ်လည်း မှင်ဖျက်သည့် ခဲဖျက် အကြမ်းစားဖြင့် ဖျက်ရသည်။ ဒါပေမဲ့ ဒီ ဖျက်ရာ ခြစ်ရာကြီးက စာရွက်ဖြူဖြူထက်မှာ မလှမပ ကျန်နေခဲ့တတ်ပါသည်။

နောက်ပိုင်းမှာတော့ အမှားတွေကို ဖျက်ပစ်ရန်မလို ခြစ်ပစ်ရန်မလိုဘဲ ဖုံးအုပ်နိုင်စွမ်းရှိသော ဆေးဖြူဖြူ ကလေးတွေ ပေါ်ပေါက်လာပေသည်။ Correction Pen ကလေးထဲမှ ဖြူဖြူဆေးရည်ကလေး ညှစ်ထုတ်ပြီး မှားခဲ့သည့် အမှားများကို ဖုံးလွှမ်းနိုင် သည့်နောက် correction pen အားကိုးဖြင့် ငယ်ငယ်ကထက် များပြားသော အမှားများကို ပြုလုပ်ဖြစ်ခဲ့လေ၏။

ဒီလိုနှင့် အသက်တွေ တဖြည်းဖြည်း ကြီးလာသည်နှင့်အမျှ အတန်းတွေလည်း တတန်းပြီးတတန်း တက်ခဲ့ရပြီး ဘ၀မှာ အမှားအယွင်း တွေလည်း တခုပြီးတခု ကြုံဆုံခဲ့ရပါသည်။
အမေ့ကျောင်းတက်စဉ် အရွယ်က …
သူငယ်တန်းတက်စဉ် အခါက …
ဖောင်တိန် ဘောပန် စကိုင်စဉ် အချိန်က …
အမှားတွေ ပြုခဲ့သမျှ မသိမသာတမျိုး သိသိသာသာတမျိုး ဖျက်ကာ ခြစ်ကာ ဖုံးကာ ၀ှက်ကာ ပြင်ဆင် ခဲ့ရသည်။

စာအုပ် စာရွက်ထဲမှာ ခဲတံဘောပန် ဖြင့် ရေးသားခြင်းထက် ကွန်ပျူတာကို အသုံးပြု၍သာ အရေးများနေသော ယခုအချိန်မှာတော့ အမှားတွေကို အရင်ထက် ပိုပြီး ကျူးလွန်မိလာပြန်သည်။ ကွန်ပျူတာထဲမှာက မှားလျှင် ပြင်၍ လွယ်ကူသည် မဟုတ်လား။ ပြင်ထားမှန်းလည်း မည်သူမှ မသိ၊ အရင်လို ဖျက်၍ တမျိုး ဖုံး၍တခါ ပြုပြင်စရာ မလိုတော့ … ။ ဒါကြောင့်လည်း အမှားတွေ ပိုမို ပြုလုပ်မိပြီး မှားမှန်းလည်း ကိုယ်တိုင် သတိမပြုမိ ခဲ့သည်ကများ၏။ မှားခဲ့သည် ဆိုတာကိုပင် မေ့လျော့လို့ နေမိပြန်သည်။

ဘ၀သည် အမှားတွေ အထပ်ထပ်နှင့် ညစ်သည်ထက် ညစ်လာပြီးသည့်နောက် ထပ်မှားပြန်တော့လည်း သိပ်မထူးခြားသလို ကိုယ့်ကိုယ်ကို လှည့်စားမိနေ၏။

“လူဆိုတာ ခဏခဏ မှားတတ်တယ် … မှားတဲ့အမှား အတွက် ပြန်လည် ပြင်ဆင်ခွင့်လည်း ရှိတယ်၊ ဒါကြောင့် ခဲတံလေးတွေရဲ့ နောက်မှာ ခဲဖျက်တွေ ထည့်ထားတာ …”
ဟု သူငယ်ချင်းတယောက်က ပြောဖူးသည်။ correction pen, correction tape စတဲ့ တီထွင်မှုတွေ ပေါ်ပေါက်လာရ ခြင်းကလည်း လူတွေ အမှားများတတ်ခြင်းကို ဖော်ပြနေသကဲ့သို့ပင်။

မည်သို့ပင်ဖြစ်စေ … မှားခဲ့သည့် အမှားတွေကို မှားမှန်းသိဖို့နှင့် ထိုအမှားမျိုးတွေ ထပ်မမှားဖို့ … ထိုအမှားများအတွက် အချိန်မီ ပြန်လည် ပြင်ဆင်နိုင်ကြဖို့က အရေးကြီးသည် မဟုတ်ပါလော … ။
***
မေဓာဝီ
19.2.07
12:05 pm

5 comments:

Chan Mya Soe said...

မမေဓာဝီရဲ့ ပို့စ်လေးတွေ အရမ်းကောင်းတယ်ဗျာ အတွေးအမြင်တွေ အများကြီးရတယ်

ဆက်လက်အားပေးနေပါတယ်

ကလိုစေးထူး said...

ဒီစာကို ဖတ်ပြီးတော့ Undo ဆိုတဲ့ မမေဓာဝီရဲ့ စာတပုဒ်ကို ပြန်သတိရမိတယ်။ တခါတလေကျတော့လဲဗျာ.. အမှားကို ပြန်ပြင်ရတာကြီးက ခါးသီးလွန်းနေသလိုပဲ။ ကျေးဇူး..ကျေးဇူး.. မမေဓာဝီ။

Anonymous said...

I don't know what's right and what is wrong by definition. I think it is depend on who define them.

I'm just a dump.

What if one define that it is right and nothing wrong being rich by suppressing people.

Anonymous said...

Ma May... i am one holiday so i was away from your post now i read all your posts.but no time to write commend but i just come to your blog to let you know that i am always reading your new post and supporting you. It is very nice post. there is no eraser in my pencil Ma May... because i have to erase my wrong doing very foten so my pencil is no more beautiful like others because there is no tail in my pencil like others, my life also like my pencil... Thanks Ma May,

ဖြိုးဝေတိုး said...

မမေ ပြန်လည်အလည်ရောက်ပြီး ဖတ်သွားပါတယ်ဗျာ
သင်ခန်းစာပေးတဲ့ စာပိုဒ်လေးတွေအတွက်လဲ ကျေးဇူးပါ