၂၀၁၁ သို့ ခွန်းဆက်ခြင်း

မင်္ဂလာပါ နှစ်ထောင့်ဆယ့်တစ်!

နံနက်ခင်းအသစ်နဲ့
နှစ်ထောင့်ဆယ့်တစ်ကို ဖွင့်လှစ်
အားလုံးက သစ်လွင်
ချစ်ခင်စရာတွေ အပြည့်
ပကတိ လှပ
မှောင်သောည ကုန်အဆုံး
ကောင်းခြင်းတွေ စုရုံးလျက်
မြင့်မြတ်တဲ့ အစဉ်အလာ
ညင်သာစွာ ခွန်းလှစ်
မင်္ဂလာပါ နှစ်ထောင့်ဆယ့်တစ် … ။

နှစ်ထောင့်ဆယ့်တစ်ရဲ့ အခန်းသစ်မှာ
နေမင်းလဲ အသစ် .. လေညှင်းလဲ အသစ်
လမင်းလဲ အသစ် .. ညခင်းလဲ အသစ်
စမ်းရေလဲ အသစ် .. ပန်းတွေလဲ အသစ်
စိမ်းလန်းခြင်း အသစ် .. ငြိမ်းချမ်းခြင်း အသစ်
အိပ်မက် အသစ် .. စိတ်ကူး အသစ်
မျှော်လင့်ချက် အသစ်တွေနဲ့ …
အသက်ရှူသံတွေတောင် သစ် … လို့ …
ဝတ်စုံအသစ်နဲ့ … နှစ်ထောင့်ဆယ့်တစ် အပျိုမ
ရှက်သွေးကြွ … လှနေခဲ့ … ။

နှစ်တခု အပြောင်းဟာ
စနစ်တခု ပြောင်းတာလား
အဖြစ်တခု ဟောင်းတာလား …
ဘယ်လိုပဲ ပြောင်းပြောင်း
ဘယ်လိုပဲ ဟောင်းဟောင်း
လူသားအပေါင်းအတွက်
ကောင်းမြတ်ခြင်းတွေ ခြံရံ
အန္တရာယ်တွေ ဖယ်ရှား
အမှားတွေ ကင်းပ
ဒုက္ခတွေ သိမ်းချုပ်စေဖို့
ငြိမ်းချမ်းရေး တေးတပုဒ်ကို
သီဆိုကာ ဟစ်ကျူး
(နှစ်ထောင့် ဆယ့်တစ်ရဲ့)
မင်္ဂလာ နှစ်ကူး ဖြစ်ပါစေ … ။ … ။
***
မေဓာဝီ
၁၊ ၁၊ ၁၁
၀၀း၀၁ နာရီ

(အားလုံးပဲ သာယာ ပျော်ရွှင် ငြိမ်းချမ်း၍ မင်္ဂလာရှိသော နေ့ရက်များစွာ ၂၀၁၁ မှာ ပိုင်ဆိုင်ကြပါစေ ...)

နှစ်သစ်အတွက် ရေးခဲ့ဖူးသော ကဗျာတချို့
နိဒါန်း (၂၀၀၈)
အစ (၂၀၁၀)