Saturday, March 13, 2010

တော်လှန်ရေးနှင့် တွန်းလှန်ရေး

၂၀၀၇ ခုနှစ် မတ်လတုန်းက ဘလော့မှာ ဖော်ပြခဲ့ဖူးတဲ့ စာတပုဒ်ပါ။ ဘကြီးဘဘေ (သူရိယသတင်းစာတိုက်အုပ်) ရေးတဲ့ နိုင်ငံရေးရာအဖြာဖြာဆိုတဲ့ စာအုပ်က ကောက်နုတ်ချက် ဖြစ်ပါတယ်။ စာအသစ် မရေးနိုင်တာနဲ့ အဟောင်းလေးပဲ ပြန်လည် ဖော်ပြလိုက်ပါတယ်။ မဖတ်ရသေးတဲ့ သူတွေအတွက်တော့ အသစ်ပဲ မဟုတ်လား။ ဖတ်ပြီးသားသူတွေလည်း မေ့နေလောက်ပြီ ထင်ပါတယ်။ ၃ နှစ်တောင် ကြာခဲ့ပြီကိုး။ ကျမကိုယ်တိုင်လည်း ကိုယ်တိုင် ဖတ်ခဲ့ ရိုက်ခဲ့ တင်ခဲ့ပေမဲ့ အားလုံးမမှတ်မိတော့ပါဘူး။ ဒါကြောင့် ကိုယ်တိုင် ပြန်ဖတ်ရအောင်ရော အားလုံးဖတ်ဖို့ပါ ပြန်လည်တင်ဆက်လိုက်ပါကြောင်း။
***
တော်လှန်ရေးနှင့် တွန်းလှန်ရေး

“တော်လှန်ရေး” ဟူသော စကားသည် ကမ္ဘာနှင့် အနှံ့အပြား ခေတ်စားနေသော စကားပင်ဖြစ်သည်။ တော်လှန်သည် ဆိုသည်မှာ အထက်အမိန့်ကို အောက်က မနာခံခြင်း၊ အုပ်စိုးသူကို အုပ်စိုးခြင်း ခံရသူတို့က ခုခံခြင်းတို့ပင် ဖြစ်လေသည်။ တော်လှန်သည်နှင့် တပြိုင်နက် တွန်းလှန်ရန် ကိစ္စသည် ထက်ချပ်ပါ၍ လာပေသည်။ ထိရောက်စွာ တွန်းလှန်နိုင်လျှင် တော်လှန်ရေးသည် အောင်မြင်ခြင်းပင် ဖြစ်သတည်း။

ချို့ယွင်းချက်များ
တော်လှန်ရုံဖြင့် လွတ်လပ်ရေးကား မရ၊ ထိရောက်စွာ တွန်းလှန်စေကာမူ လွတ်လပ်ရေးသည် မတည်မြဲပေ၊ မည်သည့်အတွက် ဤသို့ဖြစ်ရပါသနည်း၊ အရင်းစစ်လျှင် အမြစ်မြေက ဆိုသည့်အတိုင်း တော်လှန်ရာတွင် ထိရောက်စွာ တွန်းလှန်ခဲ့သော်လည်း ရရှိသော လွတ်လပ်ရေးကို တည်တံ့ခိုင်မြဲစွာ လက်ဝယ် သိမ်းပိုက်မထား နိုင်ခြင်းမှာ အခြားကြောင့်မဟုတ်၊ မြန်မာတို့တွင် ချို့တဲ့သော အချက်များ ရှိ၍ သာလျှင် ဖြစ်ပေမည်။ အဆိုပါ ချို့ယွင်းချက်တို့ကား မည်သည်တို့နည်း။

ရိုးရိုးသားသားနှင့် လုပ်ကြပါ
“ပြည်ညှင်းက-မင်းမခံနိုင်” “သံဃာ့အား-ဘုရား မဆန်နိုင်” ဟူသော စကားများသည် သွေးထွက်အောင် မှန်သော စကားများပင် ဖြစ်သည်။ တိုင်းပြည်က စစ်အုပ်ချုပ်ရေးကို မလို၊ ဘုရင်ခံ၏ အာဏာရှင် အုပ်ချုပ်ရေးကို မနှစ်သက်၊ ၉၁-ဌာန အုပ်ချုပ်ရေး ပြန်လည် အသက်သွင်းသည်ကို မနှစ်မြို့၊ လွတ်လပ်ရေးစစ် ရမှသာလျှင် ကျေနပ်မည်ဟု တကယ်ရိုးရိုးသားသားနှင့် ယုံကြည်ကြပါလျှင် စက္ကူဖြူ စာတမ်းအရ စီမံဖန်တီးနေသော အလုပ် ဟူသမျှတွင် ပါဝင်ရွက်ဆောင် အားပေးကူညီနေခြင်းကို မပြုသင့်ပေ။ ပါဝင် ရွက်ဆောင် အားပေးကူညီခြင်းသည် စက္ကူဖြူစာတမ်း စီမံကိန်းကို ထမြောက်အောင်မြင်ရန်ပင် ဖြစ်ပေသည်။

ပြည်သူပြည်သားတို့ တာဝန်
အထက်ပါ စဉ်းစားချက်များကို သေချာစွာ ဝေဘန်ပါမူ မြန်မာပြည်၏ လုံးဝလွတ်လပ်ရေးသည် မြန်မာပြည်သားများ လက်တွင်ပင် ရှိနေသေးကြောင်း ထင်ရှား၏။ မြန်မာပြည်သားတို့၏ လွတ်လပ်ရေးကို ဖျက်ဆီးသော အချက်များ၊ မတည်တံ့ရန် ဖန်တီးသော အချက်များကို တွန်းလှန် ချိုးဖျက်ရန်မှာ မြန်မာပြည်သား တို့၏ တာဝန်၊ မြန်မာပြည်သားများ လက်ငင်း အရေးတကြီး ရွက်ဆောင်ရန် လုပ်ငန်းကြီးပင် ဖြစ်ပေသည်။ အဆိုပါ လုပ်ငန်းကား မည်သည်တို့ ဖြစ်သနည်း။

လက်ငင်းပြဿနာ
လွတ်လပ်ရေးရရန် တော်လှန်ရေးကား ယခုအခါ မလိုဖြစ်သည်။ တွန်းလှန်ရေးများကို ထိရောက်စွာ ရွက်ဆောင်ပါလျှင် တော်လှန်ရေးမပါဘဲ လွတ်လပ်ရေးရနိုင်၏။ နိုင်ငံရေးဘက်တွင်၎င်း၊ စီးပွါးရေး ကြီးပွါးရေး ဘက်တွင်၎င်း၊ တွန်းလှန်ရန်အချက်များ ရှိရာ ယနေ့အဘို့တွင် နိုင်ငံရေးဘက်မှ ယခုလက်ငင်း အရေးတကြီး တွန်းလှန်ရန် အချက်စုကိုသာ စဉ်းစားရန်ဖြစ်သည်။ နိုင်ငံရေးဘက်တွင် အောက်ပါ အချက်တို့ကို ပပျောက်အောင် တွန်းလှန်ဖြိုဖျက်ရပေလိ့မ်မည်။

မလိုအပ်သည့်အချက်များ
(က) ပါတီစွဲ ပါတီကျိုးသန်ခြင်း။
(ခ) ပုဂ္ဂိုလ်စွဲ ပုဂ္ဂိုလ်ကျိုး လိုလားခြင်း။
(ဂ) ၀ါဒစွဲ ၀ါဒပြန့်ပွါးမှု ရှေ့ရှုခြင်း။
(ဃ) ရာထူးစွဲ ရာထူးရမှု လုံးပန်းခြင်း။
(င) အတ္တဟိတစွဲ၍ ပရိဟိတကို ပယ်ခြင်း။
(စ) ဗိုလ်လုရေး ခေါင်းဆောင်လုပ်ချင်ရေး မွှန်နေခြင်း။
(ဆ) စည်းမစောင့် သစ္စာမရှိ မရိုးသားမှု များခြင်း။
(ဇ) အချင်းချင်း မယုံကြည် စိတ်မချခြင်း။
(ဈ) အချင်းချင်း မနာလို ၀န်တို အကျိုးမဲ့ပြုခြင်း။
(ည) ကိုယ့်အမျိုး ကိုယ့်အချင်းချင်း အထင်အမြင် သေးတတ်ခြင်း။
(ဋ) လူတကိုယ် ထင်တလုံးနှင့်အညီ ကိုယ့်ကိုယ်ကို အထင်ကြီး သွေးကြီးနေခြင်း။
(ဌ) အချင်းချင်း အပေးအယူ သဘောမထား အနစ်နာမခံ အသာယူလိုတတ်ခြင်း။
(ဍ) အချင်းချင်း နိုင်ချင်မှု ဂုဏ်ပြိုင်မှု တို့မီး ရှို့မီးလုပ်မှု အဆင်းတွန်းမှု ခြေထိုးမှု မီးစာတဘက် ရေမှုတ်တဘက် လုပ်မှုတို့တွင် လိုက်စားကြခြင်း။

တကယ့်လွတ်လပ်ရေးသို့
အထက်ပါ အချက်စုတို့ကို ပပျောက်အောင် တွန်းလှန်ဖြိုဖျက်ပါလျှင် တပြည်လုံး တစည်းတရုံး တညီတညွတ်ထည်း ဖြစ်၍ အပြင်က ရေပက်၍ မ၀င်ဖြစ်ပြီးလျှင် လွတ်လပ်ရေးကို တောင်းနေရန် မဟုတ် “တို့ လွတ်လပ်ပြီ” ဟု ဆိုရုံဖြင့်ပင် လက်တွင်းသို့ ရောက်နိုင်ပေသတည်း။
***
ဘကြီးဘဘေ (၁၉၄၆ ခုနှစ်)
***

စိတ်ဝင်စားရင် ဖတ်ကြည့်စေချင် ...
(၁) အမှိုက်ထဲက စာတအုပ်
(၂) ဝေဘန်ပိုင်းခြားရေး
(၃) လူကြီးပညာပြန့်ပွါးရေး
(၄) ပညာနှင့် ပြင်ညာ
***

8 comments:

ကလူသစ် said...

တော်လှန်ရေးတောင် ဖြစ်အောင်မလုပ်နိုင်သေးဘူး။ တွန်းလှန်ရေးကအချက်တွေကတော့ အကုန်လုံးနဲ့ ကိုက်ညီနေလို့ ခုလိုများ ဖြစ်နေတာလားဟင်။

ကိုအောင် said...

ကျနော်တောင် မော်စီတုန်း (၁၉၂၁- ၁၉၃၉) အကြောင်း ရေးနေတာ မပြီးသေးဘူး၊ ဘကြီးဘဘေ တင်ပြထားတဲ့ အချက်တွေကို မရှောင်နိုင်တဲ့လူ အများသား။

Nge Naing said...

သိပ်ကောင်းတယ် ပြန်လည်ဖေါ်ပြပေးတာ ကျေးဇူးတင်ပါတယ်။

SHWE ZIN U said...

မမေဓါဝီ ရေ

ဖတ်ခွင့် ရတဲ့ အတွက် ကျေးဇူးတင်ပါတယ်နော်...

ခင်တဲ့
မရွှေစင်

ပို့စ် အသစ်မရေးနိုင်လို့ ဒီထဲကဘဲပြောလိုက်မယ်နော်..
ဒေါ်ကြီး ကမသိပါဘူး.. ကျနော် မန်းလေးပြန်ရောက် တဲ့ထိဘဘကြီးက ဒီတိုင်းပါဘဲ.. နောက် ၃-၄ လနေ့မှ ဆုံးသွားတယ်...ဆုံးတော့ ကျနော် မရောက်နိုင်တော့ပါဘူး ချစ်ချစ်ကြီးရဲ့ မေမေ ကား အက်စီဒင့် ဖြစ် ပြီး ဆုံး သွား တာနဲ့ တိုက်ဆိုင် နေတဲ့ အတွက် ပါ

ခင်မင်လေးစားစွာဖြင့်
ရွှေစင်

~ဏီလင်းညို~ said...

မမေ.....
မှန်တာပြောရရင် ကျွန်တော်တစ်ခါမှ မဖတ်ဖူးဘူး....။
အခုမှဖတ်ဖူးတာ........။
ဖတ်ရလို့ ကျေးဇူးတင်တယ်ခင်ဗျ......။
ခင်မင်တဲ့
ဏီလင်းညို

ကိုပေါက်စ said...

ခက်တာတစ်ခုက...နိုင်ငံရေးလုပ်နေတဲ့ သူတွေအားလုံးက(ဟိုဖက်ရော..ဒီဖက်ရော )ကိလေသာကိုယ်စီနဲ့ (နည်းတာများတာပဲကွာမယ်)အတ္တတွေရှိနေကြတာကိုး...ပြောရရင်တော့..
အရှည်ကြီးဖြစ်သွားလိမ့်မယ်။
(ကျွန်တော့်ယူဆချက်သက်သက်ပါ)

ဒူကဘာ said...

တော်လှန်ရေး မအောင်ရခြင်း အကြောင်းတရားမှာ တော်လှန်ရေး သမားများ တွန်းလှန်ရေးပါ ရှောင်ကျဉ်ရမည့် အချက်များကို အကြိုက်ဆောင် ခါးပိုက်ထောင်ထဲ ထည့်ထားသောကြောင့် ဖြစ်မည်။

ဧရာ said...

ဘကြီးဘေသာ ရှိသေးရင် “မလိုအပ်သည့် အချက်များ” စာရင်းက ပိုရှည်လာမလားပဲ။ ပြန်လည်ဖော်ပြပေးတဲ့အတွက် ကျေးဇူးတင်ပါတယ်။