Sunday, November 05, 2006

လွမ်းဆွတ်ခြင်းများစွာဖြင့် ...

မနှစ်က
တန်ဆောင်မုန်း လပြည့်ကျော်တရက်ည။
ဖုန်းတခု ကျမဆီဝင်လာပါတယ်။
‘၀ီရေ .. ကိုယ်ရောက်နေပြီ ..ခြံရှေ့ထွက်ခဲ့နော်’
ကျမကို ‘၀ီ’ လို့ ခေါ်တဲ့ တဦးတည်းသော ကျမသူငယ်ချင်းဆီက ဖုန်းပါ။ ကျမ ခြံရှေ့ထွက်သွားတော့ သူ့ကားလေးက ခြံရှေ့မှာရပ်နေပြီး သူဆင်းလာတယ်။
‘၀ီ .. download လုပ်ပြီးသွားပြီလား ..’
‘အင်း …ပြီးပါပြီဆိုနေ’
‘အဟဲ .. ဒါဆို ဒီထဲ ထည့်ပေးနော် .. ကိုယ်အချိန်မရှိလို့ အိမ်ထဲ မ၀င်တော့ဘူး’
သူ့ရဲ့ thumb driveလေးကိုပေးရင်း ကျမကို မျက်နှာချိုသွေးတယ်။
သူက mobile ဖုန်းတွေပြင်တာ အထူးဝါသနာပါတာမို့ သူ့အတွက် လိုအပ်တဲ့ softwareတွေ download လုပ်ပေးဖို့ ကျမကို အကူအညီတောင်းလေ့ရှိပါတယ်။ ကျမ လုပ်ပေးလိုက်တဲ့ softwareတွေ အသုံးပြုပြီး ဖုန်းတလုံးကို အောင်မြင်စွာပြင်လို့ပြီးသွားရင်တော့ ကျမဆီဝမ်းသာအားရ ဖုန်းဆက်အကြောင်းကြားလေ့ ရှိတယ်။
အဲဒီည သူလာတော့ ကျမက အဆင်သင့် ဒေါင်းလုတ်ချထားပြီးသား ဆော့ဖ်ဝဲလေးကို သူ့ thumb driveလေးထဲ ထည့်ပေးပြီး
‘ဒီမှာ .. မုန့်သွားစားဖို့ လက်မှတ်ဝယ်ထားတယ် .. သွားမှာလား မသွားဘူးလား’ လို့မေးလိုက်တယ်။ သူက
‘ဆောရီးပဲ ၀ီရယ် .. ကိုယ် အရေးတကြီး ချိန်းထားတာ တခုရှိနေလို့ .. နောက်မှ စားတော့မယ်နော်’
‘နောက်မှဆို အဲဒီလက်မှတ်က expireဖြစ်သွားပြီနော်၊ မနေ့က နဲ့ ဒီနေ့ ၂ ရက်ပဲ စားလို့ရတာ’
‘စိတ်မဆိုးပါနဲ့ ၀ီ ရယ် … တကယ်မအားလို့ပါ ..နော် ..’
သူက မျက်နှာငယ်လေးနဲ့တောင်းပန်တော့လဲ ကျမမှာ စိတ်တိုတိုနဲ့ ခွင့်လွှတ်လိုက်ရပါတယ်။ စိတ်ထဲကတော့ အောင့်သက်သက်နဲ့ပေါ့။ သေချာပြောထားတာကို … အရင်က ကတိမဖျက်တတ်တဲ့သူက အခုဖျက်တာ ကြောင့် နဲနဲတော့ ဖုတုတုဖြစ်သွားမိတယ်။
သူ့ကိုပေးစရာရှိတာပေး၊ ခြံတံခါးဝထိလိုက်ပို့ပြီး သူ့ကားလေး မထွက်ခင်မှာဘဲ ..ခြံထဲမှာလမ်းလျှောက်နေတဲ့ ကျမအကိုဝမ်းကွဲက ..
‘တယ်လီဖုန်း၊ တယ်လီဖုန်း’ လို့ ရုတ်တရက်လှမ်းအော်တယ်။
အဲဒီတော့မှ ကျမလဲ သတိရလို့ သူ့ကို မြန်မြန်လက်ခုပ်တီးပြီး ကားပြန်ရပ်ခိုင်းလိုက်ရတယ်။
ဘာလဲဆိုတော့ .. ကျမအိမ်က cordless ဖုန်းလေးကို သူပြင်ပေးလို့ ကောင်းသွားတယ်ဆိုတာ သိတော့ နောက်ဖက်အိမ်က ကျမကြီးတော်ကြီးက သူ့ cordless လဲ ပြင်ပေးပါပြောပြီး ကျမကို လာပေးထားတယ်။
အဲဒါ သူ့ကိုပေးလိုက်ဖို့မေ့နေလို့ အကိုဖြစ်သူက သတိပေးတာပါ။
သူက ကားပြန်ရပ်ပြီးစောင့်နေတော့ ကျမအိမ်ထဲပြန်ဝင် တယ်လီဖုန်းလေးယူပြီး သူ့ဆီသွားပေးလိုက်တယ်။
‘အဲဒါ ကြီးတော်ကြီးဖုန်းနော် ..ပြင်ပြီးရင် ကျသင့်သလောက်ပြော .. သူ့ဆီကတောင်းရမှာ သိလား’
သူက ပြုံးပြုံးကြီး ခေါင်းညိတ်ပြီး ကျမပေးတဲ့ဖုန်းလေးယူကာ ကားမောင်းထွက်သွားပါတော့တယ်။
ကျမ နာရီကိုကြည့်လိုက်တော့ ည ၈ နာရီ ထိုးလုထိုးခင် … ။
အဲဒီညက ..
သူနဲ့ကျမ နောက်ဆုံးတွေ့ခဲ့ရတာပါပဲ။
အဲဒီညဟာ ..
မြန်မာလိုဆိုရင် တန်ဆောင်မုန်းလပြည့်ကျော်တရက်ည။
အင်္ဂလိပ်လိုကတော့ ၂၀၀၅ ခုနှစ် နိုဝင်ဘာ ၁၆ ရက်ည ပါ။
***
ခါတိုင်း ညညတွေမှာ မအိပ်ခင် သူ့ဆီဖုန်းဆက်ပြီး စကားတွေဖောင်ဖွဲ့ခဲ့ကြတယ်၊ တနေ့တာ ကြုံခဲ့ကြတဲ့ ရယ်စရာမောစရာတွေပြောကြ စာအကြောင်း ပေအကြောင်း သီချင်းအကြောင်းတွေပြောကြ၊ သူကလဲ သူပြင်ပေးရတဲ့ဖုန်းတွေအကြောင်း၊ ကျမကလဲ ကျမရဲ့အလုပ်အကြောင်း စိတ်ညစ်စရာ စိတ်ပျော်စရာတွေ ရင်ဖွင့်ကြ တိုင်ပင်ကြရင်းနဲ့ တခါတခါ မနက် ၁ နာရီ ၂ နာရီထိတိုင်အောင် စကားတွေပြောဖြစ်ခဲ့ကြပါတယ်။
အဲဒီညကတော့ ကျမစိတ်ထဲ ကသိကအောက်ဖြစ်နေတာနဲ့ သူ့ဆီ ဖုန်းမဆက်ပါဘူး။
ခါတိုင်း ကျမ မဆက်ရင် သူကဆက်တတ်ပေမဲ့ .. အဲဒီညက သူ့ဆီကဖုန်းလဲ မလာခဲ့ပါ။
နောက်တည ..
နောက်တည ..
သူလဲကျမဆီ ဖုန်းမဆက်သလို .. ကျမလဲ သူ့ဆီ မဆက်ခဲ့…။
***
သူ မဆက်သရွေ့ ကျမလဲ မဆက်ဘူးလို့ စိတ်ကိုတင်းထားပေမဲ့ .. တကယ်တမ်းတော့ ကျမ မနေနိုင်ပါဘူး။ သူ ဘာများဖြစ်နေလဲ၊ နေမကောင်းလို့လား၊ ခရီးထွက်နေလို့လား .. အဲဒီလိုတွေတွေးမိရင်း ၃ ရက်မြောက်နေ့ ..နေ့လည်ခင်းတခုမှာ ကျမသူ့ဆီ ဖုန်းခေါ် မိတယ်။ အိမ်ဖုန်း၊ mobile ဖုန်း၊ ခြင်းဖုန်း တခုပြီးတခု ပြောင်းခေါ်ပေမဲ့ …ပြန်မထူးခဲ့ပါဘူး။
ကျမ နဲနဲတော့ ထူးဆန်းမိတယ်။ ခါတိုင်း အိမ်ဖုန်းဆက်ရင် သူမရှိရင်တောင် သူ့အမေ၊ အဖေ တယောက်ယောက် ဖုန်းကိုင်ပါတယ်။
ခုတော့ … ဖုန်းကိုင်မဲ့သူတယောက်မှ မရှိဘူး။
သူတို့တမိသားစုလုံး ခရီးထွက်နေမှာပါလို့ ..ဖြေတွေး တွေးနေရပေမဲ့ ကျမစိတ်ထဲ တထင့်ထင့်နဲ့။
***
နောက် တညမှာတော့ ကျမဆီဖုန်းတခုဝင်လာပါတယ်။
သူနဲ့ရော ကျမနဲ့ပါ သိတဲ့ သူ့အိမ်နီးနားချင်း လူတယောက်ဆီကပါ။
ဝမ်းနည်းစရာ သတင်း …
သူ .. ဆုံးပြီတဲ့ ..
သူ .. မရှိတော့ဘူး ..တဲ့ ..
သူနဲ့တကွ .. သူ့တမိသားစုလုံး …
.. .. .. .. .. .. .. ..
.. .. .. .. .. .. .. ..
.. .. .. .. .. .. .. ..
ကျမ ဆက်ပြီး မကြားမိတော့ပါဘူး …
ဟုတ်လို့လား။
အဲဒါ နောက်နေတာမဟုတ်လား။
ကျမကို တမင်နောက်နေတာ ..
အဲဒါ ညာနေတာ ..
ကျမ မျက်ရည်တွေနဲ့ သွေးရူးသွေးတမ်းပြောမိတယ်။
(((((မယုံဘူးးးးးးးးးးးးး)))))
ကျမကို မညာပါနဲ့။
ကျမ ဘယ်လိုယုံရမှာလဲ …
ကျမ မယုံဘူး။
ကျမ မယုံကြည်ပေမဲ့
တကယ်ဖြစ်ခဲ့ပါတယ်။
သူ … တကယ်ပဲ သေဆုံးသွားခဲ့ပါပြီ။
***
သူသေဆုံးသွားပြီးနောက်ပိုင်း သူနဲ့ပတ်သက်တဲ့ ကောလာဟလ သတင်းတွေ၊ လွဲမှားမှုတွေ .. နားနဲ့မဆံ့အောင် ကြားနေရတယ်။
မဟုတ်ဘူး .. သူဟာ အဲဒီလိုလူစားမျိုးမဟုတ်ဘူးဆိုတာ .. ကျမ သိတယ်၊ ကျမ ရှင်းပြချင်ပါတယ်။
ဒါပေမဲ့ .. ကျမ ဘယ်လိုရှင်းပြရမလဲ ..။
***
ခုတော့ …
သူ့အတွက် ကုသိုလ်ကောင်းမှုတွေ လုပ်ပေးပြီး အမျှအတမ်းပေးဝေရင်း …
သူမရှိတော့ပေမဲ့ .. သူနဲ့ပတ်သက်တဲ့ အမှတ်တရပစ္စည်းလေးတွေ သိမ်းဆည်းရင်း …
သူနဲ့ ပတ်သက်တဲ့ အမှတ်တရအဖြစ်အပျက်လေးတွေထဲက ….
ရယ်စရာလေးတွေ တွေးမိတဲ့အခါ .. ရင်နင့်စွာပြုံးမိရင်း ..
စိတ်မကောင်းစရာတွေ တွေးမိတဲ့အခါ .. မချိတင်ကဲ မျက်ရည်ဝဲမိရင်း …
ညနေ ဘက်တွေဆိုရင် …
‘၀ီရေ .. ကိုယ်ရောက်နေပြီ ..ခြံရှေ့ထွက်ခဲ့တော့’ လို့ ခေါ်တဲ့ ဖုန်းသံလေးတွေ လာလိမ့်နိုးနဲ့
ခုချိန်ထိအောင် … ကျမ မျှော်လင့်နေမိပါသေးတယ်။
***
မနှစ်က တန်ဆောင်မုန်းလပြည့်ကျော်တရက်ညတွင် ကွယ်လွန်သွားသော သူငယ်ချင်း TZL သို့ လွမ်းဆွတ်ခြင်းများစွာဖြင့် …
***

7 comments:

Anonymous said...

Ma May,
I am crying now.

TZA said...

TZLကို မသိပါ၊ မမေဓါဝီကိုလည်း အင်တာနက် ပေါ်မှာပဲသိပါတယ်။ သို့သော် ဒီပို့စ်ကြောင့် ကျနော် ဝမ်းနည်း နေရပါတယ်။ တရားနဲ့ ဖြေနိုင်ပါစေ မမေ။

Anonymous said...

Ma May...
I felt so bad whenever i heard abt him~ =(

Tharlikar

မေဓာဝီ said...

မျှဝေခံစားပေးသူ အားလုံးကို ကျေးဇူးတင်ပါတယ်။

Anonymous said...

မမေ ရေ ညီမလဲ တကယ်စိတ်မကောင်းဘူး အခုထိ အဲဒါကို ဘာမှမလုပ်ပေးသေးဘူးဆိုတာကိုလဲ မကျေနပ်ဘူး တော်တော်ဆိုးတယ်ကွာ

မေလေး

Anonymous said...

စိတ်မကောင်းပါဘူးမမေ၇ယ်.
ဟိုလူတွေကိုလဲမိပြီမဟုတ်လား
သူတို့၇ဲ့မိသားစုလဲအတော်ဒုတ်ခေ၇ာက်တယ်နော်

သူကြီးမင်း (တုံးဖလား) said...

ဘုရားနဲ့နေ
တရားနဲ့ဖြေလဲ
စိတ်တွေခွေနှုံး
ပူမီးအုံးကာ
ခြုံးခြုံးငိုပွဲ
သူ ဆင်နွှဲ၏။

ငါလဲ ထို့တူ
ထို့အတူပင်
အပူ သောက
ပူ ဒုက္ခနှင့်
ယိုကျ မျက်ရည်
စီးဆင်းနေ၏။

(သြော်...)
သံဝေ ဓမ္မ
မရဏကား
ကြွေကျသစ်သီး
ပုံသေနည်းသို့
ငယ် ကြီး မဟူ
များဗိုလ်လူကို
ခြူကာ တိုက်စား
သနား ငဲ့ညှာ
မရှိရာတည်း။ ။

ခင်မင်လျက်
ကိုကိုမောင်(ပန်းရနံ့)

.