Thursday, July 09, 2009

မြန်မာရှေးစာဆိုတို့၏ ကဗျာများ (နိဒါန်း)

ဘာမင်ဂန် ဆရာတော်ဆီက ကျမငှားလာခဲ့တဲ့ “ကဗျာသင်္ဂဟမေဒနီ” “ကဗျာအဆီအနှစ် ပေါင်းချုပ်” စာအုပ်ထဲက ကဗျာတွေကို အချိန်အားကလေးရှိတိုင်း ဖြည်းဖြည်းချင်း ရိုက်နေရင်း ဒီလိုကဗျာတွေကို စိတ်ဝင်စားသူတွေလည်း ဖတ်ရစေဖို့ ကျမဘလော့မှာ နည်းနည်းချင်း တင်ပေးဖို့ စိတ်ကူးမိပါတယ်။ အရင်က ကျမ ဘလော့မှာ ဖော်ပြခဲ့တဲ့ “ကိုပြူးကျယ်သို့ ပေးစာ” တွေကိုတော့ ဆက်ရေးဖြစ်တော့မယ် မထင်ပါဘူး။ ဘာကြောင့်လဲ ဆိုတော့ အဲဒီ ပေးစာတွေရဲ့ ကိုးကားစာအုပ် ဖြစ်တဲ့ နန္ဒမာလိနီ စာအုပ်ကြီးက ကျမဆီမှာ မရှိတော့လို့ပါပဲ။ နန္ဒမာလိနီ စာအုပ်ကြီးကို လက်လွှတ်လိုက်ရ စဉ်မှာပဲ ကဗျာသင်္ဂဟမေဒနီကို တွေ့လိုက်ရလို့ ကျမ သိပ်ဝမ်းသာမိပါတယ်။ အဲဒီစာအုပ်ကလည်း ဆရာတော် မြန်မာပြည်သွားတုန်းက ကျမအဖေ လှူလိုက်တဲ့ စာအုပ်လို့ ဆရာတော်က ပြောပြပါတယ်။

လောလောဆယ်တော့ ကျမရိုက်ပြီးသလောက်ထဲက နည်းနည်းချင်း တင်ပေးသွားပါမယ်။ စာဆိုများရဲ့ အတ္ထုပ္ပတ္တိ အကျဉ်းကိုလည်း သက်ဆိုင်ရာ စာဆိုတို့ရဲ့ ကဗျာများနဲ့အတူ ဖော်ပြပေးသွားမှာ ဖြစ်ပါတယ်။ ဒီစာအုပ်ရဲ့ နိဒါန်းက စိတ်ဝင်စားစရာ မှတ်သားစရာ ဗဟုသုတများပါဝင်တာကြောင့် နိဒါန်းကိုပါ ဖော်ပြ ပေးလိုက်ပါတယ်။
***
နိဒါန်း

က၀ီဟိဗန္ဓိတဗ္ဗန္တိကဗျံ - ပညာရှိတို့ ဖွဲ့ဆို သီကုံး အပ်သောကြောင့် ကဗျာမည်ကြောင်း, က၀ီနံ ဣဒန္တိ ကဗျံ - ပညာရှိတို့သာ ဖွဲ့ဆိုနိုင်၍ ပညာရှိတို့၏ ဥစ္စာရတနာ ဖြစ်သောကြောင့် ကဗျာမည်ကြောင်းကို ကျမ်းအစောင်စောင်တွင် ပညာရှိ အသီးသီးတို့ မိန့်ဆိုတော် မူခဲ့ကြသည့်အတိုင်း ကဗျာတခု ဖွဲ့လိုသောသူသည် မြန်မာမှု, သဒ္ဒါနည်း, အလင်္ကာနည်း, ဆန်းနည်း, ကာရန်ယူနည်း, ကာရန်လွှဲနည်း, ကာရန်ခံနည်း, ကာရန်အုပ်နည်း, အကျဉ်းကို အကျယ်ပြုနည်း, အကျယ်ကို အကျဉ်းပြုနည်း, ချီ-ချ နည်း, ကြိယာထားနည်း, တော-ရပ်-ဖြတ်-စပ်နည်း စသော အချက်အလက်များနှင့် စကားပရိယာယ် ကြွယ်ဝရခြင်း, စကားလုံး သိမ်မွေ့ရခြင်း, အဓိပ္ပါယ် စုံလင်ပြည့်ဝစေခြင်း, တော-တောင်-ရေ-မြေ ဗဟုဿုတ, ဒေသန္တရ ဗဟုဿုတ, စာပေ ဗဟုဿုတရှိခြင်း စသည်များကို လိမ်မာ ကျွမ်းကျင်ပြီးရုံသာမက- မိမိစပ်လိုသော ကဗျာလင်္ကာကို အနည်းဆုံး ၂-ပုဒ် ၃-ပုဒ်ခန့် ရရှိထားပြီးလည်း ဖြစ်ရပေသည်၊ ထို့ကြောင့် ကဗျာဟူသည် ပညာရှိတို့၏ ဥစ္စာရတနာ ဖြစ်သည်-ဆိုခြင်းမှာ အလွန် လျော်ကန်လှပေသည်။

ဤစာအုပ်တွင် မည်သည့်ကဗျာစုများကို စုပေါင်းထားပါသနည်း-ဆိုလျှင် ကြိုး, ဘွဲ့, ပတ်ပျိုး, ယိုးဒယား, အဲချင်း, အန်ချင်း, အိုင်ချင်း, ဧချင်း, သာချင်း, ကာချင်း, ဟန်ချင်း, တမ်းချင်း, ညည်းချင်း, လှေချင်း, ဒုံးချင်း, လွမ်းချင်း, လူးတား, သံချို, ရတု, ရကန်, တေးထပ်, ရှစ်ဆယ်ပေါ်, လေးချိုး, ဒွေးချိုး, ဘောလယ်, နတ်သံ, စည်တော်သံ, မော်ကွန်း, ရဲတင်း, မှာတမ်း, ဆုံးမစာ, သံပိုင်းလင်္ကာ, သမိုင်းလင်္ကာ, ငိုချင်းကြီးမှစ၍ ကဗျာမျိုးစုံ ပါဝင်သည်၊

စာဆိုရှင်ပညာရှိများမှာလည်း ရှင်မဟာသီလ၀ံသ, ရှင်မဟာရဋ္ဌသာရ, တောင်ဘီလာဆရာတော်, ဆီးဘန်နီဆရာတော်, သင်္ဂဇာဆရာတော်, အတုလ ဆရာတော်, ကျည်းကန်ရှင်ကြီး စသော ရဟန်းတော် စာဆိုပညာရှင်များ၊ န၀ဒေးကြီး, ဒုတိယန၀ဒေး, နတ်သျှင်နောင်, ကင်းဝန်မင်းကြီး, မြ၀တီမင်းကြီး, စလေဦးပုည, ညောင်ပင်သာဦးပုည, လူဦးမင်း, ဖိုးသူတော်ဦးမင်း, အချုပ်တန်းဆရာဘေ, စိန္တကျော်သူဦးသြ, ဦးယာ စသော အမျိုးသား စာဆိုပညာရှင်များ၊ အနောက်နန်း မိဖုရားမမြကလေး, လှိုင်ထိပ်ခေါင်တင်, စစ်ကိုင်းမင်းသမီး, မြင်ဆိုင်းမင်းသမီး, မင်းကြီးကတော်ခင်ဆုံ, နန်းတွင်းသူမယ်ခွေ စသော အမျိုးသမီးစာဆို ပညာရှင်များ ဖြစ်ပေသည်။

ပျို့, ဧချင်း, သမိုင်း, မော်ကွန်း-စသော ကဗျာစုများမှာ ကဗျာရှည် စာပိုဒ်အများ ပါရှိသဖြင့် တခမ်းတနား ပေထုပ် တထုပ် စာအုပ်အနေ ရှိနေကြသောကြောင့် ပျောက်ပျက်ခဲသည်၊ ဒွေးချိုး, လေးချိုး, တေးထပ်, သဖြန်, ဘောလယ်-စသော ဤစာအုပ်ပါ ကဗျာလင်္ကာစုကလေးများမှာမူ ကဗျာတို စာပိုဒ်တိုများ ဖြစ်သဖြင့် စုဆောင်း ရေးမှတ်ပြီး ပေလွှာ စက္ကူလွှာတို့၌ ရေးသားပုံနှိပ်ခြင်း မရှိပါက ကစဥ့်ကရဲဖြစ်ကာ ပျောက်ပျက် တိမ်ကောသွားနိုင်ပေသည်၊ ထိုအရေးကို အရှည်သဘော တွေးတော မြော်မြင်တော်မူကြသော ရှေးစာပေ ပညာရှင်ကြီး အမြာက်အများသည် မိမိတို့တွေ့သမျှ ကျက်မှတ်မိသမျှ စုဆောင်းကာ ပေပုရပိုက်တို့၌ တင်ခဲ့ကြသည်၊ နှောင်းလူတို့လည်း ထိုပေစု ပုရပိုက်စုတို့မှ၎င်း, တဆင့်ကြား ကျက်မှတ်ထားသူများ ထံမှ၎င်း ကူးယူကာ ပုံနှိပ်လုပ်ဆောင် ကြသည်လည်း အများအပြားပင်ရှိပေသည်၊ အဆိုပါ ကဗျာစာပေတို့ကို ဖွဲ့နွဲ့သီကုံးသူ စာဆိုရှင်များသည် မြန်မာ့ယဉ်ကျေးမှု တခုအပါအ၀င်ဖြစ်သော ကဗျာလင်္ကာစာပေကို ဖော်ထုတ်ပေးခဲ့သဖြင့် အထူးကျေးဇူးတင်ဘွယ် ရှိသကဲ့သို့ ကဗျာလင်္ကာ စုဆောင်း ရေးမှတ် သူများသည်လည်း ကဗျာလင်္ကာ စာပေ ဘဏ္ဍာထိမ်းများ ဖြစ်သဖြင့် ကျွန်ုပ်တို့များစွာ ကျေးဇူးတင်ရှိရပေသည်။

ဤကဗျာသင်္ဂဟမေဒနီကျမ်းပါ ကဗျာလင်္ကာများကို ရှာဖွေစုဆောင်း တင်ပြသူမှာ မြင်းခြံမြို့ ပညာအုပ်မင်း ဦးလွင်ဖြစ်ပါသည်၊ ဦးလွင်သည် ပညာအုပ်ဖြစ်သည့် အားလျော်စွာ အမြို့မြို့ အရွာရွာ အရပ်ရပ်သို့ လှည့်လည်၍ စာစစ်မှု ဆောင်ရွက်ရုံသာမက ၀ါသနာပါလှသောကြောင့် ရောက်ရာအရပ်တို့၌ ကဗျာလင်္ကာ စာပေတွေ့တိုင်း ကျက်မှတ်ကူးယူ မှတ်သား စုဆောင်းခဲ့ သောကြောင့် ဤမျှ များပြားလှသည့် ရှေးကဗျာ့စာဆိုရှင် ပညာရှိတို့ လက်ရာဖြစ်သည့် ကဗျာ လင်္ကာ စာပေ မြောက်မြားစွာကို တင်ပြနိုင်ခြင်း ဖြစ်ပေသည်၊ သို့ဖြစ်၍ ပညာအုပ်မင်း ဦးလွင်မှာ ကဗျာ လင်္ကာ စာပေ ဘဏ်တိုက်မှူးကြီး အဖြစ် မှတ်တမ်းတင်ထိုက်သူ တဦး ဖြစ်သည်၊ ပညာအုပ်မင်း ဦးလွင်သည် ကဗျာလင်္ကာ စာတိုပေစကို စုဆောင်း သိမ်းဆည်းရုံသာမက ရှေးစာဆိုရှင်တို့၏ အတ္ထုပ္ပတ္တိကို၎င်း ကဗျာ လင်္ကာဆိုင်ရာ အခြေခံ မူလဘူတဖြစ်သည့် သဒ္ဒါနည်း ဆန်းနည်း အလင်္ကာနည်း ပုဒ်သွင်း ပုဒ်ထုတ် အသတ် အစပ် စသော ကဗျာ့ဥပဒေသ ခေါ် ကဗျာလင်္ကာ စပ်ဆိုရာ၌ လိုက်နာရမည့် စဉ်းမျဉ်း ဥပဒေများကို မြင်းခြံမြို့ ကိုးဆောင်တိုက် အုတ်ကျောင်း ဘုန်းကြီး ဦးဝိပုလထံ ဆည်းကပ်လျှောက်ထား၍ ရေးသားစီရင်စေခဲ့သည်။

ဤကဗျာသင်္ဂဟမေဒနီ ကျမ်းမှာ နှစ်ပေါင်း ၅၀-ကျော် ၆၀-ခန့်မျှ ရှိခဲ့လေပြီ၊ စာမူပင် ပျောက်ကွယ်မတတ် ရှိနေ၏၊ ရှာဖွေရရှိသော စာအုပ်မှာလည်း ကိုင်မဖြစ်လောက်အောင် ဆွေးမြေ့နေတော့၏၊ ဤစာအုပ် ပျောက်ကွယ်ပျက်စီးသွားပါလျှင် စာသားပါ ကဗျာလင်္ကာ အများစုလည်း ပျောက်ကွယ် တိမ်ကောရပေတော့မည်၊ ဤကဗျာလင်္ကာ စာပေများ ပျောက်ကွယ်သွားပါက မြန်မာပြည်သူတို့အဘို့ ရှေးဟောင်းစာပေ ဆုံးရှုံးခြင်းတရပ် ဖြစ်ပေတော့မည်၊ ကမ္ဘာအနှံ့ တိုင်းပြည်အသီးသီးတိုင်း ရှေးဟောင်း ယဉ်ကျေးမှုအဖုံဖုံ စာပေစုမျိုးစုံကို ရှာဖွေစုဆောင်း သိမ်းဆည်းနေချိန်တွင် ကျွန်ုပ်တို့လည်း အဘယ့်ကြောင့် ကမ္ဘာ့တိုင်းပြည်နည်းတူ ပြုမူခြင်း မလုပ်နိုင်အံ့နည်း၊ ဤစာအုပ်ကို ရှေးဟောင်း ကဗျာလင်္ကာပေါင်းချုပ် အတွဲ (၁) အနေထား၍ ကျန်ရှေးဟောင်း ကဗျာလင်္ကာများကိုလည်း နောက်ထပ် ရှာဖွေစုဆောင်းကာ အတွဲ (၂) အတွဲ (၃) စသည်ဖြင့် ပုံနှိပ် လုပ်ဆောင် သိမ်းဆည်းထားရန် ရည်ရွယ်ပါသည်။

ပျောက်လုနီးနီးဖြစ်နေသော ကဗျာသင်္ဂဟမေဒနီကျမ်းကို စာရေးဆရာ ရဝေထွန်းသည် တည်းဖြတ်ပြင်ဆင်ပြီး ကျွန်ုပ်တို့ ဟံသာဝတီတိုက်သို့ ကျေးဇူးပြု ပေးပို့ခဲ့သည်၊ ကျွန်ုပ်တို့လည်း ကျေးဇူးတင်မဆုံး ၀မ်းမြောက်ဝမ်းသာ ကြိုဆိုလက်ခံကာ မနားမနေ အခြားကဗျာ စာပေမူများနှင့် တဖန်တိုက်ဆိုင်ကာ ဆရာဦးခင်စိုး (သာသနဓဇ သီရိပ၀ရ ဓမ္မာစရိယ) နှင့် ဆရာဦးသိန်းဟန် (၁), ဦးတင်နွယ်, ဦးဟန်ထွန်း, ဦးပု, ဦးရွှေဖူး, ဦးသိန်းဟန် (၂) ဟံသာဝတီပါဠိဆရာများအဖွဲ့က ကောင်းစွာ တည်းဖြတ် ကြပ်မသုတ်သင် ပြင်ဆင် အပ်သည် ဖြစ်ပါကြောင်း။
(ဟံသာဝတီ)
***
နိဒါန်းနဲ့ပဲ တော်တော်ရှည်သွားပြီမို့ နောက်ပို့စ်မှပဲ ကဗျာတွေကို စပြီး ဖော်ပြပါတော့မယ်။ ကဗျာဥပဒေသတွေတော့ မဖော်ပြပေးတော့ပါဘူး။ (သိပ်စိတ်ဝင်စားကြမယ် မထင်တာက တကြောင်း၊ ရိုက်ရမှာလည်း ပျင်းတာက တကြောင်းကြောင့်ပါ။)
***
ရှေးမြန်မာကဗျာများကို နှစ်သက် မြတ်နိုးနိုင်ကြပါစေ …

မေတ္တာဖြင့် …

မေဓာဝီ
၉၊ ဇူလိုင်၊ ၂၀၀၉
၁၅း၅၃ နာရီ

7 comments:

ကိုပေါ said...

ကျေးဇူးအများကြီးတင်ပါတယ်။ ကျနော်တို့မှာ ကျောင်းသုံးစာအုပ်တွေထဲ ပါသလောက်ပဲ ဖတ်ခဲ့ဖူးတာ။ ရှေးကဗျာလေးတွေကို နှစ်သက်လို့ အခေါက်ခေါက်အခါခါ ဖတ်ရင်း အလွတ်ရနေပေမယ့် အခု ကြာတော့ အများစုကို မေ့စပြုလာပြီ။ အခုလို ပြန်လည်ဖော်ပြပေးမယ်ဆိုလို့ ၀မ်းသာလှပါတယ်။

ဒါထက်စကားမစပ်… ဦးပုညရဲ့ ၀တ္ထုလေးပုဒ်ရော အခုနောက်ပိုင်း အသစ်ပြန်ထုတ်ကြသေးလားမသိဘူးနော်။ “သူအိုမကြီးဝတ္ထု၊ ယုန်မင်းဝတ္ထု၊ ကာက၀လ္လိယ၀တ္ထုနဲ့ ဆဒ္ဒါန်ဆင်မင်း ၀တ္ထု” တွေပါတယ်လေ။ အရင်က ကျနော် အဟောင်းတန်းက တအုပ်ရဖူးတယ်။ နိုင်ငံခြားကို ထွက်လာတော့ တည်းအိမ်မှာ ကျန်ခဲ့တာ။ အခုတော့ မရှိလောက်တော့ဘူးထင်ရဲ့။

အိမ့်ချမ်းမြေ့ said...

မမေရေ...
ကဗျာတွေ တင်ပါတော့..
ကဗျာဥပဒေသတွေတော့ မဖော်ပြပေးတော့ပါဘူး.. လို့ မမေ ဆိုပေမယ့် ကြုံရင်.. အချိန်ရရင်တော့ တင်ပေးစေလိုပါတယ်။

မေဓာဝီ said...

ကိုပေါရေ ... ခုလို စိတ်ဝင်တစားရှိတာ ၀မ်းသာပါတယ်။ ဦးပုညရဲ့ ၀တ္ထုတွေ ခုနောက်ပိုင်း ပြန်ထုတ်မထုတ် ကျမလည်း မသိတော့ပါဘူး။ အဖေနဲ့ စကားပြောဖြစ်ရင် မေးကြည့်ပေးပါမယ်။

မလေးရေ ... သိပ်မလောနဲ့လေ ... မမေက အချိန်ရခိုက် နည်းနည်းချင်း ရိုက်ရမှာမို့ပါ။
ကဗျာဥပဒေသတွေလည်း စိတ်ဝင်စားတဲ့သူရှိရင်တော့ မမေက တင်ပေးချင်ပါတယ်။

Anonymous said...

မမေရေ ခက်ခဲတဲ့ကြားကပဲမမေဆီတိုးဝင်လာခဲ့တယ် တော်တော်ပြန်ရေးဖြစ်နေတာပဲ ကိုထွန်း

Harry said...

ကျေးဇူး အထူး (အထူး) တင်ပါ၏ ...
ကဗျာဥပဒေသကတော့ ရေးကိုရေးမှဖြစ်မယ် မမေရေ ..
မအားတဲ့ကြားက အပင်ပန်းခံရိုက်ပေးတဲ့အတွက်လဲ ကျေးဇူးတင်မဆုံးပါဘူးနော်

Tyne said...

အမရေ အမစာအုပ်နဲ့ တူတူပဲလားတော့ မသိဘူး၊ မြန်မာအီးလိုင်ဘရီ မှာတွေ့တယ်။ ဒီစာအုပ်က ပိုအိုပုံပေါက်တယ်။ အမ အမှတ်တရ သိမ်းထားချင် သိမ်းထားလို့ရအောင် ကျွန်တော် လင့်တင်ပေးလိုက်တယ်။
http://www.elibrary.net.mm/index.php?option=com_elibrary&scom=ebook&task=details&book_id={9547310C-C7D5-43BE-8F2B-77381A776489}&isbn=1300241

Unknown said...

ကဗျာသဂ်ဟမေဒနီ link ကဖွင့်လို့ မရဘူးဖြစ်နေတယ် ဘယ်လိုလုပ်ရမလဲ အမပြောတဲ့ကဗျာအလက်ာပေါင်းချုပ်ကထွက်ပြီလား