Wednesday, February 28, 2007

ကိုပြူးကျယ်သို့ ပေးစာ … အပိုင်း (၇)

သို့
ကိုပြူးကျယ် …

ဗုဒ္ဓဟူးနေ့တောင် ရောက်လာပြန်ပြီနော် … ။
ကိုပြူးကျယ်အတွက် ပေးစာကို ဗုဒ္ဓဟူးနေ့တိုင်း တင်မယ်လို့ လောလောဆယ်တော့ စိတ်ကူးထားပါတယ်။ အကြောင်းကြောင်းကြောင့် (ဥပမာ - အင်တာနက် အဆင်မပြေလို့) မတင်နိုင်ရင်လည်း ခွင့်လွှတ်ပေးဖို့ ကြိုတင် တောင်းပန်လိုက်ပါရစေ … ။ နိုင်ငံရေးရာ အဖြာဖြာထဲက ကောက်နုတ်ချက် တွေကိုတော့ သောကြာနေ့မှာ တင်ဖို့ ရည်ရွယ်ထားပါတယ်။ ဗုဒ္ဓဟူး ကဗျာ၊ သောကြာ နိုင်ငံရေးရာ … ဆိုပါတော့။
ဒီကြားထဲမှာတော့ ရပ်မနေနိုင်တဲ့ ဦးနှောက်က ပေါက်ကရ အတွေးတွေကို အေးအေး မနေနိုင်တဲ့ လက်က လျှောက်ရေးပြီး တင်မိတင်ရာတွေ တင်နေပါဦးမယ်။
ကဲ .. ကဲ … ဒီတပတ်အတွက် လေးချိုးခန်းကို ဆက်လိုက်ကြပါဦးစို့ရဲ့ … ။
***
ဟိုတပတ်က လေးချိုးလတ်မှာ ရပ်ခဲ့ပါတယ်။ ဒီနေ့တော့ ကာလပေါ်လေးချိုးကြီးနဲ့ ပတ်သက်ပြီး ဆက်ရေးပါမယ်။
ကာလပေါ် လေးချိုးကြီး နှစ်မျိုးထဲက စာထောင့်လေးချိုးရေးနည်းမှာ ဆိုရင် …

အချိုးအားဖြင့် -လေးချိုးလတ်လိုပဲ အချိုး ၄ ခု ရှိရပါမယ်။

ပိုဒ်ရေအားဖြင့် - ပထမချိုး၊ တတိယချိုးတို့မှာ အနည်းဆုံး ၃ ပိုဒ်မှ အများဆုံး ၇ ပိုဒ်ထိ ထားနိုင်ပါတယ်။ (၄-၅ ပိုဒ်သာ အထားများတယ်လို့လည်း ဆိုထားပါတယ်။) ဒုတိယချိုး နဲ့ စတုတ္ထချိုးတို့မှာတော့ အနည်းဆုံး ၇ ပိုဒ် မှ အပိုဒ်ပေါင်းများစွာ လိုသလောက် ထားနိုင်ပါတယ်။ ထို ၂ ချိုးမှာလည်း ဒုတိယချိုးထက် စတုတ္ထချိုးမှာ အပိုဒ် အများဆုံးထားပြီး ရေးလေ့ရှိတယ် လို့ ဆိုပါတယ်။

အက္ခရာလုံးရေအားဖြင့် - ဒုချိုးရဲ့ အဆုံးပိုဒ်မှာ ၄ လုံးသာထားရမှာ ဖြစ်ပြီး စတုတ္ထချိုးရဲ့ အစပိုဒ်မှာ ၃ လုံး (သို့) ၄ လုံးသာ ထားရပါမယ်။ ကျန်အပိုဒ်တွေမှာတော့ အနည်းဆုံး အက္ခရာ ၆ လုံးမှ အများဆုံး ၁၅ လုံး ၁၆ လုံး ထားနိုင်ပါသတဲ့။ ဒီထက် ပိုပြီး အက္ခရာတွေများရင်လည်း ရွတ်ဖတ်သီဆို တဲ့အခါမှာ လေမမှီလို့ စည်းဝါးလည်း မလိုက်နိုင်ဘဲ အခက်အခဲ ဖြစ်နိုင်တယ်လို့ ဆိုပါတယ်။

စာထောင့်လေးချိုးနဲ့ လေးချိုးလတ် ကွာခြားချက်ကတော့ စာထောင့်လေးချိုးမှာ ပိုဒ်ရေများခြင်း လုံးရေများခြင်း မျှသာ ပိုထူးပါတယ်။ ကာရန်ကူးဆက်ပုံ လေထားလေယူ တို့ကတော့ အတူတူပဲ ဖြစ်ပါတယ်။

အခုဖော်ပြမယ့် နမူနာ စာထောင့် လေးချိုးကြီး ၂ ပုဒ်ကို ဖတ်ကြည့်ကြပါဦး။
***
မန္တလေးမြို့၊ အချုပ်တန်းဆရာဖေ ရေး “နေပြည်တော် အလွမ်းဖွဲ့ စာထောင့်လေးချိုးကြီး”

မြတ်ကောဇာ လှစ်ဆိုပြရမှာဖြင့်၊ သတ်ဇောဒွါ-ဧစ်ကိုကျကာမှ၊ ခေတ်ညိုလှ-မြန်မာပြေ၊ (အမယ်လေး) “ဟစ်ငိုစရာ့-အခါပေ”။

မသွေစောင်းပေဘု၊ ရေကြောင်းဗျူဟာချီ၍၊ တူရာသီဆန်းရက် ငါးမှာလ၊ နယ်ခြားမြေ ကျောက်တိုင်ရပ်ဆီက၊ ကင်းတပ် သင်္ချေကိုနောက်ကွယ် “ခွင်းဖြတ်ဝင်မွှေ”။ … ။

ရက်အဋ္ဌာကြုံအတွင်းမှာတော့၊ စက်မဟာအဟုန် ပြင်းတာကြောင့်၊ မင်းလှမြို့မှန်ဆိုက်လေ၊ ရန်မိုက်ချွေမဲ့ မြန်မာများ “ခံတိုက်ပေမဲ့ အကွာသား”။

စခန်းငယ်ယှဉ်၊ လမ်းအစဉ် တပ်တော်ရှိပြီဘု၊ သူတင်းလျှံ မြင်းခြံထိကာမှ၊ အသိဥာဏ် နုစတောင်းငယ်နှင့်၊ က၀ိဟန်-ပြုမူကောင်းသူက၊ အကြောင်းကို မမြင်လေ၍၊ စကားပြေ ပြောရင်လွှတ်ပါဖျ၊ ပြားဝတ်ကာ ရှိပန်တောင်းတာကြောင့်၊ ကျောက်မြောင်းဝန် အမြန်ပြေးရှာရ၊ အရေးပိုင် မိန့်ဆိုချက်မှာလ၊ လက်နက်ကုန် အပ်နှံသ’လျှင်ဖြင့်၊ ခွင့်လိုရာ တောင်းပန်ပမယ်လို့၊ ချိုလှစွာ ဥာဏ်နီစွက်ထာမို့၊ ခွင့်လိုရာ ယူစေလို့ မြွက်မိတယ်၊ (အမယ်လေး) ပျိုးပျက်သွယ်ဘွား။ … ။

[ဘုံတပြည်စံ မှောက်လှန်မည်ပ၊ မိုးထက်ကြယ်များ၊ ကုန်အညီပြန် တောက်လျှံချီပ အမတ်တွေ မြင်းထက်ဖျင်း၊ ငကင်းခေါင်ဖျာ့ သိုက်မြညှာအပ် မဘွေရှစ်ရက်တွင်း …၊ အတင်းဆောင်သွား၍ လိုက်ရရှာ၊ ဆက်ဆက်ယူမတဲ့ ဆိုတ’ကာ၊ ကြွက်ကြွက်ဆူသနဲ့ ငိုကြရှာ၊ ရက်စက်သူမကွဲ့ ချိုလှစွာ၊ ထိုခါ-ငိုရှာ ဗိုလ်ပါ လူတလွှားငယ်တို့၊ ရိုင်းလေ-မှိုင်းဝေ-တိုင်းပြေ ပစ်ခွါသွားရှာရတယ်၊ (အမယ်မင်း) အ၀ါးမ၀ငြား၊ တရားဓမ္မ မမှားရှာဘု၊ (သခင့်ကိုကွယ်) သိကြားကလဲ မ၊ မယားလှရယ်ကြောင့်၊ ကုလားက သဘောင်္နှင့် တင်ယူပါပြီ တကား။]

မှတ်ချက်။ ။ [ … ] ဤကွင်း အတွင်း စာသားမှာ လေးချိုးကဗျာမဟုတ်၊ အဓိပ္ပါယ်စုံလင်ရန် သံဆန်းဆက်ထားခြင်း ဖြစ်သည်။
***
အယ်ဒီတာ ဆရာလွန်း ရေးသားသော ဘွိုင်းကောက်ဋီကာ ကျမ်းမှ “ကာလပေါ် စာထောင့်လေးချိုးကြီး”

တဇေယျုံ-ချောင်တွေ မြှောင်ဘွေ မြန်းခဲ့ရပါတော့၊ ရွှေတိဂုံ တောင်ခြေခပန်းတွင်မှ၊ ညောင်သပြေပန်းတွေနှင့်-သွန်းသနဲ့ ကသိုဏ်းရေဗြဟ္မစိုရ်၊ (ကွယ်တို့ရယ်) “အောင်မြေဗဟန်းဆီသို့-လွန်းရဲ့ မှိုင်းရွှေကိုယ်”။

အော် … ဇရပ်အမတို့ကိုလ၊ အမှတ်ရမိတဲ့ပြင်၊ ကဿပထေရ် အရှင်ဆရာစံတဲ့၊ သာလာယံ အထိကရ ကျောင်းရဲ့ပြင်၊ စာဝါတညံညံ တပည့်မအပေါင်းတွေနှင့်၊ မဂ်ကြောင်း-ဖိုလ်ဝင်လှည့်ပေမဲ့၊ အရိယာ လင်္ကာခေါ်သည့်၊ မင်္ဂလာအကျော်အမော်-အရာမ်တွင်းရဲ့ပြင်၊ မှန်ကင်းနေရဒင်သို့၊ မြေပလ္လင် ရွှေကျင်တိုက်ဆီသို့၊ ဦးခိုက်ကာ ပဏာလှုံလို့မို့၊ အညာရဂုံ-တောဟိတ် ၀ါသနာမသေးသူက၊ တအာရုံ-မနောစိတ်မှာ မအေးသော်လဲ၊ တွေးဆ-ကြည်ညိုတယ်နော်ကွယ် … ၊ “ဝေးကမှီခို”။

စိန်စမုခ် အဆောင်ဆောင်-အလျှံမနော် ပတ္တမြားတွေနဲ့၊ သိင်္ဂုတ်တောင် ဆံတော်ဘုရားကိုလ၊ အော် … အများသော တပည့်တွေနဲ့ ကတိတောင်းဆုဆို၊ ကောင်းမှုထိုထိုရယ်နှင့် ဓမ္မရွှေဗျာကျွေး၊ ၎င်း “ကုသိုလ်တွေကိုဖြင့် အမျှ အမျှ ဝေကာပေး”။


ကောလိပ်အပျက်တွင်၊ ဇောစိတ်လက် ဆရာ မရွှင်သနဲ့၊ အညာတခွင် လှည့်ခဲ့ပြီး၊ ဇာတိမြေ အလုံကျေးပေပေါ့၊ မုံရွေးမှာ တနွေကြာတော့၊ ဇေယျာသူ ကေသာတို့ ပင့်ပေသမို့၊ အခွင့်ကြုံရာ တွယ်ရော့မကွဲ့လို့၊ ပုညာစွယ်-တောင်ခပန်းတွင်မှ၊ အောင်ပန်း ကဗျာဂီတာတို့နဲ၊ ရှောင်မလမ်း ယာယီသာဘို့လို့၊ ဆရာသည်တ၀ါမှာ ပါရမီမာလာ ကလေးတို့ရဲ့ပြင်၊ ဆေးပေးမီးယူ နှစ်ကျိပ်ကျော်မျှတွင်မှ၊ အနှိပ်တော် ဒကမတွေ စုံညီညာနှင့်၊ ယမုံသီတာ တောင်ခြေ၀ိုင်းပေတဲ့၊ ဘုံသီဟာ အောင်မြေကသိုဏ်းတွင်မှ၊ (အမယ်မင်း) သမိုင်းအလျှောက်-တဂိုဏ်း တဂိုဏ်း မထောက်တဲ့၊ ကြောက်ဖွယ့် ပြည်ရွာအရေးပေမို့၊ အော်… ‘မှိုင်းတယောက် အနှီတ၀ါဖြင့် မအေးရပေဘု”၊ (စန္ဒာရယ်) “စစ်ကိုင်းချောက်ဆီက-ဘွိုင်းကောက်ဋီကာရေး”။ … ။

***
ကိုပြူးကျယ်နှင့်တကွ မြန်မာကဗျာ စစ်စစ်ကို ချစ်တဲ့သူများ ဒီတပတ်တော့ ဒီလေးချိုးကြီး နှစ်ပုဒ်နဲ့ပဲ ကျေနပ်ကြပါဦး။ လေးချိုးအခန်းက မပြီးသေးပါဘူး၊ ကျန်နေသေးတဲ့ သံချိုလေးချိုးနဲ့ ရှေးလေးချိုးကြီးကို ရှေ့တပတ်မှာမှ ဆက်ပါရစေတော့ရှင် … အိပ်ချင်နေလို့ပါ။

ချမ်းမြေ့သောနေ့ ဖြစ်ကြပါစေ … ။
***
မေတ္တာဖြင့် …

မေဓာဝီ
28.2.07
00:35 am

1 comment:

Anonymous said...

Ma May, i don't know ko pyu kyai has read your new post or not now i have read it, but i have not so much time so just come and read your new post. Ma May's blog is always alive with new post everyday. Tanks Ma. Take care and go to sleep now ok? Have a nice dream and can think and write your new post..

On the way,