Thursday, August 23, 2007

ဘုန်းကြီးပြောသော စကားများ

တနေ့က ကျမမွေးနေ့မို့ ခြောက်ထပ်ကြီးဘုန်းကြီးကျောင်းမှာ ဆွမ်းကျွေးသွားရင်းနဲ့ ကျမကို ပုံပြင်ပြောပြလေ့ရှိတဲ့ ဘုန်းကြီးထံကို သွားရောက် ဦးခိုက်ကန်တော့ရင်း စကားစမြည် ပြောဖြစ်ခဲ့ပါတယ်။ စကားပြောတယ်ဆိုပေမဲ့ ကျမက နားထောင်ရုံ သက်သက်ပါ။ ဘုန်းကြီးက ထုံးစံအတိုင်း မှတ်သားဖွယ်ရာ စကားလေးတွေ ကျမ စာရေးဖို့ ရည်ရွယ်ပြီး ပြောပြခဲ့ပါတယ်။ သိပ်မကြာသေးခင်က သူဟောခဲ့တဲ့ တရား တွေထဲကလို့လည်း ပြောပြတာကြောင့် တချို့လည်း သိပြီးဖြစ်နိုင်ပါတယ်။ ဒီမှတ်သားဖွယ်ရာ စကားလေးတွေကို ပြန်လည်ဖော်ပြလိုက်ပါတယ်ရှင်။
***
(၁) ခွေးလှေး ကြမ်းပိုး

အရပ်ထဲမှာ အသုံးမကျတဲ့သူ ပေတေ လေလွင့် လျှောက်သွားပြီး သူများတကာကို ဒုက္ခပေးတတ်တဲ့သူကို ခွေးလှေးကြမ်းပိုးလို့ အများအားဖြင့် ခေါ်လေ့ရှိကြတယ်။ လှေးတို့ မွှားတို့ ကြမ်းပိုးတို့ဆိုတာ … ကပ်ပါးကောင်တွေပဲ။ ခွေးမှာဆို ခွေးလှေး၊ လူမှာတော့ ကြမ်းပိုးပေါ့။ အဲဒီ ခွေးလှေးဆိုတဲ့ အကောင်တွေဟာ ခွေးရဲ့ ခန္ဓာ ကိုယ်ကို မှီခိုနေထိုင်ပြီး ခွေးရဲ့ သွေးကိုစုတ်တယ်။ သူမှီခိုနေထိုင်ရာ ခွေးခန္ဓာကြီး ဟာ ၀ဲပဲစွဲစွဲ … ဘာပဲဖြစ်ဖြစ် သူဂရုမစိုက်ဘူး။ သူ့လိုအပ်ချက် သွေးဝဖို့သာ အဓိကပဲ။ ဒီလိုပဲ … ကြမ်းပိုးတွေဟာလည်း လူအိပ်ရာ ကြမ်းပြင် ကုလားထိုင်တွေ အ၀တ်အစားတွေပေါ်မှာ ကပ်ပါးမှီတွယ်နေပြီး လူရဲ့ သွေးကိုစုတ်ယူ စားသောက် ကြတယ်။ အဲဒီလူဟာ နူနူ ၀ဲဝဲ သူတို့သွေးဝဖို့ပဲ သိတဲ့ အကောင်မျိုးတွေ … ။ အဲဒီလို ကိုယ်မှီခိုရာနေရာ ဌာန၊ ကိုယ်အမှီပြုရာ သတ္တ၀ါကိုတောင် ပြန်ပြီး ဒုက္ခ ရောက်အောင် ပြုကျင့်တတ်တဲ့ လူမျိုးဟာ ခွေးလှေး ကြမ်းပိုးပဲပေါ့ …. ။
***
(၂) သူခိုးရွှေရ တပြပြ

သူခိုးတွေဟာ သူတို့ခိုးရာပါ ရွှေငွေတွေရလာရင် လူသိမှာစိုးလို့ ၀ှက်ထားလေ့ရှိကြ တာပါပဲ။ ဒါဖြင့် ဒီစကားပုံက ဘယ်လိုများဖြစ်လာတာပါလဲ။
သူခိုးထက်မိုက်တဲ့ ဓားပြတို့ သူပုန်တို့ကတော့ ရလာတဲ့ ပစ္စည်းတွေကို ပေါ်ပေါ် တင်တင် ထုတ်ဝတ်ကြတယ်။ သူတို့က လက်နက်အားကိုးရှိတော့ ဘယ်သူ့မှလည်း ဂရုမစိုက်ဘူး။ သူတို့ ဒီလို ထုတ်ဝတ်၊ ထုတ်ပြတော့ … လူတွေက ဘယ်လို ထင်မလဲ။ သူတို့တွေ ရိုးရိုးသားသားလုပ်ကိုင်စားသောက်လို့ ဒါတွေဝတ်နိုင်မယ်လို့ ထင်လား။ မရိုးသားတဲ့နည်းနဲ့ သူများမျက်ရည်ကျအောင် ရှာဖွေ တိုက်ခိုက် သိမ်းပိုက်လာတဲ့ ပစ္စည်းတွေဆိုတာ အားလုံးကသိပြီးသားပဲ။ အဲဒါမျိုးကို ရှက်ရ ကောင်းမှန်းမသိ … လူတကာ သိအောင် တပြပြ လုပ်နေတာမျိုးကို သူခိုးရွှေရ တပြပြ လို့ဆိုတာ။ ဟိုတလောက ကြည့်လိုက်ရတဲ့ ဗီဒီယို မှတ်တမ်းထဲကလိုပေါ့။
***
(၃) ထုံးအိုးလည်း မခွဲနဲ့၊ ခေါင်းလည်း မရိုက်နဲ့

ထုံးအိုးခွဲတယ် ဆိုတာက … မြန်မာပြည်မှာ သူ့ထုံးတမ်းနဲ့ သူ့အစဉ်အလာနဲ့ ရှိကြ တယ်။ ဗုဒ္ဓဘာသာမှာဆိုရင် ၀ါဆိုလပြည့်၊ သီတင်းကျွတ်လပြည့် စသဖြင့် နေ့ထူး နေ့မြတ်တွေကို ထုံးတမ်းစဉ်လာအရ ကျင်းပလေ့ရှိကြတယ်။ မြန်မာ့သမိုင်းမှာ ဆိုရင် လွတ်လပ်ရေးနေ့၊ ပြည်ထောင်စုနေ့၊ အာဇာနည်နေ့ဆိုပြီး သမိုင်းဝင် နေ့တွေကျင်းပလေ့ရှိကြတယ်။ ဒါတွေကို ဖျောက်ဖျက်လို့ မရဘူး။ ဖောက်ဖျက်လို့ လည်း မရဘူး။ အဲဒီ ထုံးတမ်းစဉ်လာတွေကို ဖျောက်ဖျက် ဖောက်ဖျက်တာဟာ ထုံးအိုးခွဲတာပဲ။

ခေါင်းရိုက်တယ်ဆိုတာကတော့ … ပြည်သူလူထုက နှစ်သက်သဘောကျစွာ ရွေးချယ်တင်မြှောက်ထားတဲ့ ခေါင်းဆောင်တွေကို အသိအမှတ်မပြုဘဲ နိုင်လို မင်းထက် ပြုကျင့်တာကိုဆိုတာ။ အဲဒီလို ပြည်သူ့ခေါင်းဆောင်ကို အသိအမှတ် မပြုတာဟာ ပြည်သူတွေကို အသိအမှတ်မပြုတာပဲ။ ပြည်သူတွေရဲ့ ဆန္ဒကို မလေးစားတာပဲ။ ဒါဟာ ပြည်သူ့ခေါင်းကို ရိုက်တာနဲ့ တူတူပဲ။
***
အဲဒီနေ့က ဘုန်းကြီးက နောက်ထပ် မှတ်သားဖွယ် စကားတွေ အများကြီး ပြောပါ သေးတယ်။ အလျဉ်းသင့်ရင် ထပ်ရေးပါဦးမယ်။ ဒီနေ့တော့ အချိန်မရလို့ ဒီလောက် နဲ့သာ ရပ်လိုက်ပါတယ်။
***
မေဓာဝီ
၂၃၊ သြဂုတ်၊ ၂၀၀၇
နံက် ၁၀ နာရီ ၂၅ မိနစ်

4 comments:

M.Y said...

ဘုန်းဘုန်းကို ကျေးဇးတင်စွာ အဝေးမှကန်တော့လိုက်ပါတယ်။ရှေးစာဆိုဆရာတော်ကြီးများအတိုင်းပါပဲ။
ဘုန်းဘုန်းတရား စကားတွေက အလွန်တန်ဖိုးရှိပြီးခေတ် ကိုဆုံးမထားတာပါ။ ခွေးလှေး ရွှေရများ၊(စိန်ရဆိုရပိုမှန်မယ်ထင်ရဲ့ ]..ထုံးအိုးခွဲ၊ခေါင်းရိုက်များတိုင်းပြည်အတွက်အမြင်မှန်ရကြပါစေ…

mg gyi said...

Ma May, i could not come to your blog so so long, but now i came and read your blogs. May you be happy with your blogs.

boedawgyi said...

ဓါးပြစိန်ရ တရွရွ :)

pandora said...

မှတ်သားလောက်ပါတယ် မမေရေ
ဝေမျှပေးတာ ကျေးဇူးပါ