Wednesday, October 31, 2007

သတိရခြင်း ကဗျာ နှစ်ပုဒ် ...

ဒီကဗျာလေးကို ရေးဖြစ်တာ သီတင်းကျွတ်လပြည့် မတိုင်ခင် တညနေခင်းမှာပါ။
အဲဒီနေ့က အိမ်ကို အရမ်း သတိရနေမိတယ်။
အိမ်ကိုရော … ခွဲခွါခဲ့ရတဲ့ ဒေသကိုရော ဆိုပါတော့ … ။
ဒီအချိန်ဆိုရင် … လို့ … လွမ်းလွမ်းဆွေးဆွေး တွေးလိုက်မိရာက …
ဒီကဗျာလေးကို ရေးဖြစ်ခဲ့ပါတယ်။ ဖတ်ကြည့်ကြပါဦး … ။
***
ဒီအချိန်ဆို …

ဒီအချိန်ဆို
မိခင်အိုသည်
ဘုရားစင်ရှေ့
မျက်ရည်ဝေ့ကာ
ပုတီးစိပ်နေရှာရော့မည် … ။

ဒီအချိန်ဆို
ဖခင်အိုသည်
သတင်းကိုဖွင့်
နားကိုစွင့်ရင်း
သက်ပြင်းချကာ နေရော့မည် … ။

ဒီအချိန်ဆို
လုလင်ပျိုသည်
လုပ်ငန်းခွင်တွင်း
လှုပ်ရှားရင်းသာ
သောကဖြာနေရှာရော့မည် … ။

ဒီအချိန်ဆို
ကိုယ်တို့တိုင်းပြည်
ဆီမီးထိန်ဝင်း
လရောင်လင်းလျက်
မြတ်ဗုဒ္ဓကို ကြည်ညို ပူဇော်နေရော့မည် … ။

ဒီအချိန်ခါ …
လုံမေမှာကား …
တိုင်းခွါပြည်ခွဲ
ဝမ်းနည်းစိတ်ငယ်
ပြုံးရယ်မရှိ
တို့အားလုံး၏
အနာဂတ်ကို ပူမိသည် … ။

မေဓာဝီ
၂၄.၁၀.၀၇
***
ဒီကဗျာလေးရေးပြီးလို့ ခင်မင်ရာ ခင်မင်ကြောင်း မိတ်ဆွေတွေကို ပြတဲ့အခါ …
ကျမ မိတ်ဆွေကြီး ကိုစေးထူးက ကျမနဲ့ ထပ်တူ ခံစားပြီး ကဗျာတပုဒ် ရေးဖွဲ့ခဲ့ပါတယ်။
အဲဒီ ကဗျာကိုလည်း အမှတ်တရ ကျမဘလော့မှာ ဖော်ပြပေးလိုက်ပါတယ်ရှင် .. ။
***
ဒီအချိန်ဆို …

ဒီအချိန်ဆို
မြန်ပြည်တခို
စိမ်းစိုစိုသည်
ဝါလကင်းလွတ်
သီတင်းကျွတ်မို့
ဆီမီးထိန်ထိန်
လင်းရှိန်လိမ့်မည်..။

ဒီအချိန်ဆို
ဇရာထောင်းဖြို
မိခင်အိုသည်
သားဆိုးကို လွမ်း
မျက်ရည်စမ်းဖြင့်
ပူပင်စိတ်ဖြာ
များဗျာရော့မည်။

ဒီအချိန်ဆို
စိတ်ထားဖြူချို
ညီငယ်ကို သည်
နယ်မြို့သေးငယ်
ဇာတိနယ်တွင်
ဝမ်းစာဇောတွက်
ပန်းမောရော့မည်။

ဒီအချိန်ဆို
လှအားပိုပို
နှမပျိုသည်
ကြည်စင်ဝင်းမွတ်
ပြုံးဖြူဆွတ်ဖြင့်
မယ့်ရင်မှာ မှေး
ထွေးနွေးလိမ့်မည်။

ဒီအချိန်ဆို
သခင်မဲ့ငို
အိမ်အိုအိုသည်
အမှောင်ရယ်ပိန်း
ဖုန်လိမ်းလိမ်းဖြင့်
ပျော်ရွှင်ဆိတ်သုဉ်း
ညှိုးခြုံးရော့မည်။

ဒီအချိန်ဆို
မှေးအိပ် ပိုရို
ချစ်သူပျိုသည်
ကျွန့်မေတ္တာထွေး
ကြင်နာနွေးဖြင့်
ဆွေးပူသောကဝေးလိမ့်မည်။

ဒီအချိန်ဆို
ဒီအချိန်ဆို
ဒီအချိန်ဆို…..။


ကလိုစေးထူး

Read More...

Tuesday, October 30, 2007

အသစ်တဖန် … ရှင်သန်ခြင်း …

အားလုံး မင်္ဂလာပါရှင် …
ကျမကို မေ့များနေကြမလား … ။
Halloween night နား အနီးမှာ သရဲထချောက်တယ်တော့ မထင်လိုက်ပါနဲ့ …
ကျမ မွေ့လျော်တဲ့ ဒီလောကထဲကို ခဏပြန်လာပါတယ်။
တလကျော်ကျော် အိပ်ပျော်နေရှာတဲ့ ကျမဘလော့လေးကို အသက်ပြန်သွင်းပေးချင်လို့ပါ။

ကျမကို မမေ့မလျော့ သတိတရ ရှိနေကြသူများ …
ကျမကို မေ့လျော့နေကြသူများ …
ကျမကို သိသူ .. မသိသူ …
ထိုထိုသူ အားလုံးအတွက် …
ကျမရဲ့ ဘလော့လေး ပြန်လည်ရှင်သန်တဲ့ ဒီကနေ့မှာ
ကဗျာလေး တပုဒ်နဲ့ မိတ်ဆက်ပေးချင်ပါတယ်။

ကျမဟာ အမိမြေနဲ့ အဝေးတနေရာမှာ ရောက်နေပြီး …
တချိန်လုံး သတိရ တမ်းတ စိတ်တွေနဲ့ နေရာသစ်မှာ လူအသစ်တွေနဲ့ နေသားမကျခဲ့ပါဘူး။
နောက်တော့လဲ … ကျမဟာ …
ဘယ်နေရာမှာ နေနေ … ဘယ်ရေကိုပဲ သောက်သုံးသုံး … ဘယ်လေကိုပဲ ရှူရှူ …
အားလုံးဟာ အတူတူ … ဆိုတဲ့ အသိတရားတခု ထားကြည့်လိုက်တော့ …
နေရာသစ်ဟာ ကျမအတွက် စိမ်းမနေတော့ပါဘူး။
အားလုံးဟာလည်း ကျမအတွက် နွေးထွေးသွားသလို ခံစားလိုက်ရပါတယ် … ။
ဒါနဲ့ပဲ ဒီကဗျာလေးကို ချရေးမိသွားတယ် ဆိုပါတော့ … ။
ဖတ်ကြည့်ပြီး ဝေဖန်ပေးကြမယ်ဆိုရင်ဖြင့် ကျေးဇူးအထူးတင်ရှိပါတယ်ရှင် … ။
***
ငါတို့ဟာ …

ပြာလွင်တဲ့ ကောင်းကင်
တိမ်မျှင်တွေ ယှက်ဖုံး
ဘယ်မှာဆုံးမလဲ …
တမိုးထဲအောက်မှာ … ။

ခိုင်မာတဲ့ မြေပြင်
ခြေအလျင် လျှောက်သွားသွား
ခိုနားကာ ရပ်နေနေ …
ဒီ ကမ္ဘာမြေထက်မှာ … ။

အေးမြတဲ့ ရေစင်
ပင်လယ်ပြင် မြစ်ချောင်း
ဘယ်လိုပင် ပြောင်းလဲလဲ …
သောက်သုံးရ အမြဲသာ … ။

လတ်ဆတ်တဲ့ လေအလျဉ်
ညင်သာစွာ ဖြတ်သန်းသန်း
ကြမ်းတမ်းတမ်း တိုက်တိုက်
ရှူရှိုက်ရမည်သာ … ။

ဒီကောင်းကင်အောက်မှာနေ …
ဒီမြေပေါ်မှာ လျှောက်လှမ်း
ဒီရေချမ်းကို သောက်ယူ
ဒီလေကို ရှူရှိုက် …
ဒီအခိုက်အတံ့ခဏမှာ …
ငါတို့ဟာ အတူတူ
“လူ” တွေပင် မဟုတ်လား … ။

ကောင်းတဲ့သူ … ဆိုးတဲ့သူ …
လိမ်မာသူ … မိုက်မဲသူ …
ဖြူစင်သူ … ညစ်ထေးသူ …
အားနည်းသူ … အားကြီးသူ …
ဆင်းရဲသူ … ချမ်းသာသူ …
ဒီလိုလူတွေ ခွဲခြားလို့ …
အငြင်းပွားနေမှာလား …
အချင်းများနေမှာလား …
စဉ်းစားကြည့်လိုက်ပါ … ။

ငါတို့ဟာ …
စနစ်တခုရဲ့ အစမှာ
စနစ်မကျ ဖြစ်ခဲ့ရ …
စနစ်တခုရဲ့ အလယ်မှာ
အပစ်ပယ် ခံခဲ့ရ …
စနစ်တခုရဲ့ အဆုံးမှာ
ကျရှုံးသွားခဲ့ရ …
စနစ်တခုရဲ့အောက်မှာ
ကမောက်ကမ ဖြစ်ခဲ့ရ … ။

ဒီလိုနဲ့
စနစ်တွေ ပြောင်းလဲတိုင်း …
ဘ၀တွေလဲ ပြောင်းလဲ …
အနာဂတ်တွေလဲ ပြောင်းလဲ …
အိပ်မက်တွေပါ
အပြောင်းလဲကြီး ပြောင်းလဲလို့ … ။

နောက်ဆုံးတော့ …
နေရာတွေခွဲ … ဒေသတွေခွဲ …
လူမျိုးတွေကွဲ … ကိုးကွယ်ရာကွဲ …
အမျိုးစွဲ အရောင်စွဲနဲ့ …
ငါတို့တွေ ကွဲပြားခဲ့ကြ …
ငါတို့တွေ ခွဲခြားခဲ့ကြ … ။

တကယ်တမ်းက
ငါတို့ဟာ အတူတူ
“လူ” ဆိုတဲ့ အသိတရား
လက်ကိုင်ကာ ထားကြရင်ဖြင့် …
ရင်နင့်စရာတွေ …
အမြင်မတင့်တာတွေ …
ဘ၀င်မြင့်တာတွေအားလုံး …
ပျောက်ကွယ်ပြီးဆုံးကာ …
သာယာတဲ့လောကကြီး
ပြန်ပြီး တည်ဆောက်ကြနိုင်လေမလား …
မှုန်ရီဝေ ၀ိုးတ၀ါးနဲ့ … စဉ်းစားခဲ့မိပါတယ် … ။
***
မေဓာဝီ
၃၀ အောက်တိုဘာ ၂၀၀၇
၁၁း၁၀ နာရီ

Read More...