မွန်းကျပ်သောနေ့

တိမ်တွေက တအိအိပြိုကျလာတယ်။
တဖြည်းဖြည်း ဦးခေါင်းနဲ့ ထိမတတ်။
အသက်ရှူရ ခက်လို့ ပါးစပ်ကိုဖွင့်ပြီး လေကို အားပါးတရ အဆုတ်ထဲ ရှိုက်သွင်းလိုက်တယ်။
ရှူသွင်းလိုက်မိတဲ့လေဟာ … သန့်စင်မနေဘူးဆိုတာ ခံတွင်းကို အဖြတ်မှာ ခံစားသိလိုက်ရပေမဲ့ …
တားဆီးလို့ မမီတော့ …။
ညစ်ညမ်းနေတဲ့ လေထုက ခံတွင်းမှတဆင့် အဆုတ်ထဲ … ။
ပြီးရင် ဒီလေတွေ ခန္ဓာကိုယ်ထဲမှာ လည်ပတ်ကြတော့မယ် … ။
ဒီလိုနဲ့
အဆိပ်ငွေ့တွေကို ရှူရှိုက်ရင်း ကြီးပြင်းခဲ့တာ နှစ်ပေါင်းများစွာ ကြာနေမှပဲ …။
ငါ့ခန္ဓာဟာလည်း တစတစ အဆိပ်နဲ့ယဉ်ပါးရင်း … အဆိပ်သင့်လူသား ဖြစ်မှန်းမသိ ဖြစ်ခဲ့ရပေါ့။

ကျေးဇူးပြုပြီး ငါ့အနားမလာကြပါနဲ့ … ငါဟာ အဆိပ်သင့်နေလို့ … ။
ကျေးဇူးပြုပြီး ငါနဲ့ အဝေးဆုံးကို သွားကြပါ … ငါဟာ အသုံးမကျတဲ့ လူ့အန္ဓ ..။
ကျေးဇူးပြုပြီး ငါ့ကို စွန့်ခွါထားခဲ့ … အထီးကျန်ခြင်းကိုသာ ငါအလိုရှိတယ် … ။
ကျေးဇူးပြုပြီး ငါ့ကို အသက်မသွင်းကြပါနဲ့ … ငါဟာ ရှင်လျက်နဲ့သေနေခဲ့ပြီ … ။
ကျေးဇူးပြုပြီး ငါ့ကို အမုန်းတွေသာပေး … အချစ်တွေက နာကျင်စေလို့ပါ … ။

တိမ်တွေက ပြုံးတယ် …
သစ်ရွက်တွေက ရယ်တယ် …
ငှက်ကလေးတွေက ဟားတယ် …
အဆိပ်ငွေ့တွေက လှောင်ပြောင်တယ် …
ပန်းပွင့်လေးတွေက တီးတိုးတီးတိုး သဖန်းပိုးနဲ့ …

“နေရောင်ခြည်သည် ရောဂါပိုးကိုသေစေ၏”
ကလေးလေးတယောက် စာအော်ဖတ်နေတယ်။
နေရောင်အောက်က ဘ၀လေးတွေဟာ တကယ်ပဲ ရောဂါပိုးကင်းစင်နေလေမလား။
ဒါမှမဟုတ် …
ပူပြင်းလွန်းတဲ့ နေရောင်ခြည်ဒဏ်ကြောင့် …
ခံနိုင်ရည်အားနည်းတဲ့ အဲဒီဘ၀လေးတွေပဲ သေစေမလား … ။
မစဉ်းစားတတ်တော့ပါ …. ။

မျက်စိကို မှိတ်လိုက်တယ် …
တိမ်တွေက ပြိုနေတုန်း … ။
မျက်စိပြန်ဖွင့်လိုက်တယ် …
မိုးတွေညို့လာပြီ … ။
မျက်စိကို မှိတ်လိုက်တယ် …
ထစ်ချုန်းသံသဲ့သဲ့ … ငါ့ရင်ဘတ်ထဲမှာ။
မျက်စိပြန်ဖွင့်လိုက်တယ် …
မိုးတွေ … မိုးတွေ … ရွှဲရွဲစိုအောင် ရွာချနေ … ။
အေးမြခြင်းကင်းတဲ့ အဆိပ်သင့်မိုးတွေပါ …
ငါ့မျက်ဝန်းမှာရွာနေတယ် … ။

အမြင်အာရုံတွေ မှုန်ဝါးလို့ …
ရှေ့ကိုတောင် မမြင်ရတော့ဘူး …
နောက်ကိုလဲ ပြန်လှည့်မကြည့်ချင် …
ဘေးနှစ်ဖက်မှာက ချောက်ကမ်းပါး …
စမ်းတ၀ါးဝါးနဲ့ လှမ်းသွားနေတဲ့ ခြေလှမ်းတွေရဲ့ ဦးတည်ရာဟာ ….
ချောက်ကမ်းပါးဆီလား … ။
အနာဂတ်မဲ့ ခြေလှမ်းတွေကတော့
ဒယီးဒယိုင် လျှောက်နေဆဲပေါ့ ….
…. …. …. …
…. …. …. …
…. …. …. …
***
6.1.07
3:30pm