အဆိပ်သင့် အန္ဓ

အမှန်တရားဟာ … ခါးသီးသတဲ့ …
ဒါနဲ့ …
ချိုမြိန်တဲ့ အမှားတွေကို
မက်မောစွာ စားသုံးရင်း …
အမှားများနဲ့ ကြီးပြင်းခဲ့တယ် … ။

အမှားတွေထဲမှာ
အမှားကို အမှားမှန်း မသိတဲ့ အမှားက
အကြီးဆုံး အမှား တဲ့ …
ဒါကြောင့်များလား
အမှားကို အမှားမှန်း သိလျက်နဲ့
မှားပြီးရင်း ဆက်ဆက် မှား
ကြာလာတော့ …
အမှားတွေထဲမှာ နွံနစ်
ရုန်းထွက်ပစ်ဖို့လည်း
မစဉ်းစားဖြစ်တော့ …
အမှားများနဲ့သာ ယဉ်ပါး
အမှားများနဲ့သာ ပျော်ရွှင်
အမှန်ကိုလည်း မမြင်မိတော့ … ။

အမှားတွေက သကာရည်လို
ချိုတော့ ချိုမြိန်လှပါရဲ့ …
ဒါပေမဲ့ …
အဲဒီ သကာရည်တွေမှာ
အဆိပ်တွေ ပါနေတယ်ဆိုတာ
အစက မသိခဲ့မိဘူး … ။

နောက်ဆုံးတော့ …
ခန္ဓာကိုယ်တခုလုံး
အဆိပ်တွေ ဖုံးလွှမ်းသွား
ခံစားရ ခက်လွန်းတော့မှ …
ကိုယ့်ကိုယ်ကိုယ် သတိထားကြည့် …
ငါဟာ အဆိပ်မိနေပြီလား … ။

သေချာပါတယ် …
အမှားဆိပ်သင့်နေပြီ
ဟဒယဆီထိ တိုင် …
ကုစားနိုင်မယ့်ဆေးလည်း …
လက်တွေ့မှာ ဝေးလွန်းလှပါရဲ့ … ။

ဒီလိုနဲ့ …
အဆိပ်သင့်နေလျက်က
အဆိပ်တွေကိုသာ လိုချင်
အဆိပ်တွေကိုပင် တမ်းတ
ငါဟာ … အန္ဓ တယောက်ပါလား … ။
***
မေဓာဝီ
၁၃၊ ဒီဇင်ဘာ၊ ၂၀၀၇
နေ့လည် ၂ နာရီ ၀၅ မိနစ်