Tuesday, November 21, 2006

story 2

ဒီလမ်းထက်မှာ
***
နေက ကျဲကျဲတောက်ပူနေသည်။
လမ်းမထက်တွင် ကျွန်တော်တယောက်ထဲ။ မြန်ချင်၍ ဖြတ်လမ်းဟုထင်ကာ လမ်းအကြိုအကြားတွေ သွားမိပြီးမှ လမ်းတွေမှားရင်းနှင့်ပင် နောက်ဆုံး ဒီလမ်းသို့ ရောက်လာခြင်းဖြစ်သည်။ နေ့ခင်းကြောင်တောင် လမ်းမကြီးတွင် လူမဆိုထားနှင့် ခွေးတကောင် ကြောင်တမြီးမျှပင် ရှိမနေပါ။ နေပူပူအောက်တွင် ထီးမပါဘဲ လျှောက်နေသော ကျွန်တော်ကတော့ သွားရမည့် ခရီး၏ အနီးအဝေးကို မှန်းဆလျက်ပင် ချွေးပြန်ချင်ချင်။

ဒီစဉ်မှာပဲ ခပ်လှမ်းလှမ်းတွင် လူတယောက် လမ်းလျှောက်နေသည်ကို မြင်လိုက်ရသည်။ ထူးဆန်းသည်က စွပ်ကျယ်ချိုင်းပြတ် ၀တ်ထားသော ထိုလူသည် မည်သည့်အရပ်ကိုမှ သွားနေခြင်း မဟုတ်ဘဲ နေကျဲကျဲပူနေသော လမ်းမပေါ်တွင် စင်္ကြံလျှောက်သလို ခေါက်တုန့်ခေါက်ပြန် အေးရာအေးကြောင်း လျှောက်နေ၍ပင်။ ဒီအချိန် ဒီလိုလျှောက်နေပုံထောက်လျှင် စိတ်သိပ်မှန်ပုံမပေါ်ဟု ကျွန်တော်တွေးမိပြီး ခပ်သုတ်သုတ် လျှောက်လိုက်သည်။ ဖြစ်ချင်တော့ ကျွန်တော် သူ့နဘေးမှအဖြတ် သူက ကျွန်တော့်နောက်မှ ထပ်ချပ်မခွါ လိုက်ပါလာလေတော့သည်။

အဲဒါမှ ဒုက္ခ။
ကျွန်တော့်မှာလဲ ခုခံစရာဆိုလို့ ထီးတချောင်းပင် မပါ။ ပိုက်ဆံအိတ်လေး ခါးကြားထိုးကာ နေပူထဲတွင် ခပ်သုတ်သုတ်သာ လျှောက်နိုင်သော ကျွန်တော့်လို အသက် ၆၀ကျော် လူကြီးတယောက်အနေဖြင့် ငယ်ငယ်ကလို အပြေးမြန်မည်ဟု ကိုယ့်ကိုယ်ကို ယုံကြည်မှုလည်း မရှိတော့။ စိတ်နှံ့ပုံမရသော ထိုသူက ဗလခပ်တောင့်တောင့် သန်သန်မာမာအရွယ်။ အနားကပ်ခါ တခုခုလုပ်လိုက်မှဖြင့်။
ကျွန်တော် စိုးရိမ်စိတ်ဖြင့် ခြေလှမ်းကိုသွက်လိုက်ရင်း လမ်းဘေးမှာ အုတ်ခဲကျိုးလေး ဒုတ်ချောင်းလေး တွေ့လိုတွေ့ငြား ကြည့်သွားသည်။ အရေးဆို ဘာလက်နက်မှ မတွေ့။ လူသူလေးပါးကလဲ ပြတ်လွန်းလှသည်။ နောက်သို့ ကဲ၍ ကြည့်တော့ ထိုသူကလည်း ထပ်ချပ်မခွါ လိုက်နေဆဲ။

ဒီလိုနှင့် သွားရင်း တနေရာမှာတော့ ကားဝပ်ရှော့ တခုမှာ ကားပြင်နေကြသူတွေကို တွေ့သဖြင့် နည်းနည်း စိတ်အေးသွားခဲ့ရ၏။
တကယ်တော့ ကျွန်တော်ကပဲ စိုးရိမ်စိတ် ကြီးနေလို့ပဲလားတော့မသိ။ ဒီလမ်းကိုဖြတ်လျှင် တခုခု ဖြစ်တော့မလိုလို စိတ်ထဲစွဲနေရခြင်းကတော့ … လွန်ခဲ့သော နှစ်ပေါင်း ၃၀ ကျော်လောက်က အဖြစ်အပျက် တခုကြောင့်ပင်။ ယခု ဒီလမ်းပေါ်မှာ လျှောက်နေရင်း ထိုစဉ်က အဖြစ်အပျက်ကို ပြန်အမှတ်ရမိလေတော့သည်။
***
အဲဒီတုန်းက ကျွန်တော်က အသက် အစိတ်ပင် မပြည့်တတ်သေး။ သို့သော် အိမ်ထောင်ကျ၍ ကလေးတယောက် ရပြီး မွေးမြူရေးလုပ်ငန်းတခု လုပ်နေစဉ်ဖြစ်သည်။ ကျွန်တော်က တခါတရံ ညနေဘက်ဆို ယူနီယံကလပ်မှာ ဘီယာသွားသောက်လေ့ရှိ၏။
ဒီနေရာမှာ ကျွန်တော့် ဇာတ်လမ်းထဲက အဓိကဇာတ်ကောင်တယောက်နှင့် မိတ်ဆက်ပေးပါရစေဦး။

သူကတော့ ကျွန်တော့်ဦးလေး၏ သူငယ်ချင်းဖြစ်သူ ဘိလပ်ပြန် တက္ကသိုလ်ကျောင်းဆရာ သူဌေးသား ဦးလှဘော်။ အသက်က ကျွန်တော့်ထက် ဆယ့်လေးငါးနှစ် လောက်ကြီးမည်။ လူပုံက ဖြူဖြူသန့်သန့် စတိုင်ကျကျ၊ စတိုင်ဘောင်းဘီနှင့် နောက်ပိတ်ဖိနပ်ကို အမြဲဝတ်ဆင်လေ့ရှိပြီး လက်ထဲတွင် ဖိုင်တခုကို ဟန်ပါပါ ကိုင်လေ့ရှိသည်။ အနှီ ဦးလှဘော်ကလည်း ယူနီယံကလပ်တွင် ဘီယာလာသောက်လေ့ရှိသဖြင့် ကျွန်တော်တို့ သူ့ကို တွေ့တွေ့နေရသည်။ သူ သောက်ပုံကိုလည်း ကြည့်ပါဦး။

ကုလားထိုင်ပေါ်တွင် လူကမထိုင်ဘဲ ကုလားထိုင်ကို နောက်ပြန်လှည့်ကာ ခြေထောက်တဖက် တင်ပြီး လက်မှာ ဖိုင်ကိုပိုက်ထားသည်။ ဘီယာ မတ်ခွက်ကို တစ်ရှူးစလေးဖြင့် အုပ်ထားပြီး သောက်ခါနီးမှ တစ်ရှူးဖယ်ကာ တငုံငုံ ပြီးလျှင် တစ်ရှူးဖြင့် ပြန်အုပ်၊ ခွက်ထဲတွင် လက်တလုံးလောက်ကျန်လျှင် ဆက်မသောက်ဘဲ ပက်ခနဲ သွန်ပစ်လိုက်ပြီး နောက်တခွက်…။ ဒီပုံစံဖြင့် အမြဲသောက်လေ့ရှိသည်ကို ကျွန်တော်တို့ မြင်နေကျ။
***
အဲဒီညနေခင်းကတော့ ကျွန်တော် တယောက်ထဲ ကလပ်မှာ ဘီယာဝင်သောက်သည်။ လက်ထဲမှာလဲ ပိုက်ဆံက ဘီယာတလုံးဖိုးပဲ ရှိသဖြင့် ထောင့်ကျကျ စားပွဲတွင် တယောက်ထဲ ထိုင်သောက်နေတုန်း ဦးလှဘော် ၀င်လာသည်။ ကျွန်တော့်ကိုတွေ့တော့ ...

‘၀ဏ္ဏ .. တယောက်ထဲလား … လာလေကွာ .. ကိုယ်နဲ့အတူလာသောက်ပါလား’ ဟု ဖိတ်မန္တက ပြုသည်။
ကျွန်တော်လည်း သူနဲ့အတူသောက်လျှင် ဘီယာတော့ အလကားသောက်ရမည်ဟု စိတ်ထဲ တွေးမိကာ သူ့ဆီကို ထသွားပြီး တူတူသောက်ကြ၏။

ဘီယာတွေ တလုံးပြီးတလုံး သောက်ရင်း .. သူရော ကျွန်တော်ရော နှစ်ယောက်လုံး ခပ်ထွေထွေ အနေအထား ရောက်သွားကြတော့
‘၀ဏ္ဏ .. မင်း ဘယ်သွားချင်သေးလဲ’ ဟု မေးသည်။
ကျွန်တော်ကလည်း ဘီယာသောက်ပြီးလျှင် ကိတ်တရောင် (ကြေးအိုး) စားချင်သည့်စိတ်က အမြဲဖြစ်နေကျမို့
‘၁၉ လမ်း မှာ ကိတ်တရောင် စားချင်တယ် အန်ကယ်’
‘အိုကေ .. လာ .. သွားကြမယ်’
ဘီယာဖိုးတွေရှင်းပြီး သူ့ကားလေးဖြင့် ၁၉ လမ်း သို့ သွားကာ ကိတ်တရောင် သွားစားကြသည်။
၁၉ လမ်းမှ ပြန်လာတော့ .. ‘၀ဏ္ဏ .. ဘာလုပ်ချင်သေးလဲ .. ပျော်ပါးချင်သေးလား .. .. ကိုယ့်ကို အားမနာနဲ့နော် .. ဒီမှာ ပိုက်ဆံတွေပါတယ် ..တွေ့လား’
ဟုဆိုကာ ကား ဒက်ရ်ှဘုတ်ကိုဖွင့်ပြီး သူ့ပိုက်ဆံတထပ်ကြီးကို ကျွန်တော်မြင်သာအောင်ပြ၏။
‘ဟင့်အင်း အန်ကယ် .. ကျွန်တော် ဘီယာ ထပ်သောက်ချင်သေးတယ်’
‘ဒါဆို ယူနီယံကလပ် ပြန်သွားကြတာပေါ့’

ကျွန်တော်တို့ ယူနီယံကလပ်ပြန်ရောက်တော့ ကလပ်က ပိတ်နေပြီ။
ကလပ်မန်နေဂျာက သော့ခတ်ပြီး ထွက်အလာ ကျွန်တော်တို့နှင့်တိုးတော့ …
‘မန်နေဂျာကြီး .. ဘီယာရောင်းဗျာ ..’
‘ပိတ်ပြီဗျ … ပစ္စည်းစာရင်းရော ငွေစာရင်းရော အကုန်ပိတ်ပြီးသွားပြီ …’
ကျွန်တော်တို့ကလည်း သောက်ချင်နေသေး၍ ဇွတ်ပင် ..
‘ဟာ .. လုပ်ပါဗျာ .. ဒါဆို ဘယ်က ရနိုင်ဦးမလဲ …’
‘တခုတော့ ရှိတယ် … ဦးလေးကံ ဆီ ဖုန်းဆက်ပြီး သူ့အိမ်မှာရှိရင် သူ့ဆီက သွားယူလိုက်’

ဦးလေးကံဆိုတာက ကျွန်တော့်ဖခင်ရဲ့ အရင်းနှီးဆုံးမိတ်ဆွေဖြစ်သလို ဦးလှဘော်နှင့်လည်း ခင်ပါသည်။ ဦးလေးကံက ဘုရားလူကြီးပေမဲ့ ယူနီယံကလပ်ကို ဘီယာသွင်းသည်၊ ထို့ကြောင့် သူ့ဆီကယူလျှင် ရနိုင်ဖွယ်ရှိသည်။
‘ဒါဆို ခင်ဗျားဖုန်းဆက်ပေးဗျာ’
မန်နေဂျာကြီးက ဖုန်းဆက်ပေးပြီး အဆင်ပြေသွားကာ ကျွန်တော်တို့နှစ်ယောက် ရေတာရှည်လမ်းက ဦးလေးကံအိမ်သို့ သွား၍ ဘီယာသွားယူကြသည်။

‘ကိုယ့် အိမ်မှာပဲ သောက်ကြရအောင် … ၀ဏ္ဏလည်း ကိုယ့်အိမ်ရောက်ဖူးသွားတာပေါ့’
ဒီလိုနှင့် ကျွန်တော်လည်း ဒီလမ်းသို့ ရောက်ခဲ့ရလေတော့သည်။
***
လမိုက်ညမို့ ညကမှောင်ရသည့်အထဲ ဒီလမ်းက သစ်ပင်တွေ အုပ်ဆိုင်းနေသဖြင့် ပိန်းပိတ်အောင် မှောင်မိုက်နေ၏။ လမ်းမထက်တွင် ကျွန်တော်တို့ စီးလာသည့်ကားလေးတစီးထဲ။ ခြံကျယ်ကြီးတခြံရှေ့သို့အရောက် ခြံဝင်းတံခါးဝသို့ ကားလေးကိုခေါင်းတည်ပြီး ဟွန်း တချက် တီးလိုက်သည်။ ခြံထဲမှ လူထွားကြီးတဦးပြေးထွက်လာပြီး တံခါးလာဖွင့်ပေးသည်။ ခြံဝင်းတံခါးကြီးက အမြင့်ကြီး၊ အထဲသို့ပင် မမြင်ရ၊ တခြံလုံးကိုလည်းအုတ်တံတိုင်းခတ် ကာရံထားသည်။ ခြံထဲဝင်သည့် ကားလမ်းလေးအတိုင်း မောင်းဝင်လာပြီး ခြံ၏ အလည်ခေါင်ရှိ တိုက်အိမ်ကြီးဘေးမှ ပတ်ကာ နောက်ဖက်က ဘန်ဂလိုဆန်ဆန် အိမ်လေးတလုံး၏ နဘေးက ကားဂိုဒေါင်ထဲသို့ ကားကို တခါထဲ ထိုးဆိုက်လိုက်သည်။

ခြံဝင်းတခါးလာဖွင့်ပေးသည့် လူညိုထွားကြီးကပင် ကားဂိုဒေါင် တံခါးကို ပိတ်ပေးပြီး အိမ်တံခါးသော့ကို ဖွင့်ပေးသည်။ အိမ်ထဲမှ ၀ု ၀ု ဆိုပြီး ခွေးတကောင်ထွက်လာတော့ ဦးလှဘော်က ...

‘မိဖြူ .. မိဖြူ ..’ ဟု ဆိုကာ ခေါင်းလေးကို သပ်ပေးပြီး .. ‘မိဖြူကို အပြင်ထုတ်လိုက်ဟေ့’ ဟု တဆက်ထဲ အမိန့်ပေးသည်။ ကျွန်တော်တို့ အိမ်ထဲရောက်တော့ အိမ်ကလေးက သပ်သပ်ရပ်ရပ်နှင့် အနောက်တိုင်း ခပ်ဆန်ဆန် ပြင်ဆင်ထားသည်ကို တွေ့ရ၏။ ကျွန်တော် အနှစ်သက်ဆုံးကတော့ လိုင်ဘရီလေးပင်ဖြစ်သည်။ စာအုပ်တွေ အစီအရီနှင့် စနစ်တကျရှိလှသော သူ့လိုင်ဘရီ လေးမှာ ကျွန်တော်စာအုပ်တွေလျှောက်ကြည့်နေစဉ်မှာပင် တပည့်ကျော်ကြီးက ဘီယာတွေဖောက် ဖန်ခွက်တွေပြင်ပေးပြီး သူ့ဆရာကို နှုတ်ဆက်ကာ ထွက်သွားတော့၏။

‘၀ဏ္ဏ … ဖတ်ချင်တဲ့ စာအုပ်ဖတ်နော် … ကိုယ့်အိမ်မှာက အေးဆေးပဲ … ဘာမှ အားမနာနဲ့’
ကျွန်တော်လည်း ဓမ္မပဒ စာအုပ်လေးယူကာ စာကြည့်စားပွဲမှာ ထိုင်ဖတ်ရင်း ဘီယာသောက်နေလိုက်သည်။ ဖတ်တာက ဓမ္မပဒ၊ သောက်နေတာက ဘီယာ၊ လိုက်လဲ လိုက်ပါဘိတော့။

‘ဘာစာအုပ်တွေ ဖတ်နေလဲ ၀ဏ္ဏ’
‘ဓမ္မပဒ စာအုပ်ပါ အန်ကယ်
‘ဟို .. စာအုပ် ဖတ်ပါလား’
‘ဘာလဲ အန်ကယ်’
‘နတ်သျှင်နောင် နဲ့ ဓာတုကလျာ’

ဘာဆိုင်လို့လဲ … ဟု .. ကျွန်တော့်စိတ်ထဲ နဲနဲ အံ့သြသလိုဖြစ်ပြီး သူ့ကိုကြည့်လိုက်တော့ ... ကျွန်တော့်ကို ရွှန်းရွှန်းစားစားကြီး ကြည့်နေပြီး ကျွန်တော့်ပခုံးကို လှမ်းဖက်ကာ ဆံပင်တွေကို လာနမ်းနေသည်။

‘ဟာ .. အန်ကယ် .. ကျွန်တော် စာအေးအေးဆေးဆေး ဖတ်ပါရစေဗျာ’
ကျွန်တော်က သူ့လက်တွေကိုဖယ်ရင်းပြောတော့
‘၀ဏ္ဏကလဲ … ဘယ်သူမှမရှိပါဘူးကွ’ ဟု ပြန်ပြောရင်း လက်များက ကျွန်တော့်ကို ရစ်ပတ်နေဆဲ။ သူ့အသံကြီးကလည်း ပုံမှန်မဟုတ်တော့။ မိန်းမခပ်ဆန်ဆန်ဖြစ်လာပြီး ရုပ်ကပါ တမျိုးပြောင်းသွားသလိုလို။ အဲဒါမှ .. ဒုက္ခ။ ဒီလူကြီးက ဒီလိုကိုး။ ကျွန်တော် ရှိသမျှ ဘုရားအဆူဆူ စိတ်ထဲက တ-မိရင်း ၀ုန်းခနဲ ထ ရပ်လိုက်သည်။

‘ကျွန်တော် … အပေ့ါသွားလိုက်အုံးမယ်’
‘တွိုင်းလက်က … ဟိုဘက်မှာ’

အိမ်သာထဲကနေပြီး ကျွန်တော် ပြေးပေါက်ရှာသော်လည်း အချည်းနှီးပင်။ သံပန်းတံခါးတွေက သော့ခတ်ထားသည့် အပြင် သံဇကာတွေဖြင့် ပိတ်ကာထားသေးသည်။ ဘယ်လိုလုပ်ရပါ့။ ကြံရာမရသည့်အဆုံး အိမ်သာထဲမှ ပြန်ထွက်လာတော့ သူက အပြင်မှာ အဆင်သင့်စောင့်လို့ပင် နေသေးသည်။

‘လာ .. ၀ဏ္ဏ … အိပ်ခန်းထဲ သွားကြမယ်’
‘အာ … အန်ကယ် … မလုပ်ပါနဲ့’
‘လာပါ …. ဆို’

သူက ကျွန်တော့်ကို အတင်းချုပ်ပြီး သူ့အိပ်ခန်းတွင်း ခေါ်လေတော့သည်။ ကျွန်တော်ကန့်လန့် ကန့်လန့်နှင့် ပါသွားပြီးတော့မှ … ဖြစ်ချင်ရာဖြစ်ဟု စိတ်ကိုတင်းကာ အင်အားတွေကို စုစည်းပြီး ...

‘ကဲဟာ ..’ ခွပ်ခနဲမြည်အောင် ပါးချိတ်ကို လက်သီးဖြင့်ထိုးလိုက်တော့ သူက အိပ်ရာပေါ်ပုံလျက်သားလေး လဲကျသွားသည်။ ဒီတော့မှ ကျွန်တော် နောက်လှည့်ကြည့်မနေတော့ဘဲ ခပ်သွက်သွက် အိမ်တံခါးဝဆီကိုပြေးသွားလိုက်၏။ ကံကောင်းချင်တော့ တံခါးက ဂျက်လေးသာ ထိုးထားသဖြင့် ဖွင့်ပြီး အပြင်ကိုအထွက် ..ခွေးက ၀ုတ်ဝုတ် ဆိုပြီး အနားရောက်လာသည်။
‘မိဖြူ .. မိဖြူ’
စောစောက သူခေါ်ထားသည့် နာမည်ကိုကြားထားလို့သာ တော်တော့သည်။ မိဖြူကို ခေါင်းလေးပုတ်ပေးလိုက်တော့ အမြီးနှန့်ကာ ကျန်ခဲ့သည်။ ကျွန်တော်ပြေးလဲ မပြေးရဲ။ ခွေးဆိုတာမျိုးက ပြေးမှ ပိုလိုက်တတ်သည် မဟုတ်လား။ တပည့်ကျော် လူညိုထွားကြီးများ ရှိဦးမလား … မှောင်မိုက်နေသော လမ်းမှ ခြံတံခါးဝဆီသို့ မှန်းကာ ခပ်သုတ်သုတ်လျှောက်ရင်း တွေးမိသေးသည်။ တံခါးဝဆီသို့ ရောက်တော့ ပိတ်ထားသော တံခါးမြင့်မြင့်ကြီးက ဆီးကြိုသည်။ ခြံဝင်းတံခါးတွေ ကျော်တက်နေကျ အတွေ့အကြုံ အပြည့်ရှိသော ကျွန်တော့်အဖို့တော့ သိပ်မှုစရာမလို။ ဖတ်ခနဲ ဖတ်ခနဲ တက်ပြီး အပေါ်ရောက်တော့ လျှပ်စစ်လွှတ်ထားသော သံဆူးကြိုးတွေနှင့် ရင်ဆိုင်ရသေးသည်။ ဒီဆူးကြိုးတွေကို လွတ်အောင် တအားခွကျော်နေစဉ်မှာဘဲ ကားစက်နှိုးသံကြားပြီး ကားမီးရောင်လေး ၀င့်ခနဲမြင် လိုက်ရသည်။

ဦးလှဘော် လိုက်လာချေပြီ။
တဖက်သို့ရောက်သည်နှင့် မဆိုင်းမတွဘဲ ခုန်ချလိုက်ပြီး ပိန်းပိတ်အောင်မှောင်နေသော လမ်းမထက်မှာ ကမန်းကတန်း ပြေးရလေတော့၏။ တော်တော်လှမ်းလှမ်းရောက်တဲ့အချိန်မှာ နောက်ဖက်မှ မီးရောင်မြင်သဖြင့် သစ်ပင်ကြီးတပင်နောက်သို့ ပြေးကပ် ပုန်းအောင်းလိုက်ရသည်။ သူ့ကားလေး ကျော်သွားမှ … ကျွန်တော်လည်း သက်ပြင်းချနိုင်ပြီး ခပ်မှန်မှန်ပင် အိမ်ကို လမ်းလျှောက်ပြန်ခဲ့ရ လေတော့၏။
***
အိမ်ရောက်တော့ ကျွန်တော့်မိန်းမက ကျွန်တော်ပြန်အလာကို စိတ်ပူစွာ စောင့်နေသည်။
‘နောက်ကျလိုက်တာ ..မောင်ရယ်’
‘အမလေး … ကံကောင်းလို့ ခင်ရေ .. ခင့်ယောက်ျား တော်တော်ကံကြီးပေလို့’ ဟု ဆိုကာ ဖြစ်ကြောင်းကုန်စင် ပြောပြလိုက်တော့ .. ခင်က ရင်တမမ နားထောင်ရှာသည်။
‘ဒီညသာ မောင် ပြန်မလာနိုင်ရင် ဘယ်လိုလုပ်မလဲ .. ဟင် ..’ ကျွန်တော်က ပြုံးစိစိဖြင့် မေးတော့ ခင်က ကျွန်တော့်ကို ဘာမှပြန်မပြော၊
စကားလုံးတွေကိုယ်စား ကျွန်တော် အလွန်မြတ်နိုးသော မျက်စောင်းလှလှလေးတခုသာ ကျွန်တော့်ဆီ ရောက်လာပါတော့သည်။
***
ပြီးပါပြီ။
(၂၁.၁၁.၀၆)
၂၃း၅၅ နာရီ
***
နောက်ဆက်တွဲ
***
ညက အိပ်ချင်မူးတူးနဲ့ ရေးပြီးတင်လိုက်တဲ့အတွက် အဖွင့် (intro) နဲ့ နိဂုံး (ending) က မစပ်ဆက်မိဘူး ဖြစ်သွားပါတယ်။ ဒါကို တယောက်သောသူက မေးလ်နဲ့ လှမ်းပြီး သတိပေးတဲ့အတွက် .. နောက်ဆက်တွဲလေး ဆက်ရေးလိုက်ပါတယ်။ ဖြည့်စွက်ဖတ်ကြည့်ကြပါကုန်။
***
နေပူပူ လမ်းထက်မှာ လျှောက်နေရင်း စိတ်မနှံ့သူ နောက်ကလိုက်ခံရ၍ ပိုလို့ စိတ်အိုက်ရသည့်အပြင် အတိတ်က ထွက်ပြေးခဲ့ရသည့် ဇာတ်လမ်းကို ပြန်ပြောင်းတွေးမိသဖြင့်လည်း စိတ်ထဲ စနိုးစနောင့် ဖြစ်ရသေး၏။ သို့သော်ငြားလည်း ဒီဇာတ်လမ်း၏ အဆုံးသတ်တွင် ဇနီးသည်၏ ချစ်မျက်စောင်းလေးတပွင့်အား သတိရလိုက် မိသည့်အတွက် မွန်းတည့်နေပူပူအောက်မှာ ရုတ်ချည်း အေးမြသည့် အရသာကို ခံစားလိုက်ရသည့်အပြင် …
ကျွန်တော်နှင့် ခေတ္တခွဲခွါနေရသော အဝေးရောက် မျက်စောင်းပိုင်ရှင်လေးအား တမ်းတမ်းတတ လွမ်းဆွတ် သတိရမိပါတော့၏။
***
တကယ် ပြီးပါပြီ။
(ကျေးဇူးတင်ပါသည်)
***

4 comments:

hana said...

မြန်မာဘလော့ဂ်တွေခေတ်စားလာတဲ့ ၂၀၀၆ မှာ ဘလော့ဂ်တွေကိုသိပ်မဖတ်ဖြစ်နိုင်ပါဘူး။ အွန်လိုင်းလုပ်ရင် လိုအပ်တဲကျောင်းသင်ခန်းစာတွေရှာ၊ ပရောဂျက်အချက်အလက်တွေကိုရှာနေတာနဲ့ပဲအချိန်ကုန်၊ ၀ါသနာပါတဲ့စာရေးဖို့အတွက် သမိုင်းကြောင်းတွေရှာ ၊ ဘိုင်အိုဂရပ်ဖီတွေရှာနဲ့ နောက် စိတ်ပါဝင်စားတဲ့ စိတ်ပညာကိုအွန်လိုင်းမှာ သင်ယူနေတာနဲ့ရော မိတ်ဆွေတွေရဲ့ဘလော့ဂ်တွေကို မှန်မှန်မဖတ်ဖြစ်ပေမယ့် အားရင်အားသလို မမေဓာဝီ ၊ မေ၁၁ နဲ့ ကိုသံလွင်တို့ရဲ့ဘလော့ဂ်တွေကိုတော့ဖတ်ဖြစ်တယ်။ မေ၁၁ ရဲ့ အတွေးလေးတွေက နူးညံ့ပြီး သူ့ဘလော့ဂ်လေးမှာ မြန်မာမလေးတစ်ယောက်ကို ကိုယ်စားပြုတာကြောင့်။ မမေဓာဝီနဲ့ ကိုသံလွင်ကတော့ ဟနရဲ့ မြန်မာစာဆရာများလို့ အရေးအသားတွေကိုအတုယူဖို့နဲ့ အတွေးလေးတွေကိုကြိုက်လို့ပါ။
ဟနမှာဘာအရောင်မှစွန်းထင်းမနေပါဘူး။ ဟနရဲ့ ဦးနှောက်ထဲကိုလည်းဘယ်အရာမှအတင်းကြပ်သွတ်သွင်းမခံခားရပါဘူး။ ဟနစာရေးတာ လူတွေရဲ့ စိတ်တွေကို နှစ်သိမ့်ဖို့ပါ။ ခုခေတ်ကာလကြီးမှာ လူတွေဟာ နေရာတိုင်းမှာ အခက်အခဲအကြပ်အတည်းတွေနဲ့ မို့ အားလုံးကစိတ်တိုနေကြပါပြီ။ အဲဒီစိတ်တွေကို သက်သာရာရဖို့အတွက်ရည်ရွယ်ပြီး လူ့စိတ်သဘောနဲ့ ပတ်သက်တဲ့ဆောင်းပါးမျိုးတွေကြိုးစားရေးကြည့်နေပါတယ်။
ဒါပေမယ့်ဘယ်လို ဘယ်လို ကြောင့်များ ဟနမှာအရောင်တစ်ခုစွန်းထင်းနေတယ်လို့ တချို့ကထင်ကြသလဲတော့မသိပါဘူး။ ဟနဘယ်သူတစ်ဦးတစ်ယောက်အတွက်မှ စာရေးတာမဟုတ်ဘဲ mankind အတွက်စာရေးတာပါ ။
စာရေးတဲ့အခါမှာ မမေဓာဝီရဲ့ မြန်မာစာအရေးအသားကိုအတုယူပါတယ်။ မမေက သူမနှစ်မြို့တဲ့အရာကို သိမ်မွေ့တဲ့စကားလုံးတွေနဲ့ပုံဖော်ပြီး မနှစ်မြို့ကြောင်းကို နူးညံစွာပြပါတယ်။
ကိုသံလွင်ကတော့ ဟနရဲ့ကဗျာမှာ ပိုနေတဲ့စကားလုံးတွေကိုထောက်ပြပြီး ဗျည်း ၊ သရ တို့ရဲ့နေရာအစီအစဉ်တွေကို ဟနကိုသင်ပြပေးခဲ့ပါတယ်။
ဟနရဲ့ မြန်မာစာဆရာများဖြစ်တဲ့ မမေ နဲ့ ကိုသံလွင်တို့၇ဲ့ ဘလော့ဂ်များကိုအားရင်အားသလိုဖတ်ပြီး ဟနဖတ်သွားကြောင်းကို ကွန်မန့် ၊ ဂတ်စ်ဘွတ်ခ်တို့မှာရေးထားခဲ့တတ်ပါတယ်။ ဟိုတလောက မြန်မာဘလော့ဂ်များကိုဘာဘာညာညာအသံတွေကြားပါတယ်။ ဟနကတော့ဖတ်မှာပါပဲ။
ဟနဥာဏ်မမီတဲ့အကြောင်းအရာများကိုတော့ ဖတ်ပြီးဘာမှမပြောသလို ဥာဏ်မီတာတွေကိုတော့ ဟနနှစ်သက်ကြောက်း ကွန်မန့်တွေရေးခဲ့မှာပါပဲ။
ဆရာတွေက ဟနကို တပည့်အဖြစ်အသိအမှတ်မပြုပေမယ့်လည်း ဟနကတော့ ဗုဒ္ဒဘာသာ မြန်မာတစ်ယောက်ပီပီ သင်ဆရာ ၊ မြင်ဆရာ ၊ကြားဆရာများရဲ့ကျေးဇူးကိုမမေ့သလို ဆရာလို့ အမြဲထုတ်ပြောနေမှာပါ။

Maydarwii said...

ဟနရေ ..
ဟနက ကွန်မန့်ထဲမှာ မမေကို ချီးကျူးထားတာတွေကို ဘာပြောရမှန်းမသိအောင် ရှက်တက်တက်ကြီးဖြစ်နေတာနဲ့ ဘာမှ ပြန်မပြောဖြစ်တာပါ။ ဟနကို အသိအမှတ်မပြုလို့ မဟုတ်ဖူးနော်။
ဟနရဲ့ ဆောင်းပါးတွေလဲ မမေ တွေ့သလောက်တော့ ဖတ်ဖြစ်ပါတယ်။ ဘာပဲဖြစ်ဖြစ် ဟနပြောသလို စာရေးသူဆိုတာ အရောင်တခုခု စွန်းထင်းမနေတာ အကောင်းဆုံးပါပဲ။ ပြီးတော့ ကိုယ့်စာကို အများရှေ့မှာ ချပြဖို့ စာရေးတဲ့သူ တယောက်ရဲ့ ရပ်တည်ချက်၊ ယုံကြည်ချက်၊ ရည်ရွယ်ချက်ဟာ ဖြောင့်မတ်ဖို့လိုတဲ့အပြင် ကိုယ့်ရဲ့ အတ္တထက် အများရဲ့ဆန္ဒနဲ့ လိုအပ်ချက်ကို ပိုပြီး ဦးစားပေးသင့်တယ်လို့ မမေကတော့ ယုံကြည်ပါတယ်။
လူတွေရဲ့ စိတ်ကို နှစ်သိမ့်ချင်တယ်ဆိုတဲ့ ဟနရဲ့ ရည်ရွယ်ချက်လေး ကောင်းပါတယ်။
ဟန စာတွေ မမေကိုလည်း အရင်လို ပေးဖတ်ပါအုံး။

ကလိုစေးထူး said...

အခုမှပဲ ပြီးပြည့်စုံပြီး သပ်ရပ်လှပတဲ့ ၀တ္ထုတိုလေး တပုဒ်ဖြစ်သွားတော့တယ်..နောက်လဲ ရေးပါဦးဗျ... :)

လူမာန်သာ said...

မမေရ.. ဖတ်လို့ကောင်းတယ်..