***
ဒီနံနက်ခင်းမှာ သတင်းကောင်းတခုနဲ့
နိုးထလာခဲ့တယ်။
မနက်စာပြင် ဆွမ်းတော်တင်ချိန်မှာ
အဖေက စာဖတ် - အမေက ဘုရားရှိခိုး
အဆိုးတွေ ဖယ်ခွာစေကြောင်း
ဆုတွေတောင်းကောင်း တောင်းလိမ့်မယ်။
စားသောက်ပြီး လမ်းလျှောက်ထွက်
မြက်ခင်းစိမ်း နဲ့ ရေကန်ပြာ
ဘဲလေးတွေနဲ့ ကြိုးကြာ
သာယာတဲ့ ရှုခင်း
လမ်းးလျှောက်ရင်း ငေးမော ...
ကျောခိုင်းရမှာ နှမြောနေမိသေး။
နံနက်ခင်း နေမင်းက မပူပြင်း
နံနက်ခင်း လေညင်းတဝ ရှူသွင်း
ငြိမ်းချမ်းခြင်း တခဏ
ကိုယ့်ဒေသဆီ ထုပ်ပိုးသယ်ယူလို့မရတဲ့
သဘာဝရဲ့ လက်ဆောင်များ
စံစားရင်း ... ခံစားရင်း
နံနက်ခင်းကို ဆောင်ကြဉ်းသွားချင်တယ် ... ။
***
မေဓာဝီ
21.10.19
09.48
No comments:
Post a Comment