စွေနဲ့ မိုး

ဒီမနက် အိပ်ရာထတော့ တလောကလုံး မှုန်မှုန်မှိုင်းမှိုင်း မိုးတွေအုံ့ဆိုင်းနေတယ်။ ကောင်းကင်ထက်မှာ ညို့မှိုင်းနေတဲ့ တိမ်ထုကြောင့် နေရောင်ခြည်လည်း ခါတိုင်းလို မလင်းလက်နိုင်ဘူး။ ညဥ့်လယ်ကတည်းက ရွာခဲ့တဲ့မိုးကြောင့် ခြံထောင့်က နှင်းဆီပန်းလေးတွေလည်း မလန်းဆန်းနိုင်တော့ဘူး။ အရိုင်းဆန်တဲ့ မိုးရေစက်တွေဟာ ပန်းပွင့်ဖတ် နုနုရွရွလေးတွေကို မြေခအောင် ခြွေချခဲ့ကြတယ်။ အုံ့ပျပျ ရာသီဟာ စိတ်ကို မှုန်မှိုင်း ထုံထိုင်းစေသလားမသိ … တခုခုကို လွမ်းယောင် ဆွေးယောင် အားငယ်သယောင် ခံစားမိစေတယ်။ တခါတလေမှာ မိုးတွေရွာစေချင်ပေမဲ့ တခါတခါတော့လည်း အုံမှိုင်း သည်းထန်နေတဲ့ မိုးတွေကို တားလို့ရရင် တားလိုက်ချင်ပါရဲ့။
ဒီလိုနဲ့ စွေနဲ့ မိုး ဆိုတဲ့ ကဗျာလေး ရေးဖြစ်သွားပါတယ်။ စိုးနဲ့ မေ … ပြီးတော့ ... စွေနဲ့ မိုး ပေါ့။

***
စွေနဲ့မိုး

စွေနဲ့မိုး …
ဘယ်အညှိုးကြောင့်
သွန်းဖြိုးသည်းထန်
ပန်းမာလ်နုရွ
မိုးပေါက်ခလျက်
လွင့်ကြွေပျက်အောင်
ရက်စက်ခြွေချိုး
စွေနဲ့မိုး … ။

စွေနဲ့မိုး …
ဂျိုးဂျိုးဂျိမ်းဂျိမ်း
မြည်ထစ်ခြိမ်းကာ
အာကာတခွင်
တိမ်မည်းဆင်၍
နေ့ကိုညနှယ်
မှောင်ရိပ်ခြယ်လျက်
ဖုံးကွယ်နေမင်း
ထိန်မလင်းအောင်
ရောင်ဝါကိုခိုး
စွေနဲ့မိုး … ။

စွေနဲ့မိုး …
ညှိုးသူ့ရင်မှာ
ဝေဒနာလွှမ်း
ပိုမိုလွမ်းအောင်
သူစွမ်းဆောင်လျက်
မိုးရေစက်လား
မျက်ရည်လားပင်
မယ့်ပါးပြင်မှာ
စွန်းထင်လာ၍
နံ့သာလည်းပြယ်
အားလည်းငယ်ပြီ
တလီပန်လျှိုး
စွေနဲ့မိုး … ။
***
မေဓာဝီ
၁၀၊ စက်တင်ဘာ၊ ၂၀၁၀
၁၅း၀၇ နာရီ

မိုးနဲ့ ပတ်သက်၍ ရေးခဲ့သမျှ
၁) မိုး ... သို့ (ကဗျာ)
၂) ဆည်းဆာမိုး (ကဗျာ)
၃) မိုးတွေ ရွာတဲ့ အခါ (tag post)
၎) ရွာချိန်သင့်ရာ ညဥ့်အခါ၌ (ဘာသာရေး)
၅) မိုးသည်း ညနေ (၁) (အက်ဆေး)
၆) မိုးသည်း ညနေ (၂) (ခံစားမှု စာစု)
၇) နွေ၏ အဆုံး (ကဗျာ၊ အက်ဆေး)
၈) နွေညနေ၏ ချွေးသိပ်မိုး (အက်ဆေး)
၉) မုန်တိုင်းအလွန် (အက်ဆေး)
၁၀) ခါတိုင်းလိုပဲ အထီးကျန်ဆဲ (ခံစားမှု စာစု)