ကြေကွဲ မှတ်တမ်း

ဆူးမဲ့တဲ့ပန်းပေမို့ ...
မခူးနဲ့စမ်းလေလို့ ဆိုပါလျက်
သူ ... လက်ကမ်းလာခဲ့တယ်။

အငြင်းခက်လို့လား
မငြင်းရက်လို့လား
အတားအဆီးများကြားက
တအားနီးသွားခဲ့ပြန်တယ်။

မချစ်သင့်လေသလား
အပြစ်သင့်လေမလား
အထပ်ထပ် စဉ်းစားခဲ့ပေမဲ့
နှလုံးသားကို အလိုလိုက်
ကိုယ် ... မိုက်ခဲ့မိလေတယ်။

ငြိတွယ်တဲ့ သံယောဇဉ်
ဖြူစင်တဲ့ မေတ္တာတရား
တန်ဖိုးထားရင်း ဆုပန်
သံသရာမှာ … အဖန်ဖန် အခါခါ
ပြန်သာဆုံရပါစေသား ...
ပြည့်လို ပြည့်ငြားနဲ့ ... ။

ဒါပေမဲ့ ... တနေ့
အဲဒီတနေ့မှာ
နွေလေလဲ မသရမ်း
လေပြေလဲ မဖြန်းဘဲ
ဝေနေတဲ့ ပန်းလေးကို
ခပ်ကြမ်းကြမ်း လှုပ်ခြွေချ
မြေခ ... ကြွေကျလို့
ကြေမွခဲ့ရပါလေရော ... ။

သူပါပဲ ...
ပန်းကို လှမ်းခဲ့တယ် ...
ပန်းကို ကမ်းခဲ့တယ် ...
ပန်းကို နမ်းခဲ့တယ် ...
နောက်ဆုံးတော့ ...
သူ့ကြောင့်ပဲ
ပန်းကလေးဟာ
နွမ်းသွားခဲ့လေတယ်။

နာကြင်နေတဲ့ အသည်း
စိုရွှဲနေတဲ့ မျက်ရည်
ဒဏ်ရာများရဲ့ သက်သေအဖြစ်
မှတ်တမ်းတင် ကမ္ဗည်းထိုး
အညှိုးတွေနဲ့ နာကြည်း
အပူမီးတွေ တညီးညီးနဲ့ … ။

သြော် ...
ဇာတ်လမ်းလဲ ပြတ်မှတော့
မှတ်တမ်းလဲ ရပ်ခဲ့ရပြီပေါ့ ...
ဖတ်မရတော့တဲ့ အလွမ်းမှတ်တမ်း
ဒီမှာပဲ တခန်းရပ်
အဆုံးသတ်လိုက်ပါတော့တယ် ... ။

မေဓာဝီ
၅၊ ၅၊ ၂၀၁၁
၂၀း၁၈ နာရီ

မနှစ်က ဘလော့တခုရဲ့ ကွန်မန့်မှာ ရေးခဲ့ဖူးတဲ့ ကဗျာလေးပါ။ မုဒ်ပျောက်နေလို့ စာအသစ် မရေးနိုင်တုန်း ဒီကဗျာလေးပဲ တင်လိုက်ပါတယ်။